波濤餐廳 (已結業)

食物一般,不過價錢就真係幾抵,2個人叫左個2人套餐\,其實都幾多份量,有個沙律,有個燒豬肋骨(好大份架),有兩杯野飲,我地仲將餐\\\湯轉為蘇皮龍蝦湯(個湯幾好飲),仲叫左個田螺焗薯蓉,最後仲叫左個香蕉船......都係198埋單...... 不過d侍應就掛住傾計,叫左好多聲都無人理,最後隻香蕉船仲等左20分鐘,催左4,5次先到......d服務幾差law......

上星期五係葵芳食飯, 因為想食西餐, 所以諗緊去STAR CAFE定去波濤好, 最後揀佐去波濤. 去到等佐陣就有位, 我同男友叫佐個二人套餐, 要佐豬肋骨同香芒帶子炒飯, 另外我加多八蚊將餐湯轉做酥皮海皇湯, 同埋加多廿蚊叫佐個薯蓉焗田螺. 個海皇湯都OK多料, 有隻青口, 幾舊蝦, 幾粒魷魚, 幾粒蟹柳. 個薯蓉超抵食, 因為有好多薯蓉, 淨係食晒D薯蓉都覺得飽飽地. 跟住黎佐個飯先, 味道都OK. 等佐好耐先上到個豬肋骨, 一上碟都嚇佐一跳, 因為好大份, 又有薯塊, 結果成餐飯食到好飽. 同埋價錢真係抵, 抵食夾大件~題外話就係我見隔離枱先過我地入座, 其中一個叫佐個什扒餐, 等佐好耐好耐, 催佐好多次都仲未黎, 佢另外兩個朋友都差唔多食晒咁濟, 而我地就差唔多食晒個飯, 佢個什扒都仲未上. 所以雖然我地個豬肋骨都等佐好耐, 都要催單, 但起碼我地有其他野食緊, 佢就真係坐係度呆等佢個什扒. 同埋呢度D waitress既制服質料都幾薄架喎, 但D waitress裏面無著衫又無打底, 仲要戴個黑色bra, 都睇到晒咁囉...

跟友人吃下午茶餐, 海鮮烏冬+ 多士+ 餐飲1.海鮮烏冬$26勁細碟, 份量只合乎小童, 海鮮只有超細粒魷魚及蜆2. 多士新鮮, 味道ok侍應態度散漫, 不足以應付客人需要.臨走時, 問侍應取單來作免費泊車, 但侍應始終無比單, 不夠醒目!

跟友人吃下午茶餐, 海鮮烏冬+ 多士+ 餐飲1.海鮮烏冬$26勁細碟, 份量只合乎小童, 海鮮只有超細粒魷魚及蜆2. 多士新鮮, 味道ok侍應態度散漫, 不足以應付客人需要.臨走時, 問侍應取單來作免費泊車, 但侍應始終無比單, 不夠醒目!

生日午餐由同事請,佢話今餐要食好d,呢間porto開左幾年都未試過,今餐就黎左呢度。等位期間已經有左心水,一定唔會係最貴個款!!餐湯揀左雜菜湯,都有幾多蔬菜,味道ok,湯入面有幾粒蜆殼粉,有d似玩尋寶遊戲。蜜桃汁龍脷柳跟意粉: 龍脷柳面頭煎得香脆,內裡都幾滑,加埋甜甜地蜜桃汁,真係幾好味只係size稍為細左少少;茄汁意粉味道ok,口感一般,唔係太淋個款;翠玉瓜/椰菜炒得幾好,味道清甜,唔錯。凍檸茶:隻杯歪歪地又幾盞鬼,加埋棵椰子樹,真可愛!味道ok啦,唔gip又唔會好淡咁lu,見好多OL都係飲呢款,都唔會衰得去邊。叫做試左,正常黎講唔會番兜,呢度侍應唔多,但個個做野都好快手,繁忙時間都可以保持到幾好禮貌,算幾好lu。多謝敏姐!!

