泰潮 (已結業)

叫左個<海南雞飯套餐>個雞係極度難食d肉好"鞋"....d飯又硬...食過咁多海南雞, 呢間係最難食 <海鮮濕炒河>魚都唔見有...都唔海鮮既唔算特別好食 <泰式豬頸肉>豬頸肉炸到勁硬...用黎點既汁, 難食到嘔搞到我要用點海南雞既汁黎食呢間野唔會再有第2次!

同朋友行完黃金, 都唔知食咩好, 見到哩間野門面OK, 入面食客都唔少雖然咪試過, 諗住好好醜醜都係一餐O者入到去原本打算一人叫一個飯餐, 點知我朋友見到個冬蔭公麵餐, 都好似好OK咁, 於是佢轉叫冬蔭米線, 我就叫海南雞脾飯(因為我唔食雞胸, 所以寧願+$5)另外我地仲叫左一碟牛肉串燒同埋泰式豬頸肉, 跟餐加左一支可樂(+$6)同一杯珍多冰(+$10)朋友個米線好快到左, 一黎到....嘩一聲..好少米線, 餸少都算, 米線真係唔多...佢一個男仔....食兩碗都咪必夠, 收$30個餐畀咁少米線真係度左D喎, 米線而家好貴咩?咁我個飯黎到分左一半畀我朋友, 佢個海南雞都唔錯, 不過哩個水準出面都有豬頸肉都OK, 不過佢配個汁好唔MATCH, 我寧願點海南雞果個串燒牛肉就真係唔掂, 我覺得係炸出黎架囉, D肉已經過哂火, 好硬, 串燒...乜唔係應該係燒出黎架咩?總括黎講, 我下次都係去食車仔麵好過啦....

無無聊由旺角行到深水埗, 見到呢間野門口貼左好多雜誌報導, 仲有明星合照, 於是入去一試..男友叫左個40蚊既海南雞飯, 而我叫左個30蚊既冬蔭公金邊粉。男友話佢個海南雞飯極普通, 任何一間野都能夠做出呢d水準; 而我碗粉就, 都係好普通, 唔係咁辣, 亦唔係好有冬陰公味。不過見到隔離枱叫左個炒蛋好似幾好食咁, 如果下次有機會都想試下~

同事介紹，說這裏的海南雞飯不錯。在這裏看完食評再出發=_=+放工後，6:15左右到那裏人不算多，侍應OK有禮，起碼不會黑面。馬上點菜~~海南雞飯餐40元湯，辣青瓜，海南雞飯。在主角來前先上了湯和青瓜，湯好像下了味精。青瓜越吃越辣起初去了辣的核才吃，但還是很辣...=_=最後放棄不吃主角來了，飯的話好時沙爹的飯好像較好味，這裏的較淡雞的話我覺得這裏不錯，肉和皮都有咸味~~又適中不會太過分而且還是去了骨的雞~~吃得很暢快一個交到貨的海南雞飯。但我覺得在深水步來說，價錢貴了點如果是30-35元，我的回頭評會高點P.S.味精不算下得太過分，我覺得食完好時沙爹(海南雞飯)比這裏更口乾。

個雞油飯好食. 雞油夠香, 飯也變得黃黃.至於個雞就只係得個滑, 甚至有點過"淋", 沒有雞味. 雞皮就不過不失, 但不是爽口那種.個開胃菜是蒜蓉青瓜. 味道不錯. 只嫌太少.至於個湯就是重味精例湯. 喜歡食味精的人會喜歡.再食的話, 只想食雞飯only.

$30東蔭公湯檬粉：真係認真陰公囉，搞乜鬼，都無咩東蔭公味既，湯不會太咸，略嫌酸味不足，個粉ok，配料得兩樣野，有4隻已去頭的蝦，有d都有膏，蝦ok la，另外有幾粒磨菇仔，感覺麻麻，環境尚可，時尚鮮明。完…

十月廿三日, 今晚約咗亞神同 F 過嚟幫我搬屋, 搬屋前當然要食飽飽先啦! 本來諗住食《譚仔》米線, 但好多人等位, 最後反而係 F 介紹我入嚟試呢間《泰潮》試吓。不過今日冇帶相機, 所以影唔到相,我叫咗個扎肉湯檬, 都唔錯, 啲扎肉幾多, 個湯底味道唔太淡唔過濃, 份量又足。老公同 F 都係叫咗個海南雞飯, 啲飯係黃色架! 算係幾香, 啲雞肉都唔差, 想食海南雞飯既人呢度可以考慮吓。至於亞神, 叫咗個豬脾飯, 又係唔錯, 全部都係跟餐有嘢飲, 飯既有一小碟酸青瓜做既泰式沙律,我哋仲叫咗個小食蝦餅, 不過得咗好耐先有得食, 最後埋單都係百六蚊, 算係咁啦!Ref : http://hk.myblog.yahoo.com/joycewai616/article?mid=11435

