泰潮 (已結業)

昨日到深水埗購物&搵食,遇上三急之事,而黃金一帶無處容車,只好把車子停在福榮街路旁,一家三口各自到三間食店輪流解決,兩人辦事爽快順利,我比較就倒楣,到了一間不講義氣的食店"泰潮",當我去到水吧位置,有侍應問我"幾位呀?",我停步回答"唔好意思,去洗手間"侍應立即回應"我哋借用廁所係要收10蚊嫁!"咁有意思的服務態度,實在令我卻步,出門後我到了對面的譚仔解決了要辦的事,這條街兩旁均是食店,越南、泰國、粥粉麵、米線,選擇多消費平,平常好少會特定光顧那間,上次光顧"泰潮"時,食物沒有特別,但D枱就特別細張,還有是上次光顧時沒有上廁所照計應給我行我$10回扣先'ARM'數.

香辣肉碎抄飯$34食過佢嘅海南雞飯，好食過對面，雞滑冇雪味，肉味唔濃，飯香唔油，豬肶飯，鹵水唔夠香，都係好一般嘅味今次改食香辣肉碎抄飯，佢唔係乾身，其實係濕抄飯，惹味，肉碎都夠多，可以係叧一選擇

整體黎講都ok, 不過我覺得d汁唔係咁好食, d飯好夠乾, 本人較為欣賞, 雞味都幾唔錯, 不過店內座位比較細小

朋友約到這間食店.我六點幾就行過去訂位.(訂7:15分.5位)7點15分到左問佢,那個老板問我人齊未,我話個朋友已經係地鐵行緊上來.佢老板就叫我企係出面,又熱又冇得坐.明明裡面就大把位.最後企左幾分鐘先俾入去.好似係佢門口乞食咁.D野食就一般般,雞都OK,但油飯太油.總之就無下次.

與男朋友在深水步半日遊，成年前係度食過，覺得幾好味，今次再黎食過！叫了一個海南雞飯，一個豬脾鹵肉飯，雞飯d飯冇以前咁有雞油味，只有少許顏色。反而豬脾飯就幾好味，好入味和好 "淋"，男朋友食得好滋味。餐廳裝修過，地方擴大左，唔似以前得好少好少座位，價錢都係咁上下，四十蚊左右~

八月廿二日(星期六)同老公仔去完蘇屋村,覺得有點肚子痛和累,要快點找lunch了!本想在杜鵑茶餐廳吃,不過是日休息!下次一定要在星期日去呢!在清拆前要吃一吃!之前見到雜誌介紹泰潮是全九龍最好的海南雞飯食店,當然要試試!中午時分都沒有一半full,生意難做,相信是因為附近太多強店了!我們點了一個海南雞飯餐,要檸檬梳打黃咖哩牛筋腩飯,要龍眼冰先來了兩個湯,是冬瓜湯,我覺得很美味,但老公說有味精來了龍眼冰,比較甜的!老公的梳打好飲主角來了海南雞飯,先吃油飯,好吃,不太漏!雞就非常好!新鮮嫰滑有雞味!!!!!黃咖哩牛筋腩飯的咖哩汁充滿著椰汁香,撈飯一流,而牛筋腩份量也少,有6-7件加上薯仔!一餐豐富美味的泰國菜!

今日出開呢頭 .... 就黎搵食啦！下午茶時段，所有飲品都 free ...但大椰青就要照加 $8！老細話包甜，唔甜有得換，一於試下！我叫左 "冬陰功金邊粉"其實我係唔食得辣！個湯底好味呀！個 fd 試過都讚好！佢既辣度都 okay ...可能佢係有椰香又唔算辛辣，唔係 "麻辣" 既，我接受到！我飲哂咁滯~~~不過之後喉嚨痛加劇左！哈哈！唔好既地方係佢太少料 ...得幾隻蝦 ( size 都算大隻 )同 d mushroom .....仲有少少香料、蔥碎咁 ...又有椰青飲，都 OKAY！個 fd 叫左 雞肉金邊粉 ...味道普通！粉一碗，無乜特別！

兩個人...食左: 海南雞飯 ($40) - 油飯唔香.....淡茂茂.....雞亦無雞味....總之食而無味....冬陰功海鮮湯金邊粉 ($30) - 實際同張相完全係兩回事.....所謂冬陰功只係係碗湯上加幾滴辣油.....個湯根本都唔係冬陰功.....料都算多...蝦都有5隻....可惜個湯底差成咁....完全勁後悔叫左呢碗野.....係唔算貴....但100% 唔好味.....100% 沒有下次.....

放假成12點先起身當然係搵野食啦身為深水步原居民可以話又細到大食齊曬咁多間今次試一試呢一間總店同埋第一分店可以係連埋既泰潮見到$20碗河價錢OK當然係入去試試叫左個雞絲河冇咩料到湯底好淡雞絲好鞋口河就普普通通由於我只係食個下午茶可能未食到佢既招牌菜本來我會比喊面而家會比OK下次食到佢地招牌菜再同大家分享總結: $20我會過對面食劉森記~

熱熱地攰攰地無乜胃口，兩口子想揾啲易入口開胃啲嘢食，結果走去食泰國菜。牛丸湯河粉啲牛丸同河粉都算爽口，淡湯都夠熱。豬頸肉湯金邊粉啲豬頸肉好搞笑地"硬"，真係好少用個咁嘅形容詞形容豬頸肉。炭燒原條鮮魷燒得啱啱好，最怕炭燒燒到乾哂，啲肉都保持肉汁。但唔知係唔係厨房出唔切，上到枱都唔熱，美中不足。泰式炒通菜都有水準，惹味同爽脆，但$45一碟街坊菜嚟講，份量偏少。。不過食完呢餐之後都幾口喝，鹽同味精其實可以用少啲。環境好街坊，開盡四部風扇，不如考慮下整下部冷氣，啲客肯定食得爽啲。

