泰傳奇 (已結業)

見到班蘭麵幾特別諗住入嚟試下，點知中曬伏 ，第一次 忍唔住寫食評，食左個香茅豬扒湯粉D肉係梅的，解凍做得好差又成陣雪藏味，海南雞飯又少肉又鞋口，好低質。。下午茶冇乜人都要等20mins以上，再不改善的話請幾多打手寫幾多好評都冇用。。

前身是素食愛·家，現改為全emax唯一一家泰菜，特別之處是舖右側有入口水果地帶提供購買。今次人數少，所以只點了一有禮貌的女店員強烈推介的晚餐套餐：芒果蟹肉炒飯、椰汁雞湯、三色冰、甜品2件（椰汁糕）。整個餐的份量是剛好夠2位細食女士吃，炒飯炒得夠乾身，蟹肉不很多但加入適量芒果肉粒令到味道較有層次；椰汁雞湯椰汁🥥味輕微反而帶點冬蔭功的微酸，料很足，雞肉、草菇、秀珍菇、香茅等都下了很多；三色冰甜度適中，那些三色粒粒有些是包裹着蓮子，比嚼糖蓮子有嚼勁，整杯很快喝畢。其中一殷勤男店員端上自製蘿蔔糕，說是附送的。

第一次去食，原來只招待自己朋友，不停的加枱，原本既座位已滿，不停在路口加枱，落單之後，可以十五分鐘沒有食物及飲品，其他遲來的客人（朋友）已經在開動，問他們才知道沒有落單，連單都沒有了。

話說呢排同女朋友搞結婚嘅嘢😌所以我哋要去行婚展😝，咁啱得咁橋今次婚展喺九龍灣攪👍🏻，所以我同我女朋友兩個人就去咗emax 行咗幾個鐘，覺得已經好肚餓，已經好想搵嘢食🤤，於是我哋就行咗成個商場搵下有咩食😂，結果我哋見到呢間泰傳奇嘅舖頭😈，見到都好似ok，所以就入咗去，坐低之後，侍應話呢間係傳統嘅泰菜舖頭，我哋睇咗陣menu 跟住就揀咗佢個套餐🍛，同埋一碟生菜包肉碎🥬過咗一陣嘢食終於到啦🤩， 我哋試咗個炒飯 發現都唔錯幾有鑊氣，另外呢個餐跟咗個冬陰功湯，個湯一啲都唔差，色香味俱全😋😋，仲有我哋另外嗌嘅生菜包，香辣得你亦都有非常之有口感😝，所以各樣嘢都唔錯

九展越嚟越多嘢食！路過諗住隨便搵D野食吓...去食街貢吓點知見呢間泰國菜好似唔錯就一於試吓佢...佢哋門口水果入饌，好鬼吸睛👁👁豬頸肉斑蘭麵🍜老闆推介！新鮮斑蘭葉自家研發麵條...斑蘭蛋糕食得多！熱騰騰嘅斑蘭味，真係第一次食！食落都幾特別㗎！麵質粗幼適中，仲好彈牙添👍🏽泰式生蝦🦐：平常食到果啲冇咁大隻㗎！呢間隻隻都肥嘟嘟🙀泰式海南雞：皮嫩肉滑，秘製泰式酸辣汁勁惹味！好想叫多兩碗油飯🤪泰式肉碎生菜包：個人推介！我覺得好好食😋絕對要試吓！辣得嚟唔洗話要搵水飲...辣度配淡淡嘅生菜🥬正呀👍🏽金磚多士+青咖喱牛腩🍛：厚切長方條條飛邊再加上蒜茸同牛油，香到爆炸呀！一件兩食...一邊淨食，然後另一邊點青咖喱汁😋😋青咖喱會比辣肉碎辣少少，不過越食又越有癮🙈

