泰濃麵 (樂道)

营业中

休息中

在尖沙咀返左3年工近排聽聞樂道有間泰濃麵係必試之選既然屋企成日都不煮飯就不如今日食埋先返屋企我就揀左個中等價錢既頂級安格斯牛肉冬陰功湯當中仲可以揀河粉、金邊粉、薯粉、黃麵、湯飯薯粉都幾索湯底個味~~蟹柳、蝦、青口、菇等等，完全係泰國冬陰功材料、香料同味道真係飲到不停口，辣辣地少少酸，好開胃仲要頂級牛肉係半生熟，係用左湯底既熱力浸到全熟所以好正、好嫩滑個薯粉索曬個湯底既味，好濃湯底加曬分泰式小食拼盤 $68泰式炸蝦餅、炸雞翼、炸芝士雲吞雞翼非常香脆，裡面係仲好JUICE最正既係個炸芝士雲吞個芝士好軟綿綿，但個外層係脆卜卜的雲吞皮仲正過普通的炸雲吞，芝士個種質感好食過肉類炸蝦餅好似水泡圈咁啖啖都有蝦肉，明顯地見到一粒粒的蝦肉

今日放假到尖沙咀shopping，天氣非常熱，行到攰攰哋，我們便到泰濃麵吃碗船粉。平日下午二時都坐了不少客人，看來這裏很受歡迎。餐牌上主要有船湯、冬陰功湯和清湯三種湯底，可以選擇後自行配搭河粉、金邊粉、薯粉和黃麵等。我們叫了餐牌上推介的頂級安格斯牛肉船金邊粉$88，安格斯牛肉，重牛味又不會太肥膩，旁邊還有炸得香脆的豬皮，魚蛋、蘿蔔和秋葵。一吃之後配上濃郁的湯，相當美味可口，果然有一定的水準。手撕雞髀肉清湯金邊粉$68，湯底清甜味美，味道好吸引，但也不會太重味精， 吃完也不會口渴，配上手撕雞、蘿蔔、秋葵和魚蛋，有口感又夠美味，真是一個不錯的選擇。泰式炸蝦餅$38，新鮮熱辣炸好，金黃香脆，軟身彈牙兼大大件，好好味，還有幾片美味的蝦片伴碟，真是越吃越喜歡，既好味又抵吃。炸雞翼$38，一碟有四隻，大size的雞翼炸得肥美超靚，外皮夠脆又不會過火， 雞肉仍然保持嫩滑，點上泰國甜酸汁一起吃，正!跟餐叫了一杯泰式青檸梳打特飲，只是加$18。梳打加青檸，點只係解渴咁簡單，在酷熱天氣下飲用，簡直透心涼。這裏的食物真是很好味道，加上價錢大眾化，地點又很就腳，所以唔怪得泰濃麵這麼多人捧場。

記得同朋友去泰國食過船麵，回來後好懷念因爲湯底好味，令人想翻尋味。而家唔使去九龍城，都食到正宗的船麵，尖沙咀呢間泰麵濃位置十分方便，呢晚睇完戲就去樂道呢間泰濃麵。頂級安格斯牛肉船麵$88這裡湯底有船湯，冬蔭公和清湯選擇。當然我選了最懷念的船湯底。另外想不到泰國船麵會有安格斯牛肉咁高質食材。片片牛肉厚薄剛好，來的時候還是半熟粉嫩的。這安格斯牛肉只需輕輕放在熱湯中幾十秒便可吃，味道濃郁，肉嫩無比，滲了船麵濃而不過咸的湯底，真是天衣無縫。配菜還有爽彈的魚蛋，清甜白蘿蔔，以及炸豬皮，非常脆口，口感豐富。麵底這裡也有幾款選擇，粉麵飯也有。個人喜愛金邊粉，滲了船麵湯更添滋味。黑豚肉船麵$68朋友點的豚肉船麵 ，黑豚味道不會蘇，肉質軟嫩及肥瘦適中。不吃牛的 選豚肉就沒錯了！泰式小食拼盤$68（各2件）有炸蝦餅：基本上唔會輸，蝦膠肉很爽彈，最好是炸得不會過火，味道不咸，配酸甜醬一流。炸雞翼：亦無得輸 ，但稍為欠泰式味道。炸芝士雲吞：頗特別，炸雲吞皮包著淡淡芝士，蘸上酸甜醬，增添美味！龍眼冰 $28去食泰國野都會必點龍眼冰，龍眼冰滿滿大大粒龍眼肉，味道清甜又好解渴！有炸豬皮賣，送麵來吃不錯啊！

