波士冰室

营业中

休息中

英國的朋友來香港遊學，她第一次來港，想我我帶她試試地道香港食物。我跟她行完利東街，我特意帶她去試試香港特色食物-茶餐廳。這間懷舊裝修的港式冰室，環境整潔舒適。餐廳內綠色拉閘、鐵皮信箱、紅色塑膠燈罩的打卡位，正合她心味。晚餐有我喜歡的咖哩牛腩飯，加杯凍奶茶，絕對是我食茶記的不二之選！英國朋友，只想食點輕食，幫她點了味菜櫻花豬柳公仔麵，加杯杏仁茶。她覺得港式咖哩比英國的咸，不過她喜歡薯仔很入味。我覺得碟港式咖哩牛腩飯，牛腩份量十足，煮得夠腍，味道不錯，相當抵食。港式凍奶茶，她不喜歡奶茶的花奶味。但我覺得凍奶茶入口順滑，消暑一流。櫻花豬柳公仔麵，味菜炒香，豬柳鬆軟，她覺得味道可以，但少點油會更好。她覺得蛋白杏仁茶，生磨杏仁很滋潤，但她覺有點過甜。港式茶記可能真的只適合港人口味, 因為我真的覺得味道不錯。

『6.12』放工參加活動前於灣仔先吃個簡單晚飯。近年《冰室》二字再次興起，亦有(最近上市的)連鎖集團大力發展其冰室，而這波士冰室亦剛在灣仔莊士敦道落戶，於傳統冰室的基礎上，加入多款新派食品。芝士流心西多士 ($34): 西多士是我兒時最愛的茶餐廳食品，其新鮮炸起，香脆熱騰騰般相當美味，中間夾心由傳統花生醬換成流心咸芝士，配上糖漿，既有咸香，亦有糖漿的甜美，感覺新穎。瑞士汁雞翼 ($48): 瑞士汁相對濃郁，偏咸微甜，雞翼滷得軟腍入味，唯不及嫩滑。雞扒芝士撈丁 ($52): 雞扒香脆滑嫩，蠻Juicy，而新式的芝士撈丁當然是絕配，但芝士汁不夠多。咖喱吉列豬扒飯 ($60): 咖喱是其中一款餐廳推介菜式，其採用馬來咖喱，特點是椰香味道較突出，亦帶少許辛香，吉列豬扒脆香嫩滑，但肉味一般。

出開灣仔做野，去左新開既波士冰室食飯。店內充滿懷舊風味，郵箱、照蛋燈、鐵閘...回到六七十年代，裝修有心思。餐牌用報紙方式顯示，幾特別，不過食物就同一般茶餐廳無分別，都係常餐、小食等。-常餐：瑞士雞翼好入味，略嫌唔夠瑞士汁，如果可以落多啲汁撈天使麵就更好。用北海道牛乳炒蛋果然香滑，配合脆口丹麥多士，配角（多士蛋）比主角（天使麵）出色-雞扒肉碎飯超多肉碎，多到覆蓋住塊雞扒，配合翠肉瓜、豆...邪惡中帶點健康

<灣仔好味冰室 >科技越黎越發達反而大家鍾意食既野越黎越傳統😂所以懷舊食店越黎越多 呢間灣仔既波士冰室 綠白色既裝修 天花板吊住紅燈 牆身有綠色假鐵閘 加上舊式郵箱 感覺好懷舊 食物 menu係各式各樣冰室美食 好似常餐 蛋治 瑞士雞脾 紅豆冰等等😍價錢合理 味道唔錯 值得試下！ 🍴波士瑞士雞翼 4 隻 48 蚊 🐤4 隻瑞士雞翼 雞翼大細正常 佢個瑞士汁豉油味偏重 甜味正常 個味唔錯 😃 而雞肉幾彈牙 雞味都夠 瑞士汁都幾入味 唔錯😍🍴肉燥雞扒飯 58 蚊🐤🍚大大碗肉燥飯 肉燥切得好碎 豬肉係偏肥味🐷 撈埋比較煙靭 熱辣辣既白飯度 幾 match 😃 而雞扒 闊薄身 煎得好香脆題雞皮雞扒都好彈牙 連埋肉燥飯一齊食 🐥幾正😍🍴手打牛肉煎蛋漢堡拌薯條 52 蚊🍔🍟首先 佢個包皮有 d芝麻香 幾軟熟 原個半熟煎蛋 一咬開 d蛋皇汁漏哂出黎🥚仲有 d 豉油調味😈 入面既牛肉 係手打 牛肉味濃🐂 夠 juicy加埋半溶既芝士🧀一啖放落口好味 而佢既粗薯條都炸得好香脆 點埋茄汁正🍅🍴懷舊雪糕紅豆冰🍨❄ 原價 33 蚊 跟餐加22蚊 😍大大杯紅豆冰 加上雪尼拿雪糕 好有懷舊感覺

