泰妹餐廳 (The Wave) (已結業)

觀塘有新泰菜，第一時間約同事來試試這個"泰妹"，果然沒有令人失望！餐廳地方雖然不大，但裝修簇新，設計簡潔，雅緻舒服。Set Dinner for Two 二人套餐$198, 超抵！組合豐富，全是我們喜愛的泰菜，所以毫不考慮便落order. 冬蔭大蝦海鮮湯 ~ 大蝦嫩滑夠鮮味，香氣撲鼻的冬蔭湯濃郁香惹，酸辣味道恰到好處！香葉肉碎生菜包 ~ 新鮮爽脆生菜包裹着肉香四溢的豬肉碎，口感豐富紅咖哩牛腩飯 ~ 咖哩辣中帶甜幾開胃，牛腩軟腍又不失煙韌，令人回味！酸辣去骨鳳爪沙律 ~ 鳳爪酸辣醒胃兼爽口微彈，風味清新！最後每人一杯青檸梳打, 埋單唔駛$200 (不收加一服務費), 非常抵食，值得捧場！

1.態度問題: 因為父親節，外出食，太多人，於是叫外賣，4 個項目，送到只有3 個，送貨員當然沒有通知，到食時，才發現，致電餐廳，竟然只說冇貨，他已經通知了外賣公司，一句sorry 都冇講，叫我自己再通知外賣公司，離譜。2. 食物方面：泰式蝦炒金邊粉，蝦細就算啦，得幾粒，金邊粉冇味，又乾，豆腐乾就真的是乾，難入口。旦花黃咖哩軟殼蟹飯，軟殼蟹份量太小，黃咖哩就勉強合格，價格算貴。青木瓜沙律，份量也是太小。今時今日，你估真的得你一間舖咩，咁嘅態度；最後那句，永遠都不會再光顧的食店！

星期五又是時候試新餐廳，這次選了名為泰妹的餐廳。餐廳有沒有泰妹我就不知道了，但聽聞餐廳是由美車食開始，所以出發前有少少的期待。餐廳中午不設訂座，所以我們這次都早一點出發，希望趁人少的時候可以入座。這次我試了冬陰大頭蝦海鮮湯粉，配凍泰式奶茶。友人選了的汽水是小玻璃瓶裝可樂，頗為少見。湯粉的賣相挺吸引，體積上計蝦也算大。為什麼我說體積上計？因為就真的只有體積大，蝦肉的比例很少。所謂的海鮮其實只有蝦一隻，魷魚兩片，比手指甲還少的蜆肉2-3粒(如果有老花的話，應該真的會看不到😂)。雖然如此，相對而言粉的量還算可以的，只是配料少了點(生意難做嘛～)吃第一口的感覺是酸，很酸。我知道正宗冬陰功的味道是比較酸，但問題是這碗湯粉一點辣味也沒有。我本來也不是嗜辣的人，但冬陰功沒有辣味好像缺少了什麼的感覺。再來試試泰式奶茶。泰式奶茶只有凍的，沒有熱的，這點可能會讓部分不喝凍飲的女士卻步吧。味道也算是泰式奶茶的味道，但是很淡，甜味也很淡，不好喝。總的來說，如果這間餐廳沒有明顯的改變的話，我大概也不會再光顧，因為這個價位的餐廳，同區實在太多選擇。希望之後會見到餐廳的進步吧，我也很樂意支持小店的。

同朋友係觀塘工廠區個面試車，試車前係觀塘The wave搵間餐廳食飯樓下有好大個泰妹餐牌既banner見倒好似吾錯就入去試下啦我叫左個肉碎香葉炒飯 $52朋友叫左個冬蔭大頭蝦湯麵$52吾需要加一 包一杯飲品香葉飯我覺得吾夠熱而大頭蝦都有陣腥味 總括黎講覺得一般

平時帶飯既我，難得出街食lunch，觀塘有好多小店，我好鍾意試新野。個人特別喜愛泰國餐。同同事一行四人，諗住試下新野。眼見有9個好評，以為唔會太差啦！叫左個泰式蝦炒金邊粉。從來未食過咁差既金邊粉！（1）好碎 （2）無味 （3）豆干有啲硬之後再飲下佢杯泰式奶茶，超淡！我寧願飲水～同事食海南雞飯....係無味架！！整體而言： FAIL!!!!第一次嬲到要寫食評！一個lunch set要$52，我寧願食麥當當！

