波士冰室

营业中

休息中

和同事去銅鑼灣見客，做完嘢都差唔多到晚飯時間，行過利園山道見到間波士冰室，裝修擺設好有懷舊feel,餐廳食物圖片都好吸引，咁就入去食埋飯先走！照燒雞扒蛋包飯配日式照燒汁，超嫩滑半熟蛋皮蓋在米飯上，再加上木魚絲，淋上日式照燒汁 ，令人食指大動！照燒雞扒大塊厚肉，煎炸得外脆肉嫩！馬來炒貴刁，有穫氣兼足料，蝦仁爽口，肉絲、火腿絲、蛋絲、銀牙夾埋河粉食，香口美味！凍鴛鴦香濃。懷舊紅豆冰濃郁香甜，甜而不膩。味菜豬扒湯銀絲米粉加煎蛋，豬扒大塊有口感，味菜係用咗潮式醃製的鹹酸菜，爽口帶甜味，米粉爽口。

Shopping行經利園附近，看見一間裝修骨子的懷舊冰室，腳仔行得累 了和朋友入去嘆一個豐盛的下午茶。 店內佈滿了懷舊的裝飾品，牆上貼著很多特色的海報及信箱，十分耀目！餐牌內的早、午、晚、下午茶已全部列了出來，種類繁多令人選擇困難。 我們三個人選了 豬扒芝士撈丁併丹麥多士、 厚切餐肉火腿扒煎蛋公仔麵 、粒粒花生醬西多士、 鮮茄滑蛋三文治。豬扒芝士撈丁併丹麥多士 ：丹麥多士酥脆佈滿牛油香。 豬扒煎得香口又嫩口; 芝士撈丁十分大份，一個人一定吃不消幸好有好友們開心share。厚切餐肉火腿扒煎蛋公仔麵：餐肉沒有失望，蛋煎得脆邊～令人想起兒時在天星小輪上的懷舊公仔麵呢。鮮茄滑蛋三文治： 鮮茄新鮮，滑蛋厚得太過份了。粒粒花生醬西多士：三位西多控每次都order 西多士，炸得鬆脆是口痕或是當甜品都令人滿足。

銅鑼灣最近開咗幾間新冰室，公司附近利園山道都新開咗間波士冰室，中午近近地，就同同事黎食個午餐😄午飯時間冰室幾乎滿座，裝修六、七十年代懷舊風格，好彩剛剛有兩位，唔使等😅之前經過見佢地嘅漩渦蛋包飯套餐，賣相幾吸引，想食好耐，就要咗個西冷牛扒漩渦蛋包飯套餐，同事就要咗咖哩牛腩飯套餐，等咗七，八分鐘就上餐，效率幾高😄西冷牛扒漩渦蛋包飯西冷牛扒薄切大大塊，有兩塊，漩渦滑蛋包住白飯底，白飯份量十足，大胃王都夠食😅，牛扒幾腍有肉汁，唔鞋口，日式照燒汁加咗木魚碎同紫菜碎，嗰汁撈飯好好味😋咖哩牛腩飯(少飯)港式咖哩風味，易入口唔太辣，薯仔同洋蔥配牛腩，的確係最佳配搭，牛腩炆得入味😄餐飲加💰3 要咗凍檸茶同凍駌鴦,冰室嘅茶啡，真係茶味濃D，啡味香D😋

波士冰室都要開到嚟銅鑼灣，保持一貫嘅風格，餐廳裝潢仍然以懷舊主題為特色。舊式餐廳多數用呢一種海報做佈置，望住呢個邪惡嘅留心芝士西多士真係好吸引，可惜晚市冇得食，唯有等下一次早啲嚟試啦！叫咗一份咖喱吉列豬扒飯，吉列豬扒大過隻碟，炸得非常香口，配搭埋咖喱汁絕對係一流！咖喱汁唔會好稀，反而裏面仲有好多材料，例如薯仔、洋蔥都有，睇得出係自己熬製。豬扒唔會炸都冇晒水份，反而肉質仲係好鮮嫩，真心正呀😀朋友點左呢一份黑椒牛扒蛋包飯，牛扒雖然唔係好大份，但係食落肉質好嫩，而且一上碟已經聞到香味。不得不推介呢款奶茶紅豆冰，平時多數都係普通紅豆冰，但係呢度竟然可以試到懷舊飲品，奶茶味好香滑，有埋紅豆咬下，真係好chill

