波士冰室

营业中

休息中

下午茶時份嚟咗呢度食嘢, 下午茶套餐選擇多, 我哋叫咗生炸雞髀伴薯條🍟。飲品方面, 去冰室我必叫紅豆冰, 跟下午茶餐加 $15仲可以配兩隻瑞士雞翼, 幾抵食~另外再叫咗西冷牛扒漩渦蛋包飯 share, 夠哂飽肚! 上菜速度幾快, 效率幾高~《西冷牛扒漩渦蛋包飯》(可以揀配咖哩汁/日式照燒汁/芝士汁/黑椒汁)蛋包飯賣相吸引, 白飯份量勁多🍚, 差唔多係二人份量! 西冷牛扒薄切大大塊, 肉質軟嫩, 有黑椒味; 炒蛋炒得好嫩滑, 蛋味香濃; 白飯上灑上木魚絲及日本香鬆, 拌飯一流! 個咖喱汁撈飯都好好味😋《生炸雞髀🍗》即叫即炸, 外層炸至金黃香脆, 大大隻又啖啖肉, 脆嫩多汁。《紅豆冰》一啲都唔稀, 紅豆香甜又軟腍。