治癒菓子

营业中

休息中

髒髒比利時朱古力麻薯泡芙 ($28)小山園抹茶麻薯泡芙 ($28)粒粒無花果麻薯泡芙 ($28)住係鰂魚涌既朋友極力推介，搞到我都心思思想試，可惜小店唔係日日開，而且出爐賣晒就收鋪，想食就記住留意番ig，今次係同朋友早一個月訂定嫁。去到拎既時候好好彩見到當日仲有無花果味，就買埋黎試。首先佢既泡芙係每日新鮮整，個皮咬落有小小脆，入面就好鬆軟。每一件泡芙都會跟據味道有唔同配搭，睇得出小店真好有心機，而且有好多味都好特別，每款都一定有舊mochi，好煙韌軟糯，超好食！今次試呢3隻味，其實3隻都好味，見到咁大舊cream唔好以為會好甜，佢係小小甜，甜得黎唔漏。今次3隻最中意無花果，好清甜好fresh，而且好特別！會回購呀必定，下次要試其他味😛 最麻煩唔係每日開，所以真係有時想食都買唔到。

呢間麻糬泡芙喺鰂魚涌出晒名，聽聞真係有錢都買唔到，排左隊等攞籌，有時只接受預訂冇walkin，所以今次預早差不多一個月預訂，佢每日都有指定款式，又或者每月指定款式選擇。今次訂其中三款，包括: 小圓山抹茶，藍莓忌廉芝士，榛子粒玫瑰伯爵茶期待已久今日終於攞到手，一打開盒排列整齊，睇個樣已經好吸引，每一款口味突出，特色在於每一款泡芙入面都有麻糬，自家製確實煙韌，可能配合香港人口味，絕對唔會過甜，就算食完一整個都唔會覺得膩，一啲罪惡咁都冇，雖然難買但絕對值得期待。

留意左好耐嘅麻糬泡芙，現貨得平日13:15或17:15兩爐，而且唔係日日有，記得留意店家ig，如果就唔啱時間可以預訂每月指定款式。上星期17:00點去到已有八個人排隊，開門時後面已經排左十幾個人，有心買記得預早少少排隊，每張籌可以買四個。店員好好人，見我笨手笨腳整塌左一個泡芙仲幫我換。當晚食泡芙外層微脆，內層鬆軟，忌廉順滑，較一般忌廉挺身實淨啲。麻糬大塊薄身，偏軟糯，唔係痴牙要咀嚼好耐嗰款，之前有同事嘅散水餅擺左兩日，麻糬嘅質感仲keep得好好，非常出色。日本玄米茶黑芝麻麻糬 ($28)玄米茶同黑芝麻嘅忌廉各一半，一開始見到呢個組合仲擔心茶味會被蓋過，畢竟黑芝麻嘅味道較濃，點知玄米茶先係主角，一入口好香炒米味，黑芝麻就負責餘韻，好食。🍽髒髒比利時朱古力麻糬 ($28)用上黑朱古力，甜度偏低，忌廉輕盈，朱古力味極濃，麻糬都灑上朱古力粉。🍽小山園抹茶小倉紅豆麻糬 ($28)
抹茶忌廉食唔到回甘，苦味澀味較強，襯返較甜嘅小倉紅豆蓉。🍽阿華田脆脆麻糬($28)四隻口味中較甜嘅一款，但亦較市面其他泡芙店嘅出品少甜，幾鍾意有脆脆豐富口感。
個人喜好：玄米茶黑芝麻>朱古力>阿華田脆脆

這天來到鰂魚涌，終於有機會試到人氣泡芙他們出爐時間是13:15/17:15 (不是每天都有)，因為聽說很多人排隊，所以我們12:45到達，前面已經有兩三人在等了。然後準時13:15已經截龍了，超誇張🧐🧐🧐🧐當日有四款口味，我選了髒髒朱古力麻糬🍫和煉乳草莓麻糬🍼🍓泡芙的口感很脆，蛋味頗香☺️但空氣感很重，吃完後感覺有點不實在😕兩款cream都不會過甜，但又不算很香濃。煉乳草莓可以吃到粒草莓果肉。而髒髒朱古力用的是黑朱古力，苦味較重🤎喜歡黑朱古力的朋友應該會很喜歡💕麻糬非常軟糯，而且富有奶香，這個很加分👍🏻總括而言，這個泡芙不算驚為天人的好吃，要花半小時排隊有點不值。但價錢相宜，如果不用排隊的話也可以一試😹😹😹.髒髒朱古力麻糬 $28煉乳草莓麻糬 $28