近期熱門嘅Netflix劇集當然就係《魷魚遊戲》啦！我哋今晚決定喺屋企附近，搵間茶餐廳快快趣趣食個晚餐，再盡情返屋企煲劇喇！喺銅鑼灣嘅餐廳選擇其實好多，今日我哋就嚟到波士冰室，食一個簡簡單單嘅中式小菜晚餐。餐廳嘅晚餐餐牌每日都會更新，過幾日再嚟食都唔會悶啦！例湯叫咗晚餐之後，店員就會送上例湯。今日嘅例湯就係青紅蘿蔔煲豬骨，老火湯夠火喉，湯底鮮甜，但最重要就係勁多湯渣，好滿足呀！XO醬洋蔥蜜豆炒牛肉小菜即叫即炒，所以需要啲時間。XO醬係成個菜嘅關鍵，完全吊起咗個味！洋蔥、蜜豆同牛肉嘅份量適中，牛肉軟腍，蜜豆鮮甜，唯一洋蔥炒得比較生，就唔太適合我哋喇！蟲草雲耳蒸滑雞呢個小菜相對清淡，蒸雞帶有淡淡嘅蟲草香味，味道好有層次。雞肉嫩滑，餸飯一流！晚餐亦有配飯同飲品，整體都算豐富，價錢合理。沙嗲牛肉麵另外，我哋加咗一碗沙嗲牛肉麵。牛肉份量算多，肉質軟腍又無筋。至於沙嗲汁夠濃夠杰，沙嗲味濃，又唔會太鹹，而且勁掛湯。

餐廳位於銅鑼灣，由銅鑼灣地鐵站出發路程只需要五分鐘左右，地理上十分方便快捷。餐廳主打的就是港式茶餐廳，而這天點選的食物也就是芝蛋三文治和熱奶茶。雖然不如預期，選用厚麵包，但沒想到麵包鬆軟可口，內裏的芝士和蛋份量十足，絕對是性價比之選，加上雞蛋煮得香滑美味，配搭芝士的鹹香，更是一絕。另外，熱奶茶方面，更是香港本土的名物，沒想到餐廳自家製作的茶膽，茶味香濃，配搭花奶更為香滑，絕對可以媲美茶王，飲過就知味道超卓。

我嘅豬朋友住喺附近，見到依間餐廳新新地，細細地，又乾乾淨淨咁，所以我就同我嘅豬朋友入去試吓。依度嘅晚市套餐有五款，睇佢嘅手寫餐牌應該每日都會轉款，蒸魚就應該係鐵膽嚟嘅，我哋叫咗兩個餐：蒸魚，馬拉盞通菜炒。晚餐附送兩個湯：無味精滋潤靚湯 - 紅蘿蔔粟米冬瓜煲豬骨 🤤好好飲，好夠熱。好大碗好甜，感覺真係冇味精。講真，要煲湯就唔難，但真係好鬼嘥時間。出街食飯唔係度度都飲到冇味精嘅湯，正👍蒸魚$78 🤤我知道盲鰽唔係太多骨，就試吓叫呢種魚。問下侍應哥哥要乜口味好呢。佢推薦豉汁，又唔錯喎，豆豉有炒過，魚肉新鮮，很大條和豉汁很夾，必吃！馬拉盞通菜炒牛肉 $72 😐通菜好吃，蝦醬味很好伴飯，牛肉就一般。因為餓得滯我哋叫多咗個飯咖喱牛腩飯 $64 😐很足料，有好多舊牛腩，咖喱香濃唔係太搶喉，我唔食得辣覺得幾開胃，不過遺憾不夠熱 。套餐+12 特飲 🤤十分推薦生磨杏仁茶！香而不太甜，面頭有蛋白，十分濃郁，好食過出面好多糖水舖，絕對要試下！食完唔口渴，有住家飯嘅感覺，如果屋企/公司附近有一間就好了。Mcdull綜合評分：8/10，寫下寫下唔知點解好掛住佢杯杏仁茶，下次帶Mumug再試多次😘

