泰山集團中菜廳 (已結業)

晚上8點看到這間酒樓有點心+火鍋任食.人流不多，職員立即安排入座，坐位寬躺舒適，環境不嘈雜.入座後，職員放了一壺熱水給我們洗餐具.價錢：158+10%，假期前夕，假期，星期六日+$10選擇了酸菜魚湯底，一點點辣味.打開鍋後，驚喜裡面有一條星斑，魚肉幾滑.估計點心即叫即蒸，即炸，所以落單後要一點時間.蒸點心即叫即蒸.推介雞札，裡面有魚肚+火腿，雞肉滑.魚肉釀茄子好味，居然有木魚碎，配搭惹味.油炸類別的點心精彩，炸物色澤金黃，估計油新鮮！推介榴槤千絲酥，黃金炸帶子，懷舊脆蛋散.火鍋料普普通通，沒有特別.火鍋料的鴨血薄切容易散開.火鍋料的熟生蝦，竟然爽口有蝦味💪🏼自助飲品有無糖解茶、烏龍茶，適合不飲糖份飲品的人士目測到啤酒飲品有嘉士伯、ice任飲.

剛剛喺依間酒樓都食咗點心同埋打邊爐嘅放題。 點心係幾好食嘅，特別係要用油炸我啲點心，例如係榴槤酥同埋芝麻炸丸。打邊爐方面，佢有好多款湯底揀嘅，我就叫咗個椰子雞煲湯底。椰子雞煲啲雞就普普通通，如果下次我嚟食就唔會叫啦，因為要被迫食晒啲雞佢，但係啲雞冇咩鮮味。食物嘅質素就普通酒樓質素，啲嘢食唔係太新鮮，例如啲菇有少少發黑感覺好似擺咗好耐咁。另外啲餐具有啲癡粒粒，好似洗得唔係幾乾淨，所以影響咗用餐嘅心情。係到建議老闆應該洗乾淨啲碗碟，另外換咗啲湯底佢，李綿記嘅胡椒湯底仲好食啲，不如買佢嘅湯包到落去好過。另外火鍋嘅食材要新鮮啲，啲新鮮嘅食材唔會洗你好多錢。但係就會吸引到人下次都走來食

疫情下都有多地方做唔住，晚市開返當然去試下新野...雖然之前飲過一次早茶，但晚市就一次幫襯啦一開始見價錢唔貴，以白老鼠心態試試同老公去試呢間點心，打邊爐任飲任食放題點知好驚喜...打邊爐選擇唔多，不過基本野都有，連廣島蠔同象拔蚌都有👍點心新鮮蒸，煎炸物都係即叫即整...熱辣辣出面有一款中湯，一款糖水（2樣都試左有85 分），仲有雪糕tim而雪櫃有少量丸同海鮮...不過相比下燒賣同蟹鉗就一般...整體都有90分😋😋所以會再黎...

一家人為85歲老父慶祝生日, 因他不願外出太遠, 就在他家附近的泰山酒樓,  叫了炒蜆, 但來的是蜆売, 只有極少蜆肉, 叫待應看後他們收回. 隨後再來是小份量的古魯肉, 凍了不是新鮮蒸魚, 飽魚鶢煲有3只小飽魚 (餐牌有註明), 4只鶢腳, 5粒沒有肉鶢較及3粒小鶢胸肉. 6片半生熟的金沙骨, 椒塩豆腐上枱時待應倒了3份一在枱上. 份量小又冷凍的西蘭花粉蛘片.  說好有的飯後糖水經理說不提供, 看到其他枱是有的.  這樣盛為921元. 不知是否因投訴了炒蜆, 得罪了經理, 之後的全部都差劣. 還是根本這間酒棲根本就是垃圾般的差劣食但價錢絕不是便宜. 待應10叫11不應.  那位經理叫他又不應, 有問題又不處理, 只是隱藏但收錢時又會出現. 一間食物極差, 管理極差的酒樓就破壞了老人家的生日飯. 

