泰斗 (中達大廈)

营业中

休息中

位於鄰近尖沙咀地鐵站泰國餐廳選址非常之好。而且氣氛同服務好好，環境和燈光設計我認為有俾足心機的。先叫一份”蒜蓉包”,我認為份量太細而且得個咸字。另外叫咗一份”咖喱南瓜盅”我睇OpenRice係極力推薦嘅菜式,但比我預期中好差🥺🥺冇咖喱味只得咖喱嘅顏色。但其實賣相還可以的“菠蘿炒飯”係我每逢一到泰國餐廳必食嘅菜式😗,我認為味道不錯,但要小心啲匹出來，唔係就會整到成枱都係🤣🤣飲品方便叫咗杯龍眼冰(我以叫咗少冰),但仍然半杯都係冰😂😂😂總括而言,服務態度好好但食物質素有待改善

📍泰斗📍Thai Master Restaurant & Bar#ThaiMasterRestaurantandBar.🇭🇰香港尖沙咀海防道38-40號中達大廈4樓🇭🇰Level 4, Zhongda Building, 38-40 Haiphong Road, Tsim Sha Tsui, HK.人均消費: HKD357.味道: 👅👅👅賣相: 👀👀👀價格: 💰💰環境: 🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️回頭率: 🔆🔆.今晚去試間大家都未試過嘅泰國菜！位於尖沙咀海防道，地鐵站一出行1分鐘就到，十分方便！餐廳都算大，有個露枱位，適合一大班人食飯！入去時有人同你量體溫，侍應們都好好幾親切.👎🏻「泰式冬陰功火鍋湯」 HKD188大有6碗，剛好一人一碗！湯比較少，實際得半碗湯帶酸但無乜辣味，無咗冬陰功的層次感！食到蝦時食得出有陣霉味，好彩無影響個湯，本來屬普通水平，頓時要俾個👎🏻.👎🏻「泰式生蝦」 HKD118第一次見到生蝦個質地係綿😅入口就唔洗講，一啲都唔爽！無乜蝦味，蘸完個汁推提唔到味的確幾失望.Ⓜ️「小食拼盤」 HKD168拼盤有香葉雞中翼，魚餅，蝦餅，素春卷！魚餅同蝦餅口感都

見網上食物及環境圖片唔錯，一於試試。疫情下，呢間餐廳都算多人黎食，限時90分鐘。一入到去感覺好正，仲比咗露台位，開揚舒服，早食人少啲，2人可坐4人位，同隔離枱有距離感覺良好Menu相片影得好靚，令我樣樣都想食生菜包有炸豬皮，好脆好香，肉碎份量多，可惜生菜唔夠包晒全碟。炸軟殼蟹柚子沙律較遜色，柚子有點苦澀乾，我好喜歡食軟殼蟹，但呢個似炸完好一段時間，蟹殼味道未夠香。串燒嘅精髓在於個沙爹醬，可惜佢無乜麻醬味，而肉質係較實質感。海鮮炒河，食得辣應該幾欣賞，可惜我太耐無食辣，我食一碗已頂唔到海鮮有青口、蝦、尤魚，餸嘅份量都算多，不過我唔食炒粉嘅海鮮所以唔知好唔好味，家人就成碟清晒。露台邊位係舒服，但食物質素就較普通，如果傾計聚吓都係唔錯選擇，一試無妨，見隔離枱叫咗飲品，幾大杯同埋幾靚

職員態度頗差，說了book枱，但職員也不check一下，問可否換戶外枱，也沒解釋就只說可以換一張不是在戶外的枱。廁所衛生不好，地下濕濕淋淋，亦在廚房隔離…食物質素ok，幾十蚊食個lunch都唔要求太多，但也不應該做到在茶餐廳以下的服務水平，到我們走的時候，還有戶外枱是沒有人坐的，我明白那些是4人枱，可能想留給大枱客人，但明明就有另一戶外枱是坐著兩個人，為甚麼他們又可以坐呢？我book枱都有說明要戶外枱的，餐廳服務有待改進。