今天來了白沙道附近工作，由於工作太忙，沒有太多時間吃午餐，同事便提議到附近的茶記波士冰室吃吧！我們坐下後，便快快地點餐了。我們叫了午餐B - 蟲草花雲耳蒸滑雞飯，及午餐E - 茄子肉鬆炆干燒伊麵，我們加了$12 轉特飲蛋白杏仁茶。蟲草花雲耳蒸滑雞飯 - 食材養生健康，雞肉細滑，連蒸出來的雞汁也很鮮味，用來伴飯一流。茄子肉鬆炆干燒伊麵 - 份量十足，炆伊麵非常入味，每條伊麵都掛滿炇汁，茄子配肉鬆吃起來很配合，茄子非常爽口，肉鬆又不肥膩。蛋白杏仁茶 - 非常之有驚喜，真材實料，沒想到茶記會有那樣好的出品！入口已有濃濃的杏仁味，蛋白份量非常多，養生兼美顏，飲一次已愛上了⋯⋯整體來說，食物用料足亦美味，份量大碟，非常滿意這頓午餐！

近年多咗好多玩懷舊嘅餐廳叫冰室，都唔係好分到茶餐廳同冰室嘅實際分別，叫冰室好聽d，價錢都係平其他餐廳好多，係大眾市民聚腳嘅好地方，咩人都會黎冰室度食野，坐下休息下環境好乾淨，員工好有禮貌，好舒服，冷氣又夠涼咖喱薯仔粒雞扒飯 午餐咖哩好杰，但味唔算好濃，只有好微嘅辣薯仔有好幾粒，細細粒嘅雞扒煎微幾靚，肉質好嫩滑，d飯偏乾嗰種粒粒分明好正！屋企好難煮到！西冷牛扒拼雞肉腸、櫻花蝦炒蛋、丹麥多士早餐食牛扒仲要咁平，包熱飲！黎到茶餐廳梗係飲最拿手嘅熱奶茶啦，出面邊有做得咁好飲㗎~想講嘅時候炒蛋靚到我以為我都是用，然後上面竟然係有一對日本櫻花蝦！茶餐廳啊邊有咁細緻咁細心我會用日本櫻花蝦？！加上丹麥多士，唔係普通方包對角切嗰種，而係貴啲嘅丹麥多士啊！雞肉腸就算啦，煎到好似中咗輻射咁😂杯奶茶夠熱，茶香奶滑，而加糖先飲到嗰種茶嘅香味。難得茶餐廳有杏仁茶，朋友食lunch都要飲糖水。。。是但啦，佢話好夠熱好好飲，反而我唔飲杏仁的，叫咗杯紅豆冰，屋企好難整㗎煲紅豆都要時間，都係出黎茶餐廳飲最快靚正！

