泰濃麵 (樂道)

营业中

休息中

泰國菜餐廳香港開左好多，但賣船麵既唔多，今日介紹既泰式麵店開正係iSquare 隔離，聽講佢既船麵幾好食。店入面座位唔多，所以要預等下位，不過為左美食，等下都值得。餐單選擇唔係好多，麵款有牛、雞肉、海鮮同豬肉，海底可以揀要清湯、冬陰公或者船湯，飯類就得海南雞飯一款，小食選擇都多。🔹頂級美國肥牛船湯金邊粉🔹肥牛份量多，金邊粉爽彈，船湯湯底濃郁，建議加啲酸辣汁開胃啲仲正。🔹雞脾肉冬陰公湯麵🔹估唔到除左雞肉之外，仲有蝦、菇同蟹柳，材料幾豐富，湯底既冬陰公幾出色，麵都好彈牙。🔹青木瓜沙律🔹超酸超辣勁惹味，青木瓜絲好爽口，加上脆脆既豆角同清甜既蕃茄仔，非常開胃。

尖沙咀一間專食船麵的餐廳，晚市來到相當旺。僱客可以選不同主食，配不同的湯底和麵。選擇有好多，有牛、雞、豬，還有不少小食提供。雞髀肉船麵湯做得好濃郁，好香，好多配料的味道。船麵上有秋葵，一堆炸豬皮、數粒魚蛋。雞髀肉多十不勝數而且好大塊，麵質彈牙，又掛湯。頂級安格斯牛肉船湯安格斯牛來到時偏粉紅，可隨喜好浸泡至熟透。牛肉軟稔，配上冬蔭功辣得過癮。炸蝦餅蝦餅炸得好香脆，而內餡蝦肉量又多又彈牙。外層脆卜卜，點上甜酸醬好正好吸引。

泰國足足有4年無去過，船麵係我其中一樣最掛住既泰國食物正宗船麵係細細碗得一兩啖，當年係方便大家係船食唔會咁易倒瀉，而家係餐廳食就唔怕可以大碗d頂級安格斯牛肉船湯金邊粉（$92）湯底咁深色係因為加左豬或者牛血，食落完全唔覺有血腥味，反而味道濃郁，安格斯牛肉幾有牛味，仲加埋炸豬皮雞髀肉冬蔭公河粉（$72）冬蔭公湯底會連埋蝦同青口，少少酸，唔太辣，唔食得辣既朋友應該都可以食到泰式炸蝦餅（$49）蝦餅都幾彈牙，有三大件，即叫即炸泰式香茅班蘭梳打特飲（$28）呢個係跟一支泰國梳打水，一飲到香茅味就好似真係去左泰國一樣

見有好多人都讚呢間船麵地道，所以同老公特登去試一試，我地平時都好鐘意食船麵，試過好多間，亦都經常會去泰國，講真，呢間真係好一般，連最基本船麵要落嘅香料都無落，價錢都比較貴，非常失望，我地叫咗一碗安格斯牛肉金邊粉，另一碗係河粉，牛肉薄得可憐，只有兩三小片，蘿蔔有一小粒，粉麵都正常的，意外驚喜係有一條秋葵同兩粒魚蛋，但魚蛋唔太好食，有點梅嘅感覺。龍眼冰都算正常，另外一提係服務，有一位女員工非常無禮貌，總括嚟講，就算唔需要排隊，都唔會再去食！

今日同朋友嚟到尖沙咀行街，行到又熱又累累地，好想食泰國野，經過呢間「泰濃麵」🇹🇭 就毫不猶豫咁入去食啦😝我哋兩個都叫左「頂級安格斯牛肉🐂」配船麵湯底，我食蛋麵🍜，夠彈牙；份量都足夠，好飽肚；吸到一半既湯汁，再加埋麵條本身嘅蛋香🥚，好食👍🏻 朋友話金邊粉索哂啲湯汁，都好正！安格斯牛肉🥩，當然食得出同普通嘅肥牛有所分別，牛味濃郁，肉質嫩滑；湯底亦煮到唔咸唔肥膩，表面唔算多油，相當出色🤩「泰式炸蝦餅🦐」有三舊，擺盤吸引，炸得外脆內軟，食落有蝦味，爽口彈牙；配合香脆蝦片，好抵食🙌🏻想係尖沙咀簡簡單單食碗泰式船麵，坐得舒服，呢間會係好選擇☺️

🇭🇰泰濃麵 尖沙咀泰國船麵🦐😋仲未得閒去返轉泰國 hea hea 地去食個船麵算餐廳係isquare隔離 位置易搵weekend都見到有人龍 有3款湯底揀清湯 船湯 冬陰功湯 仲有好多特色小食＆飲品🐃頂級安格斯牛肉船湯配金邊粉(💰$92)船湯很深色肉味濃 但唔會過份濃鹹✔️安格斯牛肉大約有三大片 帶少少粉色 有肉味另外配料仲有魚蛋 蘿蔔 秋葵 炸豬皮 非常豐富🌶️頂級美國肥牛冬陰功湯金邊粉(💰$72)冬陰功湯好香 酸酸辣辣 開胃但唔會話好辣👍🏻除左肥牛 仲有蝦 青口 蟹柳 秋葵 等等味道都唔錯 金邊炒掛湯 食完成碗都好飽肚😋🦐泰式炸蝦餅(💰$39/3pcs)蝦餅即叫即炸 外皮薄脆 配泰式辣醬🌶️入邊蝦膠滿滿彈牙 仲有3塊薄脆蝦餅😍🎋香茅班蘭梳打 (💰+$18)上半杯香茅班蘭汁 再加枝梳打水自己加香茅班蘭香氣幾出 味道清新解渴 呢款就冇咩甜味🍋青檸梳打 (💰+$18)青檸梳打味道大同小異 相對上一款就會甜多啲😝