我見餐廳在一個網上平台訂位可以晚餐主菜買一送一今日男朋友又接我收工，咁就去試吓，因為我在附近返工平時都係食lunch冇試過dinner ,lunch 態度都唔好成日幾個職員圍埋傾計，叫極都冇人理，但由於就腳所以都經常幫襯但今次經歷後以後都唔會再去幫襯。 一去到見到個女職員係reception ，平時lunch 唔覺眼佢係度，今晚dinner 終於見到成日係食評被人投訴既佢，真係聞名不如見面。我預約左時間準時到達，同佢講預約了佢話見唔到booking 我話我係網上預約（重點我態度好好佢黑面黑到好似全世界得罪佢一樣），佢就望下個iPad ，我再問請問見唔見到我的booking 佢又唔答，就直接攞起一堆menu 就行，又冇表示我地是否可以行去坐座，我唯又再問佢，係唔係見到我地個booking ,佢就答單字：有 我都算啦我跟住佢去佢安排的坐位，當中大概又7台枱唔算多人大把枱，佢安排我地坐係後欄隔離又濕又嗅，我見咁多位就問佢可唔可以坐坐另一張枱，單佢個樣黑到唔識形容，咩都冇答就大大力咁攞起menu 發脾氣走，真心我都係黎幫襯唔洗咁既態度嘛，我都繼續忍，諗住是但唔想行來行去求其食。成功坐低諗住點

成日經過海防道，行到一個位，都發現有盞彩色射燈從高處射向地面，究竟係咩黎架呢！今日我終於知了！原來就係呢間泰國餐廳射出黎架上到黎餐廳，感覺其實唔太似一間食泰菜既餐廳黎，會係似食西餐多d，不過都唔緊要，重點係原來車水馬龍既海防道之上，有間咁有 feel 既泰國菜！所以，呢度都算係座無虛席架事不宜遲，即睇下我地今晚食咩先！呢個係 鴨肉生菜包，通常生菜包都以牛 / 豬肉為主，鴨肉真係比較少見，其實食落既味道同一般 豬牛雞 無咩分別，不過口感就比較煙韌，都幾特別菜係一定要有既！所以又揀左個泰菜當中既特式炒菜，佢係 泰式炒椰菜苗，食過既朋友就知呢款菜係比較煙韌有咬口既，泰式既味道帶有香辣，所以係一個比較香口既炒菜黎，但如果以一個炒菜而言，佢既價錢就相對貴左少少，價值 $118蒜香軟殼蟹，呢個我絕對推介比大家，因為呢個性價比幾高，而家已經唔係度度都有炸軟殼蟹食，而且要炸得好味，其實真係有難度，除左味道，佢既份量都幾多，講緊都有3大隻軟殼蟹比到你架件件軟殼蟹都幾有肉質及質感，食落口重有啖啖蟹膏味，如果點埋附上既泰式辣醬，味道更香口更好味主食黎講，今晚主要有 2個，呢個係其中一個，佢係 馬莎文咖喱牛坑

我們去到尖沙咀海防道的一間樓上泰式餐廳，餐廳名字＂泰斗＂。我們一行兩人上到樓上服務員殷勤的接待我們坐在露台卡位上，露台環境非常之開陽，對面就是九龍公園，大樹盡就在我們的眼底內，座位非常寬敞和開揚。可以坐約80人，他們的主打是泰國菜。接下來我們點了三款菜，分別是泰式濕炒肉片河粉，馬莎文咖喱牛坑腩配薄餅，最後一款係泰式炒素雜菌，引來了一刻飲料＂椰靑＂濕炒肉片河粉，肉片非常之嫩滑，加上非常之夠火的炒河粉，絕對有酒店式的炒法。我最欣賞的是牛坑腩，絕對是我的致愛，馬鈴薯和牛腩跟經過長時期的炆煮，非常之嫩滑，加上特製的配料製作，一點兒辣味都沒有，配上即是烤製的薄餅，醬汁非常美味，如果可以追加薄餅就好了！泰式炒雜菌，廚師選用了蘑菇，金針菇和花菇加上泰式的製作，味道恰到好處。至於大大個的椰青，餐廳特別嚴選，個頭特別大的，非常清甜的椰汁，加上裏面啲椰子肉爽滑。值得推介的一間泰式餐廳。

經過海防道的時候經常見到有射燈的餐廳-泰斗。今日終於有機會和同事一齊試一下。*鴨肉生菜包($128)豬肉生菜包就吃得多了，第一次食鴨肉生菜包；鴨肉比起豬肉感覺乾身一點，不會太肥；生菜很新鮮，而且感覺洗得很乾淨。*蒜香軟殼蟹($108)炸得超透的軟殼蟹；脆到好似薯片一樣。*泰式炒椰菜苗($118)點了不少的肉，當然要點一個菜中和一下；椰菜苗新鮮，雖然有少少辣椒，但一點都不辣。*馬莎文咖喱牛坑腩配薄餅($168)偏甜的一款咖喱，有咖喱的香，但一點都不辣；牛坑腩很淋，薄餅尚算酥脆。*泰式香辣蝦膏海鮮炒河($118)這個炒河真的很辣，辣到不太接受到；炒河偏濕一點，海鮮配料比想像中多。*串燒($38*3)串燒點了三款，有豬牛雞。雞串燒是最好食的，不會太乾。豬肉醃得很入味。牛肉比較差，非常UN。

