河內大娘越南餐廳 (已結業) 查看

一向都鐘意食越南菜今晚黎到尖沙咀行街行到攰又唔知食咩好咁啱經過見到河內大娘早排見個frd食過話幾好就入去試下啦每次睇menu我都會有選擇困難😂太多野都好想食 但又唔可以眼闊肚窄浪費食物不過作為一個雞翼控無論食咩菜式都好都一定會叫雞翼😂今次就叫咗牛油雞翼一黎到已經超香食落去d牛油味已經超勁但又唔會食完個d成個口油淋淋超級鐘意牛油既我真係覺得冇叫錯另一小食 黃金炸魚皮由細到大我都超鐘意食炸魚皮 但唔係間間都炸得好食㗎呢度既炸魚皮勝在用蛋黃炸一炸佢成個feel都即刻唔同哂雖然冇咁唔用蛋黃炸咁脆但係脆得黎食落唔覺得太熱氣同埋用既蛋黃炸得啱啱好唔會食完覺得好漏順化粉個湯底超啱我呢個牛魔王牛湯超濃忍唔住都要飲多幾啖餸都好多 有豬紅牛展扎肉同埋豬手唔洗怕唔夠飽另外仲叫多咗個奧巴馬粉個名真係好好笑其實都係貪得意先叫😂不過個個豬肉烤得好香口好惹味每個餐都包杯野飲幾推薦龍眼冰 唔太甜但飲得出濃濃的龍眼味

餐廳喺尖沙咀漆咸道南近K11，室內掛滿越南斗笠，廚房佈置到成間草屋咁，好有越南風情。今次唔係第一次去食，鍾意呢度係因為食物好有越南地道風味，又不時推出新菜式。【龍眼蓮子冰】雖然杯飲品叫「冰」但係可以揀熱飲㗎。蓮子清心補脾腎、龍眼補血安神，出面咁凍，飲杯甜溫熱又甘甜嘅滋補飲品就啱晒。一定要食埋啲蓮子同龍眼肉呀。【青檸梳打】朋友就話食越南菜飲凍嘢先爽，青檸梳打夠晒fresh，就算冬天都feel到夏天嘅chill感覺喎～【大蝦柚子沙律】大蝦係熱嘅，食落爽口鮮美。下面係好多果肉嘅柚子沙律，酸酸甜甜再加少少辣，清新又開胃。【越南烤豬肉奧巴馬粉】用秘製方法烤嘅豬肉，香烤味同香茅味重，配甜酸汁嘅檬粉一齊食，或者用生菜包豬肉嚟食，都充滿越南風味。【順化粉(豬紅、豬手、牛展、扎肉)】冬天梗係整碗熱騰騰嘅湯粉，呢碗粉好多肉做配料，食完熱量十足。豬手多肉，肉質鮮嫩juicy；扎肉厚切，有啲粒粒軟骨。全碗粉最精粹係個海鮮湯底，用米線做底，掛湯能力高所以食落鮮味十足，更提升鮮肉味。

距離上次去峴港已經三年時間，也有一段時間無食越南菜，尖嘴買完野，順便到河內大娘品越南菜。兩人點了三樣野。順化粉哇，好豐富呢，有🐷手，扎肉，豬紅和牛展，料好足，扎肉香，豬手瘦肉多，牛展口感佳。來一口湯，原來係湯加左蝦🦐醬，好喝。奧巴馬粉唸起奧巴馬口號"Change",越南菜不單出名只食河粉，欣賞餐廳的新創意。個人好鐘意食餐廳既豬扒肉，條狀，肉嫩汁香。芒果鮮蝦米紙卷芒果鮮甜，蝦🦐大肉飽滿，米紙卷真係薄如紙，所以蝦肉芒果🥭味道好突出。 蓮子龍眼冰 ，呢個組合味道不錯，好適合女生飲。

好耐無食過越南野啦 呢間越南餐廳就係尖東站P3出口隔離 非常方便 今日就入左去試下啦😆前菜我哋先試左個燒大蝦柚子沙律🥗 大蝦比想像中大隻 爽口彈牙🤩 好細心中間剝左殻 蝦頭仲有膏😍 調味後燒果然有越南風味🇻🇳 柚子特地選用紅肉 更清甜👍🏻主菜我地就食左越南海鮮檬粉同奧巴馬粉🍜 越南海鮮檬粉湯底用上蝦去熬製而成 加少少辣味 鮮甜無味精又惹味 仲有2隻大蝦 豆卜 魷魚 蝦餅 好豐富🤤 奧巴馬粉其實係奧巴馬係越南食過既一個豬肉撈檬而名名 豬肉用不同香料 香茅醃過 偏重口味 配埋撈檬食就岩岩好啦😛飲品方面我地就揀左青檸梳打同蓮子龍眼冰 蓮子龍眼冰原來係佢地自己煲既 用蓆糖煲成 唔會好甜幾好飲🌟