係鰂魚涌返工/返學嘅朋友對依間店都唔會陌生！係出名又好味又難買嘅麻糬泡芙！每日只有兩轉出爐時間（1315&17:15) 有時滿左單可能唔開添！去之前記得要上IG 睇通知～✨小店開係英皇道後面嘅住宅小巷中間，要小心d 先搵到入口～但每次行過都會聞到出爐嘅香味，就算見到長長人龍都會排埋一份😋佢嘅泡芙特色係每日即做， 加上大大塊麻糬，外脆內軟🤤本人暫時試過3種味道， 分別係髒髒比利時朱古力🍫，桂花烏龍茶🌼同抹茶櫻花🌸髒髒比利時朱古力🍫香濃嘅朱古力味，成塊麻糬都沾滿可可粉，比較甜但對於朱古力迷黎講係好滿足嘅～桂花烏龍茶🌼☕️微甜嘅桂花cream 加上濃濃嘅烏龍茶味， 兩者平衡得洽到好處， very nice~✨ 本人最愛依款💕抹茶櫻花🍵🌸抺茶cream 用上小山園嘅抺茶粉，櫻花cream 係香甜嘅櫻花味，唔係臭櫻花味， 上面仲有朵鹽漬櫻花點綴🌸又靚又好味

今次係同事買散水餅先第一次接觸佢、一次過訂晒佢所有味道試！佢每件泡芙都好大個，食完之後飽肚感十足。泡芙好鬆軟，而啲cream亦都唔甜好soft同好有空氣感，所以即使咁大件都食極都唔反感。而最加分嘅一個位係泡芙入面嘅麻糬，口感煙韌，泡芙入面都有嘅麻糬會根據唔同味而改變，連埋泡芙一齊食出奇地夾～推介一下我最愛嘅綠茶味，除咗cream係抹茶之外佢連麻糬都沾滿抹茶粉！食得出抹茶味極香濃，令到佢口感更豐富～

依一間泡芙店bookmark左一段時間，📣位於鰂魚涌嘅治癒菓子店專賣脆皮泡芙，標榜低糖冇香油色素，最緊要係咩啊？大家最中意既忌廉餡多同大大嚿麻糬啊唷-而且口味眾多，每日都會隨機推出唔同口味，雖然成日都就唔岩時間😩同埋每日得2 批出爐13:15/17:15 仲要唔知會唔會唔開，但！終於今次有機會撞正我放假佢又係開既屯門牛牛緊係衝出去當日我試咗2款口味分別係日本玄米茶黑芝麻糬🍵同粒粒花生海鹽焦糖咖啡麻糬 日本玄米茶黑芝麻糬 🍵$28 黑芝麻同玄米茶兩種味道都好香，但係味道會互搶咗，兩種都比較濃味，甜到啱啱好，分開食可以會比較好一點。但對我來講忌廉真係太多了。粒粒花生海鹽焦糖咖啡麻糬 $28 咖啡味係好香一定要加埋海鹽焦糖效果先更加出，但忌廉對我嚟講真係太多，口感唔算輕盈。整體來講泡芙好大個，皮係幾脆，麻糬好Q不得不讚真係好食😋值得加分口感好似糯米糍，但忌廉太多會有點油膩😵最後我都整走咗一半忌廉😪但鍾意食忌廉嘅你哋千祈唔好錯過😉

當煙韌的麻糬遇上酥脆的泡芙，一段浪漫甜蜜溫馨纏綿的愛情故事靜悄悄地上演～🌹💗🍪 Oreo脆脆🍵 抹茶黑糖蕨餅🍂 焙茶黑糖蕨餅🍫 比利時髒髒巧克力麻糬.謝謝 @healing_bakery 漂亮的店主小姐姐知道我是買給家人作生日泡芙 特意給我安排了巧克力🍫、抹茶🍵、焙茶🍂的口味😍 泡芙外皮酥脆可口，而且加入了相應的口味，令泡芙的味道更加豐富👍🏻 裡面的忌廉滑而不膩，連一向不太喜歡忌廉的家人也讚不絕口😘.最後 登登登凳～ 而最好吃的不得不提主角—麻糬！😍😍😍 猜不到麻糬跟泡芙是這麼配襯😚 糯糯的麻糬粉糰真的讓整個泡芙的口感昇華了✨ ~.謝謝店主小姐姐爲我送給家人的這份生日驚喜如此認真和細心💕 從妳經營網店 到了今天光顧妳的實體店 見到妳對泡芙夢的努力和堅持💖 十分佩服！妳要加油喔 我之後會偷偷抽時間 趁出爐時間再來嚐嚐你弄的髒髒包（也是我的最愛！🖤）💪🏻❤️.Healing Bakery 治癒菓子📍鰂魚涌英皇道901號英麗閣地下D🧚‍♀️ 8-mins walk from Quarry Bay MTR Exit B