上星期五晚特登帶太太去食泰潮 , 因為平日lunch time 去食覺得唔錯。特別推介串燒同燒雞翼, 因為好有bbq 炭火既風味, 可惜......當日叫左海南雞飯, 炒金邊粉同串燒牛肉。海南雞飯同炒金邊粉都叫ok, 但係串燒竟然變左串炸.... 串牛肉唔係燒...係用油炸... 即刻冇哂風味, 望下隔離叫左既燒雞翼... 嘩...炸雞翼... 做乜要係泰國菜餐廳食炸雞翼... 果d 炭火燒既味道冇哂... 最重要係... 冇左做菜既執著、熱誠, menu 寫燒就要燒。menu應該要改寫做 "泰式炸雞翼", "泰式串炸(雞/牛肉/豬肉)"

已經系第2次去啦個帶位哥哥真系好好人旦入面d service真系差左少少海南雞飯推介!! 真系好滑牙~另外好中意食泰式鳳爪*不過真系等好耐羅

今天又和男朋友深水埗開飯LA上次都想入這裡食的，今天又行過，叫了一客抄貴刁和泰式海南雞飯套餐，首先來你是套餐，份量一般不過咸了少少，抄貴刁只有3隻中蝦，但味道都一流的，抄得很好。但這樣的待應服務好有問題的，來了一次海南雞飯套餐，之後又來一次，同她說，她便取走放在其他客人面前，另外有一位客人叫了數次待應，她們都沒有理會的。

最近鐘意試新野...食左好多間未食過野舖頭..其中一間就係d間...我只係食左海南雞...其實都係冇咩雞味...全部要靠d汁..同佢有一度同人唔同..佢整鹹左d雞皮.咁樣會有味d....佢以為....對我黎講冇咩幫助...總括..普通..

今日下午去深水步,本來想食譚仔米線,但多人到嘔.之後諗住轉食第2樣野,咁岩行過泰潮. 見佢無乜人就入左去.叫左5個雞飯,1個豬頸肉飯.之後佢就好快咁羅左6個湯同醬黎喇.飲完湯之後就黎飯了,黎左5個雞飯同1個豬脾飯.咁我地就話黎錯左我地係叫豬頸飯.事情就係呢一刻發生了,佢地叫個侍應埋黎同我地講話豬脾飯先有湯送,我地叫豬頸飯係無既要加返6蚊!!!! 我地當堂呆左, 佢地落錯單,做錯野,黎多左個湯就要我地比返6蚊湯錢,咁我地就同佢地個收銀理論(女人黎既,相信係老闆).最令人氣憤就係佢既回答,"咁你地係咪飲左先,飲左就要比6蚊", "咁係咪我地令咩野黎你地就食咩野先,我令哂餐牌d送黎你食哂咁又唔使比錢喇喎" 簡宜係不可理喻...好似同緊d野蠻人講野咁. 最後我地都比左6蚊 但係cancel左個豬頸飯.嘩大佬丫, 我地點會諗到6個飯,你羅6個湯黎 但原來有一個係拎多左, 仲要係佢地自己落錯單!!!!!簡宜係不可理喻...好似同緊野蠻人講野咁. 最後我地都比左6蚊 但係cancel左個豬頸飯.搞到成間店d人都望住哂. 真係估唔到今時今日仲有人咁樣做生意,為左個例湯(6蚊) 同d客吵,仲要係覺得自己

今日突然勁早起身同朋友去完拎野後佢提議來呢到食下野叫左1個海南雞飯同埋食雞絲唔知咩粉加多杯熱的龍眼茶海南雞飯我無試不過雞絲個個湯好香香茅味 但d雞絲好鞋口杯龍眼茶甜到.......格離個亞姐望住我地叫咩佢又叫咩仲問點解我地有野飲添!

好想食飯,好想食飯,因為太肚餓,行過見到有間泰潮,咁就入左去嘗一嘗都係食招牌菜比較穩陣海南雞飯 肉味都不錯,肉比較少,飯都夠香豬手飯 不過不失,肉都幾滑個飯都跟碗清湯 湯夠清甜 食飽馬上走人,好彩行快兩步,差D比呀SIR抄牌

行過呢頭見到門面好靚咪入去試下呢海南雞飯...d飯見到都唔想食啦咁難..個雞又係...一食落口真係唔掂....一d都唔係海南雞飯泰式沙律...都重可以...小小辣辣地...lime soda...都可以夠凍啊..不過下次點都唔再入黎啊