河內大娘越南餐廳 (已結業) 查看

上星期五同屋企人嚟河內大娘晚飯，網上見食評唔錯，食完覺得唔值，諗咗兩日決定寫食評。如果對食有啲要求嘅人，係唔會幫襯。我強調員工服務係無問題，只係19:30落單已經咩都無，例如無紅豆冰、龍眼冰等特飲，蒸粉包亦都無啲食物最大問，係碟餐牌上寫嘅咖喱牛坑腩$99。上枱時賣相已經唔得，咖哩汁似一灘水，牛腩用料絕對唔係坑腩，非常瘦咬落似柴皮，份量好少，薯仔得幾粒細嘅，自己屋企煮嘅好食過佢。另外叫碟烤薄餅點咖喱食，$3x 原來得一塊開四小塊，上枱見到份量好後悔，根本係超市有得賣嘅薄餅。其他有點嘅食物例如牛車快沙律，奧巴馬撈檬，問題不大三個人埋單$530 已經計咗網上訂枱八折，呢個價錢算貴，尖沙咀其實好多選擇

最近日日又熱又落雨，搞到個人無咩胃口，日日淨係想食凍野😂前兩日响尖沙咀見呢間越南野幾多人食就入去試下🍜燒大蝦柚子沙律呢個沙律有沙田柚同紫椰菜絲响入面，口感爽脆清新，又帶有柚子既酸味，而大蝦就有兩大隻，厚肉彈牙，成個配搭好fresh同開胃，啱晒夏天☀️🍜皇牌火車頭 一上枱就知唔小野，配料十分充足，有牛柏葉、牛筋、牛丸、生牛肉、扎肉、蘿白等，份量好夠多，湯底好夠牛味又清甜，河粉索哂湯底既精華，好入味😋🍜香茅豬頸肉撈檬撈檬係夏天食越南菜一定要點，配上魚露、蘿蔔絲、生菜絲等，口感豐富👍🏻香茅豬頸肉唔算濃味，成碗都幾清新仲叫左兩杯特色飲品，分別係青檸梳打同龍眼冰，我飲左龍眼冰，用料充足，好多龍眼响底下，清甜又解渴😃整體上食物份量同味道都中規中矩，價錢算合理，服務態度都好好，值得一試😚

嗰日7點半去到 吾算多人 但我一坐低左就慢慢多人🤣餐廳裝修好有越南風味😽而且店員服務態度好好會主動介紹食物😍〖順化粉🥘〗順化粉嘅材料同步驟都係比較複雜嘅而佢地嘅順化粉材料好豐富有豬紅、豬手、牛展、扎肉份量都好多 而且湯底清得嚟有淡淡嘅辣味想食特色越南菜嘅人可以一試！〖🐷香茅豬扒撈檬🍲〗去越南餐廳當然要食個撈檬啦！呢個豬扒整得好香而且唔會整到好韌！撈檬嘅份量都多 一個人一碗一定夠食！〖牙車快🥗〗平時都會好奇牙車快係咩嚟牙車快其實就係類似雞絲沙律咁而佢地就係用咗雞髀絲！呢道菜酸酸甜甜咁 作為前菜嚟講好開胃〖大娘秘制牛油雞翼🐔〗嘩！呢個雞翼炸得好脆！入面啲肉好滑 又啖啖肉而且一咬落去啲肉汁出晒嚟！〖蓮子龍眼冰🥤〗平時啲龍眼冰都會甜得濟但佢地嘅龍眼冰唔會特別甜蓮子又多 龍眼又大粒！