聽聞九龍灣展貿中心開左唔少新食店，為食的我又點可以放過呢? 九展食店林立，選擇種類繁多，花多眼亂之際，我雙眼視線就俾放滿一大堆水果喺店面的食店吸引住了。而呢間食店就叫做 泰傳奇，所以我今次的目標就係去食泰國菜。菜色選擇多，當我不知如何入手時，老闆很親切的走過來提供意見。筆者從中得知廚師全都是泰國人，所以餸菜都十分地道和正統。我選擇左幾款老闆推薦的菜色，其中之一係金磚蒜蓉包，未食已經聞到一陣陣香濃的蒜蓉味，咬下去皮脆內軟，令人喜出望外。生蝦刺身，採用新鮮的草蝦，鮮甜味濃厚，口感彈牙，肉質緊致。而配菜泰國苦瓜同香港或中國本地苦瓜十分不同，採用泰國苦瓜的以澀味為主，不太苦，可以當零食咁食。草蝦連同苦瓜再沾上秘製泰式酸辣醬汁一起吃，鮮甜感更上一層樓!!豬頸肉船面斑蘭麵，最有興趣想食的一道菜! 斑蘭麵十分特別，有自己的獨特甜味之如，有像拉麵的煙韌口感，也有像鹼水麵般的彈性。而船面也用料十足，豬頸肉，魚丸絕不孤寒。泰式生菜包，因為加入了青檸，令肉碎味道更清爽，而且配上秘製辣汁，更能突顯其辣味!鐵板煎蠔餅，份量十足，蛋香味濃，卻不會掩蓋蠔味。加上用了鐵板保溫，不會怕變冷而變得不好吃。海南雞飯，海南雞

係Emax附近返工， 日日食餐廳A、B、C已經食到悶， 早前經過2店發現有新店開業， 竟然係同區缺少嘅泰國菜！午市人龍太長唯有改吃晚餐， 18:00人流未出現可以安靜舒適地用餐， 甫坐下店員已奉上溫水一杯， 天寒地凍下感覺特別貼心。店內還與水果店合作， 可以用鮮果入饌之餘， 仲設有水果専區出售新鮮水果、鮮果杯、果汁等， OL們Lunch Time又多個選擇！前菜柚子沙律初食時只覺甜甜酸酸清爽開胃， 但經咀嚼後麻辣味開始散發變得更惹味， 配搭大蝦、腰果仁、乾蒜等口感更豐富！店員推介必試的泰傳奇金磚飽， 麵包磚4面都沾滿牛油蒜蓉， 烤焗後金黃脆卜卜好吸睛， 怪不得上桌時已聞到濃濃蒜香啦， 的確係必食之選！泰式芒果蟹肉炒飯炒得乾身粒粒分明， 拆成絲的新鮮蟹肉絕不欺場， 超甜芒果肉更能提升味道層次， 看次簡單卻能嚐出泰國風情。臨走時買上一杯鮮果汁， 清甜解渴又消滯， 這一餐簡直完美！

上星期去九龍灣Emax國際展貿中心睇完戲然後去左商場二樓新店“泰傳奇”食飯，估唔到非常有驚喜，餐廳裝修雖然平平無奇，但餐廳老闆甚至店員十分親切，向客人介紹菜式，就著客人口味推介餸菜，而且廚師為泰國師傅，完全正宗泰式風味，食品有水準。首先離一個椰汁雞湯，因為我地唔食得辣，所以點選左椰汁雞湯，香濃既椰汁雞湯充滿雞肉及雜菌，濃郁既湯微辣得恰到好處，湯餡料既份量十分多。跟住頭盤點左柚子沙律，大蝦爽口彈牙，柚子肉新鮮多汁，十分開胃。而主菜泰式豬頸肉班蘭粉，湯底超級好味，感覺帶點甜味既湯底配合班蘭粉，絕對要一試，而且豬頸肉爽口有咬口，超讚。另一個主菜海南雞配油飯，海南雞肥瘦適中，雞肉嫩滑，連雞胸部份都一樣嫩滑，值得讚賞。而小食係肉碎生菜包，用新鮮既生菜包住肉碎，生菜清新口感中和肉碎既微辣，非常好味。而最後飲品點左椰青及珍多冰，椰青水清新好味，珍多冰既椰汁又香又濃，完美既一餐泰國菜。

九龍灣E-Max 開了一間泰菜·泰傳奇！餐廳開揚， 柔和燈光更增添了浪漫氣氛。牆上擺滿不同嘅紅白酒，在場的客人亦開始飲起紅酒來。率先點了食泰菜必點的珍多冰及椰汁三色冰。椰汁非常濃郁，而三色團子夾心有馬蹄增添口感。金磚是呢度其中一道招牌，蒜香味十足又金黃香脆的蒜蓉包。用厚方包製成。另一驚喜的是這裏的船麵。湯底濃郁微甜，上層灑上炸到非常香脆豬皮。豬頸肉大塊唔會乾柴。綠色爽滑幼彈的麵條是用斑蘭葉顏色製成。斑蘭香味就唔係好食得出，但麵質的口感很有驚喜。泰式生蝦爽口Q彈，酸辣汁比正常的來得酸。海南雞出乎預料的嫩滑，很好味。生菜包用的玻璃生菜很新鮮，而且份量很多。肉碎味道比一般食到的較酸，挺開胃。唯略嫌炒得不夠乾身。冬蔭功湯的味道微辣不嗆，偏酸。蝦肉勁多。

