波士冰室

营业中

休息中

同朋友嚟銅鑼灣購物，行到好攰，想搵個地方攤唞下。醒起利園山道有間「波士冰室」，裝修好有懷舊風味，一於過去坐低食啲嘢，回一回氣！之前嚟過食早餐，原來 2:30pm 後有炒粉麵飯同小食等供應。我哋點咗客咖喱吉列豬扒飯，另外再加兩份下午茶餐。咖喱吉列豬扒飯 ($62)  吉列豬扒勁大塊，而且超級香脆，炸粉唔會過厚，食落一啲都唔油膩。咖喱辣度啱啱好，濃香惹味，撈飯一流！下午茶特式豬扒包 ($40)  睇頭十足，麵包大大個，拿上手仍熱辣辣，咬下外脆內軟。豬扒醃得夠味且非常鬆軟，入口充滿肉汁，令人吃得十分滿意。另一客茶餐吉列魚柳拼雜果沙律 ($36)  水準唔錯，魚柳炸至金黃酥脆，入口啖啖肉，配埋港式雜果沙律，既懷舊又平衡到魚柳嘅熱氣。點茶餐 +$9 仲可以配半份花生醬西多士，當然唔可以錯過，西多即叫即炸，花生醬餡料十足，入口充滿蛋香，以糖漿牛油伴吃，一流！茶餐送熱飲，轉凍飲+$3。熱檸茶茶味突出又唔苦澀，凍奶茶甜度恰好，入口順滑有茶香。

好少食到一個令人失望嘅常餐🥲我下午茶時段嚟食，店舖冇咩人店員叫我自己揀位我個位比較暗角，近佢哋店員locker見到啲店員喺個locker前面換鞋🙈我想落單 但我嘅視線範圍完全冇店員店員都唔會主動走定過嚟幫我落單反而係我行出去同店員講落單佢先識走過來本身我想食瑞士雞翼撈公仔麵但賣晒叫咗沙嗲牛公仔麵有時食到啲沙嗲牛麵有花生醬香味但個人認為呢個係好死鹹嘅味精味個碗邊仲有啲味精粉然後啲牛肉好大舊，有啲仲咬唔開、有渣杯奶茶紅豆冰好多紅豆但都好多碎冰奶茶味唔突出飲咗幾啖就已經飲到得返啲紅豆

今日剛好係銅鑼灣做野 正好下午茶時間☕️最岩就當然食茶餐廳 輕鬆之選行經就揀左呢間波士冰室📍-港式茶餐廳，食物都係經典之選😁而且仲可以加小食 所以幾抵食我就揀左鮮雪菜蝦米肉絲米粉🍲加 半份吉烈魚柳 估唔到份量都幾大碗🥢同埋都新解熱辣整的 香脆之選🥓-朋友就點左手打牛肉煎蛋漢堡伴薯條🍟🍔加半份花生醬西多士同波士瑞士雞翼2隻西多士有驚喜 花生醬滿滿的🥜😋-飲品就點左凍檸茶同凍阿華田~ 正常的!輕鬆的下午菜✔️不過茶餐廳特色就係好好快 快食之選未必岩坐低岩岩食的⚠️

嚟到銅鑼灣嘅波士冰室，啱啱過咗lunch hour，唔算太多人，等一陣就入得啦～坐低之後用QR code 就可以落單，見到牆上有必食嘅蛋包飯，隔離枱都好多人叫，於是就叫咗份吉列豬扒漩渦蛋包飯套餐，睇落好似好吸引呢！✨吉列豬扒漩渦蛋包飯🐖 吉列豬扒非常大件，而且炸到脆卜卜，肉汁豐富，豬扒又夠厚身。而漩渦蛋包飯除咗雞蛋 🥚，仲有紫菜、芝麻同鋪咗係漩渦滑蛋上面嘅木魚，蛋皮包著整個飯，咬落富有蛋香，口感輕盈滑順。✨凍奶茶🧋夏天嚟到茶餐廳，緊係要飲杯凍奶茶🧋～奶茶口感幼滑，茶味香濃！ 