假期的第一天, 天色雖不怎麼好, 換來微涼的天氣, 也不錯. 到了葵芳閒逛, 到午飯時候, 這邊還說不上熱鬧. 經過大快活, 一班自由人正享受他們難得的自由, 我想耳根清淨, 還是不要打擾他們好了, 行多兩步到隔離的Cafe Porto, 見裝修不錯, 就去試試.可能價錢較貴的關係, 內裏門堪羅雀, 不過坐得還算舒適就算了. 點了一份午餐粟米汁燴牛, 不一會待應便送到. 效率很高, 有快餐店的速度; 不過沒想到食物也是快餐店的水準. 買相普通而飯, 粟米汁和牛都不夠熱, 香味自然聞不到; 粟米汁太淡, 牛似乎都沒有調味. 我開始後悔沒有去大快活... 不過我一向比機會人的, 又見多數客人點的二人餐很豐富, 可能其他食物真係會好D, 下次有機會再試.

新都會廣場雖然話有唔少食肆，若想搵一間坐得舒服食物質素唔差的食店，選擇真係唔會太多。而Cafe Porto絕對是選擇之一。同朋友打完波由葵興行過來，見好耐未食過波濤，就揀佢。由於時間尚早，唔係太多客，侍應好好招呼我們就座，並很快奉上餐牌。瞄一瞄，我要個碳燒豬仔骨，朋友要個海鮮菠菜麵。餐湯首先送到，唔係好濃但夠熱，算係咁。跟住來兩個主菜，我的豬仔骨賣相唔錯，幾大size。醬汁甜甜地，味道幾好，又唔會太韌，唔會切到手都跛，但薯菜就麻麻。朋友既菠菜麵睇落好足料，佢亦都話ok。餐具和裝修幾有特色，坐得好舒服，亦唔會有人趕你走，係唔錯既地方。

依度lunch一向超多人，好耐冇o黎食~ 難得好朋友o黎搵我，於是早d去等位食飯；無他，依度環境比其他餐廳係高一班~　餐湯/餐飽-對於同區o既餐廳，我唔會要求太多。Ok啦~我食-炸魷魚圈拼牛柳扒，配薯菜。炸魷魚圈唔脆好lum，好麻麻；牛柳扒味道唔錯，如果再juicy一d就更好~ 薯菜(薯條)又係lum，唔得~朋友食- 藍貝蘑菇扁意粉，是日廚師推介。我都有試，好味喎!意粉煮得好入味，棉韌度又好，唔錯，朋友成大碟都清得七七八八~飲-凍咖啡，容器比飲品好，麻~　下次再o黎，我會記得點廚師推介~ (睇緊食評o既你，唔駛得戚架~)

年初二晚上同朋友和家人去新都會廣場搵食，同長輩食飯首選梗係中菜，但4樓gor間聚XX已book滿，只好向下搵食，見呢間冇mug人，好耐之前食過記得都唔錯，就選呢間啦。我地叫左西冷牛扒、焗海鮮飯、雜扒飯等set dinner，餐湯好好飲，d食物整體亦唔錯，d侍應亦好好禮貌，雖然order有d錯，但好有禮貌道歉同立即更換，我都幾appreciate，值得再來幫襯。總共食左幾錢就唔知，係個朋友請，但我就記得我gor份係$88+1。

11月一个週末同Ｄfd去新都會睇电影，散埸九幾。冇目的想食咩，見呢間仲有Ｄ人坐都似開咗年多都未幫襯過，試吓。我都唔叫佢哋Ｄ是日晚歺，叫歺牌內好似似樣Ｄ嘅餐<燒汁紐西蘭肉眼>我fd叫咗<紐西蘭牛柳>有歺湯有歺飽有飲品88元可接受，但.....個湯係南瓜忌廉湯，起咸、希過希特勒，算啦个湯唔係主菜冇緊耍，牛排好味咪得！點知兩个主菜要六成熟就有10成熟，七成嘅都係十成熟，熟過頭算唔好浪費，一口咬落，嘩！又係勁咸，仲係咸過碧咸嗰種，我哋肉眼得嗰三分厚又過火，講真我都有去超市買牛肉眼，邊Ｄ係紐西蘭，邊Ｄ係巴西、大陸貨騸我唔到架，最後冇野落肚埋單走人，經理堅持唔收錢。唉甘嘅食物質數，下次請我都唔去。

