治癒菓子

营业中

休息中

放lunch 的時候行過仲未開門的治療菓子店，見到外面有一條長長的人龍，心諗：這些機會應該不是我的⋯⋯然後食完飯再行過，見到鋪頭終於開左，店員幫客人落緊單，行過去發現幸運的我（和同事們）竟然可以買到最後幾個！好感動TT之後店員仲問我地有無想要咩味 （好好人好友善～）可惜最後食唔到想要的茶味！店鋪有個細細既企位用餐，裝飾好靚好適合打卡：P最後選左OREO 脆脆同煉乳草莓麻糬 麻糬好QQ！個人比較鐘意草莓 好香（唔會似藥水！好重要！）同埋唔會好甜～希望下次有機會試烏龍茶桂花麻糬！ 係我好鐘意的配搭呀 ～

可能係食評吹得太誇張，亦可能我自己期望太高拉，食完唔覺得特別好味，淨係覺得失望，唔值得嘥時間同心機去食。見到有d食評話老細好好人？初初都ok既，算幾有禮貌，不過講多兩句就無端端唔理客人拉。整體黎講我唔會覺得佢好人囉，仲有少少影響左食野既心情，話晒都山長水遠過去。食物黎講，只能話係有水準，唔算好好。都係個句，唔值得跨區走去食囉。可能我淨係試左朱古力同甜酒拉，希望其他味會更好拉，唔係真係對唔住d食評同咁多特登去食既朋友囉。

@healing_bakery 《 好後悔冇買多啲嘅麻薯泡芙😭💛 》🍫髒髒比利時朱古力麻糬 (9/10)🍵小山園抺茶麻糬 (8.7/10)🍘日本濃香黑芝麻糬 (10/10)❗️❗️❗️❗️ 俾 @bellywongs @168hungryki 燒着左😂🤣一見到有黑芝麻出即刻同 @jacstomachh 一齊夾份訂🔆🧡❤️每個泡芙都超級巨大！攞上手好墜手！而且啲餡好似要爆出嚟咁😍❤️👑最推介一定係非黑芝麻麻薯莫屬❗️❗️一定要去試！麻薯好煙韌軟糯 好黐手好拉絲 好有咬口🤣上面有啲黑芝麻粒粒😌黑芝麻忌廉好濃郁幼滑🥳一擺落口 啲忌廉喺口腔爆發出嚟⚠️如果再多啲cream就好啦😭比利時朱古力都好好味 🍫 食落去唔會過甜👍而且面層仲有一層朱古力coating🤤而且唔單止麻薯鋪滿咗朱古力粉😍成個泡芙都有好多朱古力粉🤩正！抹茶都好出色😍又係鋪滿左抹茶粉 🍵食到回甘味不過可以再濃啲本身諗住食一個點知忍唔住食咗三個😢好後悔冇買多幾個😢下次一定會再去食其他味！——————————————————📍治癒菓子 (鰂魚涌)鰂魚涌英皇道901號英麗閣地下D1號舖#hkfood #hkfoodie #hkfoods #hkfoo

今次黎到鰂魚涌朝聖 咁岩撞正治癒菓子店開店時間 仲要一開始唔係好多人排隊 於是立即等佢開門聽講呢間舖頭唔係日日都開門 產品款式仲要次次唔一樣 見到咁多人排隊 我都忍唔住買返兩個呢次我地買左蘋果麻糬泡芙同抹茶栗子泡芙來食 我地先食蘋果麻糬泡芙 因為比較淡味清新 唔會令味蕾停留濃厚的味道 以致食唔出另一款的滋味先講蘋果麻糬泡芙 蘋果非常清甜 唔會太淋 保留口感 配合煙煙韌韌的麻薯 唔同層次 非常配合 另外店舖的泡芙用料上乘 絕對對得住個價錢 唯一美中不足的是餡料同泡芙唔太夾 至於另一款栗子同抹茶餡料足足有兩大球 非常驚喜 餡料絲滑又唔會太甜膩 感覺到店舖有履行少甜健康的理念

