波士冰室

营业中

休息中

Lunch 買個焗飯返寫字樓食，一食個焗飯係唔熱嘅，一個我等咗10分鐘先攞到嘅飯竟然係唔熱，咁要我等咁耐做乜，飯又硬啲雞好似石頭，味道又唔得，71蚊得杯凍飲，連個餐湯都無，用71蚊食個兩餸飯咁唔值囉🤷🏻‍♂️

星期日是滿滿行程的假日，開展行程之前，先醫肚，才有力氣好好去玩，於是去到位於銅鑼灣的波士冰室食早餐。食客可以掃描二維碼自助點餐，網上餐牌詳細列明每款食物選項可以額外添加的特別要求，個人特別喜歡這個安排。早餐E是吉列魚柳拼午餐肉，不喜歡午餐肉的話，可以選擇雞肉腸。個人很喜歡這塊午餐肉，一來切得厚身，二來煎得香脆。吉列魚柳同樣香脆，而且份量夠多，大大塊，過足口癮。配搭火腿奄列，我按個人喜好選擇了炒熟蛋，廚師按足指示把蛋炒得全熟，符合個人口味。香草蒜蓉多士很值得一試，多士烤得鬆脆，蒜香四溢，令人垂涎欲滴。加配迷你五穀蛋白麥皮，蛋白很有份量，和五穀麥皮配搭， 十分健康。味道清淡，若果希望提升甜度，可以按個人需要，加入煉奶。餐飲是熱的葡式咖啡，香味濃烈，味道不會太過苦澀，一試難忘。

Weekend黎我最愛嘅茶記食我嘅brunch哈哈哈！今次揀咗常餐再加其他小食，手機落單後好快就有得食，好有效率沙嗲鮮牛公仔麵配炒蛋丹麥多士 跟熱檸水 $44新鮮嘅牛肉，好軟滑，完全唔韌，公仔麵煮得剛好熟同淋，湯夠熱唔咸，係香港人典型嘅comfort food炒蛋蕃茄治$26好厚嘅炒蛋！喺銅鑼灣，呢個份量同質素得住價錢👍🏻波士小食 粒粒花生醬西多 $28邪惡野黎啦，即炸，手機薄完單等咗陣先上枱。平時少食呢d又肥又唔健康嘅野，好間唔中比自己放縱一次啦，算係咁啦。西多係要落得夠甜先好食，花生醬嘅份量啱啱好！

由落單到拎餐等左15分鐘。叫左沙爹牛公仔麵，炒蛋多士熱咖啡。8:52去到9:07分，未計我等落單時間。一開始入門口我排係收銀前面想落單，個阿姐唔知同有一台客講緊D野叫我等等。期間有另外一個客行埋黎收銀隔離，個啊姐竟然又收左人地錢先又叫我等等。去到呢一刻已經開始少躁，落單時間係8:52分 81號飛，我等到9點整都未見有我就行入去鋪到睇下出到未。跟著係2-3分鐘之內，出左起碼10杯野飲，7-8個餐，就係未見到我個外賣。我問個收銀有未等左10分鐘，期間堂食餐一路出緊冇停過，佢入去望一望又出返黎，但係冇覆我。跟著另一個員工拎左個外賣出黎，89號飛腿蛋治。個下我D火出曬黎，出餐出到89號點解我咁前都仲未有？我又問多次究竟有未，個員工答我等多等，差個炒蛋。？？？知唔知你地講緊咩，89號飛腿蛋治隻蛋都整好我81號飛個炒蛋未有？我話一唔係你依家比我一唔係就退錢比我，成5-6員工企曬入去廚房個邊唔行出黎，又唔覆我，再等多兩分鐘先拎個餐比我。返到公司已經嬲到食唔落，仲要D野全部都係暖only唔夠熱，D沙爹牛又唔好食，醃到D牛全部變曬粉紅色。 個麵食左1/3已經唔想食，跟著丟左佢。原本打算happy Fri

等了18分鐘，奶茶沒茶味，瑞士雞翼普通最低消費每人20，ok，我叫我老婆出去，我自己吃，雖然你唔座滿，但係我跟規矩，然後隔離台都係兩個人叫一個餐，沒問題。。。沒下次。