真係好耐冇食過d咁唔抵食既越南野～ 冇第二次！❎ 火車頭湯河 ($89)未食過咁難食既越南河 湯底有陣啖啖藥材味 又淡到好似水咁。河粉質地份量正常 餸入面牛柏葉冇味 牛丸同生牛肉比較正常 札肉得一塊 好唔抵又難食➡️ 奧巴馬粉 (~100 唔記得）撈粉相對比較正常 不過粉量好粉 d肉都正常味❎ (左) 自家製春卷 (+$19)19蚊得兩舊仔 偏油➡️ (右) 烤豬頸肉紙米卷 (+$19)正常 豬頸肉ok 不過都係偏貴🦁 河內大娘越南餐廳 (尖沙咀)尖沙咀漆咸道南17-19號帝后廣場地下7-8號舖🦁 人均消費：~$130｜推介：空

.#哈比四圍食 #聽朋友講呢間餐廳最近主打嘅粉面幾好食，見佢喺平時返工附近，收工就帶埋同事一齊去試吓😆餐廳地方雖然唔算好大，但係都可以坐到20個人左右而且枱與枱之間都唔會好迫，同埋餐廳位置都好方便，喺尖東站附近，行過去都只係1至2分鐘左右☺️🥗 烤大蝦柚子沙律 $78隻蝦烤得好香，柚子沙律酸酸甜甜好開胃🍜 越南烤豬肉奧巴馬粉 $89冇乜胃口嘅朋友叫呢個就啱晒，個汁係酸酸地辣辣地，豬肉烤得唔會好乾仲好重香料味🍜 順化粉 $89係越南順化比較出名嘅一種米粉，大家可以試吓個湯底先，係好濃牛肉味嘅湯底，加埋檸檬葉嘅香味，唔錯☺️另外，每碗都有豬紅、豬手、牛展、扎肉，分量十足！

Brought my friend here to try their authentic dishes after shopping nearby. As we were a little earlier than the dinner crowd, the owner enthusiastically recommended a few new items, and we decided to give some of them a try! The pomelo grill prawn salad was something that we had already wanted to order last time, and it was a regret that I hadn’t tasted it sooner! There were 2 huge juicy prawns with shells that came off easily, and the pleasantly sweet-tasting pomelo mixed with the salad was su

今日同朋友行開尖嘴， 想食越南野又唔想揀大集團，行過就入左呢間小店。舖內有20座位左右，燈光較暗，仲有d越南擺設，睇得出都有落左心機。我同朋友就叫左兩個主菜同一個沙律share食。兩個主菜仲要係係其他連鎖店未見過既，要食緊係試新野！首先黎係兩杯飲品，蓮子龍眼冰清甜滋潤唔會死甜，加埋煲得好林好粉既蓮子，飲得又食得，唔錯唔錯。再黎一杯青檸梳打，比較淡身但好夠氣。 栖子大蝦沙律用既係紅肉柚子，開頭仲驚會苦澀，但加埋酸酸甜甜既汁同生洋蔥，成件事好多層次。大蝦方面有兩隻，好細心地剝埋蝦身既殼。隻蝦燒到有少少焦香味，蝦味一d都唔弱，係略嫌熟左少少。順化粉一黎到， 見到材料好豐富，有牛𦟌，牛栢葉豬紅同札肉。湯一黎緊係試下個沙底，湯底望落好清，飲落食得出有蝦味，微辣但又唔會見到油林林，感覺係無味精。牛𦟌夠林有牛味，我覺得最出色係佢個札肉，平時食開都係一舊粉，食落冇口感，呢個唔同，有d似我係越南食過個款，入面有一粒粒好似豬耳碎係到，爽爽地值得推介！奧巴馬粉有一團檬粉，隔離有碗酸蘿蔔汁，我諗好似沾麵咁，點汁食既。個豬肉粒出奇好食，中意香芽既人絕對唔可以錯過，勁香濃！豬肉睇上去好似煎到好老，但一落完全唔覺，

🦐烤大蝦柚子沙律🥗 $79柚子沙律十分清新甘甜，蝦亦都好大隻，肉質唔錯，沙律酸酸甜甜好開胃😋.🍅蕃茄蟹肉湯檬🍜 $89喺店長推介之下，就試吓呢個馳名嘅湯檬粉，有手拆蟹肉，大蝦，扎肉，魷魚，豆卜，炸魚餅，超豐富🥰可惜蕃茄味唔太突出，如果再濃啲就更加醒胃🤓.蓮子龍眼冰🍹 $39蔗糖係用焗，唔係煲，所以冇咁燥熱，配上蓮子特別滋潤，甜度適中，啖啖龍眼肉🤤.大娘真多冰🥤 $39綠豆係自家製，同綠豆條同椰奶一齊飲，都唔會太甜，比其他越南餐廳做得出色，有驚喜🥳.河內大娘越南餐廳📍尖沙咀漆咸道南17-19號帝后廣場地下7-8號舖

