影片
等左咁耐先写，唔知通唔通得过审批原因系呢间已经搬走咗（可能执笠）泰昌的蛋挞真系好味，我次次都系会食原味的，牛油皮酥脆香，蛋滑嫩香，逢到下午五点左右就会有鸡批等做特价，都几抵买，
继续阅读
妈妈细个最钟意食莎翁 难得今日经过泰昌饼家见佢$16两个莎翁所以就买咗嚟孝敬妈妈🫶🏽平时系$10 一个知道佢哋系即日炸起唔会过夜所以我都唔介意上次行过青衣城嘅泰昌饼家问过佢哋制作时间11:00炸起 12:00放凉之后加上砂糖所以每日都系新鲜👍🏼
继续阅读
同事准备调职，所以中午我喺南昌V Walk食完饭，顺便喺「泰昌饼家」买几件饼欢送佢😚。泰昌环境装修主色用上湖水蓝，既时尚亦令人舒服。面包货架同雪柜好整齐，成间舖好光猛。店舖得一位女店员，佢非常落力同有礼貌👍。呢度卖嘅产品种类比想像中多好多，蛋挞就当然系必食啦！泰昌个饼盒劲靓😍，用上卡通画作呈现香港特式🇭🇰，送礼比人劲得体，就算自己望见都好开心。店员推介我食新推出嘅蓝莓挞，而且佢仲话有组合优惠添！$18包一个蓝莓挞(原价$12)以及一个皇牌蛋挞(原价$7.5)，其实平就唔系平好多🙈，不过既然买开，平几蚊都好吖。蓝莓挞几好食啵🫐🤤，有啲意想唔到，首先我有谂过两者会唔会唔夹，但出品效果比起几年前大热嘅芝士挞更搭调，层次更丰富。蓝莓挞酸甜度啱啱好，中间有啲似布甸嘅蛋糕层软软绵绵。皇牌蛋挞系呢度嘅招牌👑，水准有保证。泰昌有别于其他饼店，因为佢嘅皇牌系用上曲奇皮，食落特别脆又无咁油。至于蛋浆亦系另一主角🥚，蛋质幼滑，味道香浓，最重要系够湿润。另外，我仲要咗两件酥皮蛋挞($7.5)同老婆饼($6.5)。前者整体同皇牌蛋挞冇乜分别，唯一唔同系个皮，钟意多层兼酥脆(而唔系爽脆)嘅就食呢款吧。我自己本身就唔太钟意食老婆饼😓，但食咗啖都已经感受到佢爆多冬瓜蓉。总括嚟讲，泰昌嘅出品系有质素😋，就算系本地人食都会觉得好味。蛋挞以外，蓝莓挞都好正，我希望佢唔系只系期间限定款式啦🙏🏻。
继续阅读
经常喜欢到泰昌饼家买沙翁或蛋挞， 今次经过见到深水埗深旺道28号V Walk 2楼109号舖的分店， 店内环境光猛，食物放置得很整齐， 看见有新产品蓝莓挞， 好奇心之下买来试试， 顺便买了皇牌蛋挞 (曲奇皮)、酥皮蛋挞和老婆饼。蓝莓挞～ 蓝莓酱甜度适中， 入口清香的蓝莓味， 香脆挞皮铺上浓郁的蓝莓果酱， 加上一层雪白糖花， 美观又好味。酥皮蛋挞～酥皮蛋挞是我的至爱，黄油酥皮的口感，松化香脆。皇牌蛋挞 (曲奇皮) ～ 新鲜热辣的曲奇蛋挞胀卜卜， 蛋浆香滑无比。老婆饼～ 老婆饼是香港传统中式饼，酥脆的外皮与香甜的冬蓉， 甜而不腻，正！今次虽然没有买沙翁， 但俾我发现新产品蓝莓挞， 下次又多一个选择了
继续阅读
泰昌蛋挞几乎系代表左香港美食之一，中环总店总是大排长龙，黎到vwalk都揾到佢。大约下午6点经过棍话买蛋挞食，见到佢面包做紧折扣，$19/4个。抵到烂，乎是买左4个，有2个就留左第二日做早餐同下午茶。面包款式都够多，甜咸包都有，相片中都系我第2日食用既状态，依旧好软。橙色依个系芝士拉丝包，咬左一细啖就见到芝士系个正中央位置，芝士味道同料都足。绿色就系绿茶红豆包，茶香夹埋红豆既甜，依个日式包真系好正。
继续阅读