E-Max國際展貿中心2樓新閧了一間泰國菜館，老公鐘意食泰國菜，我又鐘意試新野，今日特登去九龍灣湊放工兼揾食，餐廳環境不錯，餐牌選擇超多，真係選擇困難，好彩店主非常熱情好客，幫忙推介美食。二人點了生蝦刺身、蒜蓉包、肉碎生菜飽(豬-雞)、冬蔭功湯、泰式海南雞飯、豬頸肉船麵湯配斑蘭粉，食材非常優質，味道有驚喜，店主話遲些仲會再加菜式，例如泰國翅，真係十分期待。生蝦刺身超彈牙，肥嘟嘟，好大隻，店主推介必須食埋伴碟配菜嘅苦瓜，果然係很好食，蒜蓉包外脆內軟，非常香口，肉碎生菜飽(豬-雞)，玻璃生菜非常翠綠，唔單只係個樣靚，味道仲好清甜新鮮，冬蔭功湯，材料十足，老公飲到噓噓聲，佢話又辣又香又足料，泰式海南雞飯，雞肉又香又滑，油飯味道超香，飯較乾身，沒有油膩感覺，這個不是店舖的招牌菜，但水準比較海南雞專門店更加出色，詢問之下，店主話他們是用新鮮雞炮製的，難怪會咁好食。豬頸肉船麵湯配斑蘭粉，湯底香濃，豬頸肉很入味又香腍，麵底有淡淡斑蘭香味，但掛住影相，麵條發漲了不少，依然爽口，店主話如果上餐即食味道更爽口好食。餐廳環境幾好，食物質素高，服務超好，有誠意，但選擇太多，如果有選擇困難症，一定要找店主幫忙！

昨天晚上放咗工在德福廣場逛店，到了晚餐時間還不知吃什麼？友人提議乘坐 shuttle bus 到 E-max 國際展貿中心悠閑的吃個晚飯，沒料到有演唱會，我們選了泰國菜，店子差不多滿座，但店員服務勤快。我們點選了泰式海南雞，雞肉嫰而香，差不多做到慢煮的效果。泰式豬頸肉班藍麵，這道菜很有創意，所以亦都限量售賣，綠色班藍麵條口感彈牙爽口，配合美味爽脆豬頸肉很突出。蒜蓉炒椰苗：泰國的椰菜苗帶有點澀味，加了蒜蓉配搭又成為一碟簡單味美的菜色。隨後就是至愛的甜品椰青芋頭啫喱及班蘭大菜糕。香濃的芋頭配上椰青啫喱完美混合。淡淡清香的班蘭味大菜糕。味道唔會太甜。這間泰國菜的份量品質控制均由泰國廚師親自處理，平民化價錢的泰式美食，讓食客品嘗非一般的泰式風味。😊😋👍👍✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

2019年12月15日。九龍灣。晴。本來行行下德福好地地，點知突然有啲green objects入商場橫衝直撞，為免畀污糟嘢衝擊，所以轉場去九展，順便食晚餐～九展二樓有條食街，見到泰國嘢，即刻口水都湧晒出嚟～即管試下！門口擺咗好多生果，靚得嚟仲可以即買㗎！舖位唔算好大，但都坐得鬆動舒服～如果多人最好就book定枱喇～雜錦船麵湯配特色斑蘭麵話明雜錦，配料真係好多！有各種丸，牛丸：大推～牛味濃，又彈牙，正！墨魚丸又係另一推介～煙韌有彈性！另外扎肉魚蛋都非常好～湯底極之香濃，飲落仲覺得好鮮甜～不停飲、不停飲，最後差唔多見底，呵呵～重點要講嘅係個斑蘭麵！！！唔好見佢綠色以為係菠菜麵，原來係斑蘭！東南亞風情指數飆升！麵嘅質地真係不得了！彈牙得嚟又有斑蘭嘅清香，絶對會因為個麵而再去幫襯～海南雞（半隻）肉質嫩滑，雞皮有油香，但唔覺有肥膏，啱晒女仔食～泰傳奇金磚包一上枱就散發住濃郁嘅蒜味～外層酥脆，包心依然鬆軟，好味嘅香口小食冬蔭功湯冬蔭功湯可以同老闆要求辣度，食得辣嘅可以盡情咁嗌大辣～～酸味好足，而家諗番起都流晒口水～用料豐富，一直飲一直撈到大隻蝦，加加埋埋成六、七隻咁多！仲有幾種菇同其他配料，感覺

