影片
港铁柯士甸站 A 出口, 步行约5分钟
继续阅读
电话号码
66480179
营业时间
今日营业
12:00 - 15:00
18:00 - 21:30
星期一至四
12:00 - 15:00
18:00 - 21:30
星期五至日
12:00 - 15:00
18:00 - 23:00
公众假期
12:00 - 15:00
18:00 - 23:00
以上资料只供参考，请与餐厅确认详情
相关文章
放工去油麻地拎嘢，等待期间扫社交平台见朋友去咗一间食店食泰菜话，仲话会再去；望下店名搜索下资料，在文苑街果带⋯难得过海，又闲著就行去睇下乜状况。大约晚上6点45分全店满座，门外有一对情侣排队等候，未见长人龙就试下。大约等了20分钟就入内啦，虽然已经日落时分，但天气开始热，有成廿几卅度，等位期间其实都热；如果夏天嘅话唔会排队⋯但入座时有有十多人嘅人龙了。煮汤粉面/沙律区只有一位厨师主理。另外，店内环境都好逼夹，用餐期间可能要有被轻微碰撞嘅心理准备。咸蛋木瓜沙律$88在湾仔的泰面吃过咸蛋木瓜沙律后念念不忘，见这家menu也有这一道沙律，二话不说就先点一份，我拣嘅系半只辣椒辣度。 有点寄望⋯可惜略嫌唔够咸蛋黄，味道上不过不失嘅，讲真无比较无伤害⋯今次来第一大目标系试个和牛船面 $98价钱比起湾仔蓝屋果间平了几十蚊，所以要求都预先调节一下，整体是不错的。汤底浓郁，但唔似得蓝屋果间令我想饮晒啲汤；牛肉当然一定系唔同级数同肉嘅厚道和份量都有明显差别。另有加一服务费。用餐完毕离去，𠮶时继有长长人龙等位。
继续阅读
超人气嘅泰国小店，终于比我试到啦 ·͜· ♡听讲大厨系米芝莲泰菜餐厅 sᴀᴍsᴇɴ 出身唔怪得由 8 月开业到依家都仲系日日咁长龙，仲要冇得订位，去到都系乖乖地排队啦 ~等足 1 个钟终于入到去，店面好细但室内装潢有泰国风味，气氛好好。○ 醉 猫 和 牛 炒 河 // $118炒得好够镬气，本身带有少少辣味，可以拣走辣 .ᐟ.ᐟ阔身河粉口感滑溜而且特别软糯，唔会痴埋一旧。每啖都食到爽滑和牛片，可惜份量太少，三个人分有少少唔够喉。○ 啖 啖 蟹 肉 奄 列 // $168上枱好够热辣辣，奄列系半煎炸，充满蛋香。入面有唔少蟹肉，食落好鲜味，点埋泰式辣酱非常惹味。○ 泰 式 九 层 塔 炒 蚬 // $108同样可以走辣，炒到够晒镬气，酱汁味道香甜配埋香浓九层塔好惹味，蚬肉大大粒好鲜甜但部份有沙。○ 芒 果 糯 米 饭 // $78芒果新鲜香甜，糯米饭粘糯有嚼劲 ꒰ ´ ꒳ `∗꒱食到米粒既口感，配搭埋椰浆 + 脆脆，味道唔太甜，即刻被秒杀了。♡ ♡○ 泰 式 奶 茶 // $38正宗泰式冲法，奶味非常香浓，不过个人偏好更浓茶味。○ 龙 眼 冰 // $38○ 新 鲜 椰 青 // $58特别拣选过大size，椰青水特别多又清甜。店内厨房楼面都系泰国人，老板亲切又搞笑，系咁同我地讲水 ᴍᴀᴋ ᴍᴀᴋ ꉂꉂ( ˊ ᗜ ˋ *)ʬʬ想追加甜品时又话唔洗啦你地够晒甜不过部份店员唔系好识广东话 ꒰ ꒪ ω ꒪ |||꒱所以落单要细心确认 + 埋单记得 ᴄʜᴇᴄᴋ 清楚˗ˏˋ 特别留意 ˎˊ˗ 依度只收现金 (对面有7仔可以提款)其实仲有好多主菜小食未试，临走时仲见到隔离枱嘅泰式雪糕都好吸引。睇餐厅位置以为走平民路线，但其实价钱唔平 ꒰ •᷄ ᯅ •᷅ ꒱，主菜份量偏细，加上要排队 & 店内坐得好迫，建议下次都系外卖自取啦 ٩꒰ ´ᆺ`꒱۶𝐓𝐈𝐏𝐒：ꔛ 大部分菜式都可以同店员讲要少辣 / 走辣ꔛ 餐厅唔大，建议最多 2-4 人同行