疫情影響，呢間酒樓都上過慌張西望，老公話老細咁辛苦，我地有機會都支持一下，今日媽咪唔煮飯，我地過咗黎食。叫咗2隻大閘蟹，一條龍躉仔，一個海皇煲，一碟咕嚕肉，半隻雞，即係咁，4個人6百幾就唔貴，不過又唔覺得好抵食，我地book咗7點半，阿媽到先，我叫佢上去坐，之後阿老細話我地4個係唔係食火煱，由book位到攞位，冇人講過要任食火煱，又屈我媽話阿婆話火煱，總之感覺混亂無章，又一定要我齊人先入坐，皇重點係，冇人等位又有枱，我覺得可以人性化d比兩個老人家入座先，呢點我後黎問過2 老，佢地話問過2 次，又話要齊人，又過執緊。坐低話食晚飯好似怪物咁，請問，如果唔做晚飯，不如取消，唔好夾硬收客，餸菜係ok的，上咗菜叫飯，阿叔又走咗去，永遠都好似叫唔到人，又串我地：而家知飲咩茶未，老實講，唔係咁熟，唔洗咁講野，個4眼阿叔堅串，之後叫到飯，蟹上咗又冇鉸剪，連隔離枱都唔底得出聲話佢地有鉸剪，食大閘蟹有薑茶是常識吧。又係四眼阿叔，問完佢，答我地：冇薑茶喎，一係比d糖水你啦，😡，即係我地係為咗抓糖水先問你？總知，“生”客就要被咁樣對待，其實我地都食過幾次飯，老細就不停同隔離枱吹水。成餐飯都食得唔開心，老細，我

呢間酒樓唔大間，位置不太顯眼，可能容易被遺忘！不過酒樓野食相當有水準😍 炒粉好有鑊氣，好好味！今次去左食下午茶～呢間酒樓下午茶一點鐘就開始，比一般酒樓早！叫左個點心孖寶同粉麵點心孖寶！點心孖寶-蟹籽燒賣+流沙包 $38.8蟹籽燒賣入面既蝦好新鮮彈牙，個面上有蟹籽👅好正！咬一口香滑多汁😍流沙包一籠有三個，搣開一半，流心奶黃流晒出黎。奶黃香甜順滑，唔會有沙沙既口感。粉麵點心孖寶-炒牛河+鹹水角 $72.8炒牛河有鑊氣！炒得好香～牛肉熟度剛好，非常嫩滑，唔會食到好鞋口！配有洋蔥、芽菜、蛋絲，香氣仲強😆河粉炒得條條分明，唔會痴埋一舊舊！鹹水角 一上檯，仲係好熱辣辣！外皮非常香脆～內餡好多，唔會好少～正！

一入去嘅感覺好親切，雖然職員唔多但個個服務態度都好，野食選擇多，價錢亦都唔貴街坊價👍🏻連啲幫襯嘅客人感覺都好友善！嘢食質素唔錯，叫左三個餸，其中突然想食蒸水蛋，但係餐牌冇，問過老闆，老闆話可以做嘅都會整俾你食😆依家唔係好多酒樓會咁好，一般餐牌冇嘅都會直接同你講冇呢個餸，每個餸都大大碟，而且都幾好味！尤其叫咗個豆豉鯪魚炒油麥菜，呢個彩帶掂到不得了😂食完之後仲會有埋糖水同甜品，而家已經好少餐廳酒樓會附送，雖然唔係啲乜嘢值錢嘅嘢，一間唔錯而有幾好選擇嘅飯堂😁

我每朝去泰山酒樓飲茶，巳4個月！個女企堂(叫呀嬋)大晒咁，似熟賣熟，一糸話我整濕枱布、一糸就話我兩點幾先去飲下午茶；太晏了！(當然細細聲講)要快D叫野食，其實佢都唔係每次換台布架啦！張枱布轉去乾淨果邊比我用，咁都算喇！點知今朝去度，佢話要同我講，以後唔可以係茶水房洗野！我一頭霧水，話幾時有洗野？原來佢話我好自己開茶，條渠塞咗，老闆要用8千蚊維修！心諗關我鬼事咩，又唔係得我一個人開！仲話以後用完嘅廁紙，唔可以放係枱面，因佢哋D櫈好汚糟，我會用廁紙抹，抹完放落個碗度，佢要我以後自備膠袋，走時順便掉埋！OMG！咩世界，我知老闆娘好倚重佢，但我使唔使诜埋D碗先走！若唔係近屋企，得鬼閒去食呀！每朝都花成百蚊，乜飲食業唔係好艱難咩？你估淨得一間酒樓咩！🔥🔥🔥🔥🔥🔥🔥

