沙田新強記燒鵝海鮮酒家

营业中

休息中

呢間係我返工附近 一直都好想帶屋企人過嚟試吓聽聞佢哋嘅燒鵝同乳鴿非常之出名😂真係聞名不如見面！！呢間雖然系用酒家嘅形式 環境同普通酒樓冇分別 價錢亦都唔貴 一定要試吓佢哋嘅湯😍香到隔籬枱度問店員呢個係咩湯😂呢款係羊肚菌燉雞湯 一盤可以飲到每個人三四碗😂都只不過係$168 真係好抵飲 裏面仲有半隻新鮮雞 同埋羊肚菌！呢度嘅乳鴿好出色 真係要試吓 我哋三個人叫咗兩隻share 乳鴿好鮮嫩 肉質唔鞋口 最緊要係燒得卜卜脆好香口 肉質必晒出嚟！九肚魚見到都吸引 炸粉好薄之餘 魚肉嫩滑無骨 真係必食推介！屋企老人家鍾意食啲簡單啲嘅嘢😂😂叫咗個南乳齋煲 裏面啲腐竹、粉絲、西蘭花、木耳同香菇都好新鮮 味道濃郁 撈飯食簡直一流！食到最後 店員會奉上紅豆沙/綠豆沙 飽飽好滿足！

⭐️沙田新強記燒鵝海鮮酒家⭐️📍: 大圍積運街2-8號海福花園47-50號地鋪⏰:8:00am-3:45pm; 5:30pm-11:00pm屋企人一向都好鐘意食中菜，今日去左大圍呢間人氣燒鵝海鮮酒家食中菜，🐓羊肚菌燉雞湯 ($168)食中菜我地多數都會叫個燉湯，好似平時食住家飯飲啖靚湯咁，我地揀左羊肚菌燉雞湯，真材實料，湯頭清甜有淡淡菌香，飲多幾碗都得😋😋燒鵝乳鴿小菜套餐 ($398)呢個小菜套餐可以一次過試哂佢地既招牌菜，有燒鵝皇 (例牌)、金牌乳鴿兩隻同兩款小菜，性價比都幾高🌟新強記燒鵝皇 (例)燒鵝皮燒到好有光澤，帶有淡淡既煙燻味，肉質厚實有嚼勁，肥瘦適中唔會好漏啱哂我😍燒鵝汁都好正，送飯一流👍🏻👍🏻👍🏻🌟金牌燒乳鴿 有兩隻乳鴿切好八件唔洗爭，乳鴿皮脆卜卜，肉質鮮嫩多汁，點埋淮鹽就最perfect💯🌟椒鹽九肚魚小菜方面我就叫左個椒鹽九肚魚，上枱熱辣辣聞到好香，炸得非常酥脆，魚肉好鮮嫩，香口惹味十足🥰🥰🌟南乳粗齋煲食左咁多肉要叫返個蔬菜平衡返，揀左呢個南乳粗齋煲，份量都幾多，南乳味香濃，尤其係枝竹最好食，吸收哂南乳汁既精華，好開胃😍食到最尾仲有糖水送，咁近我下次夜晚可以再黎食中菜😄#香

一直對新強記燒鵝所有聽聞，今日專程陪男朋友嚟大圍整車，順便喺呢間餐廳飲茶。男朋友一坐低就叫咗個叉燒切雞飯，佢嘅燒味真係值得一讚，叉燒帶點焦黑嘅邊位食落香脆，而切雞嘅肉相當之嫩，配飯一絕！另外梗係唔少得品嚐佢嘅新強記燒鵝王，一放入口就食到鵝油嘅香，而且好多肉汁，皮薄唔肥膩。點心方面就叫咗：潮州蒸粉棵、蜜汁又燒包、金珠鹹水角。粉棵好大粒，入面加入左花生、芫荽、馬蹄，非常足料，另外蜜汁叉燒包非常鬆軟，食落甜甜地；至於鹹水角，外脆內煙靭，鹹中帶甜！

係大圍站D出口一出，之後上天橋看到酒家嘅蹤影，因為有一排紅色嘅大燈籠🏮掛左酒家嘅門口，好特別！入到去也有一種懷舊7,80年代酒家嘅感覺，雖然有懷舊feel但都好乾乾淨淨，而且很光猛💡🔸麻香海蜇頭 $48我個人覺得夏天食呢一道餸係好透心涼😆海蟄既營養成分都高，有清熱，化痰，消積，通便之功效。海蜇頭好爽脆，香味突出辣辣地，係接受到的辣味。🔸金牌燒乳鴿 $48乳鴿新鮮熱辣辣，皮脆肉嫩多汁😋🔸沙田新強記金牌咖哩皇（牛腩） $108招牌牛腩，不像西餐一樣香濃的汁，咖喱牛腩煲漫漫長夜慢慢吃～這店子讓牛腩鬆軟～好吃之秘訣來了！ 朋友說就是煎完取出之肉塊要立刻放入冰塊水裡浸泡，有多了前置手續，煮出來的咖哩牛腩會軟嫩又有彈性喔，做到港式餐廳咖哩香濃牛腩，棒🔸炸大腸 $98炸到金黃脆邊，盛起稍涼切件，隨意加上芥末/甜醬/辣醬即享用，味道真的不錯！脆皮炸大腸跟街頭炸大腸的不一樣，吃得到用新鮮大腸～加上師傅技巧～棒.🔸盤龍鱔 $167相信不少人也喜歡吃鱔，也想了解一下如何處理一條鱔。這次朋友介紹的這店，豉汁蒸鱔這道菜式，材料包括鱔、豆豉、果皮、蒜頭，鱔片不會太薄，每塊約半吋左右，其間腸臟亦去走。鱔片與調味料拌

