泰瀾鑊 (北角匯三期)

今日朋友約咗去北角食泰國菜，仲一早訂咗枱7:30pm 到達~泰瀾鑊。餐廳門口有懷舊泰國的士可以打卡⋯⋯篤篤車平日晚上，餐廳差不多滿座，好彩預早有訂枱。餐廳戶外地方仲可以帶寵物用餐，十分友善。我哋一入座就免費送上小食蝦片，脆卜卜，好香蝦味泰國進口椰青，$49 美味鮮甜，配串燒非常解渴！今晚叫咗冬陰功湯 （小）$128，海鮮非常足料，酸辣度適中，十分醒胃。柚子鮮蝦沙律$128，柚子份量充足，食後令人十分開胃。期間限定泰式燒厚牛舌，$158真係回味。每口牛舌都非常爽口，一咬即開。清邁秘製串燒雙拼六串 $118雞肉串燒，啱啱好雞肉嫩滑味道鮮甜。豬肉串燒也醃得好惹味，超乎水準。廚師推介：酸辣青檸明爐鮮鱸魚 $228份量超級大，酸辣味道調得啱啱好，仲配多一碗酸辣汁。送飯一流。整體來講，唔使去到泰國都食到正宗泰國菜，泰瀾鑊正是不二之選。…查看更多

北角呢邊屬於舊區，大型商場主要係得港運城同埋比較新嘅北角匯，今日老公揸車怕搵唔到錶位泊，就去咗北角匯搵嘢食～-北角匯呢邊分咗三期，平時去開二期嗰邊食嘢，點知原來三期地舖都有幾間餐廳，今日見呢間泰國菜都幾多人食就入去試吓～-一入座就會上一碟蝦片，食落香口，而且唔係硬脆，好快就俾我清晒😛冷盤就叫咗個泰式酸辣凍鮑魚（$38/隻），size唔算大，但係食落好爽口～-食泰國嘢一定要食串燒同炒菜，今日就試咗雞肉串燒（$108/6串）同埋飛天椰菜苗（$98），串燒燒得夠香而且唔乾，炒椰菜苗夠濃味，配埋冬陰功海鮮炒飯（$128）仲正🤤…查看更多

早幾日約左朋友去食呢間thailandwok，見無乜人就坐低吃。環境就OK的，乾淨衛生，但地理位置就比較偏僻，地鐵站行過去都要10分鐘左右。本身想吃蟹肉炒飯，不過我見到個menu有新野試，就諗住一試無妨。點知就中伏啦，叫左個泰式燒腩仔飯，驟眼望賣相同份量OK。但望多2秒，十舊裡面有五舊腩仔，9成都係d肥豬肉。大佬點吃啊，想同職員換，話食過一舊就無得換。餐飯過80蚊仲要加一，最後食得3-4舊正常腩仔，白飯都無食，谷氣走人，…查看更多

早幾日約左朋友去食呢間thailandwok，見無乜人就坐低吃。環境就OK的，乾淨衛生，但地理位置就比較偏僻，地鐵站行過去都要10分鐘左右。本身想吃蟹肉炒飯，不過我見到個menu有新野試，就諗住一試無妨。點知就中伏啦，叫左個泰式燒腩仔飯，驟眼望賣相同份量OK。但望多2秒，十舊裡面有五舊腩仔，9成都係d肥豬肉。大佬點吃啊，想同職員換，話食過一舊就無得換。餐飯過80蚊仲要加一，最後食得3-4舊正常腩仔，白飯都無食，谷氣走人，以後唔再黎…查看更多

星期日晚上用膳，book咗枱7:30，都要先等一陣先至有得入席。入席後，發現張枱好多污跡，黐立立不過侍應尚算有禮貌，同佢講張枱污糟，都願意即刻拎張濕紙巾俾我哋。嗌咗幾款菜式，個菠蘿海鮮炒飯真係有史以來最難食嘅一個。啲炒飯係濕濕地，黐埋一住，但係重點係好淡味。 旁邊有啲海鮮，唔單止有雪藏味，個青口好腥，蝦就正常一般，魷魚都好腥，而且係乜嘢味道都冇，口感就好似白烚，而且是凍食的。總括而言，其他幾道菜都係一般，回頭就一定不會的了。…查看更多