位於尖沙咀海防道呢條人來人往既街道上既一棟商業大廈（中達大廈4樓），位置非常方便就腳，裝潢唔差，特別既係仲有一個小露台，設有二三十個雅座，唔少食客都選擇坐出去，Chill住食泰國菜。泰式鳳爪 ($98 > 特價$68): 咁岩係近期特價菜式之一，更加抵食，份量比想像中多出不少。泰式鳳爪無骨，一口一隻，食落都幾方便。以泰式酸辣醬汁調味，酸酸甜甜之餘，更帶有小辣風味，極之開胃。鹽燒牛舌串 ($38/2串): 串燒當中，我獨愛牛舌，可謂必點之選，$38/2串係日式居酒屋一半價錢。牛舌熟度剛好，帶有豐富肉汁，質感亦爽口彈牙，肉味香濃。而搭配既秘製泰式醬料更係辛香惹味，獨特美味，我一人獨享了三串仍有點想追吃的感覺！泰式辣椒膏炒花甲 ($168): 以泰式辣椒膏、金不換及各種香料調既醬汁都幾香口惹味，與花甲蠻搭配，花甲肉漲卜卜，都幾鮮味。鹹豬肉炒飯: 泰斗既炒飯都唔錯，飯粒夠乾爽，粒粒分明，調味適中，咁既情況應該炒乜都唔錯，視乎自己鍾意食咩口味。而所謂鹹豬肉其實係經鹽醃製既豬腩肉片，炒落都幾有肉香。

首先就係個view超chill特別係戶外個part! 冬天涼涼地幾舒服泰式生蝦每次食泰國菜必嗌！一碟有8隻既生蝦配料有辣椒粒，蒜粒點埋生蝦醬食真係一流！海南雞半隻既海南雞份量已經好多最重要係個口感係勁嫩滑而且係冇骨既！超爽菠蘿海鮮炒飯炒飯堆滿左係菠蘿上面，有海鮮包括蜆，蝦，臘肉等等的再配有肉鬆等等既可以自己加上去，超豐富的！泰式蝦肉金邊粉金邊粉是我的最愛，炒得很彈q手，而且是用蝦肉炒的，海鮮味道帶出了整個鮮味份量都算多的！酸辣青檸明爐魚呢個明爐魚很入味，而且骨不算特別多，很快就ko了一條雖然說是酸辣，但我吃著一點也不辣，反而肉質很鮮嫩不錯

尖沙咀食泰菜嘅選擇唔多估唔到位於尖沙咀中央嘅海防道會有一間隱世嘅泰菜因為佢係樓上鋪平時行過都唔覺眼首先講吓個環境呢度有半露天茶座望出去啱啱就係種滿海防道既大樹🌳唔使望住人來人往嘅街道又唔洗比街上面嘅人望住你食嘢呢個寧靜舒適嘅環境同繁囂嘅尖沙咀形成咗一個強烈嘅對比可惜露天茶座已經坐滿左下次再嚟嘅話一定要book定位椰香紅咖喱配牛肉 $108咖喱嘅份量非常足料無論係牛肉定係野菜都好多香濃嘅咖喱滲出淡淡嘅椰香蒜蓉包 $32為咗食盡啲咖喱汁梗係要嗌返個絕配嘅蒜蓉包即製嘅蒜蓉包食落好脆牛油同蒜蓉嘅香味再加咖喱汁呢個配搭簡直無懈可擊泰式椰青海鮮焗飯 $148呢個焗飯平時食泰菜好少見到鍾意椰子味嘅朋友絕對不能錯過首先呢個飯用咗椰汁🥥炒飯每一粒飯都吸收左椰汁嘅精華所以食咗嘅每一啖都有濃郁嘅椰子味而且飯入面除咗海鮮之外仲有原條啲椰子肉呢個飯可以話盡顯左椰子嘅特色冬陰功明爐魚 $188又想飲冬陰功又想食多啲唔同野嘅話呢個選擇一次過滿足兩個願望因為一個四人份量嘅冬陰功要$148而家只要補多少少錢仲多條魚同事又滿足到我飲冬陰功嘅慾望原條嘅烏頭放咗落冬陰功湯底每一啖魚肉都有冬陰功嘅味而且魚嘅質感非常嫩滑冬陰功亦