一向都好中意食泰國船麵的我，一直都有留意到有尖沙咀有呢間泰國船麵，但一直未有機會黎試，今次夜收工，又唔想食太多野，所以就黎試下！頂級安格斯牛肉船湯河粉($88)，泰國船麵湯底濃味，有點像藥材的味道！安格斯牛肉都有2-3片，牛肉味都幾濃！除了有牛肉，配料還有白蘿蔔、魚蛋、炸豬皮等！魚蛋都幾彈牙，白蘿蔔亦好清甜！而且揀選了河粉能吸收湯的味道！雞脾肉冬蔭功湯金邊粉($68)，呢度既湯粉都幾足料，雞脾肉有好多，而且肉質都幾滑！除了雞肉，還有冬蔭功湯的蝦、青口和蟹柳！冬蔭功湯酸酸辣辣，好醒胃！龍眼冰($28)，龍眼冰有好多龍眼肉，飲落唔會太甜，幾潤喉！青檸梳打($28)，梳打水係泰國那款樽裝梳打，可以俾你自己倒落杯中，所以飲飲下都有2大杯可以飲！

Lately I get addicted to Thai boat noodle soup. Came to this restaurant in Tsim Sha Tsui for lunch and found their boat noodle very good. The soup tasted so delicious and I love it very much. The beef was very tender and juicy. Also on top of the noodle. there was some deep fried crispy pork skin which was tasty. Overall speaking, the food quantity was great. The price was reasonable as well. Highly recommend this to all Thai boat noodle lover!

依排香港既泰國船麵店愈開愈多，每次滿心歡喜以為可以係香港食返泰國正宗味道，但食完一間又一間，每次都失望而回，不過今次終於無令我失望了！餐廳無咩特別裝修，但感覺乾淨，嗌左碗美國頂級肥牛船湯配河粉、青檸梳打仲有雞翼同蝦餅做小食，唔洗十分鐘就已經上哂菜，個湯一飲落好濃味，真係有泰國既味道，肥牛熟度啱啱好，咬落夠腍，每碗船麵仲配埋炸豬皮、通菜、秋葵、墨丸、魚蛋同埋白蘿蔔，炸豬皮夠脆夠香口，白蘿蔔亦夠入味夠甜，河粉食落就唔算太煙韌彈牙，少少扣分位。整體黎講水準好高，每樣配料都恰如其分，重點都係個湯底夠濃，香港黎講算係少有！

一直也很喜歡泰國這個國家，船麵在泰國就如香港的雲吞麵一樣，同樣出名，而這股熱潮吹到香港先來一杯青檸梳打，用上泰國的玻璃瓶梳打水，解喝頂級安格斯牛肉船麵，半生熟的牛肉最吸引，牛肉味在口腔內徘徊，船麵還跟上炸豬皮(要襯快享用，否則變淋)，魚蛋，秋葵及蘿白，配料非常足炸豬皮份量都好多頂級美國肥牛冬陰公湯麵，這款配料有蟹棒，蝦及青口，這裡的湯麵底，可在四款麵中選一款，或者是選湯飯湯底好香濃，拍得住出面冬陰公湯的一樣金邊粉份量多，一定夠填飽個肚泰式炸腩仔，份量同樣好多，每件能分成一口一件，炸得好香口，唔油，肥瘦比例平均，$48一點也不貴每檯都放了泰式辣椒粉，酸汁等醬汁任意添加

難得今日唔係公司和同事去左尖沙咀做野可以係尖沙咀食lunch😋本來想食米線但搵左陣都唔見食開個間唔通搬左?!🤔天氣又熱 行到熱辣辣而且都快2點🕑就隨意係樂道搵間餐廳啦就係呢個時候見到"泰濃麵"個名咁得意🤨而且泰國野我啱食呀就入去試下啦雖然就完午飯時段但餐廳都坐滿人好彩唔洗點等就有位繁忙時段需要搭檯"泰濃麵"主要食麵有船湯 冬陰功湯 清湯🍲我又俾冬陰功湯吸引叫左"頂級美國肥牛冬陰功湯配薯粉" $68點完餐好快就送上湯麵但就咁睇好似份量同牛肉都唔係好多😶薯粉就未散開一舊咁浸係湯度味道都ok 有冬陰功湯味👌但唔算好濃好酸辣而且$68食碗麵好似有點少貴可能身處尖沙咀鋪租的成份佔左唔少🤓