最近係北角開左間泰國菜🥰新開期間已經好爆場😍緊係趁放工去試下🤩餐廳裝修超有泰國風情🥰我地坐底之後店員已經比左d炸蝦片比我地食😍食落香脆😋不錯嘅餐前小食👍🏻🌸菠蘿海鮮炒飯，粒粒飯香氣撲鼻，炒得乾身唔油膩，菠蘿甜酸味配埋鮮蝦，魷魚同青口，鮮味十足又唔會搶味，啖啖都好有層次🌸蛋網鮮蝦炒金邊粉更加係驚喜之作，金邊粉煙韌彈牙，用蛋網包住，鮮蝦爽口彈牙，炒香中滲出微微辣味，好惹味👍🏻🌸飛天炒通菜用咗蝦醬炒，香氣四溢，通菜保持爽脆，味道香辣🌶️飲品方面，椰青清甜解渴同埋好多水😍🌸甜品芒果黑白糯米飯就係完美句號，芒果香甜多汁，黑白糯米煙韌有咬口，椰漿淋面，香滑濃郁，甜而不膩😆…查看更多

位於北角匯嘅🌟泰瀾鑊🌟，係一家泰式餐廳🇹🇭，閒日晚市室內座位幾乎全滿🛺，頗受街坊歡迎！菜品價錢平，上菜快，味道佳，而且份量都頗足，性價比高👏🏻！🌶️泰式碎貓炒河粉 - 肥牛 $128香辣惹味，份量夠多，夾極都有，最啱成班Friend一齊Share！🛺招牌泰式海南雞 - 半隻 $128雞皮夠嫩滑，連雞胸都係軟腍！冇諗過百零蚊可以咁高質！🐖泰式燒豬頸肉 $118外層少少焦香，入口帶軟身有少少甘香，唔錯！🍻泰象生啤 $38大大杯生啤只售$38，飲啦！🍵泰式凍奶綠 $38供應多款泰式飲品，連奶綠都有！…查看更多

📍商場嚟講都算幾有特色嘅泰國菜，出邊會有部篤篤俾人打卡，裝修都好有泰國嗰種度假風情幾chill，一入座仲有蝦片送。招牌嘅泰式海南雞($128)叫咗半隻，雞髀同雞胸已經去晒骨啖啖肉，個肉質都好滑又軟腍腍。比較surprise係底下嘅椰菜，通常都係生椰菜，都冇咩人會食😂但係佢呢度係調好味同烚咗嘅椰菜！索埋啲雞油好好味，真係成碟菜都清晒。燒安格斯牛小排($158)真係招牌必點！燒得啱啱好，外皮仲係好脆口有少少焦香，仲有佢個燒烤醬調味得好夾。炒粉麵其中分咗乾炒同濕炒，試咗乾炒金邊粉($118)，可以肥牛/雞肉/肉碎/海鮮四揀一，揀咗海鮮，入邊有蝦、魷魚同青口等，仲有好多芥蘭同埋雜菜，炒得幾乾身唔係好油。燒菠蘿($38)好juicy必點，酸甜多汁食食吓拎嚟解膩都幾正。…查看更多