去大圍探朋友，之前都係下午過去，朋友就帶我地去新強記嘆點心同大圍三寶，佢既乳鴿真係一試難忘，皮脆肉嫩多汁，食到停唔到口~今次晏左入去，所以去食晚飯~我地叫左個$498餐，另外加白飯~套餐包括大班兩味，要自選兩款小菜~翡翠炒龍躉斑球斑球大件肉厚味鮮，配以甜豆彩椒，以xo醬爆炒，又鮮又香，非常惹味。金蒜蒸龍躉頭腩肉質紮實啖啖肉，粉絲吸收了魚油與鮮味，好吃~西蘭花炒雞片調味跟炒斑球是一樣的，同樣是以xo醬爆炒，嫩滑的雞片配以西蘭花，彩椒，惹味。梅菜扣肉煲肥瘦均勻，肉質鬆化。梅菜扣肉，一定要一山白飯，很下飯！另外仲有燒鵝乳鴿套餐，$398跟兩個自選小菜,很實惠！也有其他套餐供選擇~散叫亦可。今晚大滿足

是晚約三五知己酒局，已經唔係第一次嚟，鍾意呢度小菜有咁上下水準又唔貴，唔使就住嚟叫。見隔離枱碟燒腩仔幾靚仔，我又跟機叫咗碟。 燒腩仔冇肥膏就唔好食，但成口油我都麻麻哋，呢度就恰到好處，夠油潤但都係以瘦肉為主，啱晒健康嘅我。見到餐廳名就知道冇可能唔叫燒鵝皇，真係冇失望。 滿足到我想食燒鵝髀嘅渴求，同埋最鍾意食得層皮嘅位，特別甘香脆口，肉薄得黎幼嫩入味，過癮。炸鮮魷有大排檔風味，脆口乾爽，加少少避風塘炸蒜好香，送啤酒一流。

同屋企人嚟老字號新強記食飯，見佢個套餐好抵食！有呢度嘅皇牌燒鵝同乳鴿，仲可以揀多2個小菜都只不過係$398！真係好抵食👍🏻燒鵝乳鴿小菜套餐 $398 有沙田新強記燒鵝皇 (例牌)、金牌燒乳鴿(2隻)、菠蘿咕嚕雞球(自選小菜)、欖菜肉鬆四季豆(自選小菜)！燒鵝皮脆但係有啲啲偏瘦🤔我同爸爸鐘意肥燒鵝，不過熱辣辣食都唔錯！但係媽咪同家姐就鐘意冇咁肥，覺得好好味👏🏻乳鴿仍然好正😋皮脆肉嫰！肉質帶咸味，而且都算大隻啖啖用👍🏻果然係呢度號皇牌！如果重口味鐘意食咸嘅仲可以點淮鹽加味！唔錯👍🏻菠蘿咕嚕雞球啲菠蘿俾家姐掃晒😒因為佢係菠蘿控話好好味喎！我就覺得雞球炸得唔錯，外脆內滑！外皮仲帶啲啲脆卜卜😋咕嚕汁酸may may又幾開胃喎！欖菜四季豆最岩用黎撈飯😂但係我哋今次食雞粥！不過將啲欖菜加落個粥到食，我覺得味道又唔錯喎！四季豆份量都幾多，食極都有😆抵食！新強記雞粥 $168 (大)今次我哋成家人衝住呢個雞粥而嚟🤣因為終於可以一試聞名於世嘅沙田雞粥！果然慕名而來嘅我哋冇錯👍🏻雞粥好鮮甜又滑！雞肉都幾多，而且肉質都幾嫰唔嚡口🤔不過個粥有啲雞骨碎，食用時要小心！豐富嘅一餐就咁完結啦！我們這一家終於一嚐到馳名