每次朋友由台灣來港都指定要食港式茶餐間中上班前都會外送在公司食因為滑蛋同沙嗲鮮牛都特別出色✨沙嗲鮮牛肉米粉每片牛肉都綁鮮肉，口感更厚實同嫩腍同沙嗲配合就綁真正港式味道✨炒滑蛋 + 丹麥多士金黃色慨炒蛋滑嘟嘟．放上酥脆慨多士上徹底覆蓋了乾渴慨感覺✨瑞士雞翼另外追加雞翼一放低就聞到瑞士汁好香好濃好入味呀✨招牌奶茶乳底夠香．奶與茶的比例剛好冰凍又滑整體味道質數同價格成正比👍🏻下次早餐，一定要試下香草蒜蓉多士

📍波士冰室 (銅鑼灣)📍銅鑼灣利園山道73號寶榮大廈地下E號舖🟡波士常餐C：沙嗲牛肉米粉+炒滑蛋、丹麥多士 $56✨+$16 波士瑞士雞翼2隻夜晚有嘢做，咁啱經過波士冰室，想食個快嘅晚餐。波士常餐C包括了沙嗲牛肉米粉、炒滑蛋和丹麥多士，米粉上滿滿的沙嗲牛肉，滑蛋有微微的奶味，丹麥多士外層酥脆，保持著綿密的口感。正！茶餐廳叫常餐一定冇死！另外追加了兩隻波士瑞士雞翼，雞翼經過特殊的調味和烹調，完全回憶起傳統嘅味道！波士冰室的服務好高效，即叫即上，下次想食個快餐再過嚟食！

之前同同事食過咖喱吉列豬扒飯，覺得好唔錯，係傳統港式咖喱嘅濃郁惹味，送飯一流。今次打算encore，嗌咗咖喱牛筋腩飯外賣，點知返到office發現唔對路，啲咖喱同水一樣咁稀，而且牛腩唔入味，最差就係食到最後發現有頭髮🥲 食物同衛生質素有待加強

假日去食下午茶，見到問口個牌手打牛肉漢堡好似好吸引咁，又話推介又打晒星咁，即管叫左黎試下。賣相都ok既，入面有煎蛋同芝士同一團燶晒既牛，成舊牛都係黑蚊蚊咁，諗住搵啲蛋遮住就冇嘢？食晒就生癌啦，都算，都有試左一啖，食食吓仲見到有蛋殼？？？？寧願你就咁擺個蛋加芝士算，所謂嘅手打牛真係完全食唔落口。同行友人仲叫左常餐沙嗲牛肉麵，炒蛋加脆豬，牛完全沒有沙嗲味的，冇汁既，炒蛋都係冇味，唔知點煮到，完全唔得。

一朝早去了銅鑼灣這間街鋪茶餐廳，看看餐牌也有很多選擇，於是便進去試一試。但甫進去已發覺不妥，有點伏的氣味，地方頗汚糟，坐倚有很多漬沒人清理。當侍應上早餐時，炒蛋是涷的（應該是一早煮好放了很久），而且没有味道的，牛肉加了很多鬆肉粉，没有沙爹味，麵是淋的。多士及奶茶正常。不明白這麽簡單的早餐可以煮成這樣子，應該厨師經常心情不佳，又没有心機心思煮野食，只抱著求其得過且過的心態去做，這樣給客人食物有點那過！

以為坐滿嘅茶餐廳，應該唔會太差，誰不知😔 今次有朋自遠方來，諗住同佢食啲地道野，茶餐廳點都要去下。我就揀咗食評不錯同埋次次經過都算多人食的呢間餐廳。早餐當然要試下佢個沙嗲牛公仔麵，牛肉份量適中，叫爽麵真係爽麵，但味道就非常失望因為沙嗲牛無沙嗲味，牛肉質地麻麻仲有啲硬。跟餐仲有炒滑蛋同埋蒜香牛油多士。滑蛋嘅味道同質地都正常👌。但蒜香牛油多士都無蒜蓉香嘅😤 唯一覺得呢個早餐吸引之處係熱檸賓唔洗加錢😝

