泰斗 (中達大廈)

营业中

休息中

今日放假同屋企人黎食尖沙咀特色泰國菜(泰斗)，餐廳裝修整齊，有戶外座位選擇，職員好有禮貌介紹餐牌。酸辣青檸明爐魚 $248魚選用烏頭魚，香濃的魚湯，有香茅、薑、辣椒、檸檬葉及芹菜令味道更加濃烈，加入帶有酸味及鹹味的青檸汁，又有粉絲，粉絲吸收了酸辣汁非常辣，魚肉非常結實，又沒有腥味，整體酸辣開胃。菠蘿海鮮炒飯 $168賣相吸引，炒飯光澤金黃，配料有鮮蝦和魷魚，鮮蝦好大隻肉質鮮嫩，魷魚非常爽口再加上果仁和肉鬆，更加香口，菠蘿非常鮮甜，份量也非常充足。飛天通菜 $98通菜翠綠，食落爽口，配上馬拉盞醬汁炒得非常惹味，又辣又香又惹味。芒果沙冰 $68沙冰非常大杯，沙冰入口即化 ，香甜的芒果味，又有芒果雪糕嘅軟滑，食完辣嘢之後飲番啖透心涼。總結來說，餐廳食品多元化，有泰國風味，值得推薦來嘗試。

泰斗已經係第二次回訪的泰國菜，平日晚都滿座，餐廳充滿泰式風情，有室內又有室外位置，天氣無咁熱坐出面都幾chill。食物質素唔錯，大大碟岩晒幾個朋友聚會。叫左小食拼盤，都炸得好香口同埋熱辣辣。食泰國菜都唔少得叫返個咖喱，揀左要海鮮，一定要記得要叫埋薄餅，因為點咖喱真係好好食，海鮮又豐富，有青口、魷魚、蝦等等。主食要左冬陰功海鮮炒飯，一食就覺得自己飲緊冬陰功湯，唔係好食得辣，都可以揀小辣，好惹味！最後都加左個芒果糯米飯，芒果好甜，糯米飯好黏身有咬口。飲品推介芒果沙冰，係好creamy既沙冰，唔會太甜，好大杯要share飲。White temple係泰斗的Signature Cocktail，有一粒熊仔冰都幾得意，食物份量都比較大，三個人都食到好飽😂🔸小食拼盤(細)🔸泰式燒豬頸肉🔸咖哩海鮮 加配烤薄餅🔸招牌冬蔭功海鮮炒飯🔸芒果糯米飯🔸芒果沙冰🔸White Temple

今日同屋企人慶祝生日，嚟呢間尖沙咀泰國菜餐廳食飯～ 呢間餐廳有室內室外座位，餐廳結合現代酒吧同傳統泰式風味，餐牌選擇好多～ 咖喱蟹 $438肉蟹夠晒大隻，夠晒3-4個人share～ 好香嘅黃咖喱味，香得來唔會太辣，蟹肉厚身鮮甜，咖喱汁撈飯食一流，我哋仲加左烤薄餅點住食～ 大頭蝦冬蔭功湯（細）$158好正宗的冬陰功嘅酸辣味，好開胃～ 裏面材料都幾豐富，有大頭蝦、洋蔥、香菇～泰斗清新特飲 $42呢款係加咗玉桂同丁香嘅檸檬茶，好香玉桂同丁香味，加埋檸檬感覺清新～ 菠蘿汁 $38菠蘿味好濃郁，酸酸甜甜好開胃，食泰菜飲呢個最岩～ 泰式椰青糕 $48晶瑩剔透，裏面有椰肉，用左椰青汁整，椰子味好濃郁，清新清甜～整體食物質素唔錯，店員服務態度細心，上菜速度快，餐牌款式選擇夠晒多，地點方便～