✿╮❤╭✿ ✿雜感女生   好味日記✿ ˚*•✰。泰斗．太不同。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤2020年第一EAT：泰斗 升官發財@泰斗朋友說最近有間餐廳好多人食 聽說金邊粉不錯，於是今晚就去試試泰斗 位置極近地鐵站，就在尖沙咀海防道 餐廳有半開放式露台座位， 超級大，且可以看到月光幾乎伸手就摸到樹影，非常有氣氛！小食拼盤 蝦餅極有香氣，超彈牙，有鮮蝦肉 春卷脆口，魚肉餅超有泰式風情 而單骨雞亦更是極其香脆泰國餐廳必點！海南雞 (半隻) 份量大大，基本全部去骨 肉質香滑，口感不錯 點些泰式醬汁加薑蓉汁，非常開胃泰式蝦肉炒金邊粉 果然水準高！ 粒粒花生加大蝦 怕辣的朋友大可放心！ 以香甜的茄汁炒香味道一流！草莓、豆腐雪糕 朋友意猶未盡，點了雙色雪糕 草莓夠甜，最令人回味是豆腐味 豆香十足，讚十個！

2019年尾食過泰菜，覺得好回味，所以2020年的第一個星期日也要再食一次泰國菜，所以來到這家樓上的泰國餐館享受下。一踏出升降機門，整廳佔了全層，而且有室內和半開放式空間，十分寫意。我們在用餐之前，先喝下涼浸浸的飲品，他有一貫喜愛的可樂，而我好耐無飲椰青，突然想起便點了啦~蒜蓉包外脆內軟，蒜蓉搽得均勻，十分開胃。手打炸蝦餅非常厚肉，外面鬆脆，裡面暖笠笠，而且肉質彈牙。蒜香軟殻蟹咬落熱呼呼的，味道是非常香的蒜味，而且食落唔會感覺好多油，食完一件又一件。豬頸肉炒飯以為沒有肉，原來是用飯包住豬頸肉，保持到豬頸肉的温度直至放入口，真係好聰明。

去外國旅行好鍾意坐喺啲露天茶座，感覺特別relax，但香港礙於地方所限同空氣污染問題，除左燒烤場都好少有食店有露天位，泰斗雖然喺尖沙咀鬧市，但因為餐廳所處的樓層單位設有平台，所以有一半空間都係露天，趁而家天氣凍凍地就最最啱坐喺露天地方食泰菜，特別有風味。餐廳座位有分室內同室外。Menu菜式選擇都幾豐富，泰式小食、沙律、冬陰功、明爐魚、咖哩、粉麵、甜品都有好多選擇，而且大部份都圖文並茂，夠晒清楚。香茅辣伴蝦沙律 ($148)蝦沙律入面有五六隻蝦，中間仲加左洋蔥、蒜片、芫荽，所以食落幾重香料味，雖然menu入面註明有兩隻辣椒圖案，但唔算太辣，只屬小辣水平，辣辣地幾惹味。冬陰功明爐魚 ($188)坐室外位凍凍地最啱食返個明爐魚，哩度嘅明爐魚除左常見嘅酸辣青檸底之外，仲有冬陰功底，一次過可以又食魚又飲冬陰功湯。泰斗嘅明爐魚同出面差唔多錢，同條烏頭魚就比較大條厚身，下面仲墊左好多粉絲，所以食完都幾飽肚。冬陰功湯酸酸辣辣超惹味！魚肉幾滑，唔會太多骨。粉絲索晒冬陰功啲酸辣味都好正！泰式蝦肉炒金邊粉 ($108)金邊粉份量都幾多，夠兩三個人share食。金邊爐炒得夠鬆，唔會黏埋一舊，味道亦唔會太甜，都

今晚相約好姊妹飯聚、特意選了尖沙咀海防道這間泰斗 - 皆因它有個特大露台、訂了露台的座位、暗暗地頗有情調、而且晚上坐在外面也很清涼。點了個細的小食拼盤$128、 份量一點也不少啊、有香茅雞中翼、魚餅、蝦餅和素春卷各四件。 個人最喜歡魚餅、煎香魚肉爽彈、蘸點甜酸好開胃！蝦餅和雞翼都煎得香脆、幾好食。咖喱南瓜盅$138 以原隻南瓜上、咖喱雞肉唔辣但好香、用來送飯一流、連南瓜蓉也可以刮來吃：）飛天通菜$88 好惹味不過辣了少許。泰式蝦肉炒金邊粉、有不少蝦肉和其他配料、不過略嫌金邊粉有些黏在一起、整體味道還是不錯的。