我叫了兩份雜扒SET炭燒豬仔骨+ 牛扒+ 雞翼+ 司華力腸+ 粟米1支- 食物好入味, 豬仔骨很軟, 容易切- 牛扒大大塊, 味道好- 份量夠飽- 雜菜湯, 很花心思, 內有雜菜, 意粉條及螺絲粉- 價錢只是$150 (TOTAL)

早餐E ($26.4) 豬扒包+意大利菜湯蜆殼粉+凍珈琲豬扒包，幾條生菜，一片蕃茄，一片青瓜，一片薄薄薄豬肉，一個朱子包。小小罐頭茄汁焗豆。味道八流。意大利菜湯蜆殼粉，罐頭什菜湯加蜆殼粉，淡口非常。凍珈琲，略帶酸，一般。中等價錢，快餐店味道。

同好朋友食飯，又要就我放工近、又要間餐廳環境靜o岩傾計，我就recommend左Cafe Porto，結果都冇失望~ ^^我地order左dinner special，有bread & soup、main course、daily dessert(真係識得收買我心~ ^^)同drink~ bread & soup係普通野，main course朋友要左Grilled Pork Chop，我要左Grilled Baby Ribs (Full)，兩份都係大份、賣相佳而且好食~ drinks可以加$8轉飲特飲架，可惜我唔記得左... > < 講返dessert，今日係chocolate mousse，細細杯都okay~ waitress幾好笑容，抵讚；埋單$170，okay~

尋晚同女友食晚飯...其實過到葵芳,十次有七八次都會o黎呢度, 因為呢度裝修幾好, 又成日播住中南美音樂, 而且D位又唔迫, 加上成日都唔full, 都幾好坐...叫左兩隻雞翼做頭盤, 十二蚊, 有少少乾, 不過都幾好味...女友叫左個"羅馬焗雞扒飯", 雞扒僅僅熟, 幾嫩, d汁都幾好, 唔太濃...我就叫左炭燒肉眼扒, 不過d 扒真係好重炭燒味, 食唔慣唔好試.我個餐湯轉左酥皮海鮮湯, 個酥皮唔太得, 不過個湯都ok, 仲有半隻龍蝦仔. 兩個set, 另加小食, 我又轉埋酥皮湯, 又轉西班牙咖啡, 都係$20x埋單, 完全reasonable...

12月10日與母親大人出外晚餐,還是那句老套話,葵芳加荃灣等於無咩好食,費煞思量下,便來了這間開了很久,但在下從未踏足過的西餐廳.這裡的格局尚算不錯,但只有外在美而沒內在美是萬萬不能的.叫了一客炭燒精選二人晚餐,再加二十文錢換取兩客廚師精選餐湯,怎知是加錢的還可以,本身是餐內的出品,就有點不濟了.餐飽:軟熟得很是可取的地方,惜只是微暖,如能加強控制溫度,定是相得益彰的事.鮮磨菇忌廉湯~~很喜歡這款是熱力四射的出品,非常符合本人河車,磨菇都頗多,濃淡度也得宜,是晚最好的出品.扒帶子淡龍蝦忌廉湯~可能龍蝦全數用來熬湯,因此不見蝦肉蹤影,反而帶子尚算多,坊間很多餐廳的龍蝦湯也是比較濃稠的,但這裡的,就與名字非常合襯,較為淡味,雖則如此,但本人是十分受落,但溫度又是一大致命傷,如果再熱一點的話,肯定可與磨菇湯看齊!!西班牙海鮮炒飯~~不太了解這個與西班牙有何關連,可能只是隨便取個名字吧,蜆,青口,帶子,蝦等等, 味道是不錯,也有齊,至於飯,未知是下了什麼去做,黃色的,咖喱??葡汁??因為味道較淡,我倆也吃不出所以然來!但又是老問題,不夠熱啊,就此點,已經要扣分了.炭燒什扒~食過凍的扒類沒有?未