去咗一間喺尖沙咀泰國菜館, 地點好方便, 喺尖沙咀shopping 完又唔想去九龍城食泰國菜, 依間真係不二之選。餐廳位於商業大廈2樓, 一出𨋢已經聽到傳來泰國音樂, 好有去咗泰國嘅感覺。室內主要都係傳統泰國式擺設, 另外如果唔怕近期天氣熱, 亦都可考慮出戶外小露台餐枱用餐。首先選咗一杯凍飲🥤White Temple (成份有乳酪、白葡萄酒、荔枝、橙汁、桃子、甜橙）好清新, 白酒更加帶出果香, 酸酸地好開胃, 好啱夏天飲, 特別係隻冰熊仔, 賣相吸引, 岩哂打卡!鹽燒牛舌芯: 用牛舌中心部位做材料, 超嫩滑juicy, 食落帶有淡淡炭燒味道, 牛味亦好濃郁。冬蔭功明爐魚:坊間大多泰式爐魚都只係酸酸辣辣, 今次用咗冬蔭功做湯底都係第一次, 魚肉吸滿冬蔭功湯, 另外用上泰國粉絲同秀珍枯等做配料, 開胃又滿足!泰式生蝦:好爽口, 夾蒜片再沾酸辣汁食, 好惹味, 不過鮮味就唔太出。鹹魚炒芥蘭:正常水準冇咩特別驚喜, 芥蘭盡索咗個汁, 鹹鹹地。

朋友來自遠方, 盡地主之儀總要同佢食餐Welcome dinner。提早預訂了一間尖沙咀樓上泰菜餐廳, 主打新派泰菜, 同時亦保留好幾款傳統泰菜, 款式選擇多, 絕對滿足不同口味!除了有泰式特飲, 另有數款cocktails, 賣相仲好適合打卡~【招牌咖喱蟹】HK$438咖喱蟹都幾大隻, 黃咖哩茨汁挺身份量多, 足夠平均包住每件蟹件, 咖哩香甜美味, 令蟹肉鮮味更加提鮮, 好食得order多個薄餅沾咖哩食, 正。【泰式鳳爪】HK$98冷盤無骨鳳爪份量多, 每件連帶軟筋, 爽口有嚼勁; 自問平時都食得辣, 我都要講句呢個汁果然夠辣!【原盅椰青大頭蝦冬陰功】HK$128 （2人）冬陰功跟椰青水cross-over, 依然突顯到冬陰功獨有嘅酸辣味, 對比傳統冬陰功湯黎講, 味道不會過於重口味, 酸辣中亦保留到椰青嘅香甜, 而且仲有好幾件又林又滑嘅椰肉食。開邊大頭蝦肉結實爽彈, 索咗湯汁精華, 整個份量足夠2-3人share。【士多啤梨沙冰】HK$68沙冰幼細, 大大杯, 入口即溶, 有淡淡士多啤梨香甜, 既清新, 又可以伴食辣野時解辣。

呢間泰國菜真係好正呀！佢哋嘅小食拼盤有蝦餅、春捲、雞棗同埋魚餅，每一樣都好食嘅。蝦餅夠脆又彈牙，魚餅有香料味。春捲入口香脆，入面嘅肉同蔬菜比例啱啱好。雞棗肉質嫩滑，配醬汁更加美味。佢哋嘅泰式辣椒膏炒蜆真係招牌菜之一，味道香辣濃郁，加埋鮮甜嘅蜆，真係值得一試。泰式蝦肉炒金邊粉都係佢哋嘅招牌菜之一，金邊粉口感好獨特，彈牙有嚼勁，同埋加入新鮮嘅蝦肉同泰式香料，味道真係超正！仲有鹹魚炒芥蘭呢道菜都好唔錯，鹹魚嘅味道同芥蘭清香口感好搭，夠曬鹹香。最後，佢哋嘅泰式奶茶同龍眼冰都好飲呀。泰式奶茶味道濃郁，啱曬鍾意奶茶嘅人。龍眼冰好凍好爽，真係消暑之選。

