泰昌餅家 (V Walk ) (已結業)

等左咁耐先寫，唔知通唔通得過審批原因係呢間已經搬走咗（可能執笠）泰昌的蛋撻真係好味，我次次都係會食原味的，牛油皮酥脆香，蛋滑嫩香，逢到下午五點左右就會有雞批等做特價，都幾抵買，

媽媽細個最鍾意食莎翁 難得今日經過泰昌餅家見佢$16兩個莎翁所以就買咗嚟孝敬媽媽🫶🏽平時係$10 一個知道佢哋係即日炸起唔會過夜所以我都唔介意上次行過青衣城嘅泰昌餅家問過佢哋製作時間11:00炸起 12:00放涼之後加上砂糖所以每日都係新鮮👍🏼

同事準備調職，所以中午我喺南昌V Walk食完飯，順便喺「泰昌餅家」買幾件餅歡送佢😚。泰昌環境裝修主色用上湖水藍，既時尚亦令人舒服。麵包貨架同雪櫃好整齊，成間舖好光猛。店舖得一位女店員，佢非常落力同有禮貌👍。呢度賣嘅產品種類比想像中多好多，蛋撻就當然係必食啦！泰昌個餅盒勁靚😍，用上卡通畫作呈現香港特式🇭🇰，送禮比人勁得體，就算自己望見都好開心。店員推介我食新推出嘅藍莓撻，而且佢仲話有組合優惠添！$18包一個藍莓撻(原價$12)以及一個皇牌蛋撻(原價$7.5)，其實平就唔係平好多🙈，不過既然買開，平幾蚊都好吖。藍莓撻幾好食啵🫐🤤，有啲意想唔到，首先我有諗過兩者會唔會唔夾，但出品效果比起幾年前大熱嘅芝士撻更搭調，層次更豐富。藍莓撻酸甜度啱啱好，中間有啲似布甸嘅蛋糕層軟軟綿綿。皇牌蛋撻係呢度嘅招牌👑，水準有保證。泰昌有別於其他餅店，因為佢嘅皇牌係用上曲奇皮，食落特別脆又無咁油。至於蛋漿亦係另一主角🥚，蛋質幼滑，味道香濃，最重要係夠濕潤。另外，我仲要咗兩件酥皮蛋撻($7.5)同老婆餅($6.5)。前者整體同皇牌蛋撻冇乜分別，唯一唔同係個皮，鍾意多層兼酥脆(而唔係爽脆)嘅就食呢款吧。我自己本身就

經常喜歡到泰昌餅家買沙翁或蛋撻， 今次經過見到深水埗深旺道28號V Walk 2樓109號舖的分店， 店內環境光猛，食物放置得很整齊， 看見有新產品藍莓撻， 好奇心之下買來試試， 順便買了皇牌蛋撻 (曲奇皮)、酥皮蛋撻和老婆餅。藍莓撻～ 藍莓醬甜度適中， 入口清香的藍莓味， 香脆撻皮鋪上濃郁的藍莓果醬， 加上一層雪白糖花， 美觀又好味。酥皮蛋撻～酥皮蛋撻是我的至愛，黃油酥皮的口感，鬆化香脆。皇牌蛋撻 (曲奇皮) ～ 新鮮熱辣的曲奇蛋撻脹卜卜， 蛋漿香滑無比。老婆餅～ 老婆餅是香港傳統中式餅，酥脆的外皮與香甜的冬蓉， 甜而不膩，正！今次雖然沒有買沙翁， 但俾我發現新產品藍莓撻， 下次又多一個選擇了

泰昌蛋撻幾乎係代表左香港美食之一，中環總店總是大排長龍，黎到vwalk都搵到佢。大約下午6點經過棍話買蛋撻食，見到佢麵包做緊折扣，$19/4個。抵到爛，乎是買左4個，有2個就留左第二日做早餐同下午茶。麵包款式都夠多，甜咸包都有，相片中都係我第2日食用既狀態，依舊好軟。橙色依個係芝士拉絲包，咬左一細啖就見到芝士係個正中央位置，芝士味道同料都足。綠色就係綠茶紅豆包，茶香夾埋紅豆既甜，依個日式包真係好正。

