泰排檔

营业中

休息中

放工去油麻地拎嘢，等待期間掃社交平台見朋友去咗一間食店食泰菜話，仲話會再去；望下店名搜索下資料，在文苑街果帶⋯難得過海，又閒著就行去睇下乜狀況。大約晚上6點45分全店滿座，門外有一對情侶排隊等候，未見長人龍就試下。大約等了20分鐘就入內啦，雖然已經日落時分，但天氣開始熱，有成廿幾卅度，等位期間其實都熱；如果夏天嘅話唔會排隊⋯但入座時有有十多人嘅人龍了。煮湯粉麵/沙律區只有一位廚師主理。另外，店內環境都好逼夾，用餐期間可能要有被輕微碰撞嘅心理準備。鹹蛋木瓜沙律$88在灣仔的泰麵吃過鹹蛋木瓜沙律後念念不忘，見這家menu也有這一道沙律，二話不說就先點一份，我揀嘅係半隻辣椒辣度。 有點寄望⋯可惜略嫌唔夠鹹蛋黃，味道上不過不失嘅，講真無比較無傷害⋯今次來第一大目標係試個和牛船麵 $98價錢比起灣仔藍屋果間平了幾十蚊，所以要求都預先調節一下，整體是不錯的。湯底濃郁，但唔似得藍屋果間令我想飲晒啲湯；牛肉當然一定係唔同級數同肉嘅厚道和份量都有明顯差別。另有加一服務費。用餐完畢離去，嗰時繼有長長人龍等位。

超人氣嘅泰國小店，終於比我試到啦 ·͜· ♡聽講大廚係米芝蓮泰菜餐廳 sᴀᴍsᴇɴ 出身唔怪得由 8 月開業到依家都仲係日日咁長龍，仲要冇得訂位，去到都係乖乖地排隊啦 ~等足 1 個鐘終於入到去，店面好細但室內裝潢有泰國風味，氣氛好好。○ 醉 貓 和 牛 炒 河 // $118炒得好夠鑊氣，本身帶有少少辣味，可以揀走辣 .ᐟ.ᐟ闊身河粉口感滑溜而且特別軟糯，唔會痴埋一舊。每啖都食到爽滑和牛片，可惜份量太少，三個人分有少少唔夠喉。○ 啖 啖 蟹 肉 奄 列 // $168上枱好夠熱辣辣，奄列係半煎炸，充滿蛋香。入面有唔少蟹肉，食落好鮮味，點埋泰式辣醬非常惹味。○ 泰 式 九 層 塔 炒 蜆 // $108同樣可以走辣，炒到夠曬鑊氣，醬汁味道香甜配埋香濃九層塔好惹味，蜆肉大大粒好鮮甜但部份有沙。○ 芒 果 糯 米 飯 // $78芒果新鮮香甜，糯米飯粘糯有嚼勁 ꒰ ´ ꒳ `∗꒱食到米粒既口感，配搭埋椰漿 + 脆脆，味道唔太甜，即刻被秒殺了。♡ ♡○ 泰 式 奶 茶 // $38正宗泰式沖法，奶味非常香濃，不過個人偏好更濃茶味。○ 龍 眼 冰 // $38○ 新 鮮 椰 青 // $58特別

近期佐敦人氣泰式排檔，平日夜晚都要排成個鐘先有位，而餐廳已經坐得好迫，店員都算友善，有人生日仲會捧住蛋糕唱生日歌，為壽星送上祝福。① 黑豚肉船面 $88② 和牛船面 $98同朋友一人一碗船面打底，湯底個味幾好，不過豚肉肉質幾韌下，豬肉丸亦無乜特別。③ 炸雲呑 $88夠脆夠香口，都食到有啲餡料。④ 泰式炒芥蘭 $68夠鑊氣，芥蘭爽脆，好食。⑤ 生菜包香葉豬肉碎 $88幾重香葉味，微辣幾惹味，肉碎唔算太碎，都幾有咬口，好食⑥ 醉貓炒河 $118好食！有兩隻大虎蝦，加埋菜心，小粟米等炒，可惜河粉太少，四個人分一人得兩啖。⑦ 芒果糯米飯 $78糯米飯口感粘糯就，味道唔會太甜，同朋友簡直秒殺。⑧ 泰式奶茶 $38⑨ 斑蘭香茅茶 $38全店唯一熱飲就是斑蘭香茅茶，朋友說不錯；泰式奶茶正常好飲。單看呢間泰排檔店名及位置以為走平民路線，但其實價錢都唔平，食物份量偏細份，整體味道唔錯但不算驚艷，平均每人消費$260+但大家都只有七成飽，加上要排成個鐘先有位入座，成件事性價比唔算高。