本人對餐廳的要求其實好簡單所付金錢能有相應的質或量就已經ok質或量無一達標的就只有喊臉同台包括本人共六位與友人點豬髀例牌一客($45)加白飯兩碗($6 @)共享其他人點了海南雞套餐($40)/豬髀套餐($40)/湯麵兩碗($20 @)湯麵先上友人覺得不錯湯底也算清以為其他都會ok然後海南雞先到用雪藏雞是必然的但是無味，鞋口，霉燒味鋪的雞還不至於這樣吧？這裡不是標榜海南雞的嗎？最後來豬髀豬髀套餐的份量和一例的豬髀差不多一樣一例的還要貴五元究竟我要讚他豬髀套餐的份量多還是彈他一例豬髀少？本人和友人的白飯兩碗還要催才送上來豬髀吃下去...普通貨色跟茶餐廳的梅菜扣肉沒大分別頂多是豬皮多了點瘦肉少了點肥膏不見了白飯的份量倒是不錯六元是真的滿滿一碗而且碗的大小也合理但可惜足夠的白飯配上不夠的豬髀結果本人要用咸菜去配飯吃在家吃還不至於那麼凄涼...p.s.有叫特飲的友人都認為不行本人沒試就不去評了

今日黎深水埗做考察,所以就係呢度食埋飯我同我男朋友一齊去搵野食見到間間都唔岩..一係就覺得好唔衛生最後見到呢間個門口睇落都可以..就入左去喇龍眼冰太多冰喇..都唔知想點其實得好少冬陰公米線一d都唔辣..我幾期待有幾辣,因為我好鐘意食辣野肉鬆炒飯呢碟炒飯都唔錯..幾好味...幾夠味整體上都可以既..有機會再黎試

昨晚原本想到金杯泰國菜館吃泰國菜, 因為這間之前我吃過, 食物味道也不差的, 但由於這間舖位太細, 店內大約只可以容納8個人左右, 所以最後決定到深水埗的泰潮試試.去到一坐低, 服務員已經通知我們這裡收11時, 10時30分就會cut order, 我和友人到達時都大約10時10分, 那麼唯有趕快一點落order吧, 一口氣就叫完了.首先來了一個例牌海南雞, 海南雞的味道還不錯, 只是差一點滑, 但總括來說也滿意.之後來了馬拉盞炒通菜, 味道很好, 很滿意.之後來了冬陰功湯金邊粉, 這個我沒有試, 但友人吃了後也說好味, 而且最後她還可以整碗吃完...厲害...跟住就來了最後兩樣, 炭燒原條鮮魷和炸軟心芝士蝦球.炭燒原條鮮魷... 我鍾意炸軟心芝士蝦球... 算是有些特色吧. 味道也很好.不過本人叫了一杯 泰式龍眼冰... 一飲就感覺很怪 , 應該下次唔會再試泰式龍眼冰.總括來說, 價錢相宜, 味道不俗.ps:這次有相睇了

泰朝剛在深水埗開業時，我覺得食物質素真的不錯，但事隔一年多後，已面目全非衛生欠佳今次叫左個外賣牛河，食到一半先發現蚊子同我共進午餐，由於係掀開d粉時先發現呢隻蚊子，所以唔會係我食到一半佢先'非'左入碗河粉度，雖然有人會覺得有一兩隻小昆蟲係好平常，但係我見到就冇晒食慾，尤其是當它們還四支健全時...服務態度：有錯唔認好耐之前都係叫外賣，我叫豬頸肉河，俾錯左淨豬頸肉，落返鋪同佢講落錯單要換，佢竟然話呢張係電腦單黎，唔會有錯，這是什麼理由呢? 跟我落單的是人來的，不是電腦，明明是人為錯誤竟然歸咎電腦，最後都係唔肯換，即係要客人承擔你既過失，做錯唔緊要，唔認先衰仔。個時見佢岩岩開張冇耐，我費事係佢門口嘈，而家諗返先覺得要俾其他食客知呢件事份量縮水，質素下降同其他人既食評一樣，都係d炒飯炒粉變得好細碟，味道也怪怪的，朋友試過一個'叔'臭的菠蘿炒飯同埋米都未煮熟既海南雞飯，我就試過一個不夠泰國風味的冬陰功河，30蚊個，唔夠兩個鐘就肚餓，嘜係小食黎架咩? 我而家先知喎! 都唔好話味道同材料好唔好，連基本既野都做唔到大家睇完食評，自行決定去唔去試吧

之前lunch黎過食海南雞飯, 印象不錯, 於是星期一晚再帶新朋友黎食。大約七點三黎到, 人不多, 但見很多枱都放了"訂座"的牌, 心諗係咪真係咁多人訂左枱呀~我都係叫番海南雞飯, 朋友就叫滷豬髀飯, 說是套餐, 包括什麼滷水腸, 滷水蛋, 但排到碟中, 像是一碟份量頗少的碟頭飯似的, 不過味道也不錯, 我地兩個都食晒d飯。朋友覺得呢度的格價在深水步區算是貴了一點, 所以會比較少人來。最後, 寫呢篇食評的重點, 就係我和朋友第二日都肚all