泰太廚房

营业中

休息中

必嗌兩大招牌：咖喱蟹肉焗麵包 × 泰式炒粉絲衝住佢哋個「咖喱蟹肉焗麵包」嚟！上枱熱辣辣，成個麵包挖空裝滿濃郁黃咖喱，蟹肉多到瀉出嚟，仲有啖啖彈牙魷魚同蝦仁！重點係個麵包蓋焗到超脆，撕落嚟點咖喱汁，甜辣惹味仲帶椰香，掛汁力100分～食到底連麵包碗都吸晒精華，軟綿綿索盡咖喱，邪惡到停唔到口！另一驚喜係「泰式炒粉絲」！即叫即炒鑊氣爆棚，粉絲乾身唔油，彈牙得嚟仲有焦香！落足雞肉、大蝦、蛋碎同爽脆蔬菜，最正係撒咗花生碎同辣椒粉，撈勻酸辣魚露汁，鹹香酸辣一次過衝擊味蕾，食到舐舐脷～環境同價錢：舖仔細細，但冷氣夠勁，坐得舒服；份量夠2-3人share，抵食！服務OK，上菜快，趕時間都啱。真心推：咖喱包同炒粉絲係必殺組合，濃味撞濃味反而夾到震！記得嗌杯凍奶茶解辣，茶底夠濃唔死甜～ 大埔想食高質泰式小炒，呢間絕對翻兜！

今日爸爸生日約咗呢間餐廳食飯，因為爸爸住大埔，所以就返爸爸食呢間泰國菜，我哋預留咗生蝦刺身同埋炭燒乳豬，因為呢度嘅生蝦係即日預訂。坐低10分鐘落完單就出咗個蝦刺身，果然好新鮮，海鮮汁有兩隻，兩隻都唔同嘅酸辣味好正。跟住就上咗個炭燒乳豬，我哋係訂咗一隻，呢款乳豬真係好少食，個皮好脆好似食薯片咁，肉汁又多，底部嘅黑椒胡椒味好強勁好入味，值得推介。跟住叫咗兩個菜，一個椰菜苗一個喺通菜，都正正常常。跟住嚟咗個咖喱竹炭麵包軟殼蟹，都正正常常，咖喱汁好多，麵包索晒咖喱汁，配埋軟殼蟹Perfect！有個生菜包，略嫌佢唔夠辣，所以我另外攞咗辣椒粉，都好，老人家唔食咁辣。仲有幾款嘢食冇影相，之所以打呢篇文章其實主要係講呢度嘅冷氣真係超強勁，喺咁熱嘅天氣下，真係感覺到入邊仲有啲凍👍🏻👍🏻食泰國菜食到咁真係好爽！

今日同朋友兩個入大美督食飯，揀左好耐，都係食呢間泰太廚房，貪佢坐得闊落，環境好。入到去都幾多人，待應幾個都好忙錄，都明白做飲食業好辛苦。我地被安排坐室外位置，可以見到篤篤車，同隔離有泰國人燒烤😱仲要係炭燒。打開餐牌價錢都算中高，試試佢咩料。我地見到有泰國人燒烤，都二話不說叫左三款，分別有沙爹串燒，豬頸肉，燒鱔。泰國人燒野係有一手，食材新鮮，刀工好，入哂味，另上的汁醬令到食材更加升華，食得出係有心機整。埋尾叫左個肉碎炒飯一樣有驚喜，一句講哂，超正！埋單兩個人食左$600，貴唔貴見人見智，不過一定係值回票價，一定會再返黎食，下次要食埋即場燒乳豬！

