法老王 (已結業)

適逢年廿八又是星期六，今天大家都是在星期六放假，所以約埋幾位同事們一起食飯，不過今次食晚飯的餐廳都是由我同事訂枱及介紹，由她帶路去了一間位於元朗「法老王」食晚飯，其實這間「法老王」是食埃及菜，逢星期六7:30pm~9:30pm 更有肚皮舞表演觀看。「法老王」的門外放了不少中東水煙，真是有得order!而且有5種的味道分別有蘋果、蜜桃、櫻桃、薄荷及草莓味精。 門外的裝潢就不會太取巧，但入到餐廳內果然便別有洞天...... 餐廳位置是有兩間都是叫「法老王」，其實兩間餐廳都是一樣，而且也是同一個老闆開!老闆是埃及人，所以此餐廳都做出正宗埃及菜。今次我去了新的那間「法老王」餐廳食飯。地方雖小，但餐廳四周的環境真是好有特色，裝潢已經讓我感到好似去了埃及般，正播放著埃及的歌曲，一室已經滲出濃厚埃及氛圍，橙色的牆身及彩色的圖案，格調鮮明，還有天花掛上一盞盞不同特色的吊燈飾、亦掛有埃及的圖畫、獅身人面像中東水煙、金字塔、埃及的毛毯、銅鐵盛器擺設等等......真是好有埃及feel。 天氣真是比較寒冷，突然都想飲杯熱飲，一場來食埃及菜，當然都要試下飲來自埃及的茗茶，茗茶方面店員都推介我們可以嘗試

We book our table in advance as we had 2x people. We arrived at around 8pm in time to enjoy the bellydance performance and stayed late until the shop close. We enjoy our gathering in the restaurant. The dinner was so fantastic! And the atmosphere was so good with the bellydance performance! ♥You should definitely try the food here and better bring a bunch of friends to try out more dishes as their dishes are quite big.There are some dishes you MUST try:Lamb Leg with rice and vegetables-although

今晚同爸爸大人，媽媽大人食飯去。老爸去見到有埃及菜食，就提意去試下啦～去到餐廳，地方雖然細，但佈局就好有特色，有一種去緊旅行嘅感覺。同埋老闆真係埃及人坐低睇餐牌，招呼我地嘅係一個和藹可親嘅姨姨，好親切咁同我地講明“我地唔用味精”我地嗌左個羊肉卡巴，白汁雞肉埃及式意粉，仲有一個“烤魚，黃薑飯”（sorry,唔記得個名）我本身個人好怕味精，但係今晚每一道菜都食得好開心好放心，因為真係完全冇味精，好健康，味道調校得剛剛好，唔會好濃味亦唔會好咸，而且side dish嘅沙律菜組合非常好，真材實料!!招呼我地嘅姨姨好親切，仲好細心咁幫我地同廚房講將個卡巴切開3份(￣∇￣)大家去食嘅記得要試佢枱面嘅3枝醬（蒜蓉，薄荷同辣醬）包你一試愛上。真係好耐冇試過遇到間好餐廳，好到忍唔住想share俾身邊嘅親朋戚友

上周六跟學生及老爸的朋友一起到法老王埃及餐廳美食1) - 燒鯖魚加埋雜菜黃薑飯，魚肉好香好多汁, 食落香口又健康~~(2) 食埃及菜必叫~~ 卡巴,有幾種肉可選 - 每份有4件, 如果4位朋友仔, 可以每人食一件, 但因為老板及伙計都好細心, 如果係3位, 佢地會將卡巴切3份. 羊肉卡巴唔騷而且好香好惹味, 最特別係有三支醬俾你同卡巴一齊食，分別係辣醬、薄荷醬同蒜頭醬。(3) 燒烤拼盤 - 以羊為主, 有羊架,羊腿,羊肉串燒,羊肉餅及烤雞, 醃料入味, 香料配撘超好, 當中羊腿非常嫩滑, 必食推介.其實重有好多正野, 你地自己去到感受下享受下哪～～～因客人大多在７時多來到, 所以為免要等位, 開好預先打電話訂位哪~~~每逢同六晚上都有肚皮舞表演TIM~~~