继续阅读
近期佐敦人气泰式排档，平日夜晚都要排成个钟先有位，而餐厅已经坐得好迫，店员都算友善，有人生日仲会捧住蛋糕唱生日歌，为寿星送上祝福。① 黑豚肉船面 $88② 和牛船面 $98同朋友一人一碗船面打底，汤底个味几好，不过豚肉肉质几韧下，猪肉丸亦无乜特别。③ 炸云呑 $88够脆够香口，都食到有啲馅料。④ 泰式炒芥兰 $68够镬气，芥兰爽脆，好食。⑤ 生菜包香叶猪肉碎 $88几重香叶味，微辣几惹味，肉碎唔算太碎，都几有咬口，好食⑥ 醉猫炒河 $118好食！有两只大虎虾，加埋菜心，小粟米等炒，可惜河粉太少，四个人分一人得两啖。⑦ 芒果糯米饭 $78糯米饭口感粘糯就，味道唔会太甜，同朋友简直秒杀。⑧ 泰式奶茶 $38⑨ 斑兰香茅茶 $38全店唯一热饮就是斑兰香茅茶，朋友说不错；泰式奶茶正常好饮。单看呢间泰排档店名及位置以为走平民路线，但其实价钱都唔平，食物份量偏细份，整体味道唔错但不算惊艳，平均每人消费$260+但大家都只有七成饱，加上要排成个钟先有位入座，成件事性价比唔算高。
继续阅读
最近揾到间超高质泰菜馆「泰排档」，一踏入门口已经闻到阵阵香料香，成间舖充满泰国街边小店嘅氛围，楼面都系泰籍员工，即刻有种置身曼谷嘅感觉！上网睇返原来大厨仲系拎到米芝莲泰菜嘅餐厅出身今次食左唔少嘢食，首先讲和牛船面，用上正宗金边粉煮到啱啱好嘅软硬度，夹埋滑嫩嘅和牛片，个汤底香料味香浓，饮落唔会太咸，啖啖都系泰式风味！醉猫炒河就劲香口，啲河粉弹牙爽滑，炒得有镬气，啲虎虾新鲜弹牙，个酱汁香辣惹味咸蛋木瓜沙律真系正！青木瓜爽甜，咸蛋香浓，配埋花生，酸甜咸香味道层次丰富沙爹猪同烧猪颈肉都系推介，沙爹猪腍滑多汁，腌料香浓，个花生酱香甜惹味。烧猪颈肉外皮烧得香脆，肉质嫩滑，配埋特制嘅辣酱，一流！讲到飞天通菜就一定要赞，啲通菜新鲜爽脆，炒得火候十足，个蒜蓉酱香喷喷，配埋啲辣椒，辣中带香，蒜香味重又唔会过份。甜品方面，芒果糯米饭用上正宗泰国芒果，甜而唔腻，糯米软绵，配上香浓椰汁，绝配！泰式椰子雪糕都系手工制，香浓幼滑，仲加咗椰肉碎，食落好香口。青柠梳打够酸够清新，清甜解渴。最重要系价钱相宜，而且全部都系泰国直送嘅新鲜食材！有呢啲水准，难怪日日都大排长龙。
继续阅读
今日等到差唔多tea time嘅时候先去食午餐，为左食成日经过都见有人排队嘅泰排档。虽然已经两点半，仲系平日，但大部份嘅枱都有食左冇几耐嘅客人，睇黎真系好高人气。餐厅喺佐敦文苑街，装修风格就如其名，走泰式大排档风格。店员同厨房都系泰国人，对客人态度亲切，有如置身系小泰国。午市都好多选择叫左个泰式炒金边粉(虎虾)个人好钟意食金边粉，特别钟意多配料，生碎，泰式芽菜，青柠等等。餐厅9成食材都系泰国入口，啖啖泰国味。炒金边粉好够镬气，上碟仲热辣辣，阵阵香味。青柠一挤劲多汁，配上其他配料，有咬口得黎，仲有酸甜清新味道。金边粉保持到咬口之余仲有少少湿度，食落唔会太干，而且份量都好足料。虎虾有三大只，真系大大只，口感爽滑之外，有鲜味。小食叫左 炸粟米虾饼，金黄外表超级脆，配上软绵绵又弹牙嘅虾饼口感十足，推荐一试！泰式奶茶少冰，因为甜度固定，所以冇得少/走甜。饮落甜度啱啱好，唔会掩盖左奶茶嘅香味。奶茶质感幼滑厚身，茶味都够浓。
继续阅读