今日去灣仔入境處做護照，發現灣仔開了一間新餐廳。見食評不錯，而且很多人排隊我就改遲些下午茶先來吃。店內環境以懷舊設計，放了鐵閘，鐵郵箱，照雞蛋的燈為裝飾。下午茶比想像中多人，一直都有客人進來，大家以散坐搭枱。下午茶其實有3款，當中有手打牛肉漢堡，很吸引！當然要試一下。牛肉很厚，粒粒口感真的是手打，配上煎蛋完全港式味道，一口已經感到無比幸福，物超所值多角度比較……很吸引因為幾大件，分2邊壓一壓才可以吃飽身都脆脆，焗爐焗過的。港式沙律醬也很重要。薯條都是粗身，懷念以前冰室灣曲形狀薯條下午茶餐可加22可轉特飲，個人認為加22同叫一杯飲品價錢差不多，但最終慳不到，因為來得冰室當然要喝懷舊黑牛。 朱古力雪糕和可樂結合，實在太喜歡！兒時回憶同家人分享一杯，現在自己可以獨食

今日經過見到有間新開既冰室，裝修好乾淨，亦好有懷舊feel餐牌都係以舊式報紙的格式其實啲飯&咖哩都令我好心動不過夜晚又約左朋友食晚飯，所以呢個下午茶唔可以食得太飽下午茶餐個熱狗🌭都好夠class脆皮腸食落都唔同啲，一咬係好乾脆的，唔會咬唔斷常餐：瑞士雞翼天使麵個瑞士汁好好味呀雞翼超級入味同埋我特別欣賞跟餐既丹麥多士🥪熱辣辣的包邊係脆得黎好軟熟只得一件實在唔太夠喉黑松露薯條最鐘意新鮮炸起既薯條生磨蛋白杏仁茶我對杏仁茶都有點要求，一飲就會飲得出係唔係生磨呢個真係真材實料加上又唔會太甜岩哂我口味綠茶雪糕紅豆冰呢個紅豆冰不錯喎完全唔會甜得滯，紅豆無特別用糖去煮的，整杯既甜味主要係透過溶左既雪糕而紅豆係粒粒飽滿的，同時亦都飲到起沙既感覺呢間冰室既食物好高質叫幾樣野都好有驚喜！值得再黎食多次

灣仔出名多美食，林林總總各種各樣都有，這天與同事去了新開的波士冰室吃lunch，完全把筆者對「冰室」＝「老舊」的概念打破！餐廳新裝美輪美奐，光線亦充足，很醒神的感覺，餐廳很聰明地以港式懷舊鐵皮信箱及鐵閘等作為裝飾，令人恍惚進入了時光隧道，又或是李奇電影世界一般，懷舊而新簇簇的裝潢令筆者感到好奇又懷念，充滿兒時回憶。餐牌排成「波士日報」，十分有玩味。波士常餐，似乎很吸引。每天還有是日午餐供應。筆者結果還是受不住芝士的誘惑，點了豬扒芝士撈丁配丹麥多士。丹麥多士先上，多士鬆香無比，牛油溶進包中，十分鬆軟美味，叫人驚喜！芝士撈丁芝士味濃香而不鹹，醬汁與麵的比例剛好，豬扒嫰滑彈牙，不會黏牙，調味適中。豬扒芝士撈丁配丹麥多士　$52筆者看到雜果賓治，兒時回憶滾滾來！最終敵不過想喝的心，很好喝！小時候喜歡是因為可以吃到雜果，筆者這一杯滿滿的都是雜果，而且甜度適中，糖水比例合宜。雜果賓治　餐飲轉配 $22（原價$32）友人點了當日午餐：咖哩牛腩飯　$57（凍飲加$3）筆者試了一口，咖哩味香，不會太辣，牛筋部分很稔。黑松露炒蛋厚多士　$46最後加了一個黑松露炒蛋厚多士分來吃，黑松露味香濃，炒蛋滑而厚，十