由於身邊朋友一直都話我成日出面食得野多，叫我推介有咩好食，但我又覺得自己出街食野經驗黎講都仲係好幼嫩，所以一直冇寫野。咁岩適逢又大一歲，想黎緊一扶試下新事物，就開始第一篇食評啦。由於當晚係我生日正日，屋企人就一向鐘意食開中餐，咁因為唔想去太遠食(平日收工已經好攰)，咁就簡左呢暑酒樓食生日飯啦。咁呢間之前都食過2次，味道同價錢都覺得合理。今晚就再試下啦。咁就分以下三方面黎講(地點環境，食物質素，服務態度)。地點環境:呢間酒樓位於屯門紅橋，都幾近巴士站。落車行過對面5分鐘就到。我地一行3人，大約7點半到達，去到時要上1條長扶手電梯往上層，位置都唔難搵。入到後首先門口量體溫，當晚只有幾張枱，人數唔算好多，可能咁岩星期三晚啦，好快就坐低左啦。大體地下枱面都幾乾淨，眼見有人客食完離開，職員都會即刻收拾。食物質素:咁當晚佢就做緊羊腩煲優惠，但我前幾日先食完所以就想試下其他。呢間酒樓款式唔算太多，大多都係平日會係酒樓食到既，好似咕嚕肉，小炒皇咁。同時亦有一埋孖寶優惠，好似蟶子皇配乳鴿等咁岩佢做緊大閘蟹優惠，蟹公每隻4兩重，堂食每隻58，外賣就48，咁諗番起都十幾年冇食過就叫3隻試下由於屋企人鐘意食海

屯門係我無咩機會到既地方，如果唔係朋友爸爸介紹係度安排生日飯局，都唔知到原來有穩世囉高手廚師在此，味道好到連同行都讚口不絕，小時候的味道長輩們都說一一重現，仲保持水準。呢度可以要求自訂菜式及餐單，自携食材代加工或要求代購，價錢合理（呢度出名抵食）。我地今次自訂菜單，海鮮自備其中必定推介椰皇燉鮮奶，流心奶皇壽包，糕點拼盤（蛋散，芝麻煎堆仔，仲有一隻唔記得），古法冬瓜中，油泡筍殼魚。老人家食得開心，我地又發掘到新野，今次介紹唔錯

平真的平而且又好食。一家大細 唔知食咩 ¯\_(ツ)_/¯過時過節又唔知食咩好¯\_(ツ)_/¯這裡適合不過這麼的肉的理前料，好好好好好好好 X999999999999999999999999999倍好食。我依個食肉動物最愛肉。這裡的肉吖，肉吖，加上汁 超過正吖我。給10正。 未食過，仲唔快手d呢食。喂,你唔食走寶渣。平靚正，民以食为天吖，沒有肉，你叫我怎樣生存。我要肉吖，我像路飛一樣要肉吖， 癡線，我要肉，讓食肉一定來泰山食肉。泰山的肉好吃，这是人人皆知的道理。你唔係唔食吖。唔食都唔好同人講你同我一樣鐘意食肉吖。

父親節快到了。大家準備好迎接父親節了沒有。如果還未預定，還未想到慶祝活動。新界既朋友可以去泰山集團中菜廳。💚我自己最愛秘製黑蒜骨。無味精燉湯。炒飯炒飯，好有鑊氣的炒飯。魚又鮮甜。🤤🤤🤤一地口水。圖中的的所有食物。都只是1488席，12人份。重點這個價有魚，有雞，又有菜又有鮑魚。還有糖水和甜品。這個價錢到，自己煮都都無甘平。又平又好吃。識食，一定去屯門飯泰山集團中菜廳。你們購買此菜單還會送上一支紅酒。💚💚💚💚💚💚💚💚💚💚💚還不快點為帶上你的父親和一家人一起慶祝父親節。。住屯門的你們一定要試試。