治癒菓子，煙韌mochi😆——好難先買到嘅泡芙，成日都排長龍，售完即止。每人限買四個，我就四個口味都買嗮黎試，不過有兩個冇影到相🤣.阿華田脆脆麻糬泡芙 (圖二，$28) 唔好食🥲唔太鍾意呢個味道...啲阿華田粉味道好奇怪。其實當年麥當勞個阿華田學糕我都覺得好難食🤢而呢個泡芙另我諗起個麥當勞雪糕...利申我好鍾意飲華田的。▶️評分：3/10.椰香芋泥麻糬 (圖3，$28)呢個都麻麻地😖咁鍾意食芋泥製品嘅我，都覺得呢個芋泥唔太掂...冇味道，唔綿滑，入面有顆粒但大細太過參次🙈啲Cream係真係有椰味，但我覺得唔太香😂 ▶️評分：4/10.髒髒比利時朱古力麻糬泡芙 ($28)好似係熱門口味，終於冇失望！朱古力味道濃郁，味道唔會過甜，唔錯🥰最鍾意舊朱古力麻糬！▶️評分：7.5/10.粒粒花生海鹽焦糖咖啡麻糬泡芙 (圖四上；$28)呢個都不錯！Cream嘅咖啡味好特出，焦糖醬同咖啡味嘅cream好夾👍🏻花生碎令成件事口感豐富咗。▶️評分：7/10.不得不讚，麻糬真係好食！好煙韌好chewy，有少少拉絲添😍尤其朱古力味正！而泡芙本人，外皮好脆👌咬落好有空氣感。.——📍治癒菓子鰂魚涌英皇道901號英麗閣地下

@healing_bakery 既麻糬泡芙成日係ig見到都好吸引 越睇越想食 終於把心一橫特登去試!😚佢既地點唔係好就腳 星期六日唔開門 平日都唔係日日開 就算開門都只係開兩個出爐既時間😫menu仲要日日都唔同 除左要留意佢ig出post都真係好講緣分🤯我係早幾日預訂既 店主好好💕🥺我同佢講我下星期開始就好難夾時間去拎 然後佢就加位比我過兩日去拎😳😍勁開心~去到門店勁香泡芙味🤤職員好細心咁同我介紹番 見到粒粒都勁大舊 內心勁興奮😂🙈泡芙皮係淋身的 但好香牛油味而且內裡層次既空氣感都hold到 唔會扁晒 食落好鬆化🤤cream好輕身唔漏 完全唔會過甜 勁岩我口味😚麻糬/蕨餅厚厚的 世界級好食 係彈牙煙韌既口感😋我一定會再食 要試埋其他味😆✨🥇日本焙茶桂花黑糖蕨餅🍂🌼 $28有兩隻cream 一隻焙茶一種桂花 焙茶桂花味都好出 黑糖蕨餅比麻糬更軟身 好煙韌 我最中意呢個😍🥈小山園抹茶麻糬🍵 $28回甘既抹茶味 麻糬都係沾滿抹茶粉💚🥉焦糖蘋果伯爵茶麻糬🍎☕ $28甜甜酸酸又爽口蘋果粒痴左係邊邊 好fresh又增加口感 伯爵茶cream濃到帶有少少花香味😆🍘日本濃香芝麻麻糬

終於終於終於有得再食 healing bakery 喇～真係食過第一次之後就好快有第二次第三次第四次⋯每日朝早見到佢哋𝗽𝗼𝘀𝘁當日口味都勁想去🥺奈何對我來講真係有啲遠，所以成日都係得個睇字(*´-`)終於忍唔住好想再食，特登過去排隊買～星期一至五1:15pm同5:15pm出爐，記得大半年前第一次食準時出爐時間去都會買到，但我上星期4:55pm到已經係排第四個！到5:15pm人龍已經好長好長～大家有心食的話記住早少少去排隊呀！.finally got to eat @healing_bakery again 😋 literally something i wanna eat over and over again 😆 make sure u check their ig for updates cause they sell out pretty quickly and they have different flavors all the time 🤤 arguably the best puff in hong kong 🇭🇰.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物

有同事辭職請食散水餅😢其實之前已經自己去過一次，因為佢每日都係1315/1715會出爐，而且出爐之後好快賣晒，所以真係要教啱時間先去，如果唔係真係會白行一趟😕朋友今次訂咗100個迷你泡芙，分別有🍫髒髒比利時朱古力麻糬🍵小山園抺茶麻糬🍇藍莓乳酪麻糬🍘日本黑芝麻紫薯麻糬☕️伯爵茶牛乳布甸麻糬今次除咗朱古力味之外我其他都食過，成舊puff係好多料🤩🤩茶味既抺茶同埋伯爵茶好香茶味好夠濃😋 黑芝麻紫薯就比黑芝麻搶左，唔係好食得出紫薯味，但都好好味，連唔太食黑芝麻既我都接受到。👍🏻 藍莓乳酪都好好味😆依間個ig 好出名，係因為真係好味，真係大推大推👍🏻👍🏻👍🏻👍🏻👍🏻

