泰瀾鑊 (北角匯三期)

营业中

休息中

呢期公司比較得閒，😋終於可以同同事一齊食，咁啱去到比較多人，不過最後都係擇係呢度食，講起做左咁耐，都係第一次係度食，今日都算出糧日所以食返好少少，😚呢度既侯餐時間速度都可以，環境上好乾淨，價錢都可接受。（泰鑊小食拼盤）最開心係一個併盤幾個一齊分，呢個併盤都好足料，🎖️包括有春卷，蝦餅，魚餅，雞丸，雞翼，份份都好香口，最好既地方係另外有醬汁，增加風味🎖️（清邁秘制串燒雙拼（雞豬各3串））呢一份串燒都有兩款調味，可擇酸既味道同辣辣既味道，辣味人人都接受到，呢度既雞肉同豬肉既肉質都好鮮嫩，再加上串燒，仲有一份燒烤既味道🎖️🎖️（泰式燒安格斯牛小排）我都覺得我地係食肉獸，🎖️無錯，係無肉不歡，呢碟燒出來既安格斯牛係值得推介既，牛肉味好香，未食已經咁香，呢種做法可以表達到泰式既菜式🎖️

🏆超足料香葉辣椒膏炒藍青口哇哇哇！同名一樣咁足料，青口好大隻，加上香葉辣椒，有一啲刺激既味道，辣味好過癮，下底既醬汁同配料都好有份量🏆蛋網炒金邊賣相好吸引又特別，份量好大舊，外型仲要整到咁靚一個網咁，令我諗起生日蛋糕，好有蛋香，好惹味，味道好濃好正🏆酸辣青檸烏頭酸酸辣辣既味道就岩晒我地一家人食，今日成家人食左超多，佢地都一邊食一邊讚話好食，就連呢一道菜都唔例外，烏頭既肉好正，總知就係好食啦🏆鑊仔黃金咖喱炒大虎蝦黎到食泰國菜式，又點少得食地道既菜式，咖喱跟本就係招牌菜，呢度既炒大虎蝦好新鮮，炒到好好食，虎蝦再加上黃金咖喱，真係非常好食 🏆辣肉碎生菜包生菜包都係我屋企人喜愛，但諗唔到原來咁大碟，咁多既肉碎，味道辣辣地，做得夠入味🏆泰式生蝦刺身/8隻生蝦都係咁好食，連個杯都係凍既，生蝦每隻都好有份量，一口咁食先好食 🏆三色冰呢度既飲料都好大杯，我一個人唔會飲得晒，都係兩人一杯，三色冰好飲，味道又唔會過甜🏆凍奶茶凍奶茶最緊要夠凍，呢杯又唔會有太多既冰，仲有好濃郁既奶茶味，質感仲好絲滑添 

同屋企人睇完戲成家人食飯，今次想介紹嘅呢間餐廳叫做「泰瀾鑊」！我同屋企人叫咗好多個菜式，非常有泰國風味，真係好值得一試！1️⃣辣肉碎生菜包//生菜爽甜包住入面滿滿嘅辣肉碎，確實令人停唔到口。2️⃣酸辣青檸烏頭//酸酸辣辣，加上青檸佢除咗烏頭腥味，肉質仲好鮮嫩。3️⃣蛋網炒金邊//蛋味香濃，賣相都非常吸引。4️⃣超足料香葉辣椒膏炒藍青口//藍青口好鮮甜冇沙，有好香嘅香葉味道仲要有啲辣味，辣嘅程度都惹少，鍾意食辣嘅人一定好滿足。5️⃣鑊仔黃金咖喱炒大虎蝦//黃金咖喱超濃郁，好香咖喱嘅味道，仲有啲蝦好大隻，蝦肉都好彈牙，咖喱汁勁掛汁！6️⃣泰式生蝦刺身//大大隻又彈牙！