出開去觀塘做嘢，通常我都會去工廈搵食，因為唔駛吓吓食連鎖店，有時會發掘到啲隱世美食，見到呢欗工廈好似幾型格咁，咁啱又想食泰國嘢，於是就上去試吓。餐廳走簡約風，唔會有好華麗嘅裝修，但正值中午時間，比較多人，所以都等咗陣。午餐叫咗冬蔭公大頭蝦海鮮湯麵，有時好怕啲冬陰公會好咸，呢度唔會，配埋湯麵剛剛好，除大頭蝦外，仲會有啲蜆同魷魚，湯麵加埋啲芽菜一齊食，好清爽。另外叫咗海南雞飯，雞肉好滑，飯係用香料乾蔥同煮，但唔會話好油，最正係啲汁，我鍾意點晒3隻醬，又甜又酸又辣，用嚟撈飯同點雞肉都得。青檸梳打有淡淡青檸香，好清新。泰式奶茶係少甜，都幾啱我。呢餐兩個人埋單都係$100左右，都算係抵食。

有日因公司event去咗the wave，等𨋢時見到新開既泰國餐廳，今日午餐就試下啦～從The Wave扶手電梯一上就到～店舖不算大，但裝修別緻～午餐六樣選擇跟飲品，轉特飲另加$12下午茶三點先開始，與我無緣海南雞飯試下有like icon既海南雞飯，份量都好多下，油飯調味不錯，粒粒分明，但略嫌乾身咗啲，純粹個人口味鍾意食軟飯。雞肉嫩滑有雞味，啖啖肉，唔點醬都不錯。泰式奶茶顏色比港式奶茶紅，好靚～而且茶味好特別，入口幾滑～開開心心又一餐，呢度都坐得舒服，食完唔口乾，無味精既感覺

The Wave 活化工廈又開了一間小店食泰菜，小店環境開揚裝潢簡潔明亮，午餐時段Lunch Set有飯類或者麵類加飲品價錢都是$52都算很經濟實惠價格，小店還沒有收加一服務費，我們點了一湯粉一炒飯大家share一齊食。冬蔭大頭蝦海鮮湯麵 冬蔭湯粉送到枱面時看見份量好大份而且蝦好大隻，冬蔭公湯味道酸酸辣辣令人胃口大開，蝦肉都夠爽口，湯粉裏面還有蜆肉，整體這個價錢都算不錯。肉碎香葉炒飯同樣份量都係甘大份，肉碎和香葉一齊炒食落去好香口，還有微微辣的味道好惹味。餐飲青檸梳打

小女生上完堂，又係找地方食飯既時候。知道又有一美食車轉為實體店，就在觀塘，既然近近地，當然去試下啦。由地鐵A出口行過來，大約五分鐘，扶手電梯上一層就見到。餐廳不算很大，不過裝修清新，店內播放著泰文歌，讓人置身在泰國餐廳裡。set lunch 有飯和麵選擇。$52包飲品，加$12可選特飲。下午3：00還有下午茶供應呢，三十多元起，價錢大眾化。我們點了兩客set lunch,首選當然是人氣海南雞飯啦！因小女生不吃辣，我就選了泰式雞肉濕炒河。海南雞飯美食車中的人氣海南雞飯，附上三款醬汁，隨個人喜好而蘸取，我和小女生最喜歡的是黑醬油，雞油飯很香也夠味，淨吃飯相信也能吃上一大碗。海南雞十分軟嫩幼滑，雞皮沒有半點的脂肪，真的不錯啊！泰式濕炒河配菜很多，感覺較健康，濕炒得來也幾惹味。河粉切得闊闊的，令顧客更方便進食。粉條軟硬適中，又不會太油，小女生一口接一口的吃著 並說好味啊！青檸梳打青檸梳打，甜味和酸味恰到好處，冰凍消暑。椰青水加了$12選了椰青水給小女生，冰凍清甜又解渴，讓加入椰果，添加了口感，份量也較我的青檸梳打多呢！整體來說，味道不錯，環境乾淨舒適，價錢相宜，下次會來試下午茶呢！

今日去觀塘outlet買波鞋，順便食個午飯，剛好遇上星期六放工時間，為避開人潮，所以去工業區搵嘢食。這間餐廳係The Wave商場二樓，係商場樓下見到餐牌有泰國菜，價錢又唔算貴就試下啦！見店內環境及裝修，應該新開不久，因為地方很乾淨。以午餐來說有點像快餐店，分別有飯及麵的套餐。今日天氣好熱，最吸睛就係飲品，我點了"青檸梳打"，老公點了"青檸薄荷葉沙冰"，兩杯都酸酸甜甜好開胃，又夠冰凍超爽，另外沙冰內的薄荷葉打碎入冰內，感覺份外清新。"泰式蝦濕炒河" 比我預期中多蝦喎；河粉好大片，口感特別又豐富；個汁少少鹹，但成個炒河整體係好夠味的。"海南雞飯" 雞的份量也很多，我剛好食了兩件都是雞脾部位，肉質好滑好好味。

