泰濃麵 (樂道)

营业中

休息中

夜麻麻未食飯唔知食啲乜野好經過見到呢間船面好似好吸引咁 我見佢有龍蝦濃湯海鮮船面 但有啲貴我真係食唔起 於是我就食咗個好普通嘅船面 唔知咩安格斯船面 呢個船面話就話係牛肉船面但係佢又有魚蛋又有蘿蔔又有豬皮又有秋葵 我覺得咁豐富種類咁多嘅一碗麵令到我真係覺得好開心好滿足 另外我仲帶咗兩個小食就係炸蝦餅同埋炸腩仔個炸腩仔有啲似豬頸肉但係比起豬頸肉多少少肥肉但係一啲都唔油膩另外個蝦餅真係需要讚下 平視我其實唔係咁鍾意食蝦餅因為覺得又乾又熱氣 但你地都睇到張圖入邊嘅蝦餅係圓咕碌成粒冬甩咁 咬落去一啲都唔乾 厚德黎個大細又啱啱好 入邊真係唔乾但係又啱啱好咁我覺得大家真係可以去試吓佢個蝦餅 雖然我好鍾意去泰國玩 但真係好少咁鍾意食香港嘅泰國嘢

近年好似愈開愈多船麵，一般船麵都相對細碗，所以以今晚想食個輕型晚餐就唸住岩曬啦。其實本身係比餐廳既門口吸引，幾有心思既裝潢，同埋目測入面都幾好坐。由於店員出埋門口嗌我地入去試下咁就真係試下啦😂講返佢既麵有五款揀 - 河粉、金邊粉 、薯粉、黃麵同埋白飯。湯底就有船湯、冬陰公同清湯選擇。今次無試到貴價既飛驒和牛同埋龍蝦，只係揀左平民價錢既餸料。另外提提六點後需要加一服務費，不過店內員工都非常有禮的。🤗黑豚肉船湯薯粉 ($68)🥢先講講個湯底，係食得出個船湯足料淆出黎，豚肉份量都好足，仲有肉丸，我鍾意既秋葵。不過薯粉係幼薯粉黎，本人比較好粗薯粉，整體好食。雞脾肉冬陰公湯金邊粉 ($68)🥢其實一心以為冬陰公係得個湯底，最多係加隻蝦，但黎到係除左原隻蝦一隻、青口、蟹柳、菇呀咁，配料足到咁，不過反而雞脾肉係有啲榎既，不過反而主角係冬陰公。總結係原本唸住食個輕型晚餐，但份量就唔係好輕型👍👍

[📍香港篇🇭🇰] 黑豚肉冬陰公湯金邊粉、頂級美國肥牛船湯河粉[📍Hong Kong🇭🇰] Kurobuta Pork Pad Thai with Tom Yum Soup; U.S. Sliced Beef Flat Rice Noodles with Boat Soup泰國野食泥食去都係食咖哩真係食到悶🤦🏻‍♀今次食下D粉麵🍜最出色莫過於個湯底💕 不論冬陰公湯或船湯都係好好味🤤🤤 全部湯底都好濃，每條麵都沾滿濃湯想唔好食都難😚😚 如果唔中意食辣，就可以揀船湯一樣好好味😁 不過食泰國野都係酸酸辣辣最好食，又開胃😝 環境就好似普通茶記，一坐低已經有職員好貼心咁拎左杯滾水幫你浸下D餐具殺殺菌，呢個都係一個加分位✅$68一碗麵另收加一服務費💸 如果再揀D貴價D既料就會過百蚊一碗麵了~ 不過講到尾我都係中意佢個湯底，咩配料都冇所謂🙈🙈

