泰東

营业中

休息中

呢間元朗半鄉郊泰國菜轉左東家環境同職員都一樣係菜色多左啲煲仔飯住室外木椅區感覺好似度假咁干炒鮮蝦金邊粉色澤分明 味道香口個人覺得唔使加青檸都好好味有少少花生碎豐富口感蝦肉有三件 都唔錯串燒拼盤有豬牛雞三款各兩串可以自行選擇比例燒得肉香撲鼻沙嗲汁畫龍點睛必點！

博愛醫院附近的泰國菜。環境好舒服，有室外同室內，好似去了泰國渡假嘅感覺。不過留意番入去門口嘅時候，有一級梯級，好多人都會kick 到。小心!小心!小心！。呢度的煲仔飯聽聞都幾好食。原本諗住點牛小排煲仔飯，但係已售罄。所以叫了蟲草花北菇滑雞煲仔飯加臘腸$88+$15。食落有飯焦，但係又無燶。煮得剛好。雞係滑嘅。不過唔夠油香味。味道是可以的。冬陰功湯-小辣(例牌)$95，都好大煲，如果用酒樓的碗仔size ，可以有約八碗。有個爐熱啲湯，熱辣辣好正酸酸辣辣，完全適合香港人口味。入邊有好多材料，蝦，菇。最後叫了一個椰青，大大個。好多椰青水，好清。兩個人share食，份量啱啱好，如果叫多一個小食就更好。埋單$300有找， 係一個合理價錢。

朋友介紹嘅餐廳，順路去元朗試一試，首先停車好方便，有露天同室內，環境唔錯。點咗咖喱牛腩，煲仔飯同燒雞。咖喱牛腩入口即化，個汁好食到想打包走咁濟，超後悔無點多個薄餅食埋佢🤣煲仔飯即場做，要d時間，啱曬飯焦愛好者重點講隻燒雞，原來當日係第一餐上市，膽粗粗試下啦，皮脆肉滑，一剪開直頭爆汁嘎。唯一不足係要自己剪開，剪到手都震埋，提咗意見，佢地話之後會安排代剪🤣神級吃貨，掛住食唔記得影相，兩個煲仔飯，一個咖喱牛腩加薄餅，一隻燒雞，送甜品芒果糯米飯，兩個椰清，800蚊唔使，勁抵食🥹值得推介啊

星期日揸車去元朗搵食，搵唔到車位係其中一個煩惱，泰東就有一塊空地，設有成百個車位供客人免費泊車，淨係呢點都已經值得去。除咗一座舊建築物係室內餐廳，另外戶外用餐空間都特別多，設計上都採用木傢俬作為主調，無論裝修、擺設、員工都充滿濃濃泰國風情，周圍可以搵到打咭位。我哋QRcode落單叫咗兩份假日午餐套餐，在這個休閒寧靜嘅戶外環境下，輕輕聽住泰國音樂，彷如置身於泰國。#泰色無骨海南雞飯無骨海南雞啖啖肉，雞皮爽，雞肉嫩滑，但份量似乎較出面食細份，沾埋泰色酸辣醬汁更惹味。油飯微香，乾身唔太油，飯比例上比較多，最後食剩少少飯。#泰色豬手船河豬手炆得夠腍，但唔係好入味，不過不失，河粉有少少碎，湯底水準正常，配合炸乾蔥放面，有泰式風味。#珍多冰珍多冰預咗係較甜嘅，但唔覺椰漿味，反而淨係覺得奶味，珍多份量可以再多啲。#泰式凍奶茶因為泰國茶葉嘅關係，茶色係橙紅色，通常泰式奶茶都比港式較甜，所以就叫咗少甜，令到茶味更出，飲到泰國茶嘅濃而不澀，比港式奶茶另有一番風味。#泰東泰國特式餐館地址：元朗東成里1號地舖電話：97906118

朋友生日，嚟元朗食泰國菜，朋友介紹去泰東，可以免費泊車而食物質素也不錯，嚟到泊好車之後，就直接入餐廳內，因朋友已到，這裏雖然有一個簡單餐牌，但其實下單還是用手機掃二維碼的，朋友各人點一個菜，我就當然點八人拼盤，簡單而又容易送酒，這裏開瓶費要50蚊一支紅酒，價錢都算合理；朋友點要煲仔飯，竟然泰國菜都有煲仔飯食，都算有fusion，當然朋友都點泰式咖哩，明爐烏頭和泰式飛天通菜等，傳統泰國菜，飛快地全部菜式放滿枱上，而泰式拼盤就缺少了蔗蝦，泰式春卷等，傳統泰國炸物，有點可惜；煲仔飯就還可以，但比較細煲，咖哩就冇泰國傳統咖哩哪種香草味；烏頭還可以；通菜味比較鹹；整體來說菜式普通，可能客比較多，服務亦都普普通通，整體來說食物普通，環境可以，服務希望有所改善。