位於海防道嘅泰菜餐廳，分別有戶外同室內座位，環境氣氛好chill好適合一班朋友聚餐🇹🇭柚子沙律 $108份量都幾多，柚肉剝成小塊，有紫洋蔥、乾葱頭、蒜頭等配料，加入泰式酸甜汁，開胃之餘又相當惹味，仲香脆腰果令口感更豐富🇹🇭泰式炒椰菜苗 $128椰菜苗口感爽脆，炒得好有鑊氣好香，泰式炒味道辣辣地夠哂風味🇹🇭椰香青咖喱雞 $138青咖喱椰香味道偏重，都好足料，雞件、泰式茄子、豆角每款都有好多，雞柳肉質鮮嫩，無骨啖啖肉，咖喱汁好啱用嚟點薄餅食🇹🇭泰式蝦肉炒金邊粉 $128金邊粉材料好足，有蝦仁、蛋碎、芽菜、花生碎，口感豐富有層次！味道酸酸甜甜，越食越開胃🇹🇭串燒沙嗲牛$38 沙嗲豬$38每份有兩串，燒到微微帶焦，咬落口啖啖肉有肉汁，配埋甜甜地既沙嗲醬，更惹味🇹🇭飲品珍多冰 $42 椰汁冰 $42椰漿味道香甜，珍多冰入面粉條軟滑，消暑解渴

🎪 泰斗(尖沙咀)尖沙咀海防道38-40號中達大廈4樓樓上露天泰國菜🇹🇭餐廳好有格調好有feel🥳似足泰國resort🥰露台空間用餐仲可以望住九龍公園景色，岩晒兩個人撐枱腳😚🌸環境係五星級啊‼️🌟冬蔭功明爐魚 $248好用心既菜式，即時製作，好野係值得等待架😙上枱熱烘烘，店員預備一大碗冬陰湯，不時幫手淋湯，滾起後飲下湯底刺激味蕾🥹正正🫶🏻入面有好多香料 ，有金不換、香茅等，魚肉嫰滑，配料有菇類和粉絲，吸曬啲湯夠入味😙🫶🏻🌟鹽燒牛舌串 $48有兩大串架！過過口癮岩晒。聞上去好有烤香味，咬落去入面係軟心架，配埋醬汁就夠晒惹味‼️🌟蝦醬炒通菜$98最近小編都種通菜😗不時不食，依家食通菜岩晒😂家庭式既感覺，配蝦醬惹味，正常發揮。🌟泰式椰青海鮮焗飯$178上枱哇一聲真係不得了，份量係巨多‼️開初以為擺盤先推到咁高，但原來深不見底 🫣應該係4個人既份量。椰汁🥥味濃，入面有好多海鮮，入面仲有椰子肉，啖啖口感好豐富🥹想再多層次啲，又可以加埋肉鬆同腰果，係正架！🌟奇異果沙冰$68🌟Pomelo Master $88

尖沙咀隱蔽泰國風情餐廳，讓你置身於泰國的渡假酒店一樣，綠油油的戶外天台，環境清新，食物的質素CP值高！✨💖🦥《泰北椰汁蟹肉伴青瓜》$148特色的前菜小吃，雖然說是小吃，但也相當大份！清爽清新多汁的青瓜圍圈地排在碟邊，中央位置是椰汁蟹肉，是熱的，香濃的椰汁味，配上豐富的蟹肉，放在青瓜上共同進食，惹味滿分。《汁燒安格斯小排》$198餐廳有多種海鮮和肉類的菜式，這款汁燒安格斯小排，份量很多，起碼切到有廿塊以上，而且是啖啖嫩肉，牛味香，多汁美味，滋味非常！性價比高！《串燒沙嗲雞》$38/2串泰菜豈少的點串燒呢！串燒也很出色！沙嗲雞的雞肉很嫩滑！啖啖肉！沙嗲醬也很惹味！《泰式椰青海鮮焗飯》$178賣相極為吸引的焗飯，以椰青為外形，內有椰汁味香濃的焗飯，多種海鮮混合在一起，蝦、青口、魷魚等，而果仁和肉鬆則放在旁邊，可自行加入，很細心的做法！《青檸可樂》$42《龍眼冰》$42飲品方面，有多種泰式飲品，杯子也很精緻，有樣子的杯，有趣有趣。

