波士冰室

营业中

休息中

每次經過都係勁多人排隊，終於忍不住都去排下，見到有特式裝修，少許香港🇭🇰懷舊風情，希望食物都一樣帶來驚喜🧐———————————————————————————🍽常餐A💬 瑞士雞翼入味腍滑，麵用麻油撈過都幾香，配滑蛋同厚多士，整體不錯😌.🍽芝士汁肉片撈烏冬🍜💬見到芝士汁係幾掛身，濃郁而唔算膩，大大碗幾抵食😅.🍽咖喱🍛吉列豬排飯💬淨係塊大吉豬都夠份量，剛炸起幾香脆，咖喱汁算是香濃，略鹹些少但夠滋味😌.🗣以普通茶記冰室黎講算是不錯，企理乾淨有隔板，間中都要回歸平淡😏

疫情突然嚴重起來， 近期日日都留在家抗疫， 昨日因為要到灣仔辦點事， 所以就順便食個午餐。 今次到位於灣仔莊士敦道35-45號的波士冰室， 很快就點上兩個午餐，照燒汁豬扒司華力腸飯$58、咖哩薯仔牛肉飯$58、凍咖啡加$3。照燒汁豬扒司華力腸飯～ 因為賣完照燒汁，所以轉燒汁， 燒汁味道普通， 司華力腸有半條， 豬扒都算有份量。咖哩薯仔牛肉飯～ 薯仔切成粒粒狀的， 我比較喜歡薯仔切成塊狀的口感， 牛肉嫩口，但咖哩味比較淡，只食到辣。凍咖啡和啡走～ 飲品反而唔錯，咖啡味香濃。整體食物質素可以， 在午餐時段又要趕住返工最緊要就是速度， 食飽即走。

是日想起灣仔有間boss冰室，叫左外賣3個吉列豬排2個，豬扒1個，配搭咖哩汁，回到公司同事開餐，咖哩汁有酸味，打電話去問，好有趣答我話可能滴到水，跟住又話可能生水問題，如果生水有問題即係店舖內所有水有關的食物同飲品都有很大件事，去到店舖內又同我講可能罐頭椰汁問題，做為一個廚房大廚或廚師，每次制做完醬汁不用試味？所有貨品不用留意使用日期？是否過期食物係呢個疫情之下俾顧客食用？對於貴公司經理給我的解釋猶豫氹緊小朋友可笑之極！

晨早落灣仔搵食，第一次試呢間位於莊士敦道嘅茶記。裝修光潔明亮，伙記姐姐亦非常有禮。細看餐牌，order左呢個非常吸睛嘅珍珠帶子粒火腿通粉，湯底濃郁，帶子粒粒也非常豐富，最正係成碗通粉上枱仍熱辣辣，加埋份北海道牛乳炒蛋亦好有層次👍🏻

兒時的茶餐廳己進化為冰室，裝璜靚咗，坐位舒適咗，最重要是環境衛生好咗，食客食得開心又放心。粒粒花生醬西多士即叫即做，新鮮熱辣，黃金色澤！麵包軟熟有蛋香，夾心的花生醬不多也不少，恰到好處，還有粒粒的口感。不油不膩。瑞士雞翼平時不太喜歡瑞士雞翼，因怕調味醬汁太過鹹，但店員的極力推介下，試了。瑞士汁沒有想像中鹹，夠入味。啖啖肉，好味。奶茶茶底香濃，不嚡口。絲滑的感覺。間中偷懶出去嘆食番個下午茶，人生樂事啊!

地方清潔👍🏻，用料新鮮🍲，員工友善👨🏻‍🍳，價錢合理💰。餐牌亦明顯用心思考過，菜式有加入新原素。總括嚟講，值得再去。希望能繼續保持質素！💪🏻💪🏻💪🏻

市面上的冰室愈開愈多，有時候實在難以區分彼此。但今天幫襯的冰室性格鮮明，從食物，裝修甚至服務都令人印象深刻。冰室的裝修有點懷舊感覺，是老香港茶室裝修格調，部分菜品也是老香港茶室的代表作，紅豆冰、西多士、菠蘿包、奶茶等都是陪伴我們長大的主要食糧。瑞士雞翼撈公仔麵: 雞翼以秘製的瑞士汁滷至全熟。雞翼外皮完整，吸收了微甜的瑞士汁，非常可口。 雞翼肉厚，既嫩滑，而且肉汁多。 公仔麵亦非常爽口彈牙，還加了麻油，香口又開胃。而常餐既多士用咗丹麥多士，熱辣辣烘得黃金酥脆牛油味更香濃，加上滑滑炒蛋，真係好食到不得了呀😋咖哩吉列豬扒飯，豬扒肉筆軟又多汁，外面炸得香脆，加上香濃咖哩汁一大碟飯，三扒兩撥就清碟了由於是日工作辛苦要獎勵自己，所以多點了超級邪惡的流心芝士西多士。厚厚一片芝士，一切便流出來，好吃得嘩一聲，需要和同事搶著吃另外值得一提的是服務員的態度很好，招呼勤快，值得一讚