最近搵到間超高質泰菜館「泰排檔」，一踏入門口已經聞到陣陣香料香，成間舖充滿泰國街邊小店嘅氛圍，樓面都係泰籍員工，即刻有種置身曼谷嘅感覺！上網睇返原來大廚仲係拎到米芝蓮泰菜嘅餐廳出身今次食左唔少嘢食，首先講和牛船面，用上正宗金邊粉煮到啱啱好嘅軟硬度，夾埋滑嫩嘅和牛片，個湯底香料味香濃，飲落唔會太鹹，啖啖都係泰式風味！醉貓炒河就勁香口，啲河粉彈牙爽滑，炒得有鑊氣，啲虎蝦新鮮彈牙，個醬汁香辣惹味鹹蛋木瓜沙律真係正！青木瓜爽甜，鹹蛋香濃，配埋花生，酸甜鹹香味道層次豐富沙爹豬同燒豬頸肉都係推介，沙爹豬腍滑多汁，醃料香濃，個花生醬香甜惹味。燒豬頸肉外皮燒得香脆，肉質嫩滑，配埋特製嘅辣醬，一流！講到飛天通菜就一定要讚，啲通菜新鮮爽脆，炒得火候十足，個蒜蓉醬香噴噴，配埋啲辣椒，辣中帶香，蒜香味重又唔會過份。甜品方面，芒果糯米飯用上正宗泰國芒果，甜而唔膩，糯米軟綿，配上香濃椰汁，絕配！泰式椰子雪糕都係手工製，香濃幼滑，仲加咗椰肉碎，食落好香口。青檸梳打夠酸夠清新，清甜解渴。最重要係價錢相宜，而且全部都係泰國直送嘅新鮮食材！有呢啲水準，難怪日日都大排長龍。

今日等到差唔多tea time嘅時候先去食午餐，為左食成日經過都見有人排隊嘅泰排檔。雖然已經兩點半，仲係平日，但大部份嘅枱都有食左冇幾耐嘅客人，睇黎真係好高人氣。餐廳喺佐敦文苑街，裝修風格就如其名，走泰式大排檔風格。店員同廚房都係泰國人，對客人態度親切，有如置身係小泰國。午市都好多選擇叫左個泰式炒金邊粉(虎蝦)個人好鐘意食金邊粉，特別鐘意多配料，生碎，泰式芽菜，青檸等等。餐廳9成食材都係泰國入口，啖啖泰國味。炒金邊粉好夠鑊氣，上碟仲熱辣辣，陣陣香味。青檸一擠勁多汁，配上其他配料，有咬口得黎，仲有酸甜清新味道。金邊粉保持到咬口之餘仲有少少濕度，食落唔會太乾，而且份量都好足料。虎蝦有三大隻，真係大大隻，口感爽滑之外，有鮮味。小食叫左 炸粟米蝦餅，金黃外表超級脆，配上軟綿綿又彈牙嘅蝦餅口感十足，推薦一試！泰式奶茶少冰，因為甜度固定，所以冇得少/走甜。飲落甜度啱啱好，唔會掩蓋左奶茶嘅香味。奶茶質感幼滑厚身，茶味都夠濃。

見到佢拎左米芝連推薦即刻想去試試佢放工去到未齊人staff好熱情招呼我地飲薄荷水叫我地坐低等, 勁nice!✨飛天通菜 $68+叫左小辣, 炒得好有獲氣 夠惹味忍唔住一啖接一啖然後覺得愈食愈辣但身邊朋友話正常辣✨和牛船麵 $98+有辣同唔辣揀,小星星就揀左唔辣和牛有牛味得黎唔會靱細粒牛丸仔都幾彈牙但唔係爆汁果種炸豬皮夠脆船麵 食落唔油膩 味道清爽✨蟹肉奄列 $168+好足料, 滿滿蟹肉蛋香就略為欠奉✨芒果糯米飯 $78+芒果甜而不膩配埋微暖既糯米飯糯米夠煙韌,配埋唔會太甜既椰漿, 滿足!呢個可能好快賣曬野食食到一半侍應就問要唔要留個比我地好彩有留到😆✨龍眼冰 $38+甜度啱啱好 仲有好多龍眼肉 解通菜既辣一流星星推薦度：⭐️⭐️⭐️⭐️/5