前幾日同好姊妹約埋一齊食飯，突然間醒起附近有一間泰國菜餐廳，因為係新開大家都冇試過，但係上網見到個♨️火山排骨又幾吸引，決定為咗食呢個就試吓呢間餐廳！💯辣肉碎生菜包❗️我就最鍾意將超級滿嘅肉碎裝晒落生菜入面，一啖咬落去有滿滿嘅肉碎，而且生菜又好爽甜，整個口感非常豐富。♨️火山排骨❗️火山排骨真係成個火山咁，超級大份haha！雖然係排骨但係都幾多肉，同埋都好入味，酸酸地又開胃，仲有啲蒜蓉香味添。💢炒泰國椰苗（馬拉盞)❗️平時都好鍾意食菜，但係就好少試泰國嘅馬拉盞，食落都幾清甜下。

泰瀾鑊喺北角開左幾個月，每日落車都會經過，今日lunch就專登過左嚟食啦。外觀都內部既裝修都幾好，環境亦都舒服。今日我地就食左《頂級蘭王蛋香葉辣肉碎飯》同《泰式椰香咖喱雞扒飯》。泰式椰香咖喱雞扒飯 $88青咖哩既味道十分香濃，椰汁味清香，整體個汁唔會好辣，送飯食認真一流。雞扒外貌都好靚，之但係雞肉食落十分之鞋口。頂級蘭王蛋香葉辣肉碎飯 $82肉碎同飯既份量都足夠，不過肉碎有啲夠辣同香料既味道略為不足，主要都係食到咸味。蘭王蛋係加分位，蛋味十分之濃，之但係如果煎得香啲會更好。午市套餐大部份野飲都係加8蚊-12蚊左右就有，今次就揀左咸檸檬七喜，夠咸夠凍，大大隻玻璃杯，係爽既。不過午餐價錢偏貴，然後仲有加一。應該只會間中嚟下。

今次係第一次食呢間泰國餐廳但食完同老公都認為可以再去食(*≧ω≦)加上餐廳隔離屋企又唔係好遠可能會成為常客了( ^ω^ )餐廳環境都好舒服，坐位都好闊落唔會覺得好迫！我地有食主食但個人小食好食啲所以淨係介小食吧~前菜當然係沙律啦就係柚子蝦沙律，係一個超清新又開胃嘅沙律↖(^ω^)↗柚子配上蝦係一個幾好組合。另外，叫咗泰鑊小食拼盤 包括有春卷，蝦餅，魚餅，雞丸同雞翼。每一樣都有4件，炸物為主但勝在熱辣辣應該係岩岩整起仲脆卜卜(*≧ω≦)最後係清邁秘制串燒雙拼，就係雞豬各3串。雞肉同豬肉串都好入味但唔會過鹹，都好淋^ ^

◻️酸辣青檸烏頭爸爸係超鐘意食魚所以二話不説就叫咗呢個烏頭比佢食😆泰國嘢當然係酸酸辣辣所以呢個都不例外🤪魚都好大條就算4個人都好足夠食😉魚嘅肉質唔算好嫩但唔老而魚配埋個酸酸汁食真係不錯👍🏻連爸爸都鐘意🤩◻️泰式生蝦刺身/8隻同平時嘅生蝦刺身有少少不同🤓佢係用一個個杯黎分開☺️每一個杯都有一隻蝦再加上醬汁仲有少量辣椒同蒜頭🧄🌶就咁一口食真係好方便😜◻️凍奶茶🥤就係平時泰國會飲到嘅泰國奶茶😗會比較甜啲適合鐘意飲甜嘢嘅朋友!!◻️鹹檸七相信大家都知就係七喜加鹹檸檬🍋個人就麻麻嘅所以呢杯係爸爸嘅😙佢話幾好飲~