一路都想食好耐，無奈呢間小店有原則只係賣新鮮出爐即製既泡芙，限量售完即止，所以要夾得啱佢出爐時間去先食到🍰🍰今日係13:15出爐，係未出爐前既時間都係製作中，所以仲係落住閘，準時13:15開閘。未夠鐘已經有條長龍係門口，好彩一夠鐘開門條隊都清得好快，大家一早已經揀定要買咩，唔會左揀右揀好合作👍🏻👍🏻賣相唔錯，爆曬餡非常足料，各樣料既份量適中味道調較得啱啱好。最讚係：1）泡芙比一般泡芙專門店更加鬆脆，食落唔會滯既質地👍🏻👍🏻新鮮既texture絕對係第二度伐唔到，雪過就會硬左唔係咁架喇，一定要試下！2）Cream超級香咖啡味朋友食既係朱古力味，據佢講好濃唔算膩。我哋兩個都有翻焯既意欲🤗雖說唔膩，但其實都好大個，口痕如我中午食完之後直到晚飯之前都冇摷過野食🤣🤣平時三點就開始搵野食哈哈哈

之前一直都好想試，但每日都有限量供應，而且得2段時段可以去買，一直都好難夾到時間去，住家終於可以試到人氣泡芙喇因為排隊每人只限買4個，一於就買哂當日嘅口味，而每一個都是同樣價錢$28🍫髒髒比利時朱古力麻糬 (9/10)呢一款好適合朱古力控嘅朋友，真的是必試，好濃朱古力味但又唔會好甜，連麻糬&Cream 都是用黑朱古力口味😋食完都唔會覺得膩🍵小山圓抹茶小倉紅豆麻糬 (8/10)有微苦澀的抹茶cream 再配上紅豆嘅甜，味道好夾🌾日本玄米茶黑芝麻糬 (8/10)玄米茶味道係淡淡地但好香，配上非常濃郁嘅黑芝麻，可以平衡返個味道🌰榛子粒玫瑰伯爵麻糬(9/10)伯爵茶好香濃，表面撒上玫瑰及榛子做點綴，增添美感總括來講，泡芙係脆皮款式，中間夾住好似雪糕形狀的Cream及麻糬，麻糬都做得好煙韌，而且用咗低糖配方，唔會覺得好甜，泡芙size 一點都唔細，食完都好飽，好滿足😆而且因為都好大個，我食到好無儀態😂好論盡！🌟出發排隊前留意當日售賣情況，如果預訂已滿，當日可能無現貨賣🌟真的好想去食嘅朋友，記住1315 /1715👈🏻兩段出爐時間🌟買唔到現貨朋友都唔使灰心，小店係可以預訂的，詳情🔎可以去返佢哋IG

鰂魚涌一直有一間位置隱蔽但魅力沒法擋的#黃店 小店🤍每天新鮮出爐的泡芙在門外已經聽到它們的召喚了🏃🏻‍♀️.// 巨型Puff空氣感很強💨而且每一顆都漲漲的🐡 超！級！爆！餡！💫感覺它們的內餡隨時掉下來🤣//1. 髒髒比利時朱古力麻糬🍫// 好像沒見過一粒麻糬是完全給朱古力包裹住，完全是一粒髒髒麻糬🤤🍫脆皮是用黑濃朱古力所以不會很甜😚而cream也是滿滿的可可愛🤎就好像在食朱古力雪糕一樣濃(๑ּగ⌄ּగ๑) //Food：🌕🌕🌕🌕🌕🌖2. 泰式奶茶麻糬🪆// 一打開盒子就聞到泰式奶茶超香🤩cream沒有到很濃 但是每一口都有那個茶香食到!!! c(ˊᗜˋ*c) 麻糬也很有份量(๑•̀ㅂ•́)و✧ 但是厚度也剛剛好🤍軟Q軟Q的🤏🏼//Food：🌕🌕🌕🌕🌕🌑3. 海鹽焦糖咖啡🍯// 咖啡味超濃🥰好高質!!! 表層有咖啡糖讓整個puff本身也不會沒有味道✨除了咖啡忌廉以外 裡面還有一個牛奶布甸🍼 牛奶味超香濃🤍但如果和其他配料一拼食的話味道就不是太明顯~//Food：🌕🌕🌕🌕🌕🌖.如果想食一定要預早在門外排隊啊！因為幾乎每天都大排長龍 出爐不久很快就會售罄了🈵！而且要注意 @healing baker