母親節到啦😍大家諗好咗去邊度食未呢💗作為半個屯門友😉今次搵到間超抵食性價比高嘅酒樓開餐👍🏻吸引到我地去嘅原因係價錢實在太抵😍$1488一圍💗免茶芥仲要唔使加一⭐️有齊魚蝦雞豬雞飯麵糖水🤩見到個餐牌已經即刻book定位😆💁🏻‍♀️高湯焗蝦球伊麵大大隻蝦球已經非常吸睛😍肉質新鮮爽口彈牙👍🏻每一啖伊麵食到湯汁的味道🥰💁🏻‍♀️原隻鮑魚白玉盞淨係睇個賣相已經相當吸引😆原隻鮑魚😍炆得非常入味😋連個節瓜都充滿着鮑魚嘅香氣💁🏻‍♀️秘製黑蒜骨一字骨唔單止大大舊😆仲非常多肉😍配上秘製嘅黑蒜香料真係絕配👍🏻外脆內軟香口而不油膩⭐️💁🏻‍♀️XO醬彩鳳花姿蕃茄同青瓜係我嘅至愛呢🥰淨係見到半碟已經非常有心思💗XO醬汁微辣嘅味道配上西芹肉片非常開胃😋💁🏻‍♀️無味精燉雞湯絕對係家的味道😋瘦肉南北杏蜜棗杞子粟米紅蘿蔔💗飲得出絕對係冇味精👍🏻我自己飲咗三碗哥哥都飲咗兩碗😍💁🏻‍♀️清蒸雙龍躉營養豐富不在話下😉肉質細嫩鮮甜滑不溜口😋💁🏻‍♀️蟲草花杞子浸菜苗呢道菜絕對係健康推介👍🏻蟲草花補肺腎、止咳、養氣🥰杞子又可以明目😍💁🏻‍♀️木桶農家雞雞皮燒得焦紅香脆，肉質嫩滑多汁😍雖然已經食到尾聲但係我都食咗四舊😆💁🏻‍♀️欖菜肉碎炒飯飯底炒得

平時約朋友食飯都好少揀中菜，見朋友話新開價錢都幾抵食就試下。呢圍足夠12人食的份量，只係$1488免茶免芥無加一，除返開即係百幾蚊一個人，部長話母親節正日都唔加價！第一道菜係高湯焗蝦球伊麵，個碟大到我會用盤黎形容，蝦球放到滿滿的，麵多到唔見底。蝦球大大隻口感彈牙，伊麵索到湯汁的味道，個人覺得略為濕左少少。仲有好多翠玉瓜，一人食一碗後都仲剩好多～～～XO醬彩鳳花姿第二道都是用同一個盤上菜，西芹用XO醬快炒過夠晒惹味。秘製黑蒜骨整晚最喜歡呢道菜，一整條一字骨夠晒份量，炸得香口而不會太油膩！上面的黑蒜醬汁甜甜地，估唔到幾夾的。同汽水比一比，真係碟碟都好大盤！另一方面我已經有少少飽！原隻鮑魚白玉盞原隻鮑魚放在節瓜上，鮑魚大概BB拳頭仔咁大，口感十足，一人一隻一定夠分。節瓜蒸到軟軟但不失水份，平時最怕好咸的獻汁，呢個OK唔會好咸。無味精燉湯材料是普通家常用到的湯料，如瘦肉、南北杏、粟米、紅蘿蔔等，只要有在家煲過湯都知道這食材，不用什麼花巧調味下，都可以煲出清甜滋潤的靚湯。如果不是吃得太飽，一定會多飲兩碗！清蒸雙花躉魚蒸得剛好，魚肉滑溜，簡單用豉油清蒸已好好食！蟲草花杞子浸菜苗用上湯浸菜及菇菌類，

難得放早， 相約友人到屯門紅橋附近的酒樓吃飯， 本身極之肚餓， 後來托著肚子回家， 事關每碟都好有份量。以下是餐單：1.高湯焗蝦球伊麵 第一道已經好大碟， 蝦球都彈牙，伊麵索到湯汁的味道！ 翠玉瓜除了增添顏色外， 令整個口感變得更有層次。 伊麵-軟 蝦球-爽 翠玉瓜-硬2.XO醬彩鳳花姿 青瓜和蕃茄伴碟有顏色得來又有心思， 有西芹、肉片等等..... 每件都是大大件3.原隻鮑魚白玉盞 小棠菜伴碟，鮑魚在節瓜之上， 鮑魚有咬口之餘，都好入味！ 節瓜一咬爆水，哈哈3.黑蒜骨 這個黑蒜骨，十分香口， 好吃到吃不停， 有黑蒜的味道， 同時不會搶去肉味， 咬落去一整條啖啖肉， 有別於平時吃的排骨。4,無味精燉湯 這個湯十分甜，喝下去有滋潤的感覺， 有南北杏、粟米、紅蘿蔔... 落足料頭， 有朋友喝了4、5碗，讚不絕口呢！5.清蒸雙花躉 魚蒸得剛好離肉， 魚肉滑滑的， 沒有腥味，無霉！6,蟲草花杞子浸菜苗整晚都是肉，難得有菜食， 夾多兩條， 菜浸到有少少淋身， 但不身菜的脆綠色。7.農家雞 推介菜式， 雞炸了表皮，