今日約咗同學仔傾project﹐嚟到呢間冰室食tea。近年香港興懷舊，好多冰室重現，但有d只有冰室之名，並冇冰室之實。呢間冰室算是外由外表至內部裝修、至餐牌設計都有七八十年代的完素，亦不乏影相打卡位。而食物，就新舊fusion﹐賣相同味道都不錯。同學仔點咗個茶餐手打牛肉煎蛋漢堡伴薯條，飲凍檸茶、至於我就食雞扒芝士撈丁跟丹麥多士，加配綠茶雪糕紅豆冰，另外叫咗份瑞士雞翼share。漢堡送上，大陽蛋就放在漢堡扒之上，煎得好完美，所以畫面好吸引。 由於太陽蛋咁完美，連埋個包一齊咬，立即出現一個蛋、肉模糊嘅情景。蛋黄汁混和了漢堡扒，蛋香提升了肉嘅味道，亦沾了在面包上，是juicy的美味。呢個質素的茶餐$52真係唔錯wor。而個撈丁，嚟嘅時候，有d嚇親，因為d芝士淹沒咗塊雞扒同個d丁! 估佢唔到咁澎湃! 趁熱撈埋咁食，芝士味等別香濃。雞扒煎得皮脆肉嫩，另外仲有d切粒嘅彩椒，呢個撈丁一d都唔單調。丹麥多士烘得酥香可口，配埋撈丁食，其實都好飽。雪糕紅豆冰有3種雪糕口味可選，我當然揀我飛佛-綠茶，估唔到綠茶味都幾勁。紅豆有近半杯，真係足料。瑞士雞翼整得幾好，色水靚靚仔仔，肉質、咸甜都剛好。食完茶餐，充滿

係灣仔有好多茶餐廳最近新開左一間懷舊裝修既冰室我三點鐘去到咁岩下午茶時間全場都好多客 我其實對辛辣情有獨鍾所以叫左皇牌既秘製咖哩牛腩飯加埋瑞士雞翼再飲雜果賓治好鐘意佢個咖哩汁好香濃佢個辛辣味係有後勁架岩岩食果啖唔辣但食食下就會感覺到慢慢辛辣仲可以keep住唔散好回味瑞士雞翼有4 隻色水好靚瑞士雞翼果真係茶餐廳之寶好入味 唔會太鹹入面既雞肉好嫩滑食得好滋味整體黎講我會推介比灣仔番工既人仕依到係平靚正之選   

在灣仔附近換完錶帶，沿着電車路走見到一間裝修特別的冰室，就和朋友進去食個晚飯。瑞士汁雞翼撈公仔麵有三隻瑞士汁雞翼，瑞士汁很甜送公仔麵一流，雞翼完全滲透出醬汁味道，雞肉很腍，但沒有浸到變霉，果然出色。波士瑞士雞翼煎蛋飯更加抵吃，有四隻雞翼，散叫都要$48，所以叫飯食比較抵，瑞士汁撈飯同樣好吃！芝士流心西多士雖然就冇圖片中流心的效果，但是中間夾著芝士，原來味道都好夾，不過價錢就比西多士貴一些。懷舊雪糕紅豆冰，新張期間加$26就有，綠茶雪糕應該最好吃，椰奶很重味道，紅豆更起沙，非常足料的，夏天飲好解渴。餐廳用心佈置之餘，食物的質素亦很好，值得再來。

下午茶時段路經湾仔，發現又有新茶記，最愛試新嘢的我没考慮就内進。下午茶餐的選擇很小😐 只得四款，店内推介的是手打牛肉煎旦漢堡伴薯條$52，一點都不便宜。慳家的我選了另一款特式豬扒飽$39。可能因食客不多，食品可以精心製作食物端上來時買相精美飽因有經過烤烘，外皮十分香脆而且配料有蕃茄及洋蔥，加上微酸的醬汁，減低了猪扒的肥膩感而且伴着小量熱辣辣的薯條份量剛好而跟餐的奶茶雖有小許苦澀味，但都算有茶味，還可以店内並在推廣期内可以加$22配無冰奶茶/咖啡，但個人意見又覺得加$22是貴了小許