餐廳-泰瀾鑊地址-北角渣華道133號北角匯三期地下G7-G8號舖行街行到攰，最想有個地方可以食少少嘢休息下，今次同朋友經過試既呢間泰瀾鑊，我地兩個都極度推介☺️👍🏻泰式生蝦刺身食泰國嘢必叫，一共有八隻。生蝦好新鮮😊好有咬口☺️👍🏻仲叫咗金磚蒜蓉多士。多士炸到脆卜卜，一入口就好大浸蒜蓉味☺️份量好多好足料啊😚一大班人分享嚟食就啱晒😬😬點少得辣肉碎生菜包😬生菜🥬新鮮，辣肉碎份量夠多，食落酸酸辣辣非常開胃，非常滿足☺️👍🏻咖喱方面嗌咗鑊仔黃金咖喱炒大虎蝦同鑊仔椰香青咖喱燒雞扒。虎蝦大大隻，燒雞扒嫩滑，雞肉份量多😝非常好食☺️👍🏻好開心可以咁啱經過到呢間鋪頭😚座位闊落之餘有人流但又唔會好嘈吵，好啱同friend一邊食一邊傾計☺️👍🏻👍🏻👍🏻

朋友介紹話食過呢間唔錯，所以今次專登揸車去食。坐低左拿拿聲叫野食先，朋友發板，就叫左以下呢幾款🤩氹下自己開心又睇得又食得既正野!😋鑊仔椰香青咖喱燒雞扒有賣相又有內涵呀! 青咖喱好香，不過辣味就唔係好夠;燒雞扒本身都有味。雞肉熟度完美，口感非常嫩滑，每一口都讓人感受到濃郁的肉汁和微妙的炭燒風味，唔錯!😋頂級蘭王蛋香葉辣肉碎炒飯有少少似平時打抛豬嘅鑊氣版😂呢個味道有少少偏鹹 唔係好辣。最LIKE佢既大大隻蘭王蛋香！😋金磚蒜蓉多很厚身，中間不是被掏空的，外形如磚頭，每個面都鋪上牛油及蒜蓉，烤個後好香脆惹味😋。內裡柔軟，吃起來非常好吃！樣樣都係泰國一定會試嘅菜式，其實味道好地道，一定會再嚟！

上星期同媽咪行完街就睇吓有咩好嘢食，最後我哋就決定食呢一間🇹🇭泰國菜餐廳！餐廳環境都幾舒適，Menu嘅選擇都好多，平時好少食泰國菜嘅，我哋都覺得每一樣都好吸引😋✨鑊仔椰香青咖喱燒雞扒青咖喱嘅濃稠程度啱啱好，唔會太稀又唔會太杰，青咖喱嘅味道唔算好辣，但又會食到陣陣香料味道，我覺得佢有少少椰香味同雞扒都幾夾，雞扒都好滑嫩入味！✨辣肉碎生菜包就咁食啲辣肉碎都覺得好惹味，但係當然要跟返傳統食法用生菜包住，整體口感又會再更加豐富。✨泰式生蝦刺身泰國菜必食嘅就梗係生蝦刺身，一碟有8隻！生蝦蝦肉彈牙，仲要好鮮甜！真係超級正！

泰鑊小食拼盤🌟小食拼盤都幾多野食，有齊春卷，蝦餅，魚餅，雞丸，雞翼，每款4件咁多，全部新鮮熬辣咁炸起，蝦餅好酥脆，蝦肉又彈又鮮喎，魚餅呢就軟腍啲，但有啲豆魚魚肉口感又幾好，春卷好多餡料，又脆卜卜，雞丸都係好脆，雞翼就好酥香！泰式燒安格斯牛小排✨呢度既燒牛肉認真揼本呀，用安格斯牛小排，特別柔嫩，牛味極重，燒到好脆，但未至於乾身，燒汁好香，點啲燒汁黎食味道更突出！清邁秘制串燒雙拼💫雙拼係雞拼豬，每款3串，都係新鮮即燒，燒到岩岩好，熬辣辣咁食，特別味濃，串燒燒到燶邊先係最好食，再點啲濃烈既沙嗲醬，濃厚既醬準沾滿啲肉，味道無得頂！