泰排檔是一家充滿泰國風味的餐廳,食物很好，不過環境有一點嘈吵。餐廳特色廚房及樓面服務人員均來自泰國，廚房大廚擁有米芝蓮泰菜 Samsen 的背景，確保每道菜品都具有地道的泰國風味。餐廳的概念與泰國的 Thongsmith 相似，專注於提供各種地道的泰國街頭美食，讓顧客在香港也能感受到泰國的飲食文化。以平民化的價格，讓更多人能夠享受到高品質的泰國美食，適合各類顧客群體。90%的食材直接從泰國進口，包括蒜頭和香料，確保每道菜的地道風味。以下是我們點了的食物1. 和牛船麵:選用優質和牛，搭配濃郁的湯底，帶來豐富口感。2. 炒辣河粉這:道菜以辣味著稱，搭配鮮蝦，增添海鮮的鮮美。3. 泰式青檸茶:清新的青檸茶，冰塊減少版，適合解渴。4. 炒通菜:不加辣的版本，保留蔬菜的清甜與爽脆。5. 雞肉沙嗲串:香濃的花生醬搭配嫩滑的雞肉，令人回味無窮。6. 泰式燒豬肉串:豬肉經過精心烤製，外焦內嫩，香氣四溢。7. 椰奶冰沙:椰子的清香與牛奶的順滑完美結合，帶來沁涼的享受

Honestly pretty surprised by the food here. First let me start off, we've queued for about 40 mins to get a seat for 4. This indeed made me a little moody.Once we got seated, we ordered the food and the food came out fast. The thing for me is that the food is tasty so I would recommend this place. The place was crowded as you would expect for a waiting of 40 mins. I'll let the photos do the speaking as there really is not much to say. Good food is good food.

泰排檔這間地道泰菜小店隱藏在柯士甸站文苑街。雖然店鋪細小，但氣氛熱鬧親切，因為人流不斷，而且店員大部分是泰國人好熱情好有禮貌。讓人彷彿置身於曼谷的路邊攤。同朋友點了4樣食物。飛天通菜，幼身通菜爽脆鮮嫩，炒得火喉剛好，加上辣椒絲及炸蒜又辣又香夠晒惹味。炸豬皮是驚喜之選，外層酥脆，入口卻不會油膩，佐以酸辣醬，是絕佳的小食。炸粟米蝦餅外皮金黃，肥厚豐滿咬下去啖啖肉又彈牙，配合埋粟米的甜味，層次豐富。沙爹雞肉串燒香氣撲鼻，雞肉飽滿嫩滑，花生醬醇厚濃郁，帶少許椰香，令人回味。飲品推介龍眼冰清甜消暑，青檸梳打好清新，解甜解辣。總結來說，泰排檔雖然規模不大，但菜式用心，味道正宗。價格親民，是想念泰國街頭美食時的好選擇。

我哋屋企姐姐係泰國人，雖然佢唔算識煮好多泰國菜俾我地，但加埋我地經常去泰國，响香港對泰菜要求會高。以前成日幫襯九龍城間昭拍椰，但自從佢易手左已經唔再好食，依家名都改埋。尋尋覓覓，俾我地知道左呢間，食左2次晏就決定亞女澳洲term break返黎一定要同佢去。今日6點前黎到已排左條小龍，好彩食到頭圍。豬頸肉個汁好出色，蟹肉炒飯好好味，個蠔餅驚為天人，反而蝦餅就略為遜色，甜品食左芒果糯米飯都好值得推介。佢上菜有部份稍為慢，枱去得慢，所以建議最好六點前到食頭圍。地方雖然淺窄但好乾淨，服務亦好殷勤

今日膳尚宮又話過嚟覓食一下，依間早前電視介紹過，泰國人主理，人氣食店，晚上應該很多人吃，倒不如嚟個中午飯，熱鬧一下⋯⋯由於門前外牆正直裝修有棚架，筆者都找了好一陣子⋯⋯中午繁忙時段，一間小店面積細細，大家都坐得很迫，幸好枱底有藤籃，方便放什物⋯⋯這樣細少空間的一間小店，仍有這細心位，一讚。酸梅茉莉梳打~聽個名以為是用酸梅打碎加茉莉及梳打，原來只是加了一粒話梅，和普通青檸梳打分別不大，所以和朋友的青檸梳打飲𨍭了，也不知道⋯⋯咸蛋木瓜沙律~將一隻咸蛋弄碎放入木瓜沙律，咸蛋未算太咸，所以未算突出。泰式肉碎炒飯$78~加了一對燶邊蛋，兩隻蛋感覺像一個幪面超人的肖臉，惹人喜愛，粟米蝦餅$58~熱騰騰，小心燙咀，夠爽彈，筆者喜歡。泰式豬頸肉$88~帶點乾身，未夠Juice 碎貓炒河$108~唔睇餐牌都唔知原來用上和牛及處蝦，蝦夠爽彈，豉油醬汁微甜很惹味，濃味者喜。飛天炒通菜$58~這個來吃泰菜好似例行公事必點項目沙嗲串燒雞~每款三串，可以選牛或雞，最後我們選了雞，沙嗲汁美味，雞嫩滑，筆者喜歡。泰式奶茶雪糕~奶茶雪糕甜度適中，有一個迷你雪櫃筒，還有片片的椰青果肉，加上花生粒，多種層次在這甜品上，相當