火車頭可以冇味，服務態度極差，只識sell貴價野，食一餐飯問足5次逼你點佢個燒豬，吾食就黑面，打算去試既人自己睇路咁多好評真係奇怪，未食過質素咁差既越南野，收費又貴，仲要限午市吾收信用卡，計到咁盡你都知咩料

休半日假待（呆）不住在家的我出門了過了午餐 下午茶時間沒得吃日本餐就吃吃越南菜吧跟越南菜不熟的我由店長推介在下吃越式海鮮湯檬粉哇～好豐盛啊有炸魚餅 豆泡 香菜（？） 蝦蝦 魷魚擺得靚靚的在我眼前還有被斬件的辣椒椒和檸角然後加點多杯越南咖啡因為沒喝過嘛 😂在下是大鄉里看到他好可愛啊在慢慢滴滴地滴出來心想好像清洒的袋吊深信味道十分香濃在在下多手打開蓋的時候店長走來跟在下說開了蓋會影響咖啡的味道 😅多謝提點在滴滴完了後他們會過來幫忙取走咖啡上面的。。然後幫你攪攪哇由深棕色變了奶棕色好神奇耶 😍再然後一杯香濃略帶微酸的咖啡就眼前程現了 🥰真的好香濃耶如果在下沒多手開蓋應該會更香更濃 💓很滿足地 飽飽地吃完了感謝招待

唸住食個晚飯，經過嗰頭見到門面都幾好和入面有三枱人坐，就入去食，我和男友二人本身唸住叫啲越南河粉，簡單啲，原因是不太肚餓，內裏有一個沒有戴口罩的女人招呼我們， 說有脆皮乳豬和烤魚很新鮮， 我們說慢慢睇，之後她就黑面態度極差👺， 最後我們叫越南河粉和豬扒飯及菜和飲品，她就說還有什麼要叫， 好像價錢平不滿意， 最後埋單亦沒有說什麼，感覺好差，好像受她氣，所以大家想食前唸清楚，價錢都不算便宜，而且食物很乾🥵🥵

一心支持小店，一星期前已訂位，到今日有個態度勁差職員致電先告知要最低消費，本人就講有最低消費冇問題，不過應該早講聲，職員一嚟就話你7個人好難翻枱，咪要最低消費，我哋好full,咁你嚟唔嚟，我話如果唔嚟先講，佢仲chur我唔嚟就早講，感覺我未食飯已受佢氣，即刻轉場，亦嬲到忘了打去，最後7:45原來有個手提電話打來miss call,我完全唔知係佢哋，直至晚上10:00我之後比意見呢間所謂負責人，老闆娘，佢一攞起電話，就想鬧我咁，話你最後都冇嚟呀嘛，我哋留咗枱比你到7:45，但態度係極差，話佢同事最後一日返工，我唔知佢咁講架喎，又話難得爆枱，係不嬲要收最低消費，但唔係即日通知，天下烏鴉一樣黑，唔怪之得有咁嘅伙記，一句道歉都或唔好意思都冇，仲話冇尾音姐，係咁架啦！呢啲垃圾舖頭，blacklist佢，冇諗住市道好返咁巴閉，鐘意收最低消費應該早講，唔係見爆枱就話要收，仲惡過客，第一次見，又唔係咩大集團，依家咁嘅服務態度睇吓幾時執吧！

LUNCH嚟食，見無乜人就入咗去。同朋友叫咗午餐，2碗粉加飲品（少冰）。一上枱就已經溶咗一層水喺面，咖啡味酸有燶味....碗粉叫了金邊粉，卻嚟咗河粉，咁照食無所謂啦。味道OK唔差既，但發生咗件事真係O曬嘴....我食完碗粉用牙籤了牙，放左喺枱面。而朋友未食完，點知個阿姐問都唔問，執起我支牙籤直接掉去我朋友碗粉度「食完啦嘛」，我朋友即時呆咗，因為佢仲未食完，只係傾緊電話...咁當然個阿姐連道歉都無，好似怪我哋唔講清楚咁，明明佢無問到就想執走我哋啲嘢，（果時間餐廳一半客都冇，又無人等位）完全係趕客！！！今次真係可以話，可一不可再 ✋✋

其實食物正常， 之前亦都一直有幫襯開 ，只是店員堅持唔帶口罩，就算我上前勸告，她都堅持唔帶， 我亦留意到廚房入面嘅職員都沒有戴口罩 ，所以我擔心食物衛生有問題 ，所以唔會有下次了。