☑️咖喱焗軟殼蟹（配竹炭麵包）—— 濃郁惹味，口感層次爆燈！呢道菜一上枱就已經香氣撲鼻，金黃色嘅咖喱汁包裹住成隻軟殼蟹，賣相極之吸引！軟殼蟹炸得恰到好處，外皮酥脆，內裡蟹肉鮮嫩多汁，完全冇油膩感。最正嘅係佢哋嘅咖喱汁，用咗泰式黃咖喱做基底，加入椰奶調和，味道香濃得嚟又帶少少甜辣，仲有淡淡嘅香茅同檸檬葉香氣，層次非常豐富！ 而竹炭麵包絕對係點睛之筆，麵包外脆內軟，炭香獨特，蘸上咖喱汁一齊食，簡直係絕配！咖喱嘅濃郁同麵包嘅鬆軟形成完美對比，每一啖都令人回味無窮。☑️泰式柚子鮮蝦沙律 —— 清新開胃，夏日必食！呢道沙律絕對係炎炎夏日嘅救星！新鮮嘅柚子肉清甜多汁，完全冇苦澀味，配上爽口彈牙嘅鮮蝦，口感已經贏晒。沙律嘅醬汁更加係精髓所在，用咗魚露、青檸汁、椰糖同指天椒調製，酸辣醒胃之餘又帶少少甜味，仲加入咗炸蔥同花生碎，增添咗香脆感，食落非常過癮！ 最欣賞嘅係佢哋嘅食材配搭，除咗柚子同鮮蝦，仲有青芒果絲同薄荷葉，每一啖都充滿泰式風味，清新得嚟又唔會太寡，絕對係開胃首選！ ☑️Chang啤酒（生啤）—— 冰涼解渴，泰國風情滿分！食泰國菜點可以少得一杯冰凍嘅Chang啤酒？呢度嘅生啤非常新鮮，泡沫細

臨時夾到時間係父親節正日食飯，好彩仲book到位，一行六人食泰國fusion菜。當日都坐滿食客，室外的位置較室內多，室外的氣氛比較好，但因為怕俾蚊針，還有夏天比較熱，所以選擇室內嘆冷氣😆整體來說，整個晚餐都食得很開心，也見到很多特別的泰國菜款式，菜式價錢也比較貴。。。成餐飯時間都覺得員工比較忙，可能始終都是晚飯時間客人多，但係他們的分配，睇枱位人手，有待改善，因為找侍應問完野，侍應係好幾次都忙到已經忘記咗我們的要求。

食物一般串燒好乾，乳豬好肥，燒到好燶，唔推薦啲餐具全部都油淋淋，而且有漬室內冷氣好細，有啲熱職員態度都麻麻，問佢泊車係咪喺番呢度泊，佢答「呢度無位比你泊」…… 無位泊事小，但態度請改善吓

今日一家人嚟到補祝母親節食飯，因為正日前大家都約唔到，有啲去咗旅行有啲有嘢做。我哋一早book咗呢間泰國菜餐廳，因為食過幾次食物又大份，價錢合理，味道好，如果小人食就會可能覺得唔抵食。開頭嚟咗個生蝦車，整得好靚，其實都食過幾次，因為佢次次啲蝦都好新鮮，店員話係每日新鮮入貨。馳名冬陰功湯呢個一定要叫，又酸又辣又開胃，上菜前職員仲幫你加埋個火熱住。炭燒豬頸肉同埋炭燒沙嗲串燒泰國師傅喺門外出邊炭燒，風味十足，火力十足椒鹽冇殼瀨尿蝦呢一個阿妹留咗，因為阿媽鍾意食瀨尿蝦，都係新鮮入貨，炒得好惹味，仲有粟米食，阿媽冇牙所以對呢個菜式10分喜歡黑色咖喱竹炭麵包軟殼蟹，好多咖喱汁承載住咖喱軟殼蟹，呢個幾特別，唔係周圍有得食佢哋嘅炒河粉係用闊河粉，同泰國一模一樣。另外其他菜都做得唔錯，最後仲要打包走我哋八個人都食唔晒

今日假期兩個人入嚟踩吓單車，見呢間都多人食，但係佢爆曬我哋決定行到半個鐘先過嚟，半個鐘後都走得7788，因為之後要做運動，所以唔叫太多嘢食，我哋叫咗個泰北酸辣羊腩湯，同埋個香草辣椒炒肉碎跟生菜，價錢中上，但用料上乘，個湯有應有嘅酸辣味，不完啱啱好四碗，我哋兩個人唔多唔少個肉碎生菜辣味適中，撈埋隻蛋咁樣食生菜包其實都幾好食，埋單$300，入得嚟差唔多啦，餐廳都叫做俾返咁上下野你，樓面職員得一個，佢話因為其他同事拿林食緊飯，當時係4:00，我話吓而家先食飯？😂咁點解你唔使食？佢話因為我返三點半。