放工都會路過的餐廳，常常被他門外的篤篤車所吸引，好有特色，終於有機會來品嚐一下他家的泰國菜。將修比較簡單直接，籐編吊燈，籐編櫈，充滿了南洋風情。入座就先送上了一碟炸蝦片，第一碟免費的，好脆好香。我們兩個吃剛剛好，不夠也可以加點。✴️泰式蟹内炒飯 $128非常清新的炒飯，上面鋪了滿滿的蟹肉絲，炒飯乾爽，粒粒分明，原全沒有一般泰國菜的厚重感。✴️鑊仔黃金咖喱炒藍青口 $158泰式辣蟹炒法，底座用火養着，黃咖哩加了蛋液，醬汁非常濃郁，濃稠度我覺得高了，不過就挺掛汁。味道不太辣，藍青口的口感幼滑，配上黃咖哩汁，鮮味十足。✴️香茅雞翼6件 $88香茅雞翼可說是泰菜必點，雞翼Size 不太大，不過炸得非常酥脆，點上泰式酸辣雞醬，非常惹味。✴️龍眼冰 $38龍眼冰比較柔和的一款泰式特飲，大大杯。✴️鮮青檸梳打 $38如果有這杯選，是我必點的選擇，象牌梳打水，自己倒，特別有儀式感，夠氣又解暑。總結，來Openrice 才知道他的中文店名，小心不要讀歪🤭。裝潢及食物出品都好正宗，而且有的菜式味道不會好刺激，不太吃辣的都可以來享用美食。…查看更多

《精緻文青泰菜 🇹🇭》———————————————-#泰瀾鑊 😌-朋友推介咗呢間位於北角嘅泰國菜餐廳，木質裝潢同裝飾環境充滿了泰國風情，性價比高，價枱親民，好適合同朋友或者屋企人嚟食開心share🤩-🌴 黃金咖喱軟殼蟹呢個係泰菜經典係必食嘅，咖哩嘅香味十分濃郁，軟殼蟹有成3大隻，肉質鮮嫩，一啲都唔油膩，炸得酥脆🦀咖喱非常出色，唔洗驚辣，充滿椰香甜味，口感特別幼滑😙-🇹🇭 泰式蝦醬炒飯炒飯食得出係即叫即炒，熱辣辣香噴噴，蟹肉份量都唔少，炒飯炒得好乾身，蝦醬味道突出，口感層次豐富🦐-🐓南薑椰奶雞湯一上枱就覺得香氣撲鼻，湯底充滿椰香，質地幼滑，略帶微甜，非常開胃😝裡面有雞肉同香茅等，配料豐富☺️-💰參考價錢：泰式蝦醬炒飯：$128黃金咖喱軟殼蟹：$198南薑椰奶雞湯：$128🍌 抵deal 指數：7/10…查看更多

呢間餐廳裝修好有泰國特色 ， 決定試下佢。座位都舒適寬敞。 一坐低。 店員就送上小食香脆蝦片， 非常香脆 。 泰式椰香青咖喱 香茅燒雞扒 — 濃郁椰香香青咖喱味，微辣。雞扒好厚又大份仲已經切件 ， 外皮微脆，肉質嫩滑唔會乾 。香辣豬頸肉生菜包 — 成盤豬頸肉超多。 皮脆肉嫩多汁 邊邊仲有微焦，特別香脆，辣度都足夠 ， 生菜新鮮清脆 包豬頸肉一流， 又解膩 。 馬拉盞炒通菜 — 馬拉盞的辛辣香提升左成個菜嘅味道， 鹹香又有少許辣開胃。柚子鮮蝦沙律— 柚子鮮甜清爽開胃，配新鮮大蝦，爽脆腰果加埋炸蒜片，多種口感， 都非常豐富…查看更多