我自覺對食物嘅容忍度都幾高, 但係今次完全忍唔住要上黎寫衰佢叫左四樣野食(1)中東沙律 : 可能呢樣真係比較特色啦, 本來諗住沙律有d菜, 點知原來呢個中東沙律係一舊好似薯蓉咁嘅野, 話係d菜打散左。雖然個樣唔掂, 但係可能自己大鄉里姐, 但係食落舊野完全冇味, 甚至我覺得係難食, 所以當試新野失敗。(2)羊肉kebab: 又係冇味, 羊肉完全唔香, 料又唔算足, 話就話有幾款醬俾你自己加, 但係加左都係唔好味(3)燒雞肉飯: 份量細, 肉又係冇味, 食到呢到真係燥(4)燒魚伴薯菜: 唯一一樣味道正常嘅食物, 可惜份量又係好細, 食完唔知食左咩total 4樣野, 冇叫野飲埋單$240, 貴就真係唔算好貴, 但係食物質素咁我真係覺得平一半都唔值以後唔會再去

今日會合女友後便往元朗法老王食埃及菜，我們點了炸雞意粉，羊肉飯和雞肉pizza，間餐廳有特色百事忌廉飲，味道不錯，我們還點了lemon 梳打，都好好飲，餐廳環境不錯，播放埃及歌曲，炸雞意粉都香濃，雞都鮮嫩；pizza味道不錯，好香；而羊肉黃薑飯都好好味，羊肉的調味料好夠味，好食；另外老闆娘介紹的辣醬，算蓉醬和薄荷醬都好味，後兩者混合一同食好好味；老闆好健談，期間發生小插曲,好搞笑餐廳突然停電，有食客要求結賬，點知老闆娘說部收銀機停電，笑左!

濶別半年…原來話咁快就已經擴充營業…係隔離開多間舖…新舖裝潢比較新潮…午市套餐比起以前多左好多選擇…石榴汁似鮮榨…清澈無渣…薄荷茶老闆娘話係自己煲既…唔同食薄荷糖既味道…甜甜地酸酸地咁…都幾好飲…餡餅除左有免治牛外…仲有d青豆粟米…感覺似食梗唔辣既咖哩角咁…夠香脆…卡巴可選擇加醬汁調味…就係擺放係枱上面果三枝醬…紅少辣…綠薄荷…白蒜香…其中以薄荷味較濃…未必人人啱口味…柔軟既包包配上碎肉同菜…都比較健康…細細個都好夠飽…什菜餅似乎燶左d…乾身無汁…沙律無汁配醬…亦感覺較乾同齋…其實係可以添加枱上面既三色醬食…不過感覺比較creamy...食多了會覺得好溜同口渴…燒魚原來係靖魚黎…無咩骨又夠滑…黃薑飯粒粒米米都好乾身…軟硬適中…香茅、椰汁、薑味都不太濃…好易入口…埃及甜品係椰絲做成…暖暖地又甜甜地…好似中國既椰撻…整體水準依舊…老闆娘待客依然親切細心…未夠半年就可以擴充營業…總有佢既生存之道…

埃及菜一向不是香港的主流菜式，相關餐廳亦廖廖可數，走入新界西更只有元朗這一間「法老王」。一年前還只有一間，不久前就在隔壁開多了一間，容納更多客人。因這裏空間不大，所以事前預約了，每當週末晚上，店外等候入座的情況不時出現，不過食物味道質素始終是最重要的。埃及屬於中東地區，主要信奉回教，由於老闆是埃及人，所以菜單不會見到豬肉食品，牛肉、雞肉及羊肉是當地較常吃的肉類。因此菜單上會見到挺多這3種肉的菜式。叫了一碗扁豆蓉湯($26):豆類是埃及人常用的材料，埃及的扁豆蓉湯主要用的是黃扁豆，質感不是很稀的那種，是飲一口嘗到豆蓉的味道，未至於整碗都放了豆蓉，清淡沒有太多調味的湯。由於扁豆營養豐富，是一款健康不花巧的湯款。接着是一款叫 秋葵伴燒羊肉($84) :是埃及及中東國家的常有烹調菜式。將羊肉燒一下再拿去跟秋葵一起燉，秋葵本身質感黏黏的，放了進入增加整個湯汁的黏稠性，使其沒有水稀稀，方便撈飯吃或跟來的彼得餅吃。這個羊肉跟秋葵的比例大概1:3，羊肉雖嘗不到羶味，不過煮得軟爛，更易入口及吸收湯汁，單吃會感到微甜，不是太鹹，惟上菜時温度微暖，有點不上不落，而且放涼後，對羊肉味道較敏感的人就要留意一下會

