影片
电话号码
97906118
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
朋友說與其在大商場吃來吃去也是那些菜式，不如走多兩步過來「博愛醫院」後方尋找隱世美食，由他帶路，來到這一家隱世泰菜館「泰東」，真不是在地人帶路，恐怕也找不到。餐廳外面有大量停車位，非常適合駕車人士來醫肚。這裡有室內和室外座，先介紹室外座，環境優美，有大帳篷遮陰，加上佈置別緻，非常有泰國休閒的情調，而據店員說，逢周五六日晚更加設現場Live band，更具渡假氣氛。而室內座，裝潢亦見雅致，帶東南亞悠閑風，牆上多少少富泰國色彩的掛圖，自然，更增添泰國風情。細看餐牌，食物選擇十分多，可以說在泰國餐廳常見的菜式也有。此外，由於餐廳旁有另一家專做煲仔飯的「榮記」餐廳，所以，這裡也可以吃到煲仔飯的。外間十分炎熱，所以，先來兩杯凍飲涼快一下。「大話7」（$38）即是柑桔話梅七喜，最有心思是已將柑桔跟話梅搗爛，再倒下七喜就已可飲用，入口不單涼快萬千，更是酸酸甜甜很醒神。另一杯「芒果沙冰」（$45）色澤鮮黃，入口更加冰涼，更喝得出是真材實料，芒果味濃，清甜滿滿果香，真好喝！主食先來一碟「乾炒鮮蝦金邊粉」（$108），看起來材料豐富，鮮蝦十分大隻，又用上短少胖胖的怡保芽菜，加上青檸汁，把花生碎跟金邊粉拌勻，實在好吃，而且，金邊粉吃來爽身，鮮蝦鮮甜彈牙，再者，份量十足，吃罷確令人滿足。另一道主食「印尼海鮮炒飯」（$98）亦都製作用心，附了很多脆卜卜蝦片，而整碟炒飯看似平平無奇，但飯粒炒得爽身不油膩，海鮮料更有鮮大蝦、魷魚、青口，食味豐富，是性價比高的炒飯。接新尾聲，又怎可以不來一客甜品呢，朋友真是芒果控，細想之後，「椰汁芒果西米露」（$45）最合朋友心意。很大碗耶，足夠二人共享，而且，有很多芒果肉，還有些芋頭絲，味道很不錯的。多謝朋友介紹，這家餐廳確是家隱世美食店，加上招呼好，真是值得再次光顧。
继续阅读
元朗近博愛附近其實有一間非常正宗而又有特色的泰國菜館，這裏環境別字，可以選擇坐戶外或者是坐在餐廳內，有時還會遇到即席表演的live band。麻辣蝦乾排骨煲仔飯($128)呢個煲仔飯真係一絕!先講蝦乾,個蝦乾大大隻又新鮮,炸到外層香脆,入口仲有彈牙咬口,蝦味十足。排骨方面,肉質超級嫩滑,一啖就散開喺口中,肉汁充滿咀嚼間。湯底就更加正,麻味同辣味兼備,麻辣香辣直入喉嚨,煲仔飯的底最正，最喜歡吃脆卜卜的飯焦，辣辣地幾滴汗都出晒嚟啦!🔥🔥🔥泰國鮮蝦金柚沙律($98) 呢個沙律新鮮到爆!大隻鮮蝦先炸過,外層香脆入口彈牙,蝦肉鮮甜多汁。金柚絲酸酸甜甜,同蝦味完美結合,仲有青蔥、芝麻等配料,層次豐富。醬汁方面有檸檬汁、魚露等,清新開胃。紅咖哩($98)咖哩汁超~級~滑身!先講咖哩粉,用嘅係正宗泰式紅咖哩粉,味道香辣惹味。湯底用上新鮮椰漿同香草,超滑超香。入面有青口、蔬菜等,新鮮清脆,同滑身咖哩湯底絕配!泰式香蔥蒜蓉包($42)呢個包皮酥脆幾多人都掙手爭食!包皮薄薄脆脆,入口即散,香氣四溢。包心有香蔥同蒜蓉,香味十足,一啖就感受到香氣撲鼻而來。泰式炸蝦餅($98)呢個蝦餅新鮮到爆!蝦肉鮮甜Q彈,配上香草同香菜等,層次豐富。外層炸到金黃酥脆,一啖就散開喺口中,幾滴蝦油都流出嚟啦!咸檸七($38)同泰國椰青($45)咸檸七酸酸甜甜,解渴開胃。泰國椰青就更加正宗,清香怡人,入口有椰香同椰肉香甜滑身。泰東 (元朗)元朗東成里1號地舖#泰國菜#煲仔飯#椰子# #椰青# #蝦肉#炸蝦餅蒜蓉咖喱#沙律#元朗#泰東