呢幾個星期香港發生咁多事情, 都冇咩心情去街, 適逢放工後要出尖沙咀買BB 野, 緊要食埋個晚飯先返歸啦。係isquare  行左陣都搵唔到想食既餐廳, 就落地面睇睇, 發現到有間泰國麵店, 平時行呢度都唔覺眼架喎, 又唔使排隊, 決定入去試試。一入到去, 老闆態度好好, 叫我地搵到位就坐。檯與檯之間唔算迫, 冷氣又夠, 坐得幾舒服。MENU - 主打泰式沙麵, 有3 種湯底, 仲有唔同既小食&飲品..以呢個地段來說, 價錢算大眾化。頂級美國肥牛船麵 (金邊粉, $68) - 本身唔知咩叫船麵, 哈哈, 之後GOOGLE 先知, 原來係泰國平價食物。湯底望落去雖然好深色, 但出奇地完全唔咸, 而且幾鮮味喎! 配有肥牛, 炸豬皮, 好彈牙既魚蛋, 白蘿蔔。黑豚肉船麵 (金邊粉, $68) - 同上面一樣只係轉左黑豚肉, 不過坦白說, D 肉唔算非常突出。泰式炸蝦餅 ($38) - 好味, 呢個價錢好抵。食物上得好快, 好快食完但因為好累就繼續坐左陣, 全程食左45 分鐘左右, 最好就係唔會趕人走, 所以下次黎TST 會再ENCORE !

今日，誤打誤撞經過泰濃麵，門口有個餐牌，睇一睇，原來呢間主打食泰式粉麵，岩晒唔想食得太full既我。🤩入到去，以圓木枱為主，左手邊有卡位，牆身仲有一啲充滿泰式風情嘅畫，仿如置身泰國水試市場咁😄睇睇餐牌以粉面為主，湯底🥣有分船湯、清湯、冬陰公湯，我比較少食泰國湯麵🍜，唔知咩叫船湯，問過之後，原來係豬血、豬骨、黑胡椒等等熬出黎，清湯就係用雞熬出黎。至於粉麵選擇都好多：河粉、金邊粉、薯粉、黃麵、湯飯。安格斯牛肉🐮船湯金邊粉至於呢個安格斯牛肉🐮船湯金邊粉，味道都唔錯，因為係用🐷豬紅、豬骨等煲出嚟，而且有少少黑胡椒嘅味道，味道10分好吃，而且呢個湯底會配埋炸豬皮、魚蛋， 10分抵食黑豚肉冬陰公湯金邊粉呢個冬陰公湯好香，而且裏面有好多料，例如：青口、大蝦🦐、菇類🍄等等冬陰公湯味道很好，酸酸辣辣十分開胃，感覺仲好抵食添，因為出邊一碗冬陰公湯都要賣緊約$80不等，但係我$68可以飲到冬陰公湯之餘，又有黑豚肉、同埋金邊粉，簡直一舉兩得😋啱晒三心兩意嘅朋友。烚通菜通常食晚飯，我都鍾意叫一碟菜🥬，呢度就有生菜同通菜嘅選擇，我哋就揀咗通菜，呢度嘅通菜好新鮮，而且份量亦都好多，亦都冇乜油份，所以食落去都非常健康

這天跟男友看過電影就在附近覓食啦！看到「泰濃麵」的名字就覺得很搞笑，剛好又泰菜癮起，就進去去試試是否真的「泰」濃味啦 哈哈！我們被安排在卡位非常舒適，而且環境很乾淨！ 餐廳內播放著很易上口的泰文歌，頓時彷如置身在泰國街道一樣。我二話不說就選好了這個推介的頂級安格斯牛肉船麵，看到濃濃的船麵湯底和聞到陣陣濃郁的香氣就已經垂涎欲滴了！ 初嚐一口船湯，味道相當濃郁，充滿牛味而且咸度剛剛好！ 好聰明的選了金邊粉，因為麵質比較軟稔煙韌之餘，亦更能吸收湯汁精華！船湯麵的配料也很豐富，頂級的安格斯牛的肉質的確高質，入口軟稔帶少許油脂，而且牛味很重！牛肉上面大量的蒜蓉也令整個麵非常惹味！除此之外，還有炸得香脆但不油膩的豬皮，浸在船湯中又變得煙韌很好吃！ 還有秋葵、白蘿蔔和魚蛋等等，整體而言非常滿足！而男友偏愛冬蔭功的酸辣，當然要一試這個黑豚肉冬蔭功湯麵！同樣的一上菜就香氣四溢，冬蔭功湯的椰香和香茅味很重，同時帶少許微辣，整個湯底非常惹味！除了爽口軟稔的黑豚肉外，還有鮮蝦、青口、野菌作配料，非常驚喜！ 金邊粉的份量很多，盡情吸引了冬蔭功湯底，酸酸辣辣的很開胃，讓人一口接著一口！兩隻餓鬼還點了個泰式小食拼盤