呢幾日熱到唔識形容，收工嚟到尖沙咀麼地道一帶同人交收，肚餓之際，入左嚟呢間幾有風味既越南餐廳。芒果鮮蝦米紙卷好適合夏天叫既小食，外層軟腍既米紙卷包住芒果、鮮蝦，蘿蔔絲等餡料，沾上醬汁一齊食，清新得嚟非常開胃。越南烤肉串烤肉串味道則相對濃味，不過又唔會太鹹，外層甘香，咬落肉味濃郁。香芧烤雞扒撈檬雞扒好大塊，亦好細心地切開做細份方便食，雞皮金黃色，咬落香脆，肉質亦幾滑嫩。撈檬啱哂咁熱既天氣食，配埋酸甜汁同埋炸蔥、蒜粒、蘿蔔絲等配料，滋味又開胃。香芧豬扒飯本身以係煎豬扒，原來係炸過的，豬扒都拍得鬆軟，唔會好難咬，食落香芧既味道都幾突出。蔥油配飯一流，食到好飽。蓮子龍眼冰龍眼果肉大粒甜美，蓮子帶微甘，健脾益腎，成杯飲品既甜度亦調得啱啱好。咸檸梳打入面有半個咸檸檬，飲落好爽，冰凍又消暑。

呢排天氣熱辣辣🔥熱到個人冇乜胃口 想食啲開胃小小嘅菜式令我諗起去越南旅行食過既野食  即刻決定嚟緊呢餐就食越南菜 脆皮蝦捲🦐撈檬 $69佢嘅脆皮蝦捲樂樂脆卜卜 食得出啖啖蝦肉嘅味道 對我嚟講撈檬最緊要個醬汁 個魚露味唔會太搶 調得啱啱好檬粉唔會太碎 一口檬粉一口脆皮蝦捲食到胃口大開🤣 大良王牌火車頭 $89🐮生牛肉、牛展、牛丸、牛柏葉、牛根係我食過既火車頭入面數一數二既多餸 湯底唔會太濃 唔會食到落尾覺得膩 配埋d料岩岩好 牛丸🐮超有牛香又彈牙牛根唔會太淋又夠多 芒果🥭鮮蝦🦐米紙卷 $79芒果超甜 隻蝦好大隻又爽口成個卷好大份👍點埋個醬汁炎炎夏日一流 蓮子龍眼冰🍹 $39呢杯嘢飲係佢哋自家煲嘅唔會一味淨係飲到糖水味又有龍眼嘅清甜 仲有粒粒蓮子咬下下次去我會再飲呢杯 咸檸🍋梳打🍸 $29咸檸味好足 消暑解喝一流 如果佢大杯d就好喇👀

好耐無食過越南料理，今日出開尖沙咀，就同姐姐一齊搵左哩間越南料理黎試下。餐廳裝修勁有越南風味，而且啲座位亦非常闊落。餐牌上面既選擇好多，最後我地揀左一個王牌河粉、一個檬粉同埋一個小食。🎈大娘皇牌火車頭 $89配料有生牛肉、牛展、牛丸、牛柏葉、牛筋，非常豐富。生牛肉嫩滑，牛丸彈牙，牛味濃郁，有肉汁，真係好出色！牛柏葉夠爽口，牛筋黏口有咬口，河粉唔會太霖，唔知大家知唔知道河粉隔夜既話一夾就碎，但哩到唔會咁樣，證明河粉都係新鮮既，而且入口滑溜，湯頭亦清甜，加埋辣椒同青檸汁更好味。🎈越南海鮮湯檬粉 $89配料有豆卜、鮮蝦、鮮魷、魚餅、蕃茄、青菜，材料豐富，鮮蝦都幾大隻，檬粉滑溜，蕃茄湯底清甜。🎈大娘秘制牛油雞中翼（4隻） $49雞翼炸得酥脆，係蘸麵粉既過程中已經加左蒜蓉，好重牛油同蒜蓉既香味，裏面既雞肉亦唔會乾。🍹青檸梳打$29及蓮子龍眼冰$32青檸梳打酸酸地，幾開胃；蓮子龍眼冰裏面蓮子既數量非常多，可以清熱氣😆 蓮子已經去晒芯，所以食落唔會苦。整體黎講，餐廳既河粉比較出色，鍾意越南河粉既人都可以試下。