好好味既沙律喔喔喔!! 燒雞肉串沙律($48)配飲品。本身叫果陣以為係一串串既雞肉串燒，點知原來係一盤咁上，未食之前有少少失望，覺得佢hea我lol一食d雞肉，真係有烤過!!!好香好惹味，而且抵讚既係唔會太油。入面有我最唔鍾意食既青椒(我同蠟筆小新一樣lol)紅椒、生菜同少少洋蔥(我都唔鍾意食……)但雞肉真係好好味，再加上埃及菜既特製醬汁，青椒同洋蔥我當見唔到lol !!! 

行過見到法老王間鋪大o左好多~ 原來租埋隔壁大鋪 (店主話新鋪開o左兩個多月)~ 位置多o左好多~ 不過我地得兩個人~ 都係去返正鋪~ 午餐好多選擇~ 有卷有飯有pizza!!! 我梗係要試o下pizza啦~ 仲跟埋汽水~ 第一次試百事出o既忌廉~ 無玉泉o個隻咁甜~ 好味!!!雞肉脆脆飯先到~ 有一碟醬同少少上湯~ 店主話有d人鍾意食飯濕濕地咁~ 不過佢d飯本身都好軟身...所以唔駛加d湯都ok..雞肉脆脆味道一流~ 不過肉o既份量太少...唔夠送飯...可惜...pizza新鮮熱辣送到~ 餅底唔係超薄o個種~ 不過都好脆好好食~ 反而pizza d料就好夠啖啖肉~ 價錢一樣o既set都係pizza開心d~ 店主熱心服務~ 以前細鋪坐得十人左右...而家仲有埋大鋪~ 可以約埋一班朋友嚟試o下~ 

下午見仲有LUNCH SET, 太少有啦, 立即入去試試啦, 平均價錢$50-70 既LUNCH SET, 款款都好吸引.我同友人揀左個卡巴, PIZZA, 個SET 每人包一罐汽水. 超級滿足, 好飽飽.環境幾有特色, 有空間感唔迫, 坐得好舒服, 最正係冷氣夠大, 夏天岩哂.羊肉卡巴:好足料, 入面好羊肉, 而且卷得好平均, 唔會過實/散, 所以食得好方便.羊肉有點點羶味, 個人好喜歡, 甘先係食緊羊肉. 肉質有彈性仲好好咬.最正係有3款味既醬, 任加係卡巴上, D醬全部都好好味.橙色既有少少辣, 綠色既係薄荷味, 白色就應該原味.牛肉薄餅 IZZA 厚薄岩岩好, 脆口得黎仲有少少麵包既煙韌感.芝士拉哂絲好吸引, 牛肉唔鞋唔乾, 食落啖啖肉. 青椒, 黑欖橄等配料好夾好好味.

元朗的餐廳越開越多，而且層出不窮。繼上次吃過不錯的土耳其菜，這次試埃及菜。到現在也搞不清為何會有兩個門口，一樣的名宇，一個一眼看出是埃及菜，另一個白底藍燈，坦白說有點膠。正當我們擔心訂了哪邊的枱，老板娘從埃及一邊推門而出，請我們入內，鬆一口氣。很小的店，地方淺窄有點逼，以特色裝潢搭救。除了食物，還有水煙供應。老板娘熱情地招呼，還主動推介菜式。Greek Salad橄欖油突出，feta cheese幾香，加上黑橄㰖，很有地中海菜的風味。多下芝士味道更佳。Chicken Samosa只屬一般，做法較像中式春卷。餡料偏少，沒有豆蓉的口感。Fish Kebab老板娘教路，像吃香蕉般，逐少把錫紙掰開，隨喜好加上醬汁。有3款醬，辣味，蒜蓉和薄荷。3款混在一起最惹味。魚煎得幾香，外層鬆脆，味道不錯。烤雞一坐下就被推介烤雞。這麼落力推銷，就姑且一試。完整一隻烤雞，份量頗大。帶微辣的醬汁跟雞肉很夾，醮薯角也不錯。雞皮烤得幾香，雞肉也尚算入味，而且肉質不嚡。燒烤拼盤比烤雞還要壯觀，除了有份量，更色彩繽紛。有雞胸肉，羊肉串燒，雞肉串燒，羊架，羊肋骨和飯。飯帶很重的肉桂味，而且夾著提子乾，不是人人吃得了。雞肉