自從半年前在曼谷吃過後就很想再吃，可惜香港還不算十分盛行。在i-square 旁的樂道，以平民食肆為主，其中一間主打泰國船麪 - 泰濃麪。除了船湯，也有清湯和冬陰公湯揀；粉麪底都有五個選擇 - 河粉、金邊粉、薯粉、黃麪和湯飯。在泰國食船麪，會是細細碗；這舖就變成大大碗，可以一次過食飽飽。裝修方面有點懷舊，尤其是紙皮石的地板，更添感覺。黑豚肉清湯 配金邊粉（$68）當日男友有少少作感冒，所以叫咗碗清湯。除了豚肉，仲有魚蛋（打得唔實又彈牙）、蘿蔔和秋葵。薄薄的黑豚肉容易咬開肉腍，不錯。頂級安格斯牛肉船湯配金邊粉 ($88)船湯很深色，非常香濃，而且肉味都幾明顯。牛肉上枱時還有少少紅，不過湯夠哂熱，鍾意熟d燙多陣就全熟。 牛肉肉味夠濃，有咬口不過唔靱。除咗魚蛋、蘿蔔同秋葵，仲有炸豬皮 (Q彈Q彈)。泰式炸蝦餅 ($38)蝦餅有三件，炸得唔太油膩，蝦餅中間有個洞仔，外形有D似冬甩XD  非常厚身彈牙，厚到似壓扁咗既大蝦丸~另外有兩塊蝦片亦好脆!泰式香茅班蘭梳打特飲 ($28)見到呢款飲品感覺好特別就叫咗。香茅班蘭+糖水一杯，梳打水一瓶分開上。將梳打水倒落杯第一口香茅班蘭味好出，非常清涼的感覺!

泰國船麵係我每次去泰國必食之一係香港如果有一間好食的當然唔可以錯過係尖沙咀有日見到有banner話泰國船麵就試一試二人行叫左2碗船麵 同2個小食肥牛船麵😀湯底唔算好濃 但好夠味道👍🏻麵類可以揀河粉 米粉 檬粉 薯粉送的類別除左有秋葵 仲有魚蛋不得不提一定係炸！豬！皮！就算係湯入面浸淋左都好好食真係好有驚喜💛💛另外兩個小食 炸雞翼同炸蝦餅兩者都係正常但雞翼唔油無雪味 重點推介竟然色炸蝦餅隔離個兩塊蝦餅薯片如果唔太中意食船麵好濃好結湯底的不妨一試呀😀

其實我真係好鍾意食船麵，之前去泰國食細細碗差不多會食20碗。依家見到香港開咗愈來愈多船麵鋪頭真係好正。呢間泰濃麵係上次朋友食完覺得好好食於是介紹我來。我叫咗個頂級美國肥牛船湯麵，一上台見到好濃的牛湯，香噴噴。我轉咗薯粉，佢呢隻薯粉口感似粉絲，食落都唔錯。牛肉索晒湯既味道，好入味。原來入面仲會有兩粒彈牙魚蛋同埋泰式炸豬皮，係我好鍾意既炸豬皮呀！好香。湯底方面係甜甜地加埋牛肉淆製而成既濃湯，睇得出有心思。朋友叫咗黑豚肉冬陰公湯河，見到佢碗野勁豐富，仲有蝦同青口添呀。佢絕對係一個冬陰公海鮮湯配上黑豚似的麵，味道係偏酸，辣又唔算好辣。佢啲料仲足過啲麵，基本上食晒啲料都飽咗一半！炸蝦餅都好有驚喜，好彈牙，旁邊仲配上蝦片，呢隻係泰式蝦片好香脆同埋小小甜～泰式鳳爪其實係香港先有，泰國本地無呢味小食。我鍾意佢撈得夠辣同埋酸，好開胃。

尖咀又搵到好野啦～食午餐必食推介～如果係尖咀附近返工既人下午茶去就最低食～我哋叫左肥牛船湯金邊粉、肥牛冬陰功湯薯粉、小食拼盤(2x 雞翼，蝦餅，芝士雲吞)、龍眼冰～其實都係簡佢豬牛雞調唔同既湯唔同既麵底～選擇唔算太多～不過就係夠專～湯底真係正～兩款湯都好燶～冬陰功湯比較酸～不過我都鍾意唔算好辣～船湯超濃～超正～小食炸野都正常～炸蝦餅最GooD～野飲都算正常～環境:其實都算舒服～不過唔算太乾淨食物:總括黎講中上～價錢當然都係中上啦總括:要試～可以再Encore～