今日去銅鑼灣蘋果商場附近做嘢，辛辛苦苦做嘢梗係要搵啲嘢食慰勞下自己，見對面有間叫做「波士冰室」，之前都唔覺眼可能係最近新開，立即上OpenRice search下原來都有好幾間，一於試吓先。睇咗一輪餐牌下午茶去到6:30仲趕得切，但係又驚唔夠喉周圍望望，「見到漩渦蛋包飯」套餐系列好吸引一於食埋佢。 沙嗲鮮牛肉滑蛋扒多士沙嗲鮮牛肉滑蛋扒多士，一嚟到真係有驚喜多士外層加上牛油煎脆表面，大量的沙嗲牛肉和沙嗲汁配上滑蛋，看見已經令人覺得很滿足很有食慾，入口即時有爆汁的感覺，實在美味。吉列豬扒漩渦蛋包飯特別豬扒漩渦蛋包飯配咖喱汁，真係唔係講笑件特別豬扒非常大件，足足有兩部Pro Max咁大入口鬆脆嫩滑，漩渦蛋包飯外表非常吸引，木魚鋪面漩渦滑蛋，蛋和飯之間加上紫菜芝麻，再加上濃厚的咖喱汁估唔到冰室都有這樣的質量，感覺超滿足。凍奶茶食完梗係要飲杯凍奶茶，入口順喉茶香奶滑作為結尾都真係幾盞。

真開心銅鑼灣又多一間茶餐廳「波士冰室」上openrice search 下先知，原來灣仔早有「波士冰室」，但我……不知者不罪。我哋平日兩點到達，人客都吾少，大約坐滿八成，不久之後客人陸續散去，我哋可以慢慢嘆。冰室面積不大，但又唔算好迫，地方乾乾淨淨。一貫扮懷舊冰室的裝修，近幾個月實在見太多了。見到隔離枱食緊「漩渦蛋包飯」好似幾有特色，而且份量幾大，夠曬我地兩個女仔開心share 。上茶效率都很高，轉個頭我哋嘅「吉列深海魚油漩渦蛋包飯」$69 巳奉上。碟既左邊是一片等於我一隻半手掌嘅吉列深海魚柳，右邊是漩滑炒蛋，以帽子形態蓋著白飯，再以紫菜碎和燒汁淋上蛋面，賣相吸引。炒蛋入口嫩滑，但炒蛋下只有白飯一個，感覺單調，就算撈埋炒蛋食也覺淡口，如果換轉飯炒底，應該好食好多。至於吉列魚柳肯定係新鮮炸出嚟，超熨口，魚柳吾會薄ee，炸粉和魚柳比例合理，脆卜卜，好香口。食完熱氣野，飲杯凍野順下喉。「奶茶紅豆冰」一杯凍飲內有齊我喜歡的元素，紅豆香軟棉蜜，加上奶味香濃的凍奶茶，好飲喎，而且只須加$12 實在太抵飲吧！朋友話好耐冇飲過茶餐廳咖啡，於是叫左杯「葡式咖啡 」$21 葡式咖啡比起cafe 沖出嚟嘅精

話說今日行過銅鑼灣想食個下午茶，見有兩款西多士，粒粒花生醬西多士$32、芝士流心西多士$38，食過貴啲質量都要會好啲！同埋個芝士流心個名好似好吸引！點知由上枱度食完啲芝士都未流過！大家下單前可以唔使留意呢個！食個平少少花生醬西多士可以了！大家樂仲好過佢！

今日第一次去吃波士冰室的下午茶餐，我叫了一份豬扒包餐，飲品叫了杯奶茶，價錢40元。我覺得非常超值，豬扒不會太厚或太乾，個包又不會太大，內𥚃還有生菜和番茄，沙律醬不太多又不太甜，簡直係配答得非常美味，令我好想明天的下午茶又去再叫這個餐。奶茶香滑，十分好飲。唯獨豬扒包的豬扒可以再大塊多少少，就完美了。

見新開張應該乾淨，行過諗住入嚟試吓，叫乾炒牛河又冇，已經過咗11:30炒粉麵飯乜都冇，話師傅唔做喎，叫咗豬扒湯麵，炒蛋不錯。都已經食埋先走過來同我講冇豬扒叫我轉牛扒雞扒，乜都冇好心就唔好開張，冷氣機又對住個頭吹又滴水waiter又好似未瞓醒。Terrible seevice, will never come back again. 環境又迫，隔版又矮完全唔合乎標準，條路擺哂雜物，估唔到銅鑼灣啲茶餐廳質素差都咁，非常惡劣