位於尖沙咀海防道的一間樓上泰菜店🇹🇭分室內及室外區 室外都幾有特色 都唔會食到好熱好唔舒服😌望出去的就是九龍公園的古老大樹🌳別有一番風味如果有要求 就記得預定先喇 真係幾Full下😉泰式生蝦 $128蝦肉好彈牙 幾喜歡呢家的調味汁 辣得好過隱🌶️柚子沙律 $108基本上都係柚子 質素唔差 唔好有苦味👍🏻酸甜酸甜 開胃菜一流😗椰香青咖哩雞 $138烤薄餅 $36咖哩配薄餅 都係絕配之一 薄餅要趁熱食😎重椰香的青咖哩包左不少雞件及疏菜🥘生菜包 $138份量好夠 肉碎中的香料味重 仲有炸豬皮😋配新鮮大大塊生菜 包到滿滿的😏泰式蝦肉炒金邊粉 $128大蝦數量唔少 炒出黎的酸味好足 幾好食🥰飲品 正常發揮 坐戶外飲特別爽🌟龍眼冰 $42青檸梳打 $42

餐廳主打正宗泰國菜，分室內同室外坐位室內裝潢雅致帶泰國風味室外既露台座位可以望住對面九龍公園綠油油的樹景，不論日與夜都非常有 feel環境和食物都讓人恍如置身泰國一樣，讓大家在鬧市中偷閒一刻 食物方面:原盅椰青大頭蝦冬蔭功 : 大頭蝦肉質結實爽彈，蝦膏鮮味，將冬蔭功湯放入椰青，有酸辣味又有椰青既清甜味泰胡椒炒青口 : 青口夠大隻，厚身啖啖肉，再用泰胡椒同其他配料爆炒，夠曬惹味椰香黃咖喱 (牛肉) : 黃咖喱加入椰糖，甜而不辣又夠香濃，牛肉嫩滑，配埋薄餅或蒜蓉包就 very good辣椒膏海鮮炒河 : 有大蝦，青口、魷魚等海鮮，再用泰式香料調味炒兜，河粉用濕炒方法更加湯溜惹味椰汁冰 : 椰汁味重，夠曬冰涼，最愛的泰式飲品之一椰汁紅豆冰 : 椰汁味重，再加入紅豆，冰涼又夠曬經典Ours Tips : 如果想預約露天位置座位，記住提早預約

去完海洋公園熱辣辣左全日就要搵有咩好食，諗住出返嚟金鐘搭一個站去尖沙咀搵食，揀左間泰國嘢♥ 菠蘿🍍海鮮炒飯 $168次次黎食泰國嘢都一定會嗌菠蘿炒飯，米飯炒得粒粒分明，每粒都吸哂菠蘿🍍既甜味🥰海鮮份量超足料有蝦、魷魚🦑同青口，每啖飯仲有菠蘿肉、臘腸同埋提子乾伴隨肉鬆同腰果一齊食最好食😋♥ 汁燒安格斯小排🥩 $198一上枱已經聞到好香，份量都唔少有好多件牛小扒，牛肉味香濃帶7成熟肉質口感就最好，點埋泰式辣汁十分惹味♥ 泰式炒椰菜苗🥬 $128椰菜苗平時好少會整黎食，泰式炒就最合適不過，帶辣辣地幾過癮夠哂風味♥ 串燒沙嗲雞🐓 $38串燒雞一份有兩串，大大件既雞件燒得好香！蘸上滿滿沙嗲汁好好食😍個沙嗲汁我仲留返黎點其他菜式食😆♥ 芒果糯米飯 $68最愛芒果糯米飯❤️芒果大大舊仲好香甜，淋埋椰汁上糯米飯面頭再夾上芒果一齊食就最夾♥ 珍多冰🥤 $42一個字，正！熱左全日終於可以坐低飲番杯凍嘢透心涼！ 梛香味濃，綠色粉條有咬口♥ Pussy Foot🍹 $88唔飲酒飲番杯mocktail，係由橙汁、菠蘿汁、番石榴汁、牛奶同七喜，超fresh♡ 平時都好鍾意食泰國嘢！呢度菜式多選擇，仲有半露天位置，唔