继续阅读
元朗都有隱世泰國菜餐廳，有特色之餘環境仲好清幽。地點係博愛醫院附近，無揸車的話地鐵站行過去大概8分鐘左右，餐廳地方勁大都好多位置可以泊車。餐廳逢禮拜五六日夜晚仲要有live busking，而且餐廳連住一間食煲仔飯嘅餐廳可以叫黎一齊食。另外不得不讚嘅係，餐廳出菜嘅速度都好快，唔需要等太耐就有得食。清邁鐵板蠔仔蛋 $128好多蠔仔，粒粒都脹卜卜都飽滿。蛋份量夠多夠香，底位有D豆芽係到，味道幾鮮味之餘少少鹹，加埋豆芽個爽脆幾唔錯香蒜椒鹽軟殼蟹 $138幾隻大大隻嘅軟殼蟹分半黎炸，炸得夠酥脆。大量嘅金蒜加埋3色椒同洋蔥去炒炸，味道好夠香。蟹身夠多肉而且夠鮮味，酥香酥香咁好好食。印度白咖哩-羊肉 $98少少辣嘅白咖喱，椰汁夠香，咖喱夠杰身撈飯食勁開胃。羊肉都唔錯，最緊要就係個咖喱可以味道本身味道夠香夠濃，好配任何野秘制豉汁白鱔煲仔飯 $118即叫即煮所以都要時間，打開個煲仔蓋香噴噴！加埋個豉汁上去再焗多一陣更加香。白鱔d油份滲晒落個飯到好油香好好食。白鱔多肉，油份多夠香濃。飯底仲要有飯焦，個飯焦簡直係精華所在，焦香脆，最鍾意食煲仔飯食埋個飯焦⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑清邁鐵板蠔仔蛋 $128香蒜椒鹽軟殼蟹 $138印度白咖哩-羊肉 $98秘制豉汁白熊煲仔飯 $118青檸柑桔梅蜜（凍) $38泰國絲苗白飯 $18
继续阅读
又到星期日又到拍拖嘅日子😄當然要拉我老婆出去散步啦我哋就去咗位於元朗形點行街呢度地方真係行到我好攰呀商場又大咁我就拉咗我老婆去我事先訂好嘅餐廳#泰東 泰國菜呢間出咗名嘅網紅店唔訂位好難有得食㗎因為我都係第一次去當堂俾餐廳外觀吸引住我隔籬就係酒店餐廳嘅裝修風格真係好似去咗泰國非常之靚，泊車又方便咁我哋就經過餐廳侍應介紹揀咗三道菜🥣冬陰功湯先開咗個胃酸酸味味味道好正🍖火山排骨真係超大份 啖啖肉排骨夠大又入味🥣海蜇沙律口感清爽🥭芒果糯米飯芒果夠新鮮夠甜非常解膩📍 泰東 (元朗)元朗東成里1號地舖
继续阅读
如果有時間不妨嚟呢度食飯。有一種忙裏偷閒。度假的感覺。 weekend更加有live band表演。其實行都可以嚟到。西鐵元朗站，就博愛醫院隔離。 揸車嘅朋友當然好啦。外面有好多停車位。門口有很多泰國擺設 ，很有泰國度假風情。空間很大。坐在外邊都不會太熱。泰國鮮蝦金柚沙律$98 個沙律汁係精髓。裏邊有很多香料好香，充滿泰國風情。柚子肉好厚。 酸酸甜甜好食。沙律有好多隻蝦啊！蝦好新鮮，肉好結實。 配合金柚沙律汁層次豐富。乾炒鮮蝦金邊粉$108又係蝦。又有好多隻蝦啊！蝦真的好新鮮。 圍邊有很多花生碎我喜歡。整碟的材料都很豐富。金邊粉很彈牙。開胃好食。牛肉紅咖哩$98咖哩汁勁香。本身已經有椰汁的香味。我又叫咗小辣。非常之容易入口。個汁十分惹味。牛肉好嫰滑。份量亦都好多。好配合這紅咖喱汁。用蒜蓉包沾汁更好食。泰式香蔥蒜蓉包$42焗得十分香脆。蒜蓉醬好足夠入味。淨食已經好正。沾咖哩汁一流。芒中沙冰$45 賣相好得，搶眼的金黃色。入口芒果味極濃郁。很清甜。暹羅特飲$45 好泰feel。珍多冰類。充滿濃濃的椰汁味。好東南亞風情。免費泊車。車就停响門口。勁方便啊！
继续阅读