尖沙咀其實都幾多正宗越南菜，一直都聽過呢間「河內大娘」個名咁特別🤣好難唔記得，今日同事請食lunch，佢擇左呢間😆😆咁我就梗係痴餐食啦🎊.坐低之後店員就推介「越南烤豬肉奧巴馬粉」，話係奧巴馬喺越南食過嘅菜式😍好似幾吸引咁，其實係秘制醃豬肉再烤過，加上扎肉同檬粉撈酸辣汁，夏日食呢個無湯既，涼涼地好夾。同事叫左「香茅烤雞扒湯河粉」，個人喜歡河粉多一點，比較淋身又彈牙，烤雞扒超大件不得了（可睇筷子與雞扒比例），外皮脆得黎唔甩皮，咁厚肉都好滑身。.小食諗左好耐叫米紙卷定炸物，但又怕熱氣，最後叫左「芒果鮮蝦米紙卷」，成1/3個芒果成片卷入米紙內😁鮮蝦好爽身。.兩個怕肥既擇野飲就擇左「咸檸梳打」同「青檸梳打」解渴得黎唔會肥，冇咁罪惡咁🙈

同朋友係尖沙咀行街，諗住好耐無食過越南野，所以就搵左呢間餐廳。由於唔係好肚餓，於是嗌左2個小食，1個粉同2杯野飲。1. $89 鮮茄蟹肉湯檬 Tomato bun canh cua ca chua, 湯底係用鮮茄煮既，唔同出邊用茄膏，所以味道唔會咁濃，反而飲落幾好飲，無味精既感覺。另外有2隻大蝦加一堆蟹肉，夠曬足料，大蝦仲幫你剝埋殼，細心。2. $49 牛油雞翼 canh ga chien, 呢個炸得夠脆加上加左啲蒜蓉，好味😋3. $79 軟殻蟹米紙卷 cua cuon da nem, 大大舊米粉同軟殻蟹，淨係食呢個都夠飽😂4. $32 青檸梳打 bac ha soda5. $29 鹹檸梳打 chanh muoi soda我鍾意佢野飲都無另外加糖水，飲落夠解渴。Overall,餐廳地方唔算好大，同埋我夜去所以唔多客，坐得舒服，staff亦都有禮貌。

同朋友去K11行街 又唔想食嚟食去都係嗰幾間決定行去尖東搵好野食見到呢間裝修得好有越南特色嘅餐廳入面都幾多人食 一於會一會佢😎🌟燒牛柳沙律一口香茅牛柳配上爽口椰菜沙律用上酸辣秘製醬汁唔好睇嗰汁好紅 其實只係微辣酸甜味重 非常惹味開胃🌟鮮茄蟹肉湯檬一上枱真係嚇親💗因為蟹肉真係超多份量多到每啖檬粉都有蟹肉餸到🤤蟹肉係自家手拆 鮮甜又唔腥完全感受到廚師嘅用心仲有好大隻嘅鮮蝦同扎肉 份量十足👍🏻茄湯湯底非常清甜 仲有好香嘅東南亞香草味但味道唔會過濃搶左海鮮嘅鮮味🌟香茅豬頸肉撈檬豬頸肉絕對係亮點！外皮烤得脆卜卜 肥瘦適中撈檬嘅魚露都係靈魂黎依度嘅魚露味道正宗蒜頭味同青檸味夠又唔會太甜亦唔係坊間充滿辣椒衣嗰種完全係以前去越南旅行🇻🇳食過嘅嗰種味道🤤🌟蓮子龍眼冰食完熱氣野梗係要飲杯蓮子龍眼冰潤一潤龍眼乾同蓮子超多 杯野夠晒甜好飲🌟青檸梳打依杯係朋友叫嘅所以只係試咗一啖覺得青檸味足朋友都話話好鐘意佢夠酸夠青檸味因為唔酸=落好多糖or唔夠青檸餐廳坐得舒服 入面仲有好多富越南特色嘅裝飾 天花板仲有一串越南草帽裝飾而且食物味道正宗 特別係嗰魚露同豬頸肉見佢嗰menu仲有好吸引嘅越式法包下次一定要試試