《💛期待已久既泡芙》心血來潮去試下排泡芙，呢間每日最多只有兩次出爐，好彩就有13:15/17:15，有次就兩段時間都無😣想食既話真係睇你好唔好彩😝好在今次17:45仲排到！————————————————————————#髒髒比利時朱古力麻糬 💰28想講呢間淨睇樣貌都覺得cp 值極高，價錢唔會太貴，size好大，樣貌又勁吸引💕食落泡芙好脆口，麻糬都係朱古力味，整體甜度適中，中意朱古力既朋友可以一試。#Oreo脆脆麻糬💰28滿滿的Oreo 碎，呢款既麻糬就係普通白色，食落煙煙韌韌。因為Oreo 餅乾本身都比較甜啲，兩款相比呢款就相對甜，但整體都好食。

食完係咪真係會有種被治癒既感覺架呢🍽髒髒比利時朱古力麻糬 （4/5）💰28泡芙外皮脆脆地，就算拎到番屋企放雪櫃半日都仲脆身而且食到一層一層既酥皮朱古力忌廉🍫好濃郁，比較挺身，唔算好甜外表淋咗層雪硬咗既朱古力塊，呢個甜啲，夾埋食個甜度very good喇麻薯好厚身，彈牙煙韌，仲要係朱古力味添啊🍽日本焙茶栗香麻糬 （3.5/5）💰28有兩大舊忌廉，一個焙茶味一個栗子味🌰栗子忌廉香甜得黎好似食緊栗子咁，又唔會太甜，呢個超中意焙茶帶啲回甘味，聞落幾香，但食落冇聞落咁有驚喜麻薯係原味，不過冇咩奶香，得糯米粉味佢地每日都有唔同口味，出爐時間有兩個，基本試出爐一個鐘左右就會賣曬整體我覺得都好唔錯，咁大件都係28蚊不過….因為太大件，忌廉都打得比較硬身，冇辦法夾埋一口食曬全部算係大大件泡芙既甜蜜負擔？

係啊又係佢啊～ 泡芙真係𝙼𝚢 𝙵𝚊𝚟𝚘𝚞𝚛𝚒𝚝𝚎 𝙿𝚞𝚏𝚏 𝙸𝚗 𝚃𝚘𝚠𝚗( ˘ ³˘)♥︎店舖喺鰂魚涌，真係唔係啲咩特別方便嘅位置，所以每次知道一有機會去鰂魚涌，都會𝗽𝗹𝗮𝗻定一定要去食！然後嗰一日嘅朝早就會好緊張咁等佢哋喺𝗶𝗴出𝗺𝗲𝗻𝘂，最驚係佢當日冇現貨，所以呢間泡芙真係唔係你話想食就食到㗎！不過我都仍然推薦大家俾啲𝗲𝗳𝗳𝗼𝗿𝘁去試吓，真係好好食啊～～～.排隊𝘁𝗶𝗽𝘀: 之前我會大概係出爐前嘅15-20分鐘左右到，都可以排到頭五個嘅，就可以開門即刻買到就走！而今次我哋就遲咗少少，5:10先到，已經排第20幾個啦！由開門到買再到拎到泡芙就大概用咗25分鐘左右。不過唔使驚其實佢開門嘅時候會派籌，每人限購四個，今次排到我嘅時候四隻口味都仲有貨！.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 8.5/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7/10服務 𝐬𝐞𝐫𝐯𝐢𝐜𝐞 8.5/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 8.8/10回頭率 𝐫𝐞𝐯𝐢𝐬𝐢𝐭 9.9/10🌟見到黑芝麻味就要衝～～～～.《泡芙》試過即刻食，亦都試過放喺雪櫃第二日先食，今次我哋就大概隔咗一個鐘頭先食，玄米

