泰山集團中菜廳 (已結業)

琴晚成個family, 12人去食飯，食左個圍餐加壽包，落樓1630蚊。講下幾樣食物先，大蝦伊面夠味，啲大蝦都多，應該話食唔晒至啱。燉湯，掂，無味精，但個湯濃郁。魚就麻麻......豉油雞，唔會太咸，ok。正嘢推介：桂花糕，清香少甜，流沙壽包，亦係一流，細細隻，一人一個，熱辣辣，不過小心熱同噴出嚟。環境，個場細左少少，但都乾淨嘅。服務，ok啦，成日覺得佢哋好忙，騰來騰去。最大缺點，未有得簽咭，上去記得帶cash

諗住新開張試下，見茶介$3..試左過流沙包正。魚餅正。薄餅好食又唔粉。抵食。叫到成枱都係都係200幾。服務唔錯又好笑容。最緊要地點方便。停車埸就係下面超方便。唔洗搵位泊車可以值得一試。

小小店鋪，每碟都精心製造，全部都5🌟味道，值得一試。必定會再光顧。新鮮灼蝦，大大隻，廚師細心去腸，抵讚👍🏻😊小炒王，足料，夠鑊氣。菜譜爽口彈牙。👍🏻花甲湯粉絲，花甲大隻，湯鮮甜，粉絲夠入味🤗蜜糖脆骨，有創意，大家都估唔到全場最好食就係呢碟。食到要爭住食第二件😂😂😂蝦仁炒滑蛋，鮮蝦大隻又新鮮。炒蛋滑溜，小朋友大人都啱食👶🏻👍🏻新鮮雞，有口感，滑滑溜有雞味🤗福建炒飯，足料又炒得好味🤗清蒸石斑，蒸得滑有口感，火候啱啱好💕流心奶黃包，即叫即蒸，熱辣辣，大家都食到辣嘴，正呀😋😋😋紅豆沙，足料夠味。謝謝你們的精心料理，我們一家食團年飯，大大細細都食得很開心😃😍😍😍

今日試左一個新開中菜，位置方便，有輕鐵巴士到，環境坐得舒服，食物有水準，服務員態度認真，水凍咗就立即同你換，一餐晚飯換左3次碟，講真好多酒樓都做唔到，食物就緊係好食啦！一定會再食

果日經過見佢新開張諗住試下啦~加上依家又免加一，茶錢又3蚊一位！價錢咁抵～～！果日我地就3個人食！咁就叫左蝦餃，燒賣，薄撐，雞扎，流沙包，木桶乳鴿，食下啦！啲燒賣好大粒好正！薄撐就一啲都唔似平時酒樓食開果啲咁厚身！薄薄地，好香口！好有口感！！最正係個流沙包！！必食！重點推介！啲黃係會流出黎嫁！係食既時候小心熱親個嘴呀！同埋記得！記得！記得一定要襯熱食左佢呀！希望呢間野可以keep住個水準啦!一定會再黎幫襯呀！