同朋友嚟銅鑼灣購物，行到好攰，想搵個地方攤唞下。醒起利園山道有間「波士冰室」，裝修好有懷舊風味，一於過去坐低食啲嘢，回一回氣！之前嚟過食早餐，原來 2:30pm 後有炒粉麵飯同小食等供應。我哋點咗客咖喱吉列豬扒飯，另外再加兩份下午茶餐。咖喱吉列豬扒飯 ($62)  吉列豬扒勁大塊，而且超級香脆，炸粉唔會過厚，食落一啲都唔油膩。咖喱辣度啱啱好，濃香惹味，撈飯一流！下午茶特式豬扒包 ($40)  睇頭十足，麵包大大個，拿上手仍熱辣辣，咬下外脆內軟。豬扒醃得夠味且非常鬆軟，入口充滿肉汁，令人吃得十分滿意。另一客茶餐吉列魚柳拼雜果沙律 ($36)  水準唔錯，魚柳炸至金黃酥脆，入口啖啖肉，配埋港式雜果沙律，既懷舊又平衡到魚柳嘅熱氣。點茶餐 +$9 仲可以配半份花生醬西多士，當然唔可以錯過，西多即叫即炸，花生醬餡料十足，入口充滿蛋香，以糖漿牛油伴吃，一流！茶餐送熱飲，轉凍飲+$3。熱檸茶茶味突出又唔苦澀，凍奶茶甜度恰好，入口順滑有茶香。

好少食到一個令人失望嘅常餐🥲我下午茶時段嚟食，店舖冇咩人店員叫我自己揀位我個位比較暗角，近佢哋店員locker見到啲店員喺個locker前面換鞋🙈我想落單 但我嘅視線範圍完全冇店員店員都唔會主動走定過嚟幫我落單反而係我行出去同店員講落單佢先識走過來本身我想食瑞士雞翼撈公仔麵但賣晒叫咗沙嗲牛公仔麵有時食到啲沙嗲牛麵有花生醬香味但個人認為呢個係好死鹹嘅味精味個碗邊仲有啲味精粉然後啲牛肉好大舊，有啲仲咬唔開、有渣杯奶茶紅豆冰好多紅豆但都好多碎冰奶茶味唔突出飲咗幾啖就已經飲到得返啲紅豆

今日剛好係銅鑼灣做野 正好下午茶時間☕️最岩就當然食茶餐廳 輕鬆之選行經就揀左呢間波士冰室📍-港式茶餐廳，食物都係經典之選😁而且仲可以加小食 所以幾抵食我就揀左鮮雪菜蝦米肉絲米粉🍲加 半份吉烈魚柳 估唔到份量都幾大碗🥢同埋都新解熱辣整的 香脆之選🥓-朋友就點左手打牛肉煎蛋漢堡伴薯條🍟🍔加半份花生醬西多士同波士瑞士雞翼2隻西多士有驚喜 花生醬滿滿的🥜😋-飲品就點左凍檸茶同凍阿華田~ 正常的!輕鬆的下午菜✔️不過茶餐廳特色就係好好快 快食之選未必岩坐低岩岩食的⚠️

嚟到銅鑼灣嘅波士冰室，啱啱過咗lunch hour，唔算太多人，等一陣就入得啦～坐低之後用QR code 就可以落單，見到牆上有必食嘅蛋包飯，隔離枱都好多人叫，於是就叫咗份吉列豬扒漩渦蛋包飯套餐，睇落好似好吸引呢！✨吉列豬扒漩渦蛋包飯🐖 吉列豬扒非常大件，而且炸到脆卜卜，肉汁豐富，豬扒又夠厚身。而漩渦蛋包飯除咗雞蛋 🥚，仲有紫菜、芝麻同鋪咗係漩渦滑蛋上面嘅木魚，蛋皮包著整個飯，咬落富有蛋香，口感輕盈滑順。✨凍奶茶🧋夏天嚟到茶餐廳，緊係要飲杯凍奶茶🧋～奶茶口感幼滑，茶味香濃！