其實天天起床吃的第一餐是最重要的，而有選擇困難的人往往不知道天天應該要吃什麼早餐，而面包一定是首選，除了方便，也很省時省錢。早前天去了泰昌，看看有什麼可以買，剛好就讓我看到，特價19蚊4件麵包，那麼划算，不買下去真的對不起自己，分給家人吃也好。這次選購了腸仔包，咖喱牛肉包，薄餅和肉鬆包。個人最喜歡吃就是腸仔包，除了麵包的軟度適中，腸仔的肉質很結實，很飽肚，早餐吃到就會精神滿滿。另外，薄餅也不錯，很喜歡上面配料的配搭，加上茄醬吃，非常搭。下次再有19蚊4件優惠一定要再去買。

屋企人返屋企前去泰昌買咗盒蛋撻返嚟~!皇牌蛋撻熱辣辣，啲蛋漿好滿，脹卜卜好可愛！咬落蛋撻皮好脆，蛋漿有陣陣蛋香味，甜道適中，好食！！另外仲買咗我最鍾意嘅蝴蝶酥！只要買任何野加$10蚊就換到喇！屋企人當然無執輸，換咗一包嚟食吓！因為係我的至愛，急不及待咁，即刻開嚟食！咬落好脆，鬆脆到一拎上手都怕佢會鬆開！表面有糖粒，味道夠甜！好好食！最鍾意夠甜嘅蝴蝶酥！甜味仲帶到陣陣嘅牛油香，食下食下，一食就無咗半包！

經過南昌V Walk商場，因約了朋友，又時間尚早，就走咗入去行下。商場入面都有不少食店，行行下見到泰昌，知佢有好多餅食，就忍唔住入了去揾食。見到各式蛋撻，有皇牌蛋撻，士多啤梨味，芝士味，牛乳味，斑蘭味蛋撻，還有……但都不及見到一款斑蘭芝士蛋糕吸引，忍唔住立即買咗一個，外型好美，見到顏色綠得好可愛，返到去引唔住即刻切開同朋友分享，打開盒已有陣陣斑蘭同蛋糕香，咬落鬆軟可口，有斑蘭味之外，還有淡淡芝士香。甜味適中，食完一件，會再想食第二件！

家住南昌附近，好多時都係南昌一帶逛街，今日行行下行咗入V Walk商場，入面都幾多嘢食，上次試咗飯餐，今次想買啲小食回家給家人一同分享，見到泰昌有好多款蛋撻，五顏六色…非常吸引，我買咗紅色、綠色、奶黃色同蛋黃色，各買一個回家。家人開盒一睇，都異口同聲話賣相好靚喇！試下先…紅色士多啤梨味，入口濕潤都有士多啤梨香，綠色班蘭味，入口好滑有班蘭香味都OK，奶黃色牛乳撻，入口香甜，水份飽滿好有奶香味，真係唔錯，最後一款蛋黃色芝士撻，未入口都聞到芝士撲鼻，令我垂涎三尺，芝士味濃入口香滑，好味，係我至愛，下次一定會試埋其餘幾款。

香港地食泰昌就梗架喇, 雖然泰昌嘅蛋撻賣得相對貴小小，但比一般嘅餅店用心架。佢係用料同製作方法都同香港普通餅店有啲唔相同，簡單講就係佢嘅細緻位做得比平時好，所以即使賣得平時一般貴我都會黎,而家開到黎深水埗，緊係要睇下咩環境啦總括而言，泰昌佢嘅蛋撻係值得一食再食嘅，因為都真係幾香同埋佢個撻皮係曲奇皮。佢其中一個細節嘅地方就係佢蛋撻錫紙其實係有穿窿，令到蛋撻可以更加透氣，真係好鬼有心思,所以買蛋撻都好小去其他，的確係比一般高質