記得呢間冰室既野食好不錯本身好想食蘋果雜果沙律，但好早就賣晒然後打算叫雪糕紅豆冰，又賣晒5點幾已經沽清，下次一定要再早少少黎先得常餐：豬扒銀絲米粉塊豬扒好大塊仲要好厚肉添！銀絲米粉吸湯一流跟餐既多士，本身係丹麥多士，但又賣哂了所以就變左油多，我本身好鐘意多士，所以都岩哂我咖喱豬扒飯嘩呢埋豬扒仲大塊！又唔會乾爭爭肉質好軟腍呢個咖喱汁唔會好重香料味，好岩港人既口味而且好滑好creamy忌廉鮮奶細個時曾經飲過，但太耐無飲了，咁岩呢度又有得飲，就緬懷一下，不過原來我唔太鐘意溝埋既味道還是雪糕紅豆冰好飲啲

這天午餐時間跟外國同事有會議，所以比平時提早一點自己出外用餐，選了這間經常經過都想試的冰室。蘋果椰果雜果沙律$25原來分量相當大，還怕會吃剩，怎知竟然吃光了，雖然材料看似簡單，但配搭起來實在不錯，清新健康又醒胃😋蘿蔔牛腩飯$58牛腩炆得軟腍而又不會散開👍😋，口感很好，蘿蔔香濃入味，還以車厘茄作伴碟，很特別，絕對是用心之作生磨蛋白杏仁茶$20(跟餐價)這個為波士推介，必點之選，非常足料好味，很難得以這價錢可以享用到一杯香濃的生磨杏仁茶，再加上蛋白，滋味又滋潤這餐廳佈置很有懷舊風，食物質素亦相當有水準，價錢公道，在灣仔區實在是難能可貴。

近期冰室如雨後春筍，很多地方都出現了不同的冰室，今天便來到灣仔，一間連鎖店吃下午茶。厚切白豬仔餐肉蛋公仔麵$34 ，轉凍飲加$3。厚切白豬仔餐肉蛋公仔麵，廚師很有心，將午餐肉煎香，吃落感受到廚師的心意。蛋是流心蛋，蛋香十足。 公仔麵是出前一丁，麵質煙煙靭靭，整個組合，突顯港式公仔麵的特色，值得一讚。跟餐凍鴛鴦，奶茶和咖啡的比例適中，是一杯正宗港式鴛鴦的味道。芝士流心西多士$34芝士流心西多士，外表香脆，內𥚃的芝士很流心，再點些糖漿，味道比傳統多士多了一層流心的口感，可以當甜點，又可以當小食，果然是店內名物。咖喱牛腩飯$60牛腩分量十足，而且炆煮得很林。咖喱是馬來西亞的味道，所以味道不會太濃郁，而又有咖喱的味道。

As I was in the Wanchai area, I decided to just go somewhere close by to eat. My first choice was oddly open but I couldn't find any staff there. I don't know where that person went. So, I decided to try this place called Boss House.  A typical cha chan teng with some retro Hong Kong  decor.Menu is found on top of the table. It's in English and Chinese.  There is no 10% service charge. As I was there for a late lunch, it happened the afternoon tea time menu was available. All sets come with a dr

去完BB展 喺灣仔周圍行下搵野食 見到依間 波士茶餐廳 果名好得意 裝修經典懷舊 好有feel，所以同我兩個boss入去試下 下午茶！四、五點鐘呢個時間無咩人，我地有卡位坐，牆壁用了鐵趟閘 、星鐵皮信箱裝飾，襯托街市紅色罩吊燈， 盡顯舊香港情懷！餐牌有三大邪惡美食推介， 手打牛肉漢堡、 流心西多士 、雪糕紅豆冰！ 我哋試咗頭兩樣 牛肉漢堡 賣相好 又juicy!流心西多士， 原來係芝士餡夾心 非常邪惡 ，熱辣辣 配上糖漿 忍唔住口全家搶食！

好有懷舊feel餐牌都係以舊式報紙的格式其實啲飯咖哩都令我好心動不過夜晚又約左朋友食晚飯，所以呢個下午茶唔可以食得太飽。晚餐有我喜歡的咖哩牛腩飯，加杯凍奶茶，絕對是我食茶記的不二之選！英國朋友，只想食點輕食，幫她點了味菜櫻花豬柳公仔麵，加杯杏仁茶。芝士流心西多士，西多士是我兒時最愛的茶餐廳食品，其新鮮炸起，香脆熱騰騰般相當美味，中間夾心由傳統花生醬換成流心咸芝士，配上糖漿，既有咸香，亦有糖漿的甜美，感覺新穎。下次继续。

After finishing a game of soccer at Southorn stadium, I decided to have dinner nearby. Boss House was located at Newman House, just beside Southorn stadium Wanchai.  It served snacks, noodles, rice, curry and drinks etc. It have dinner set as well. Red bean with green tea ice cream - It was served in a tall big glass, with green tea ice cream placed on top. It was very milky and smooth, and red bean was sweet and chewy. Green tea ice cream complimented nicely with the red bean ice. Pork cutlet a

咖喱牛腩唔辣，無香料味，上枱係唔熱嘅，難食。奶茶，只有奶味，無茶味。叫少甜俾正常甜，難飲。芝士雞扒撈丁，丁麵未熟透，即食鐵線，難食。總括而言，只會給你一分。本人不會再來。祝你好運。