 今日下午返完娘家，黃昏差唔多晚飯時段就去左元朗覓食。老公話想食烤肉嗰D，又記起有間網上推介過0既埃及菜，上openrice搵地址，果然好多好評wor，即刻去搵。雖然舖頭唔係大街，但附近有唔少食市，所以都好易搵。去到5:30pm其實未夠鐘開門，一個人都無，但老闆娘話伙計都返左嚟，所以俾我哋叫嘢食。老闆娘好熱情，我哋係餐牌上睇到每度菜，佢都會講下係咩0黎。雖然只係小店一間，但餐牌上都有唔少選擇，而價錢合理。老公成日話想食健康D，所以叫左個燒魚伴橄欖油檸檬($115)燒鯖魚加埋雜菜黃薑飯，個飯唔辣淡淡哋，魚稍稍有少少燶面，於我而言如果無飯會濃味左d，但老公話好好食。同埋叫左個嚟食埃及菜必叫0既卡巴,選左羊($62)羊肉卡巴裏面仲有D雜菜，D肉好Juicy，唔會好乾，加埋菜就唔會覺得肥。你可以自己選擇落唔同醬料，有原味乳酪,辣味同薄荷味醬俾你選。三隻我都試曬，最好味係原味食一啖再唧少少落去再食一啖，perfect!!!老闆娘話其實以前係會落埋係裏面，但有D客話太多，有D話太少，所以而加俾我哋自己加，多少釋隨尊變用餐初段由於時間尚早，店內無人，老闆娘係咁同我哋傾計。佢話隔離舖啱啱開，都係佢哋0

唔知點解咁多讚 今晚食完覺得食物同環境都好一般食左牛肉卡巴 個牛完全無咩味 有三支汁可以用 薄荷既無薄荷味 蒜個支唔錯野飲 石榴汁唔錯 幾fresh 唔會好甜但個薄荷梳打 勁難飲 完全唔明佢個味想點 梳打但完全無梳打既氣 個薄荷味 比薄荷茶重要少雞串沙津 個味我真係唔太buy 同埋個雞好乾最後個羊肉伴薯菜先好食 成份得兩塊羊 全碗都係薯仔 問個staff 佢話個菜本身就係咁 同埋唔係佢落單 佢落會講喎 咁即係推責任？ 最好笑係有外賣 之後佢直接係放曬d膠盒係我地張勁細既二人桌 完全無同我地講就係到整外賣醬 重要同我講 睇埋表演你地要比返張桌我呀 我要比出面個人== 問題係 我地入左去唔夠9個字==我個野真係頂唔順話 咁我洗唔洗依家比你呀 完全唔覺得有咩好 個個表演 同無睇無分別 唔會再去

琴日入南生圍之前，食左一餐好味又抵食既埃及菜，我第一次試za!!!超impress!! 星期日都有lunch set 喔喔喔喔!! 雖然店舖面積唔大，但睇得出好用心裝修~羊肉卡巴($48) 羊肉唔騷，而且好香好惹味，應該之前係有炒or 烤過~ 最特別係呢度有三支醬俾你自己點黎同卡巴一齊食，分別係辣醬、薄荷醬同蒜頭醬。雖然其貌不揚，但d sause 真係勁勁勁好食，從來都無食過!!辣醬有d似係千島醬再加好香既辣味，我最like 呢個~~ 推介!!!! 燒雞肉串沙律($48)配飲品。本身叫果陣以為係一串串既雞肉串燒，點知原來係一盤咁上，未食之前有少少失望，覺得佢hea我lol 一食d雞肉，真係有烤過!!!好香好惹味，而且抵讚既係唔會太油。入面有我最唔鍾意食既青椒(我同蠟筆小新一樣lol)紅椒、生菜同少少洋蔥(我都唔鍾意食……)但雞肉真係好好味，再加上埃及菜既特製醬汁，青椒同洋蔥我當見唔到lol !!!p.s. 呢度真係好有小店既人情味，因為我地一行三人，姨姨好細心幫我地將卡巴分三份，而且教我地點食