泰潮 (已結業)

熱熱地攰攰地無乜胃口，兩口子想揾啲易入口開胃啲嘢食，結果走去食泰國菜。牛丸湯河粉啲牛丸同河粉都算爽口，淡湯都夠熱。豬頸肉湯金邊粉啲豬頸肉好搞笑地"硬"，真係好少用個咁嘅形容詞形容豬頸肉。炭燒原條鮮魷燒得啱啱好，最怕炭燒燒到乾哂，啲肉都保持肉汁。但唔知係唔係厨房出唔切，上到枱都唔熱，美中不足。泰式炒通菜都有水準，惹味同爽脆，但$45一碟街坊菜嚟講，份量偏少。。不過食完呢餐之後都幾口喝，鹽同味精其實可以用少啲。環境好街坊，開盡四部風扇，不如考慮下整下部冷氣，啲客肯定食得爽啲。