一早要到銅鑼灣上堂，下車後走到利園山道見到波士冰室，一大清早已經人出人入，似乎不錯，就坐下吃早餐早餐選擇額多，而且在銅鑼灣區而言，算是10分親民；點了香煎魚柳奄烈配香草蒜蓉多士早餐，等了大約8分鐘，心裏正奇怪，原來魚柳新鮮炸起，魚肉仍帶濕潤，外皮炸得香脆，配上沙律醬，整體比預期中更好特別喜歡香草蒜蓉多士，剛烘好的熱力將牛油溶化，夾雜香草味道，比一般牛油多士多了一份香味；凍鴛鴦味道有驚喜，非常濃郁，十分對胃口

又黎呢間我至愛嘅冰室，最鐘意佢夠多選擇又經濟焗豬扒飯焗飯好夠熱，一上枱好香好吸引！望落見到好多蔬菜，紅蘿蔔同洋蔥，鮮蕃茄，舊豬扒好厚好大塊，仲有芝士，我fd食到拉晒絲！飯好熱！似係炒底黎，睇到d飯有少少蛋瑞士雞翼撈公仔麵常餐，配奶油豬炒蛋。麵除咗瑞士汁之外，仲係落咗麻油，勁香！平時d茶餐廳撈公仔麵都好淡，除非你食芝士撈，唔係嘅話真係淡到嘔。可能係我食開印尼撈嗰種重口，淡少少都覺得無味hahahahha雞翼好入味，d汁唔會太甜~脆豬超脆但唔會界損咀，係標配牛油煉奶，勁正！炒蛋好滑但唔會好油膩，究竟點先炒到咁滑！

話說好日都唔黎銅鑼灣食早餐一入到去 唔係滿坐 不過有2-3張台 d客走左都未執台見到無位可以坐 就同佢講我兩位 有個男侍應就叫我地自己入去坐 佢再望先知有位但冇執台等佢執完台坐低同個姐姐講想要2杯水 應左機又無跟進諗住佢發緊夢唔記得就叫第2個啦 另一個叫左2次都冇反應我就睇下有冇自助水吧 有就自己去斟算啦 咁個看似正常d 既男侍應 就好叻咁以為我搵廁所 咁我就同佢講 其實我想要杯水姐 叫左3次 都冇人理佢同我講可能d 同事睇你唔到 原來請左d 有視障同聽障既員工 值得表揚早餐味道就正常水平既 但牛肉既份量就偏少好啦埋單 比個收銀哥哥 我放低張單之後 又施施然咁禁埋個電話先埋單全程無講任何野 收銀員亦疑似患有語言障礙今次特登上黎 讚一讚波士應該係良心社企 請到弱勢社群幫助佢地話說做左openrice 13年會員 都冇乜留過食評其實食個茶記比幾十蚊 就唔會要求5星級服務不過都應該要比番基本野 見到呢間野d食評影相都唔錯 自己諗下係咩人啦 同意呢度之前留既負評 想受氣就幫襯啦 後悔唔早d 睇到呢個post我自己就唔會再幫襯

味道好一般一般一般，員工態度極差極差極差，一副你要就坐低食唔要就不用幫襯了的態度招呼客人，當日下午茶時間不是太多人，全場坐滿一半都唔夠，應該不會再去比錢受罪，非常失望😞地方環境不太衛生，員工係有帶手套做嘢，但又帶同一手套抹枱執垃圾廚餘，同時，又用同一手套把食物上枱，上菜時手指還插落器皿內接觸食物，眼見全程一直都沒有替換手套，或清潔雙手😣餐具還有食物殘渣需要自行清潔的😢（重要事情一般都是要說三次）

好味茶餐😋早幾日去咗波士冰室食咗個常餐出乎意料地好食！豬扒湯米塊豬扒勁厚、好鬆軟、有脂肪有骨所以好香口驚喜係個湯係雞湯+奶+胡椒好濃好好飲👍🏻👍🏻👍🏻米粉幼身爽口 吸引湯汁加埋辣椒油真心一流！餐跟超滑牛奶炒蛋、奶油脆豬另加2隻瑞士雞翼鹹鹹甜甜 入哂味而且肉質好嫩又係好好食！飲品叫咗奶茶紅豆冰、凍咖啡紅豆煮到好綿又唔會太爛奶茶夠濃夠高質❤️