🎏️ 食盡油尖旺 — 河內大娘✨#90cp尖沙咀篇 #90cp越南篇➖➖➖➖➖唔講唔知原來尖沙咀近尖東呢邊有一間咁地道嘅越南餐廳😎🇻🇳 既然冇得去越南 就喺香港試吓越南地道嘅菜式啦🤟🏻美味指數 😋: ⭐️⭐️⭐️ ~ ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🔸 王牌火車頭佢嘅王牌火車頭用料非常足😋 有齊牛柏葉 牛丸 牛筋 生牛肉 見到都已經想食🤤 佢嘅牛肉亦都係非常之淋 牛丸亦都相當之juicy!! 麵質方面唔會太鬆散 但又唔會太硬 都算中規中矩😌 最後當然唔少得湯底啦 佢啲湯底都算清甜 飲落都唔會太油!!✨ 奧巴馬粉店員話呢一個粉係因為奧巴馬食過🤣 所以被稱為奧巴馬粉😂 其實佢都只係撈檬 不過味道居然係最有驚喜!! 首先佢嘅牛肉非常入味 好似喺串燒店食嘅牛肉咁好juicy😍 另外佢個汁酸酸甜甜 越食越上癮同開胃👍🏻 果然係奧巴馬食過嘅粉!! 🔸 燒大蝦柚子沙律兩隻大蝦已經非常搶鏡 食落去肉質都唔霉 但口感又未至於好結實🧐 呢個沙律同樣都係酸酸甜甜 作為頭盤啱晒非常開胃!! 佢個醬汁酸

尖沙咀美食雲集，今次嚟到見到呢間越南菜餐廳——河內大娘，餐廳設計好有越式特色，氣氛好好，所以入去食dinner😍皇牌火車頭 Pho Bo Thap Cam- 皇牌果然係皇牌，火車頭真係幾好食，份量超足，河粉索晒濃湯嘅精華；配料嚟講都好多元，有牛筋、牛柏葉、牛肉、扎肉、牛丸等等，牛味十足，非常惹味😘越式海鮮檬粉 Bun Hai San- 海鮮檬粉一上台都非常亮眼，各式各樣嘅海鮮佈滿整個碗，有超級大隻嘅蝦、新鮮嘅魷魚圈，吸引到爆😍- 湯底味道酸酸甜甜，仲有好重嘅蕃茄味，醒胃惹味，好好味😋芒果鮮蝦米紙卷 Shrimp Xoai Tom Cuon - 呢個米紙卷都十分令人驚艷，紙皮香軟淋身，配搭埋鮮蝦、紅蘿蔔絲、青瓜絲等等，口感清新爽口，消暑一流；值得一讚嘅係呢個米紙卷有埋芒果，芒果嘅鮮甜將成個味道層次昇華不少🤩蓮子龍眼冰 Nuoc Hat Sen-Longan- 呢個龍眼冰都超級好飲，清甜彈牙龍眼肉配搭埋口感綿密嘅蓮子，口感層次好豐富，又有得飲又有得食，冰涼透心，大力推介一定要嗌😚青檸梳打 Chang Da Soda- 鍾意有氣同酸甜飲品嘅人一定要嗌呢個青檸梳打，青檸嘅酸味酸得非常到位，啱晒

最近食得太多西餐、日本野，今日轉轉口味😝以前讀書個陣好鍾意幫襯一間越南野，估唔到原來公司附近都有越南餐廳！放工搵到伴就即刻黎試下😋大娘皇牌火車頭最地道嘅牛肉河粉，十分足料！有生牛肉、牛展、牛丸、牛柏葉、牛根，成碗都係餸🤤河粉嘅份量都算多，湯底亦都唔錯👍🏻越南烤豬肉奧巴馬粉好特別嘅名，一問之下發現原來係因為奧巴馬喺2016年訪問越南個陣，食左一款烤肉粉，自此就令呢款粉廣為人知，用左佢個名去命名😆呢度嘅豬肉係自家醃製完再喺現場烤，入味得黎又唔會太濃太鹹，撈檬嘅酸甜汁好好味夠哂開胃，岩哂熱辣辣嘅夏天食😋大娘秘制牛油雞中翼一人一碗粉我地點會夠喉🙊一場黎到梗係要試埋佢個牛油雞翼！一份有四隻，牛油味都幾重，但又唔會太油變左油浸雞翼，咬落去亦都脆口，一定要襯熱食😋😋大娘真多冰🥤咸檸梳打朋友叫左真多冰，料多椰漿味重，好飽肚😂我就醒喇，叫杯梳打，食飽之後飲埋就gur哂😆😆