天氣咁好同屋企人入去大美督行吓，諗住泊車入去錶位，再過對面村搵吓有咩食，入車場前離遠見到呢間泰太廚房個招牌，就不如過去試吓！餐廳環境輕鬆 chill，坐低就想點幾味試試。今次試左四款招牌菜，味道好有驚喜！泰太竹炭麵包咖喱焗軟殼蟹(金枕頭) 絕對係必試！竹炭麵包烤得外脆內軟，咖喱醬濃郁得來有微微甜味，唔會太辣，配上炸得金黃的軟殼蟹，肉質鮮嫩，一咬落去滿口香，食完真想再 encore！泰式皮蛋炸蝦餅同樣好掂，蝦餅炸得脆卜卜，內裡蝦肉彈牙，混雜皮蛋的鹹香，味道好有層次。點上酸甜醬，開胃到停唔下來，份量仲好夠誠意！泰式蠔仔鐵板煎蛋一上枱就聽到滋滋聲，夠晒吸引！蠔仔新鮮又多汁，煎蛋滑溜溜，兩者一齊食好有泰國街邊小食的 feel，簡單但好有風味。新鮮菠蘿海鮮炒飯就係清爽之選，菠蘿的酸甜味中和炒飯的油膩，蝦同魷魚好彈牙，夠晒新鮮，飯粒炒得粒粒分明，份量多到食唔晒！泰太廚房的菜式好有泰國地道風味，服務又親切！如果想搵間好味泰國菜餐廳，泰太廚房真是一個好選擇，無論同朋友定家人來都啱晒，推！

晚餐用餐, 有先訂位, 不過那天是星期四, 其實閒時都不多客人, 得幾枱. 之前試過隔離越餐, (跟這間是同一間來, 總括覺隔離嘢食好食D), 呢間不是樣樣好吃即燒乳豬半隻- 這個算好吃, 但未算最出色, 皮雖脆,但唔夠鬆, 微實, 但都可以, 但有D貴. 要 $680半隻, 不過要人工燒比你食, HK地係要呢D價位, 但不會ENCORE皮蛋炸蝦餅- 呢個幾特別既串燒雞- 呢個最失敗失敗之作, 作為一間泰國餐廳, 連基本串燒都做得不好, 雞已是保守叫法, 已不敢叫牛/豬, 因外間好多牛/豬多會出事, 太乾太UN太鞋, 所以嚟呢度先試雞, 噢.   乾鞋實.  一D都唔JUICY, 所以極度失敗之作. 一D都唔好食. 炒雜菜- 正常發揮菜式, 無咩特別咖喱軟殼蟹黑炭包- 呢個算是較出名一款菜,  咖喱味道好, 包都外脆內軟. 呢個係讚的. 飲品 - 正常整體唔算最滿意既味道, 一半半.  所有有點失望既.  或且下次再比多次機會試下其他嘢食吧.

Weekend過左中午最多人既時候去食，嗌嘢食都可以漏單，三催四請都上唔到菜，職員又晦氣。價錢貴唔緊要，要有野食先得㗎。最後上咗嘅嘢食落又唔覺特別好食，唔推介大家去食，費事一肚氣同埋我覺得評論區好多既 review都係好唔中肯既，大家可以睇多少少佢地既負評就知道依間鋪頭真實既情況係點樣。唔係開係大尾篤就可以咁做生意既，比返正常餐廳應有既態度比個客我都好少特登會寫 review，如果間野係要靠寫手去堆砌既，唔好預有返頭客啦

落單要咖喱軟殼蟹 送到嚟係咖喱海鮮蟹店員話落單嘅時候有問清楚係$700嗰個我哋成家人都完全聽唔到 因為聽到呢個價錢一定唔會落 但個店員就係咁重複話有講 態度仲要好差 話無得退 店員其實落完單都無重複叫左咩就走左去因為唔想麻煩到其他家庭同埋商家因為大家都好忙 所以唯有硬食其實唔係食唔起 但係就變咗成肚氣本身就係睇comment覺得呢度服務好，野好食，所以先過嚟食 ，最後都無心情食母親節諗住搵間好食嘅嘢慶祝 最後搞到大家心情唔好 成家都難做真係第一次特登寫負評 覺得完全係俾人老屈