大頭蝦冬蔭功湯 HK$158有兩隻開左邊嘅大頭蝦🦐蝦肉幾新鮮💖冬蔭功都好惹味🫶🏼有菇、車厘茄同香茅🍅不過最讚嘅係服務👍🏼飲到一半因爲驚湯凍左，服務人員會幫手點點火🔥保持住溫度🥰份量幾夠😙兩個人真係飲唔曬🤘🏼串燒沙嗲雞同牛 HK$76各兩串🍢擺碟好靚😍一上就令人涶然欲滴😇雞肉夠軟，沙嗲醬甜甜地有啲花生粒好正🥜牛肉外層焦脆🐮菠蘿海鮮炒飯 HK$168原隻菠蘿上😍仲有肉鬆同埋腰果🍍夠曬香😋入邊都有粒粒大蝦同埋魷魚🦑多到食唔曬😜咖哩海鮮 HK$188海鮮有青口、蝦、魷魚🤩青口好新鮮，有四隻😊其他都唔錯，不過比起其他碟擺盤就隨意啲，肚腩就🆗咖哩加啲菜嘅，不過朋友少食泰菜就唔太慣🙈芒果沙冰 HK$68飲品簡直係呢間餐廳嘅精髓所在🍹呢個芒果沙冰不得了🥭朋友讚不絕口，味道唔人工，棉棉嘅沙冰果然係夏天晚上消暑解渴必備🍧White Temple HK$108肚腩就要左cocktail 🍸個熊仔好得意😎野飲顏色好正🌅打卡一流☺️有小小荔枝味，整體而言都幾清爽，讚😆椰子蛋糕 HK$58好清新嘅味道，加左少少碎白朱古力🍫上面係椰子moose🥥下面係芒果🥭夾埋都好輕盈，唔會飽濟😋都要讚下服務呢☺️基本上服務人員都好貼

餐廳分室內同戶外, 室內枱與枱嘅距離比較近, 戶外環境好有feel, 不過而家呢d 天氣就會比較熱。𓊈馬莎文咖哩牛坑腩配薄餅 $𝟷𝟾𝟾𓊉咖哩味道好濃郁, 唔會覺得辣, 牛坑腩好軟腍, 側邊仲有薄餅可以蘸點咖哩嚟食, 好惹味!𓊈燒牛肉沙律 $𝟷𝟹𝟾𓊉牛肉燒得好好, 每片都好粉嫩充滿肉汁, 上面灑滿泰式辣汁, 味道酸酸辣辣, 清爽開胃, 好好食!𓊈燒汁魷魚筒 $𝟷𝟻𝟾𓊉魷魚筒燒得剛剛好, 肉質好爽口彈牙, 唔會太靭, 蘸點埋側邊個辣汁, 好惹味!𓊈泰式香葉肉碎炒飯 $𝟷𝟸𝟾𓊉炒飯份量都幾多, 炒得粒粒分明, 香葉同肉碎比例勻稱, 好有口感。𓊈Fruit Punch $𝟾𝟾𓊉裡面有橙汁, 菠蘿汁, 石榴同梳打, 味道唔會太甜, 幾解渴解膩。𓊈Pussy Foot $𝟾𝟾𓊉同 Fruit Punch 嘅味道好似, 不過用7-up 做底, 而且多咗陣奶味。𓇊 整體食物飲品嘅質素都幾好, 值得二訪!

朋友試過泰斗，環境氣氛超好！所以相約請食生日飯😍鹽燒馬友：肉質香滑👍食到滿口魚油香味👍讚👍軟殼蟹沙律：軟殼蟹size適中！沙律就麻麻！炭燒豬頸肉：一上檯已聞到好香炭燒味！好好食👍紅咖哩牛坑腩：牛坑腩太有咬頭、紅咖哩汁好味。蒜蓉包夠乾身、香脆。食完一份、再加單多一份👍生日甜品😘椰香菠蘿慕絲👍泰式奶茶熱龍眼冰👍椰青