過開來尖沙咀，就緊係要食埋晚餐先走。飯就食得多，今次就搵間食麵既餐廳先。行到樂道附近，見到一間食泰式的船麵，一於試下！餐廳既裝修好懷舊，有港式的泰國味道。牆上還有很多美味的食物圖片，好吸引啊！餐牌好簡單，主要係有湯底、配料及粉麵飯的選擇，另外還有小食、甜品及野飲。今次我同朋友叫左：青木瓜絲沙律呢個係一個開胃的小食。木瓜絲有口感，好爽口。另外入面有生豆角同埋花生碎，辣度算一般，但辣得過癮！ 頂級美國肥牛船湯配薯粉入面配料除左有肥牛外，還有魚蛋、蘿蔔、炸豬皮。雖然係美國肥牛，但是一點也不馬虎，肥牛牛味十足。魚蛋爽口彈牙，但我至中意的就係炸魚皮，香脆可口。另外船麵濃湯果然名不虛傳，勁香濃。第一次食船麵配薯粉，薯粉是幼幼的，滑身彈牙，可以索曬濃郁的湯底，正！頂級安格斯牛肉冬陰功湯配薯粉呢碗材料都十分豐富！有安格斯牛肉、蝦、蟹柳、秋葵、蘑菇、芫茜等等。冬陰功湯底酸酸辣辣的，夠曬正宗，愈吃愈爽。安格斯牛肉口感軟熟，上菜時是半熟的，之後慢慢用湯底熱熟曬！最正都係薯粉吸曬D湯底~泰式香茅班蘭梳打特飲好香香茅的味道，飲落好fresh，梳打可以解渴！泰式龍眼冰特飲勁多龍眼，飲完可以食埋D龍眼~下次想食豪華

驚喜極濃湯底泰國船麵！泰濃麵。尖沙咀iSquare後面樂道有間專食泰國船麵嘅餐廳，合理價錢配合好品質，性價比十分高！黑豚肉船湯金邊粉 ($68)。落單有少少食車仔麵嘅感覺。選擇一款餸，一個湯頭，同粉麵飯。黑豚肉大塊唔孤寒，肉質不錯，無雪味。船湯湯頭十分香濃鮮甜，同時帶有微辣，令人一試上癮。伴隨船湯有炸豬皮，超級香口香脆，連同湯一齊入口，層次感十足！仲有魚蛋、蘿蔔等！68蚊配料充足，用料優質，性價比十分高！

今天與好姊妹相約，幫忙提供一些意見，為她的新住所挑選傢具，經過一番折騰，大家都餓了，想簡單地吃些麵食，我們便挑選了泰濃麵。雞脾肉船湯河粉除了主菜雞脾肉配料還有魚蛋、白蘿蔔、炸豬皮、秋葵，用料相當豐富，雞脾肉新鮮嫩滑，魚蛋彈牙鮮美，白蘿蔔軟腍入味，炸豬皮香脆惹味，秋葵新鮮爽口，湯底香濃美味，河粉彈牙滑身，十分適合喜歡濃湯的人士。飛驒和牛船湯黃麵湯底加入豬血，色澤呈深啡，味道濃郁鮮甜，和牛是生上的，靠熱湯浸熟牛肉，和牛油脂分布均勻，口感嫩滑，肉味濃郁，入口即融，配料有豬肝、炸豬皮、白蘿蔔等，豬肝新鮮爽口，炸豬皮點香口美味，白蘿蔔鮮甜入味，黃麵口感煙韌，掛湯力強。炸芝士雲吞使用雲吞外皮包著忌廉芝士，外皮炸得薄脆咸香，芝士奶味濃郁，整體香脆惹味，配襯的組合。總結而言，食物質素新鮮美味，環境乾淨簡約，是與朋友吃飯的好地方，喜愛濃湯及麵食的人士不妨試試。

位置在國際廣場後門對面，經常去泰國的我，這一間的船麵湯底不錯，但没有泰國的濶粉條，比較可惜！今次午餐點了黑豚肉配船麵湯底，內有黑豚肉三片、魚蛋兩粒、豬肉丸一粒、蘿蔔和炸豬皮，收$68。另外炸雞翼一客4隻($38)和青檸梳打1柸(加$18)，結帳$124。以這些食物來說有點貴，但也不妨一試！

泰濃麵船麵就係其中火熱食物。好講求湯底味道。頂級安格斯牛肉揀咗薯粉，幼身好易食份量算係幾有誠意，質素亦唔錯，成件事幾有驚喜。竟然仲有秋葵，絕對唔姑寒，豐富哂整碗麵既層次。最後要大讚係保持到正宗口感，夠哂滑溜，呢個價錢絕對抵食！牛肉都算比較高質，浸得耐都依然好食。除咗牛肉，值得一提嘅係船麵面頭嘅炸豬皮口感好脆泰式青檸梳打特飲梳打特飲分開上。青檸解渴同消滯，攪勻個底仲會有甜甜既口感，飲落幾清新爽口。第一次試船麵嘅感覺都唔錯，裝修簡單、價錢親民，推介