夥計出錯外賣，仲要話我攞錯單追佢態度又勁差仲要出餐嘅時候，比錯嘢我前前後後食個常餐都要等20幾分鐘第一次寫食評就係要鬧衰佢想受氣，就幫襯仲要味道好普通唔會有下次

記得細細個我最中意下午茶時間🫖因為除左啲野食岩食之外，啲配搭仲好多元化🤩而大多數都有得配紅豆冰添🫘所以茶仔既下午茶時段我成日都好期待😚。雖然只係自己一個，但要食得豐富就緊係要嗌哂自己想食既野啦😍首先已經睇中左呢款又有瑞士雞翼又有西多士既下午茶餐🥪仲可以加埋其他小食🐟🐒波士下午茶餐-波士瑞士雞翼(2隻)+半份花生醬西多士💰$39👉🏻半份吉烈魚柳+$10👉🏻凍葡式咖啡+$3同一眾下午茶一樣，份量都係for有少少野落肚，可能係志在同朋友吹下水🧑‍🤝‍🧑所以如果好似我咁大食既話就可以嗌多個麵🍜。🐒味菜豬扒超力銀絲米粉💰$36👉🏻煎蛋+$5👉🏻懷舊紅豆冰+$18見到呢款味菜豬扒米粉有手指公👍🏼唔知道係有幾特別😂好奇心驅使下就嗌左碗試試🐽原來味菜係好似鹹酸菜咁，令成碗米粉都好有味，而豬扒勁大塊又勁厚，食落啖啖肉🥓呢到用既米粉係超力銀絲米粉，我都好中意

我在「波士冰室」享用豐富早餐，為今天較忙碌的工作，凖備好充足能量。我的醒神早餐：吉列魚柳拼雞肉腸、火腿奄列與香草蒜蓉丹麥多士，配葡式熱咖啡。香草、蒜蓉和牛油舖滿整片多士，因此吃得滿口香濃！久遺了的雞肉腸，配合熱烘烘的温度，是蠻好吃的！滑溜溜火腿奄列與香脆可口吉列魚柳，除了滿足味蕾與口感，也為我提供豐富蛋白質與營養，令新一天的開始充滿動力！最後是葡式熱咖啡，眼前的葡式咖啡奶味較輕，咖啡味道較濃，我沒有加糖，因此更能嘗真它的味。

facial附近一間茶記，門面唔大間，但好似持續有好多人食。咁岩未食野就入去食碗餐蛋麪。算係比較平啲茶餐，$36！🤫依家茶記都自助落單，嚟野食速度都唔錯，樓面夠人服務。

⠄⠁∙✯. 波士冰室. ✦✯∙⠁本身銅鑼灣已經有好多冰室，但係波士冰室嘅懷舊設計吸引我入去食個下午茶☕️❤️‍🔥瑞士汁雞翼他們的瑞士汁非常濃郁,雞翼入味可口！❤️‍🔥粒粒花生醬西多士原來呢度出名係多士！職員話佢地早餐必試❣️香草蒜蓉多士❣️因為我係下午茶時段，最後我都叫左粒粒花生醬西多士！香滑嘅花生醬，令到多士非常美味！再配上濃烈嘅糖漿，倍感滋味幸福！❤️‍🔥薯條🍟薯條是小朋友至愛啊！炸到非常香脆，再配上茄汁🥫簡直停唔到口啊！

晨早去完跑馬地馬場跑步，係時候大夥兒一齊去食早餐。鄰近銅鑼灣就最方便大家。友人提議呢間冰室，有早餐，常餐…..款式選擇多。我要了一份波士常餐 $56瑞士雞翼🐔撈公仔麵瑞士雞翼調味ok 喎，不會太過濃兼鹹，恰到好處。瑞士汁混合公仔麵🍜好滋味。滑炒蛋🥚真的好滑溜，可見少少蛋漿。奶油脆脆豬🥯是新產品，脆卜卜，有口感。塗上煉奶，滋味十足。飲奶茶喜歡加煉奶，感覺滑溜啲。果然茶☕️味香濃，順滑，好正。🙃