今晚約左友人係emax睇演唱會，發現原來開左一個新地方叫《食街》，好多間餐廳，行到有間食泰國菜都好多人食，我地睇完menu就點左：泰傳奇金磚包$48: 一上檯好香濃蒜蓉味，大大條真係金磚咁厚身，咬落去好香脆，外脆內軟，整個口都佈滿蒜蓉香味！肉碎生菜包（豬-雞）$88: 食法係用新鮮生菜🥬包住豬肉、雞肉碎，味道較為濃郁左d，肉粒均勻，但包左生菜🥬食就增加口感，爽脆好多！冬陰功湯 細$68-：咪以為湯面好紅會好辣，我點左少辣，都好香濃冬陰功味道，用左香茅更有泰風味，另有蝦碌好爽口陣牙，仲有香菇索晒冬陰功湯味道更好味😋！泰傳奇芒果蟹肉炒飯 $138: 餐廳限量推出，如果時令芒果🥭賣晒就冇啦！好好彩我地叫個陣仲有，d飯粒炒得好粒好乾爽，撈埋鮮蟹肉一齊炒更有鮮味，芒果🥭好甜美，原來跟飯一齊炒味道係咁夾的！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

經常到九展睇戲食飯， 這裏每間餐廳我都試過， 近期有不少新餐廳開業，兩個禮拜前泰國旅遊回港， 好掛住泰國菜呀， 所以今次一於試下泰傳奇啦！ 餐廳環境採用開放式設計， 店內座位舒適， 木櫈木枱設計充滿著泰國風情。 入餐廳之前看見門口有很多水果和泰式甜品， 客人可以隨時來購買 。 坐低不久先點我最喜歡的泰式奶茶， 菜式方面有冬陰功， 金磚多士， 泰式拼盤， 海南雞， 泰式生菜包， 鐵板煎蠔餅， 甜品有三色糕和椰汁西米糕。金磚多士～ 老闆特意推介我點這一款， 金黃色的外層脆卜卜， 脆口好味， 果然沒有介紹錯！冬陰功～ 真材實料的冬陰功湯， 大頭蝦的肉質鮮嫩甜美， 湯裏面還有很多不同的配料， 甜甜酸酸帶點微辣， 入口開胃惹味。海南雞～ 用新鮮雞烹調， 肉質嫩滑， 絕對值得一試！泰式生菜包～ 生菜很新鮮， 入口有脆卜卜的口感， 配上惹味的肉粒，正呀！鐵板煎蠔餅～ 蠔仔肉肥美好味， 在鐵板上保持溫度， 點泰式辣醬食用， 辣辣地特別好味。泰式拼盤～ 有蝦餅，魚餅，春捲和無骨酸辣鳳爪沙律， 蝦餅的蝦肉好彈牙， 魚餅有濃濃的香茅味， 春捲炸得剛剛好不太膩， 無骨酸辣鳳爪沙律 甜甜酸酸，越食越開胃。三色糕

一間成功 既餐廳 除咗美食外 員工都好重要Emax 唔再係美食沙漠 因為有間新開泰菜 野食又好味 員工又talk得慢慢吃 又唔趕 難得呀！ 今日食咗好多泰菜 talk得員工之好處原來 唔一定要落辣 如果唔係得辣既朋友終於可以大大啖咁食生菜包是日既dinner如下：豬頸肉斑蘭麵船麵海南雞金磚生蝦冬陰公生菜包是日甜品 （斑蘭千層糕同芒果糕）---金磚金磚係升級版既蒜蓉包蒜蓉味濃 而且脆口 最重要一點 食完唔覺油膩 --生蝦配苦瓜 真係第一次咁食生蝦用上虎蝦 彈牙且厚肉聽職員講 票本佢地想採用令一款蝦但因為同醬夾夾不入 最後先用返虎蝦同醬？ 醬先係靈魂 員工強烈建議 蝦同苦瓜要浸泡在醬汁中 一定要浸透咁先試到醬汁既味道～醬汁甚至令苦瓜既苦澀味都掩蓋第一次食苦瓜 食到咁爽口（原來我係唔食苦瓜）--豬頸肉斑蘭麵船麵泰國菜唔食豬頸肉對唔住自己啦!雖然量唔多 但肉好大件重點係佢既麵第一次聽斑蘭麵 食落好彈牙既我成日覺得 船麵既湯 係成碗麵既靈魂甜 甜 甜 鮮甜都爆炸！ 真係好正--冬陰公湯 & 海南雞雖然我地order左個冬陰公湯走辣係失去原本既味道但反而飲得出椰汁味濃 及 海鮮既鮮味算得上 真材