今次帶大家嚟到鰂魚涌一嚐人氣脆皮麻糬泡芙 （@healing_bakery) ---- 治癒菓子店，同大家成日見到嘅鬍鬚爸爸🧔🏻唔同，唔係大量生產，每個都人手製作，味道仲每日唔同，每隻口味都非常特別，包你出面食唔到㗎！.髒髒比利時朱古力麻糬泡芙 🍫第一個先食朱古力味，面頭有朱古力淋醬同可可粉，下面有朱古力麻糬，中間就係朱古力Cream，以為就咁簡單咁就錯啦，食落入面仲有一塊塊嘅比利時朱古力，但佢地採用嘅係低糖配方，所以朱古力味都唔算好甜。.Oreo脆脆麻糬泡芙 🍪滿滿嘅Oreo碎，配埋忌廉同原味麻糬，我哋最鍾意依款！ 因為麻糬本身無乜甜味，而上面甜甜嘅Oreo碎就Balance返個味道。.煉乳草莓麻糬泡芙 🍓草莓煉奶味道嘅Cream好大舊好挺身，好似食緊酸酸甜甜嘅雪糕咁，配返下面嘅原味麻糬，所以都唔會太甜。.小山園抹茶小倉紅豆麻糬泡芙 🍵抹茶同紅豆係絕配，微苦澀嘅抹茶忌廉配甜甜嘅紅豆泥，下面仲有抹茶味麻糬，好夾！.Foodastics排名: Oreo > 抹茶紅豆 > 煉乳草莓 > 髒髒朱古力.除咗以上四種，佢地仲有十幾廿種唔同味道，剩係抹茶都有三四種唔同配搭

治愈菓子店每隔一段時間就會心癮起，幫襯在附近的人氣小店治愈菓子店。這家店是我見過最神奇的店，不是每一天開門，就算開，每一天也最多只開兩個時段，13:15及17:15，口味每天也有變化，要上它的網站看。由於營業時間短，買的貨也很少，因此每次開門營業時都是大排長龍的，而且味道很特別，顧客多是正常的。我很怕甜品會太甜，所以喜歡這家店的甜度不高。是日口味一共有四種：我選擇了以下兩種：Mocha朱古力咖啡麻糬台灣茉莉綠茶黑芝麻糬這裏的泡芙外層與眾不同，比一般泡芙外層更鬆脆，咬下去會有清脆的聲音，香味也濃郁。麻糬不太甜，口感煙韌，和泡芙整體十分合襯。這家店的特色，一般會有兩球淡忌廉，分別有兩種口味：台灣茉莉綠茶黑芝麻糬茉莉綠茶口味有淡淡的茶味，不過底下的黑芝麻味道更濃郁，要單獨吃綠茶口味才能吃出茶味，不然的話會徹底被黑芝麻蓋過，但兩款味道也很天然。Mocha朱古力咖啡麻糬底層的淡忌廉是朱古力口味，上面的是咖啡口味，再配上比利時朱古力脆脆，一入口是滿口甘香的朱古力及咖啡口味，是我其中一種最愛的味道。麻糬更細心地灑上可可粉，增添賣相與香氣。總評分： 8.5/10(評分準則是基於對食物味道、賣相、餐廳環

招牌麻糬 x 脆皮泡芙💛店主每日都會喺ig公布現貨出爐時間同埋泡芙口味💛真係唔係咁容易買到 要撞正佢出爐而你又得閒去買😂😂😂出爐嘅時間佢先會開門 而且要排隊買 每人都有限購買件數 所以最好一出爐嘅時候就去買.泡芙好大個 喺街食有啲論盡 佢舖頭度有張長枱 不過就冇位坐😅.泡芙嘅外皮好鬆脆麻糬都幾大塊 而且口感好煙韌 好軟熟 啱晒鍾意食有口感嘅人又唔算太甜😋 🌟髒髒比利時朱古力麻糬 🍫🌟日本豆乳黃豆粉麻糬🍮 $28

<治癒菓子💛>之前有朋友請食呢個泡芙做散水餅一直念念不忘🥰店舖每日只有2輪出爐時間而且有4款味揀～～仲要唔係日日有現貨咁岩有日平日去鰂魚涌做野先買到🥺.今次我買左抹茶、髒髒朱古力同阿華田！😆💛每個泡芙都好大粒😚外層鬆脆而且入面都有舊軟綿綿嘅麻薯😍😍麻薯厚身又大份連埋cream食都唔會好甜！抹茶味同朱古力味都好濃郁💕💕💕.📸 #治癒菓子地址：鰂魚涌英皇道901號英麗閣地下D1號舖.