係公司附近又有一間新餐廳開左，呢間主要係食泰國菜呢間餐廳空間感不太大，檯與檯之間都好接近我點左海南雞飯+大頭蝦冬陰公湯粉，原本我想食肉碎香葉炒飯，因為我超鍾意食炒飯不過見到海南雞係餐廳推介，所以最終就揀左海南雞飯了，我太容易受影響雞件好滑，而且一啲都唔肥膩不過米飯就有點遜色，一來唔夠熱，二來唔夠粒粒飯大頭蝦冬陰公湯粉看上去已經好吸睛隻蝦真係好大隻，我留意到差不多每張檯都叫呢樣冬陰公酸酸辣辣好好味，可以刺激味蕾驚喜的是仲有蜆肉係裡面添增加左冬陰公既鮮味泰式咖啡

呢間野野食出得慢又漏單等左成個鐘都未有野食服務態度又差重點係有蟲仔係度飛黎飛去又有曱甴仔爬過我書包睇落衛生幾好但實際上就應該唔太好好失望完全唔建議大家過黎食劣評

After i have finished my business appointment at Kwun Tong, it was already lunch time so i just found a place nearby to have lunch. While walking past The Wave, i found a banner displaying outside for their Thai set lunch. As the price was pretty reasonable, i just tried it. Thai Mui restaurant was opened not long ago as i had not seen it previously.Their set lunch was set at standard rate of $52 and was grouped between rice or noodles option. It was inclusive of a drink as well. Thai milk tea -

The Wave 的一樓新開了一家泰菜。小店沒有收加一服務費，而且價錢以觀塘區的晚餐來說，都很便宜；人均消費$100，已經有麵有菜有肉有飲品和甜品。*泰式蝦炒金邊粉 ($58)金邊粉很夠味，濕度適中，麵質軟；蝦肉的份量都不少，而且下了很多蝦乾。*蒜蓉炒椰菜苖 ($42)椰菜苗很翠綠，不會煮得太淋，仍然很爽口，不過味道有點濃。*燒豬頸肉 ($18)豬頸肉又香又爽口。*鮮芒椰汁黑白糯米飯 ($48)芒果很甜；有糯米配芒果汁和黑糯米配束汁，糯米飯很煙UN；*泰式奶茶 ($18)典型泰式奶茶的茶香，少甜之後，個人仍覺得較甜。

今日喺觀塘開工 同事帶咗我嚟呢間新開嘅泰國餐廳食lunch 佢好多時都會嚟呢度幫襯 正所謂食過返尋味泰妹營業時間 上午11時至晚上十時 中午一點來到餐廳 超虛撼 打工仔放飯時間 旺到爆 已經坐滿曬人 仲有部分喺出面排隊等位喺等候嘅期間 餐廳職員非常貼心 畀定餐牌我哋選擇 跟手落埋單快節省時有效率 值得稱讚幸好打工仔食飯時間有限 快呢快去 我哋好快就有位坐啦午市餐牌選擇只有套餐 均一價錢52蚊 部分飲品不用加錢 若果要轉特飲需加12蚊泰式雞濕炒河(可選擇雞 豬 或蝦)份量超多 獻汁非常濃沃 蓋滿河粉配料除咗有雞肉之外 仲有時令蔬菜及鮮菇類河粉選用咗粗生的 食落有質感 非常彈牙香茅蝶豆花檸檬梳打(特飲) 感覺有啲似飲緊酸梅湯 酸酸味味 非常解渴消暑海南雞飯值得推介 先說說雞油飯 香口惹味不油膩 粒粒飯都鬆散煙韌海南雞冇骨 啖啖肉 雞皮爽脆肉質嫩滑 配合醬汁一齊食 味道非常正宗泰妹嘅海南雞飯上過為食新聞 好評如潮來一杯芒果沙冰特飲 顏色鮮豔 充滿豐富嘅果香味 沙冰在口腔溶化 非常透心涼抵食又好食的午市套餐隨著打工仔放飯時間過去 與剛才虛撼的畫面有一個大反差 食飽飽又要繼續打拼啦