今日去咗尖東行街，突然之間想食越南嘢，於是去咗呢一間。咁呢間鋪唔係好大，但裝修得都幾有越南特色，天花掛晒燈籠咁。我哋兩個人嗌左兩個主菜，嗌咗一個好特別嘅叫奧巴馬粉，聽人講係奧巴馬去越南嘅時候都會嗌嚟食嘅，個粉好似其他檬粉咁，有個酸酸辣辣嘅汁，配埋啲醃好咗嘅豬肉，個豬肉醃得好入味，幾好食。另一個餸叫順化粉，係好地道嘅越南菜，同其他湯粉一樣，不過啲餸比較少見，有扎肉，豬手，肉丸，豬紅。個湯有少少辣，有少少東南亞嘅風味。之後見仲食得落就嗌多咗一個烤肉串，上碟仲熱辣辣，應該岩岩焗好，外脆內軟，仲有啲肉丸，正。

記得朋友之前帶我來過這裏一次，印象中是一間不錯的店子，當時是大夥兒來可以嘗很多不同美食，今次再到訪，只有兩個人，這次吃比較簡單的食物。簡簡單單一餐，不想太油膩，前菜是芒果鮮蝦米紙卷，是很香甜的呂宋芒，包着滿滿的檬粉。看見旁邊的食客比較多點湯粉，我們也來了一個王牌火車頭，份量非常大，材料豐富，特別欣賞牛丸。老闆娘推介奧巴馬粉，我知道是越南的名物，既然在香港也可以嘗試，當然不會錯過，其實就是烤豬肉，點甜酸汁，再配一些冷檬粉，聽說奧巴馬在越南品嚐過這個菜式，所以到處都叫他奧巴馬粉。好了，當然還有越式飲品，我的蓮子龍眼冰很好喝，真的有龍眼和蓮子，而且大大杯，一個人差點喝不完。來到尖沙咀要吃越南菜，想要價錢經濟實惠一點，我想這間河內大娘是一個不錯選擇。提提大家，餐廳裏面沒有廁所，最好先在附近的大型商場解決好才開餐！

同朋友喺尖沙咀行完街去醫肚，當然唔少得佢至愛嘅越南菜，仲有我好掛住嘅蓮子龍眼冰。餐廳食物選擇唔少，而且價錢非常合理，一直係我同朋友嘅飯堂。越南烤肉串用免治豬肉整成，外皮香脆，入口帶少少肉汁，肉味香濃，頗為香口。香茅豬扒飯份量唔細，望落雖然平平無奇，但食落係有驚喜，薑蔥油更加係靈魂。香茅豬扒雖然唔算好厚，但勝在炸得夠哂香脆，入口肉質軟腍，香茅味亦夠重夠惹味。皇牌火車頭亦係大大碗，而且材料好豐富，有生牛肉、牛腩、牛柏葉、牛丸、牛筋同扎肉，非常吸引。牛腩肉味香濃，肥瘦適中，而且煮得夠哂軟腍。牛丸非常出色，爽口彈牙，咬落去非常juicy，十分推薦！珍多冰大大杯好足料，飲落好香椰汁味，甜度適中，粉條亦落得好大方，非常滋味。蓮子龍眼冰超足料，係我嘅至愛，熱飲更加原汁原味，唔會好似出面其他舖頭咁用糖水去溝，飲落清甜滋潤，蓮子亦唔會太腍，我次次都連渣食哂。鬧市之中難得有間價錢合理嘅越南小店，食物質素有保證之餘，店員服務亦唔錯，非常推薦。