泰瀾鑊 Thailand Work先上蝦片好食香茅燒雞扒泰尼尼 $68menu 寫全港首創Thainini 好特別, 本身都幾鐘意panini 就試. 雞扒煎香都幾嫩, 如果香茅味可以再重點就好. 仲夾有lettuce 都幾新鮮. 呢度panini 同認知嘅唔同, 個包好似餅咁脆.泰式燒豬頸肉沙津 $78豬頸肉燒得香嫩, 正. 下面普通salad選左香辣沙津汁帶微辣以上2個餐可加錢叫小食$24, 比散叫抵好多而量都唔算少鳳爪夠酸辣惹味, 袐製串燒豬個沙嗲醬唔錯. 串燒本身都好入味唔點醬都得套餐仲可以優惠價叫野飲, 心心眼椰子芒果沙冰, 但！店員話壞左... 好彩另外叫椰汁冰同咸檸7都唔錯原本想試埋egg waffle 甜點, 又係可轉套餐優惠. 但waffle機壞左.泰式炸蝦餅 $98共8件量都唔少. 炸得金黃, 外脆彈牙好食泰式醉貓炒河 $128可選肉/海鮮. 唔夠鑊氣, 食落偏油. 叫左辣無辣海鮮料少, 建議order 其他. 除左呢碟其餘都滿意嘅除左今次去北角, 元朗都有鋪…查看更多

今日去咗北角搵阿姨食晚飯，佢今次帶我去咗佢成日去食嘅泰菜😝清邁秘製串燒拼盤雞肉燒得啱啱好，肉質嫩滑，外層微微焦香☺️豬肉就比較實淨，但唔乾仲有啲肉汁添😋蛋網鮮蝦炒金邊粉蛋網包住炒粉，賣相幾靚，蝦爽口彈牙🍤炒粉唔油膩，調味有微甜中帶少少辣，唔會太濃，食落有層次感🤩香茅雞扒沙律配泰式沙律汁雞扒燒得香口唔乾柴，雞皮仲燒到微微脆身😚泰式沙律汁酸酸地，幾醒胃，配埋生菜，食落清新又解膩🥬另加$24 迷你芒果糯米飯份量唔多，但芒果夠甜，糯米飯煙韌唔黏牙，椰漿唔會太膩❤️泰式凍奶茶最經典嘅泰奶口味，茶味夠晒突出😌青檸梳打青檸梳打就清新解渴，配串燒一流🥰…查看更多

北角匯寵物友善餐廳門口有大大架督督車🚜寵物們定人類都可以任打卡唔嬲💙餐廳主打泰國菜，佢地嘅lunch menu都係最抵之選😍😍船麵同牛腩飯都非常正😋😋仲要包一杯餐飲，份量都算大份，而牛腩更加蚊得岩岩好，淋身唔硬👏👏雖然有埋主子們只可以坐outdoor，但寵物友善餐廳已經賣少見少，大家都要好好珍惜💛💛仲要大大力支持‘’寵物經濟”，希望大家都可以係禾地ig story 花1分鐘時間打幾字隻支持“寵物經濟”有大家支持‘’寵物經濟‘’就會更快通過👏👏👏…查看更多

這次用餐體驗令人失望，儘管員工態度尚可，但整個運作流程和食物質素均存在問題。即使已預先訂位，仍需等待 20 分鐘才能入座，入座後點餐也十分困難，花了 15 分鐘才成功下單。然而，點餐後等待了半小時仍未上菜，多次催促後，食物竟然在訂位時間足足過了一小時才送達。更令人不滿的是，第一道菜上菜後 10 分鐘，才有職員通知某道食材缺貨，顯示出漏單的問題，管理極為失敗。此外，食物質素未達預期，味道平庸，與價格不成正比。其中，叫了串燒，豬肉口感偏乾，不夠嫩滑且略顯柴口，缺乏應有的肉汁與香氣，令人感到失望。同時，其他菜式的調味亦未見突出。烹飪蔬菜方面亦有待改善，部分蔬菜過度烹煮變黃，影響整體食用體驗。這樣的流程不僅浪費顧客的時間，也降低了整體用餐滿意度。若餐廳無法提升其營運效率和食物品質，恐怕難以讓顧客再度光顧。不推薦此餐廳，除非它能大幅改善服務流程和菜式水準，以確保顧客能夠享受順暢而高品質的用餐體驗。希望餐廳能正視問題，並進行必要的改善，以提升顧客滿意度。…查看更多