屋企附近最近開咗間船麵店，一直未有機會試，但就令我留意多咗，發現原來有唔少餐廳做船麵，同朋友行經呢間喺尖沙咀嘅船麵店，佢推薦話之前食過印象唔錯。食物主打泰式湯粉麵，配料可以揀牛肉、豚肉、雞肉同海鮮，仲有五款麵底同三款湯底。除咗主食之外，亦有少量小食同飲品可以選擇。冬陰功湯金邊粉一上枱已經香氣撲鼻，份量唔少，冬陰功湯底夠濃郁，而且配菜都幾多。配菜有鮮蝦、青口、蟹柳、秋葵同秀珍菇，相當豐富。我揀嘅頂級美國肥牛質素唔錯，肥瘦均勻，上枱嘅時候半生熟，輕輕將牛肉浸落湯到就食得，肉質軟腍，牛味濃郁。朋友揀嘅安格斯牛肉我亦試咗一塊，果然係更優質，油花綿密，入口油香更重，貴廿蚊亦係值得。小食拼盤有齊三款小食，分別係泰式炸蝦餅、炸雞翼同炸芝士雲呑，每款兩件，兩個人分享剛剛好。最欣賞炸蝦餅，新鮮彈牙，外層炸得香脆但一啲油膩感都冇。炸芝士雲吞好特別，香脆嘅外皮包住香噴噴嘅芝士，芝士味道唔算好濃，但恰到好處，趁熱食仲有拉絲效果。蝶豆花特飲味道清甜，加上青檸檬更加清新。餐廳食物選擇雖然唔算多，但勝在變化多，濃郁嘅湯頭配上唔同級數嘅食材，有平有貴，俾客人自己選擇，價錢亦非常合理。

泰好味禮拜五放工約左朋友去尖沙咀睇戲，開場前去左附近的泰濃麵醫肚。餐廳牆上有好多張泰國風景嘅油畫，好有特色。朋友叫左雞脾肉船麵轉飯，雞脾肉好嫩滑，個飯另外仲有好多配料包括泰式炸豬皮，魚蛋，蘿蔔等，炸豬皮脆卜卜，魚蛋好彈牙。湯底甜甜地好濃郁，唔會過鹹。我要左個頂級安格斯牛肉冬陰公薯粉，配料豐富：有蝦，青口，蟹棒同埋秀珍姑。牛肉軟稔又不失嚼勁，蝦實肉彈牙。薯粉煙韌有彈性，冬陰公個湯香濃惹味，夠曬開胃。泰式炸腩仔 - 啖啖肉，外層炸到脆脆哋好有咬口，但又唔會好油膩。泰式鳳爪 - 酸甜開胃，夠入味。炸雞翼 - 酥脆而唔油膩，雞肉嫩口多汁。

今日去尖沙咀isquare,所以就在附近的美食街樂道！今日選了泰國菜"泰濃麵"一入去就感覺到像泰國小麵店🤤🤤這一間是食船麵😏🤩船麵是當地特色有不同的湯底🤣😂我們點了一個肥牛船湯麵不同湯底會有不同底料船湯有脆脆😓唔知叫咩名、冬瓜、魚蛋、秋葵，選了金邊粉金邊粉爽口彈牙！湯底香濃！味道剛好！安格斯牛肉冬陰功湯冬陰功湯底好冬陰功，香濃香辣👍🏻👍🏻料有蝦，青口，蟹柳，秋葵～我點了一個小食拼盤一個甜品拼盤小食好正由期是蝦餅！炸得脆脆爽口！

📍 泰濃麵 呢間船都係小編已經食過好多次，成日對佢既船湯金邊粉念念不忘，今日特登介紹一下-肥牛船河金邊粉 $68湯底好濃唔似有落味精，係落左香茅、青檸、花椒、八角、胡椒等材料，仲有三至四種泰式秘密香料，再加豬血同30斤豬骨熬出黎，難怪咁正宗又濃郁。仲有炸豬皮、蘿蔔、魚蛋，秋葵為配料！用魚蛋唔係貢丸做配料真係好得意，但魚蛋都好好食，好彈牙，炸豬皮好脆好香口，肥牛食落好腍，金邊粉都煮得好好，唔會太稔，真係好好食。下午茶時間去仲抵食架!-泰式炸蝦餅 $39即叫即炸，入口熱辣辣，好彈牙好有蝦味！仲有蝦片附上，好脆好香口。簡直冇得彈！-地址： 尖沙咀樂道7號嘉樂大廈地下A舖-推介指數👍🏻👍🏻👍🏻👍🏻抵食指數👍🏻👍🏻👍🏻👍(5個👍🏻為滿分)