心血來潮想食一下泰國菜，經朋友介紹來到北角的一間泰國餐廳，進入場內座好後單點了一些菜款‼️首先是清邁秘制串燒，本身這是一種泰國料理，主要有雞肉和豬肉，每種肉都有三串。味道都很美味，肉質鮮嫩，口感豐富又燒得很香‼️‼️泰式燒安格斯牛小排，這是一種非常特別的牛排，其燒烤方式讓牛肉的風味更加突出，肉質非常嫩，入口即化‼️‼️鑊仔椰香青咖喱燒雞扒是一道口感豐富的菜餚，它融合了椰子和咖喱的味道，再加上用雞扒作主菜，好吃到無得彈‼️‼️最後吃酸辣青檸烏頭，味道非常獨特，酸辣味道，使人好開胃，搭配青檸和烏頭的味道，非常清新‼️‼️

今次揀左食泰國菜，我哋到達時尚早，不用等位，坐低點菜後就開始越來越多人入座。店員仲好好，見有位建議我哋調去卡位坐添，服務好細心！真係好surprise !!!!! 泰式生蝦刺身竟然用shot杯裝住俾大家享用，賣相都好靚😍超級有特色！頂級蘭王蛋泰式鐵板蠔餅外皮薄脆，裏面嘅蠔肉又鮮又多汁，加上啲青檸汁同酸酸嘅魚露，味道好開胃！朋友夸我今晚揀嘅菜好正，真係好開心啊！又係必點之一！鑊仔黃金咖喱炒大虎蝦真係食到唔停口🤤真係個香味沖曬過嚟🤭！ 配飯一流！火山排骨一上枱真係非常矚目 將排骨堆砌成座火山形狀! 超大舊!!!個人本身唔算特別好鍾意食但打卡一流！我D Friend食到讚唔停口！總括食物質素味道幾好，同行朋友都覺得滿意。仲有呢度嘅餐廳侍應服務都好好，全部都好有笑容，好主動幫客人落單，所以我覺得呢一度值得係好舒服！

黎泰國鋪緊係要食泰式生蝦刺身，呢度好特別，係用一隻隻既shot杯去裝住啲生蝦，杯入面浸住啲酸辣汁，生蝦夠晒凍，又鮮又甜，好鮮嫩，加埋蒜片一齊食，辣辣地，夠晒刺激呀！🤪另一係泰國鋪一定要食既仲有酸辣青檸烏頭，烏頭好大條，原條用熬鍋煮熟，原鍋咁上枱，上枱果陣仲係煮緊既，用佐大量既辣椒酸汁青檬去煮，啲酸辣味滲晒落魚肉入面，魚肉唔會好鞋，都幾嫩，好香魚味！🥸黎得泰國鋪仲有一定要食既就係泰國咖喱，我地今次食鑊仔黃金咖喱炒大虎蝦，黃咖喱口味溫和，辣度最低，好重椰奶味，特別絲滑，稀稠程度岩岩好，虎蝦又夠晒大隻，鮮味十足，口感幾爽，有埋麵包或者白飯伴住黎食就妙絕啦！🤗泰國既海鮮都係值得一試既，今次就食佐超足料香葉辣椒膏炒藍青口，青口真係好足料，份量好多，夠晒大隻，隻隻都爽嫩甜美，香葉更帶出青口既鮮，辣辣地，愈食愈惹味！🥵飲品當然都要試，凍奶茶既奶香十足，茶味都好香濃，唔會太甜，茶味突出，好滑好好飲！😀

火山排骨真係一直都好想試但咁大份真係要揾多啲人食先搞得掂😖所以今次就同咗4個朋友一齊食。而排骨大概應該有10舊左右，每一舊都超大而肉都偏多！汁就酸酸地配排骨食完全係好正😍而辣肉碎生菜包係朋友每次食泰國嘢都必叫嘅，但今次呢就偏辣少少，個人唔太食得辣就唔太得了🥵真係要配生菜食先搞得掂~最後仲叫咗個炒泰國椰苗，本身以為係好特別原來係第二個名姐係馬拉盞(◐‿◑)馬拉盞就係普通嘅一碟菜，但食咁多肉真係要平衡一下！