話說踩完單車去大美督見到呢一間泰國菜好似幾唔錯點知原來一早已經full Booking 見到啲嘢食真係好吸引，所以喺度堅持等最終有人臨時cancel，所以我哋可以頂上！最難忘係個咖喱軟殼蟹黑炭麵包我覺得個包好好食，但係本人麻麻哋軟殼蟹，如果係咖喱牛腩就好！生菜包辣得滯，但係其實好惹味沙蝦有兩個醬汁幾特別，有燒乳豬好吸引，但係因為只係四個人怕食唔晒！太遲叫芒果糯米飯，所以冇晒！整體係好食嘅會想再次到訪服務態度亦都唔錯！環境都幾好

好耐冇食泰菜，上網search呢間位於大尾篤嘅泰國菜館「泰太廚房」好評如潮，一於試下！ 環境夠chill，服務員有禮熱情，非常親切！Menu食物款式多，遠道而來，當然order啲極具特色嘅美食啦！ 燈燈燈凳！打頭炮嘅美食「泰太竹炭麵包咖哩焗軟殼蟹」。嘩！不得了，這除了是一道美饌，也可以是一件藝術品！造型精緻特別，盡顯廚師用心製作。竹炭麵包挖空盛載濃郁咖喱醬汁，主角軟殼蟹炸得酥脆，沾上咖喱後仍保持鬆化口感，蟹肉鮮美與醬汁交融，麵包吸盡咖喱精華，撕下蘸食層次豐富。創意十足，將泰國風味跟烘焙巧妙融合，視覺跟味覺雙重享受！創意fusion菜，超驚喜之選！ 嘩嘩嘩...隆重登場，第二道美饌餐廳新品「冬蔭海鮮雜錦媽媽麵魚麵鍋」，酸辣醒神嘅冬蔭功湯底充滿層次，香茅配料加檸檬葉清香撲鼻。海鮮料足且新鮮——大蝦彈牙、蜆肉飽滿、魷魚爽脆，還用上蟹肉、扎肉、魚餅、脆腩肉等食材入饌，搭配雜菇和青檸更添清甜。湯頭濃郁，鍋麵特別之處加入了彈口美味嘅魚麵同媽媽麵，吸盡精華，滋味十足，富有特色，用心製作。整體份量充足、風味正宗，適合愛泰味的老饕，美饌必食首選！泰...特....別！泰...好....味！

同啲舊同學去行山之前入大尾督食個晏先。呢個同學話成日食前邊嗰幾間，我就book mark咗呢間未試過，就不如去試吓。呢日超好天，所以我哋坐喺室外同埋唔算好熱有少少微風有少少真係好似去咗泰國度假嘅感覺。晏晝剩係得兩枱客我哋同埋另外一柗外國人，真係有啲誇張。早餐都未食，實在有啲肚餓，未齊人已經嗌定嘢食。先嗌咗個辣肉碎沙律，一碟金邊粉同埋一個蟹肉農夫包。辣肉碎基本唔會輸，呢間都好好食唔會太乾亦都唔會太濕，不過生菜份量就比較少啲唔夠包。金邊粉其實好蝦人炒，但呢度唔會炒到一pat pat，同埋落咗啲羅望子醬酸酸地幾好食。個農夫包原個上，上菜嘅時候先至切開，裏面流啲咖喱出嚟沾埋個包勁好食，個包面又脆卜卜好似脆豬咁。不過應該係將個餡雪到冰再包麵粉焗，唔埋佢自家製定係來貨都整得好食，唯獨係啲蟹肉食落去唔多。之後到齊人再加咗個蠔餅同埋鹹蛋黃炒魷魚，個蠔餅就望落去賣相有啲熱氣，但係食落去個脆粉都唔算多同埋咬到啲蠔幾Juicy。個鹹蛋黃就同我預期中有少少出入以為係金沙，點知原來係將隻鹹蛋切粒嚟炒都好食嘅，可以選擇配個白飯就好，不過啲魷魚就冇乜鮮味。不過人均百幾蚊整體上嚟講都係滿意嘅。