非常鍾意食船麵，一講起船麵，我通常就會諗到呢一間。6點45分去到餐廳，已經開始有人龍，大概排咗10分鐘成功入到餐廳🤘🏿頂級安格斯牛肉船湯今次係我嘅第四訪，湯底一如既往地香濃，但食到後期又唔會覺得膩。我叫咗少麵，紅薯粉Q彈，唔算好掛湯。牛肉肉味足夠，仲有秋葵等等嘅配料，好滿足！泰式炸蝦餅估唔到會有賣蝦片，而且每塊蝦餅都好大份🙈 炸得香脆，冇油益味。泰式蝶豆花特飲甜甜地幾好飲，湯麵小食同嘢飲我都好滿意😋

喺尖沙咀嘅鬧市之中，竟然零零舍舍有一間食泰國🇹🇭粉麵嘅舖頭wor😋佢嘅湯底夠濃之餘，d食材重夠晒豐富♥️食物《泰濃麵》主打唔同配料嘅泰式湯粉，例如：美國肥牛、和牛、卜卜蜆同埋波士頓龍蝦🦞大家可以揀要船湯、冬陰功湯🥣或者清湯。至於麵底都有幾種選擇芫荽山 $82朋友就揀咗呢碗芫荽山薯粉配冬陰功湯🤭佢嘅芫荽真係多到太誇張啦😂😂所以我哋決定share嚟食💕食完晒d芫荽，我哋先見到入面有青口啦，蝦🦐啦，同蟹柳（真係好似搵緊寶藏🏴‍☠️咁🤣）講返佢個湯底先，個冬陰功湯酸酸辣辣咁，但我相信唔係好食得辣嘅人，應該都可以食到👍🏾頂級美國肥牛配船湯 $72我就覺得佢嘅船湯比起冬陰功湯更加出色，因為佢夠晒濃味👅好好好食🤤而碗麵除咗有肥牛之外，仲有唔少卜卜脆嘅豬皮♥️超正泰式炸蝦餅 $49我哋重叫咗個炸蝦餅，呢個蝦餅都相當唔錯👍🏾因為佢夠晒大嚿同埋彈牙🦷最重要係……即叫即炸💖而側面重有我最鍾意食嘅蝦🍤片tim 🤪泰式香茅斑蘭梳打特飲 $28我好推介大家叫呢杯特飲，因為佢唔太甜之外，香茅同斑蘭味都好出😎好特別，我好似喺其他地方都未飲過😆鍾意❤️食船麵嘅朋友，唔知又有冇試過尖沙咀呢間《泰濃麵》呢？

收工速食都要找間好味嘅，呢間《泰濃麵 》見到咁多人食，一於試吓先😃！卜卜蜆冬陰公湯粉 $92特別選擇咗金邊粉，吸收埋個冬陰公湯底好好味，濃度適中唔會過辣而蓋過蜆的鮮甜，卜卜蜆大大隻份量都唔少😌但美中不足就係有少少沙！加埋青口，蟹柳和秋葵，配搭都好豐富👍🏻👍🏻！泰式炸腩仔 $88腩仔以半肥瘦肉質炸香，火候掌握得好恰當，所以多餘的油份被炸走後，唔乾身之餘重帶焦香味，沾上秘製醬汁，特別惹味👍🏻👍🏻！炸雞翼 $39即點即炸，雞翼保持到水份之餘，外脆內嫩滑，再沾上甜酸醬十分好味😋！龍眼冰 $28滿滿龍眼肉，清凊甜甜，食泰國菜飲用啱晒👍🏻飲完喉嚨好舒服😌！

去開尖沙咀，又唔想食太多野見到呢間餐廳可以食碗船麵一於同朋友坐低叫返碗麵———————————朋友叫咗個安格斯牛肉配船麵湯底 $92價錢喺尖沙咀來講不講不失至於味道聽朋友講都唔錯牛肉亦都好嫩滑至於鍾意食海鮮嘅我就叫咗個卜卜蜆薯粉冬陰功$92蜆好大粒味道有啲似本地蜆如果有去過貝澳摸蜆就會知係乜嘢味道都係一樣咁鮮甜另外仲有蝦青口同埋蟹棒份量都唔錯肉嘅我哋仲叫咗一碟雞翼————————————整體來講，買單都係二百幾蚊喺尖沙咀都叫一個唔錯嘅選擇