難得經過泰昌餅家，梗係要試下佢唔同既撻。佢既撻都做得好出色。斑蘭撻平時成日聽斑蘭蛋糕就聽得多，斑蘭撻就比較少見，所以即刻買左個。佢成舊綠色就知道佢好足料，佢既斑蘭味好重，就好似平時食既泰色耶汁糕既味道。同埋佢既餅底係牛油皮，所以我就好鍾意食。芝士撻我係一個芝士控，而芝士撻就係我既最愛。因為一食落去就有芝士溶流流出黎，食落淡淡都係芝士。淨食芝士都有d膩，但加左個餅底就好唔同！3.6蛋白牛乳撻平時食既牛乳撻會有好重既蛋味，但尼一個撻就唔會太重蛋味，因為佢只係用蛋白，所以就唔會太重味。

話說同朋友仔行新商場 估唔到南昌都會發展得咁好 成個商場多左好多好野食 我諗住附近既會超開心🥳飲完茶之後又口痕 經過見到原來連泰昌餅家都有 想試佢既蛋撻好耐啦 次次都撞唔岩時間 今日就買返個食先同友人分享 點左2款皇牌蛋撻💛係我最愛既曲奇皮 牛油味濃 食落都幾脆 而中間都熱辣辣 唔錯唔錯3.6蛋白牛乳撻💛一樣係曲奇皮 而中間就變左充滿奶味 但又唔會好甜 食埋2個就滿足曬啦😌😌不過其實佢係香港都幾多分店 同埋都幾多野賣 我見有早餐3文治都有 下次經過可以試試佢😆

係V walk 行完街 見到呢到開左泰昌餅家 就買左個斑蘭芝士蛋糕同埋芝士蛋撻拎返屋企比屋企人食Hehe好明顯係芝士控啦我地 特登揀啲有芝士嘅野食😏😏😏泰昌餅家不嬲都出名蛋撻架啦 但佢嘅芝士蛋撻都一樣咁好食 芝士蛋撻用嘅一樣係牛油曲奇皮 多左份芝士味 但都唔會蓋過佢本身嘅蛋香同牛油香 塔皮同內餡結合得唔錯而斑蘭芝士蛋糕 食落口感好軟熟 有淡淡嘅芝士味 不過就唔濃 斑蘭味都唔算太出 但我幾鐘意佢成個textures 所以都ok嘅！

一向好支持泰昌嘅蛋撻同沙翁！但唔知幾時開始，已經好難搵到沙翁喇！問職員好似得返中環先有得買！真係好掛住啲大沙翁呀...><不過今次俾我發現泰昌出咗新野！櫃入面有啲五顏六色嘅蛋撻！叫彩虹撻！買咗2個最特別嘅顏色試！超粉色嘅士多啤梨味同綠色嘅斑斕味！本身都怕會中伏，但估唔到又幾得意wor!! 綠色嗰個斑斕味好明顯！我本身鍾意斑斕味，所以幾鐘意！士多啤梨味就係淡淡地嗰種，有啲似平時台式飲品嘅味，幾有趣呀~！

行街行到攰攰地，就想買番支野飲! 咁啱路過見到泰昌有新鮮出爐蛋撻，即刻忍唔住買返個食😍新鮮出爐嘅蛋撻 ($7.5) 永遠唔會令人失望，價錢雖然比起一般餅店嘅貴，但勝在蛋味夠香濃，曲奇皮鬆脆得嚟帶有陣陣牛油香味，令人回味無窮😋😋除咗經典蛋撻之外，作為一個冷泡茶控，見到佢嘅雪櫃嘅桂花烏龍冷泡茶($22) 當然唔可以錯過啦! 輕輕打開樽蓋，已經聞到茶入面淡淡嘅桂花香味，飲落去首先感受到淡淡烏龍茶香，然後帶有少少甘甜，份外清新！以連鎖式餅店嚟講，能夠做到呢個效果，確實令人喜出望外! 買嘅時候舖頭職員仲提醒我，飲完之後可以加凍水再沖多次tim，絕對值得推介‼