去泰國最中意食街邊魚蛋粉同船麵, 係地道平民貼地美食! 行過樂道見開左間生面口餐廳, 一睇個名就知食泰式粉麵, 門口望下menu就比佢引左入去食入到去聽到泰文歌, 牆身有泰式風情油畫, 幾有地道feel泰式炸腩仔 $48份量十足既小食! 兩排肥瘦均勻既腩仔, 炸得香脆食落又唔會油淋淋, 香口既皮位係精髓! 仲有就係必需要點埋佢配既辣椒汁, 更加惹味頂級安格斯牛肉湯飯 $88湯底揀左船湯, 夠香夠濃! 不過第一次配飯食, 飯太吸湯~ 食到底有d咸, 建議大家揀番粉麵類, 咁就perfect! 另外出色既係安格斯牛肉上枱既仲係生既, 用湯既熱力整熟佢, 好似生牛肉湯河咁, 牛肉係靚野食落軟熟有牛香, 仲有好多炸豬皮, 好有地道泰國粉麵既影子!! 頂級美國肥牛金邊粉 $68以為得肥牛, 原來轉左冬陰功湯仲有埋蝦, 秋葵, 蟹柳同青口! 唔同湯底有唔同配料, 唔係淨轉個湯底, 幾有誠意冬陰功湯十分推介, 夠濃郁, 夠酸, 辣就唔太辣, 配麵食岩岩好! 下次黎絕對會揀番冬陰功~泰式龍眼冰特飲 $28超足料龍眼冰, 好少可比咁多粒龍眼肉, 好香甜! 中意依間小泰式粉麵店! 只主打3種湯底既泰式粉麵

位於尖沙嘴既麵店, 其主打湯底係冬陰公湯, 但係我知道香港人未必個個中意冬陰公既佢仲有第2個選擇就係船麵姐係豬骨湯主打既湯底.環境唔算特別靚, 普通茶餐廳卡位, 坐得舒服既.我呢碗係選左船麵既, 湯底其實話豬骨湯又唔似, 應該係比較甜既豬骨湯, 如果係大學有食過麵大學某D Canteen 都係呢隻湯味, 所以我叫呢隻係比較甜既豬骨湯底, 呢到叫船麵湯.味道唔錯既, 至少甜既入口一定唔會差, 所以唔岩冬陰公湯既人建議可以選呢款,麵方面 彈牙度就中等, 普通唔硬唔軟, 冬陰公湯底既湯呢, 就係酸度唔算高, 應該係fit返香港口味, 小甜, 湯底濃味, 如果中意濃味既朋友會岩晒,價錢方面,一碗麵大約70-80左右,尖沙嘴黎講算係平平地~ 不過我覺得食完都唔算好飽肚, 唔知有無得加底?個陣無問到.我地都叫左個小食, 30蚊左右, 呢個芝士餃子,入面純芝士黎, 外皮比較脆口, 份量有4件,算係多,龍眼冰 , 我覺得野飲黎講算大杯同埋落足料, 不過如果佢推出套餐連野飲會好d, 散叫無咁抵食!

今日行行吓，去到isquare 附近，見到一間寫住食船面，睇一睇個餐牌！好抵食喎！不如試吓啦！今次叫咗黑豚肉，然後轉左冬陰公湯底！加埋黃面。本身仲可以揀薯粉，金邊粉，檬粉！仲叫咗個泰式鳳爪試一試！講咗個鳳爪先，酸辣辣好開胃。佢個辣係經過調校嘅，所以都好啱香港人口味！而且底下嘅配菜都好多！最鍾意食啖麵然後一啖配菜，大叫好爽呀！然後個冬陰功湯底！超級意外。因為青口又有。蟹柳又有。配料都有好多！呢個價錢根本係好抵食！！下次我會去試埋原味湯底！期待！