Bookmark咗好耐一直好想試嘅麻糬泡芙~ 嗰日的起心肝提早收工去食，因為只有平日會開，同埋每日只有兩個出爐時間(13:15/17:15) ～ 想確保自己食到就要早少少黎排隊啦🤫 每日新鮮出爐嘅泡芙口味有4️⃣種～ ⁣⁣今次試咗日本焙茶黑芝麻麻糬($28) 超大嘅泡芙，皮脆餡多😋 中間除咗夾雜兩種味嘅cream～ 仲有大大塊嘅麻糬🤤 焙茶味超濃，黑芝麻嘅味直情係濃到好似食緊芝麻糊咁😂 兩種味係夾嘅但個人比較喜歡黑芝麻味💛成個感覺係食咗咁大舊泡芙都冇好漏嘅感覺～因為d cream濃得黎又好light好滑，完全冇膩嘅感覺💛 聽日就係星期一啦～ 平日又可以買黎食了😆 ⁣⁣📍治癒菓子 (鰂魚涌) 鰂魚涌英皇道901號英麗閣地下D1號舖⁣🍀 平日每日13:15 及 17:15 新鮮出爐 👩🏻‍🍳⁣🍀 星期六日公眾假期休息 🚫⁣🍀 可以留意返社交平台每日update 有咩口味 😋

係鰂魚涌返工成日都見到好多人排隊 今日係對面間餐廳食lunch 見到未開門出面已經有人龍 好誇張!!! 食完lunch諗住碰碰運氣去排隊 雖然1315嘅籌已經派晒 但我好好彩買到最後2個泡芙🤭🤭原本最想試mocha朱古力麻糬同台灣烏龍茶桂花麻糬 但係都無晒lu🥺所以最後就買左一個oreo脆脆麻糬同一個煉乳草莓麻糬 $28 each!1️⃣ oreo脆脆麻糬原本以為oreo cream會好甜好heavy 點知食落甜味適中 而且cream質感輕身 完全無好漏好膩嘅感覺😍 oero碎有錦上添花嘅感覺 令到成個口感同層次豐富左好多! 最後麻糬嘅部分有驚艷到我 因為我個人唔係特別好麻糬 而且唔太鍾意啲偏硬嘅麻糬 但呢隻麻糬非常煙韌彈牙 亦都同成個泡芙好夾 整體黎講真係唔錯!2️⃣ 煉乳草莓麻糬呢個泡芙都好好味! 麻糬依舊煙韌 我就略嫌草莓cream偏酸 個人唔太鍾意 不過朋友就覺得好正~總括嚟講真係好好食 同埋價錢一啲都唔貴 性價比算高! 下次一定會買其他味試!!

依間泡芙店超受歡迎，賣相吸引，仲要加入麻糬，標榜低糖冇香油色素。要買到佢啲泡芙真係唔容易，每日得2 批出爐，就算預訂都已經排到好耐之後，終於今次有機會撞正佢出爐時間去買🥺總評：每個泡芙都好大個，十足啲迷你漢堡咁，最欣賞無論邊款味，甜度都唔高，怕甜嘅人絕對可以試吓。另外每款泡芙入面都有麻糬，口感煙韌軟熟，會根據唔同泡芙選擇合適嘅味道配搭，同泡芙一齊食出奇地夾1.髒髒比利時朱古力麻糬🍫用咗比利時朱古力真係食得出當中既可可味極香濃，仲有啲朱古力脆皮喺cream上面，口感更豐富，麻糬都好有朱古力味2.粒粒花生海鹽焦糖咖啡麻糬 ☕️好多花生碎，味道真係好似連鎖咖啡店嘅焦糖咖啡味咁，咖啡味好香3.蜂蜜檸檬柚子麻糬 🍊檸檬柚子味道天然清新，麻糬都特別用翻原味，唔會搶咗啲柚子味，令整體感覺都好和諧⚠️ 有時多訂單可能就會唔開店，所以去之前記得睇下佢地ig @healing_bakery 🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 治癒菓子 (鰂魚涌)鰂魚涌英皇道901號英麗閣地下D1號舖

放lunch 的時候行過仲未開門的治療菓子店，見到外面有一條長長的人龍，心諗：這些機會應該不是我的⋯⋯然後食完飯再行過，見到鋪頭終於開左，店員幫客人落緊單，行過去發現幸運的我（和同事們）竟然可以買到最後幾個！好感動TT之後店員仲問我地有無想要咩味 （好好人好友善～）可惜最後食唔到想要的茶味！店鋪有個細細既企位用餐，裝飾好靚好適合打卡：P最後選左OREO 脆脆同煉乳草莓麻糬 麻糬好QQ！個人比較鐘意草莓 好香（唔會似藥水！好重要！）同埋唔會好甜～希望下次有機會試烏龍茶桂花麻糬！ 係我好鐘意的配搭呀 ～