上次平日晚上經過大排長龍，今日星期六中午大約1點去到，等了15分鐘左右就有位喇！大家都可以試試weekend去啊門口有個開放式的廚房，仲想偷吓師，睇吓船麵嘅製作過程，點知廚師只係製作醬料中雖然叫做排檔，但絕對唔係大排檔嘅價錢但服務就非常好，泰藉店員點餐時用廣東話同我哋講復活節快樂，見我哋張枱比較細，仲叫我哋分開兩次落單，非常細心串燒可以雞肉和豬肉雙拼，豬肉雞肉嫩滑，配有三種醬汁，分別係沙嗲汁，辣汁，酸醋，三種汁我都非常喜歡呢碟係粟米炸蝦餅，非常有溫度，而蝦餅都好彈牙分別係和牛船麵和豬肉船麵，全面嘅湯底非常濃郁，除咗牛肉和豬肉外，會配豬肉肉丸或牛肉肉丸，另外配通菜、金不換和炸豬皮，口感非常豐富，不得不讚嘅係金邊粉嘅麵質，是通透的亦非常煙韌呢碟係醉貓和牛炒河，用上泰國嘅寬河粉，河粉質地同金邊粉一樣出色，配上洋蔥、粟米心、雞蛋、芥蘭苗等，而所有配料都非常入味，炒得很有鑊氣👍🏻飲品方面，就是椰奶沙冰、芒果熱情果沙冰、樽裝芬達，想讚吓雖然店舖空間較少，但有多款選擇嘅樽裝汽水，有梳打水、可樂、忌廉、芬達、雪碧。椰奶沙冰椰汁香濃，椰汁與奶的比例亦恰到好處👍🏻芒果熱情果沙冰芒果味濃厚，唔知用咗幾多個芒

上年已經見好多人講依間餐廳好有泰國feel又好味💦 但每次食都要排個幾鐘。所以事隔一年先同朋友過嚟，點知⋯⋯都係要排隊，大概排咗大半個鐘🥸 食物屬中上水平，但每碟份量較少，而且環境有點擠逼。我地點左以下食物+飲品：✨$108 醉貓炒河 （和牛）：炒河份量偏少，但香氣撲鼻，有和牛、蛋、菜芯、小粟米作配料，味道咸香惹味👍🏽大家都很滿意！$118 生蝦刺身：味道新鮮、彈牙，配合蒜片和辣椒一齊食👍🏽$88 燒豬頸肉：豬頸肉脆口、焦香，而且肉質肥瘦適中，有咬口，推薦👍🏽$48 沙嗲雞和豬雙拼：沙嗲可雙拼各3串，同樣價錢。串燒燒得脆口、焦香，不錯。$58 飛天通菜：通菜味道普通，不算太惹味。——味道：👍🏽👍🏽👍🏽.5環境：👍🏽👍🏽價錢：💡💡 .5服務：⭐️ ⭐️ ⭐️

鹹到真係冇辦法食完… 等嘅時間都耐。朋友嘅船麵好快就有最後都叫佢唔好等埋我。炒粉到咗食咗一啖已經覺得鹹。飲埋龍眼冰都仲係好鹹。最後只食咗半碟多D就覺得要腎虧了…朋友碗船麵幾好食。

鍾意食泰國嘢嘅朋友，一定要嚟試下呢間超有人氣嘅大排檔！成個環境充滿泰國夜市氣氛，由泰國主廚親自炮製，每道菜都充滿地道風味。呢度唔單止吸引香港人排長龍，連泰國人都鐘意嚟報到，夠哂實力！🌶️ 泰式炒金邊粉辣辣地幾夠味，雖然冇太大驚喜，但整體嚟講都算唔錯，食得開心。🦀 啖啖蟹肉奄列呢個真係不得了，幾乎每枱必點！雖然價錢稍貴，但蟹肉超足料，加上香滑蛋皮，值回票價，強烈推薦！🍦 泰式奶茶雪糕店員推薦嘅甜品，香甜濃郁，加上豐富配料，解辣一流！🥭 芒果糯米飯最後當然唔少得食埋呢個，芒果鮮甜，糯米煙韌，一餐畫上完美句號！(此為自費）