早排起尖沙咀經過依間泰濃麵bookmark 咗一定要試吓，今日去開果邊就去食下～餐廳有十幾張枱，枱與枱之間都幾闊落粉麵底可以揀河粉/金邊粉/薯粉/黃麵，仲可以揀湯飯🍚而湯底有船湯/冬陰功湯/清湯可選擇今日叫咗：頂級安格斯牛肉金邊粉（$92）同雞脾肉泰式河粉（$72）安格斯牛肉牛味濃郁，切得厚身所以口感唔錯雞脾肉去咗皮，切成一條條咁，肉質比較實淨～泰式河粉幼過平時食到嘅河粉，咬落爽爽地，金邊粉比較索湯湯底方面，兩碗都叫揀咗船湯，鮮甜濃郁～配料有白蘿蔔、炸豬皮、魚蛋、秋葵、秀珍菇都幾豐富泰式炸蝦餅（$49）炸到脆卜卜，蝦膠彈牙，大大件，好食！龍眼冰（$28）龍眼冰清甜解渴，唔錯👍🏻

呢間船麵之前食過都幾好食，估唔到今晚平日都幾多人,好彩排咗一陣就好快入到去.✨泰式海南雞飯：個雞望落都幾靚，雞皮下面夾住層雞油啫哩。個雞幾滑，點埋汁更好味，而且份量都算多✨泰式炸蝦餅： 有蝦片送開心,蝦餅新鮮熱辣辣,而且夠彈牙，最鍾意點埋個泰式醬。✨黑豚肉船湯金邊粉：除左黑豚肉，仲有魚蛋，炸豬皮，白蘿白，秋葵。 黑豚肉幾腍滑，蘿蔔爽甜, 魚蛋就係腍腍地果種。個湯底幾好味好濃又有微微辣辣地，幾惹味。_✨唐生菜：顏色翠綠，加上秘製腐乳。

今日去左泰濃麵食泰國野餐廳主打泰國湯麵, 店入面全部都係賣船麵嘅情景, 超有泰國風味 🇹🇭 我地就叫左2碗湯面包括黑豚肉冬蔭公薯粉同美國頂級肥牛船湯金邊粉總共有3款湯底包括清湯, 冬陰功湯同埋船湯湯底, 同多款粉麵底可選擇👍船麵湯底好濃郁, 飲落似多種香料熬製而成面頭仲有唔少配料, 包括豬油渣, 蘿蔔, 秋葵等豚肉片比較薄身, 薯粉夠晒煙靭而冬陰功湯底口味偏酸, 非常開胃🤣另外, 我哋仲叫咗泰式小食拼盤拼盤有齊芝士炸雲吞, 蝦餅同埋炸雞翼,炸雲吞鬆化香脆, 炸蝦餅超級彈牙 🍤

係泰國返到黎香港一星期都唔夠，已經好掛住泰式野食，特別係船麵😍所以揀咗呢間係尖沙咀嘅——🌟泰濃麵🌟止下癮😋餐廳都有唔少泰國特色擺設，好似返咗去泰國咁呀🤩._.🍜｜卜卜蜆船湯黃麵｜🍜真係好掛住船麵，所以二話不說點咗個船麵先，卜卜蜆數量多，都算大粒，配菜多，而且有香脆炸豬樣係面頭，好有泰國風味✨·🐥｜泰式海南雞飯｜🐥飯類叫見餐牌上有海南雞飯，海南雞大大舊，肉質嫩滑，仲要數量多，飯係黃油飯，食到好滿足✨·🐖｜泰式炸腩仔｜🐖係泰國嘅燒腩仔真係好好食，見呢到有就想點黎試下，一碟數量都幾多下，算係脆，脂肪感唔重，食完都無咁大罪惡感💕._.

🍜尖沙咀泰國船麵🥥------------------------------💛頂級安格斯牛肉-💵92湯底好濃郁😳食落唔會好鹹😍而係啱啱好🫶🏻安格斯牛肉都唔會整得好熟🐗所以唔會好難咬👀好推薦🤙🏻🤙🏻💛卜卜蜆-💵92蜆嘅數量都好多🥰而且粒粒都好大粒🤩食落好滿足😚配埋啲蘿蔔好入味🤪好推薦佢嘅船麵🥳💛泰式小食拼盤-💵78有雞翼🐔蝦餅🦐同埋芝士雲吞🥳雞翼醃得好入味😳蝦餅咬落去係啖啖肉🤤芝士雲吞就有啲驚喜👍🏻有少少拉絲嘅效果🤤------------------------------🤤好味度：8/10🧚🏻回頭率：8.5/10泰濃麵 (樂道) (尖沙咀)🇭🇰尖沙咀樂道7號嘉樂大廈地下A舖#尖沙咀 #尖沙咀美食 #麵 #泰國#美食 #人氣美食 #情侶好去處 #香港 #美食 #香港美食 #吃貨 #尖沙咀好去處 #食好西 #香港好去處 #香港美食指南 #hongkong #foodie #hkfoodie #hkig #hkfoodblogger #hkfoodblog #泰濃麵 #銅鑼灣 #船河 #船麵 #SiamNoodles #ThaiNoodle #泰國菜 @siam.noodles