之前嚟新強記都係午市食點心，感覺已經都好好，仲會外賣佢地嘅招牌燒乳鴿比外父嘆。今次嚟到大圍係晚飯時間，所以都唸到想試吓酒樓有住中國風外表，掛滿紅燈籠好易認，而入面裝修就同傳統酒樓相約，環境衛生，空間寬闊舒適。今晚就點咗個大班倆食套餐，夠四人用。餐包括翡翠炒龍躉班球金蒜蒸龍躉頭腩另外指定小菜內自選倆款首先睇吓個翡翠炒龍躉班球翠綠嘅甜豆配以xo醬炒龍躉班球，相當惹味，班球厚切口感豐富，食落新鮮，好下飯。金蒜蒸龍躉頭腩--入口即溶嘅魚油，粉絲吸盡魚汁，倆度都好滿意。自選我地揀左西蘭花炒雞片--呢度餸都唔錯，但大至上同炒班球嘅調味差唔多，如果落單時位同事有比個温馨提示，我地就可以試多樣較唔同嘅嘢。另一味自選小菜我地揀左梅菜扣肉煲，上菜時熱辣辣，而且每塊肉都肥瘦均勻，淡淡嘅梅菜香，如果多啲梅菜會更好味。四人用都係$600頭，都算掋食，下次會再嚟

由細到大都住沙田嘅女朋友(正宗沙田友)大力推介哩間海鮮酒家💪🏻話細細個已經成日同屋企人黎開飯！仲話自己係食哩度嘅乳鴿大🕊所以佢就突如其來組織左今次嘅“見家長”飯聚啦！😱初次見家長最緊要第一印象👍🏻一早book咗位唔駛walkin喺出面又熱又曬拎飛等位！印象分第一步✔️第二個step就係投其所好👍🏻問定女朋友平時auntie同uncle鐘意食啲咩餸！喺適當嘅時候附和一下 好感度🆙️UP！✔️👨🏻uncle同👩🏻‍🦱auntie鐘意食燒鵝🦢同乳鴿🕊咁啱就係新強記嘅招牌菜😏呢次真係天助我也！哈哈哈！而且仲做緊個優惠套餐🍽有齊晒兩款招牌菜 當然立即order‘’表忠‘’啦！😆燒鵝乳鴿小菜套餐 $398 -沙田新強記燒鵝皇 (例牌)-金牌燒乳鴿(2隻)-2個自選菜式(菠蘿咕嚕雞球,欖菜肉鬆四季豆)乳鴿外皮脆卜卜😋肉質又整得幾嫰滑喎🥰外脆內軟 真係一試難忘！香氣十足嘅同時都幾厚肉！食極都有幾襟食👍🏻uncle口味真係唔錯喎！燒鵝皇雖然係例牌不過都份量十足🤩四個人完全夠食！而且一上枱就聞到個種燒鵝嘅油香👃🏻睇到佢肉汁豐富🌊咬落去滿嘴油香🦢鵝肉鮮嫰🔥燒嘅火候啱啱好！難怪auntie食到lam lam脷啦😋女

一年前嚟過印象唔錯，尤其鍾意座位之間用大量透明易拉架隔開，感覺好衛生，今晚嚟到附近就encore下。豉椒炒蟶子 ($168)蟶子份量十足，厚肉爽口彈牙，真係有成隻手咁長咁大隻，媲美海鮮酒家嘅質素。 豉汁炒，惹味又有鑊氣，洋蔥、青椒、紅椒香到同朋友爭住食。脆皮燒腩仔 ($118)半肥瘦唔會太肥，瘦肉部份夠入味有肉汁，皮脆肉嫩，比起平時斬料買到嘅燒腩仔更加靚。椒鹽鮮魷 ($98)鮮魷本身好新鮮，難得地大隻厚肉得黎，肉質依然好有彈性，食到鮮魷嘅鮮甜味。 炸得非常脆、熱辣辣，唔會太油膩，如果粉漿可以再薄啲就完美喇。

今日去「威爾斯」抽血，回程時途經大圍，醒起已經有好一段日子冇幫襯過「新強記」，提議過去飲個中午茶。店舖好易認，門口及外圍都掛滿了紅燈籠，配上正門嘅金漆招牌，懷舊味濃。燒鵝、乳鴿同雞粥都係酒家嘅名物，一場嚟到，當然唔可以錯過。金牌燒乳鴿 ($48)  隻乳鴿一上檯已經聞到陣陣香味，外皮燒得超級香口，皮下只有薄薄一層脂肪，鴿肉軟滑又入味，用手拿著來吃特別有風味。沙田新強記雞粥 ($40)  雞粥以位上，用瓦煲仔盛載。雞件嘅分量好足，肉質嫩滑有雞味。粥底綿而滑，入口有米香，加上盡收雞肉精華，啖啖滋味。新強記燒鵝飯 ($58)  雖然只係點咗碟頭飯，但燒鵝嘅分量都唔少，鵝皮油光發亮，鵝肉鮮甜又多肉汁，而且肉質唔會太實，脂肪比例亦啱啱好，令人食得好滿足。椒鹽魷魚鬚 ($58)  魷魚鬚即點即炸，食嘅時候仲係熱辣辣，椒鹽嘅分量亦拿捏得剛剛好，做到惹味又不過鹹，入口酥脆又唔油膩，正。香煎芋絲餅 ($25)  呢款芋絲餅平時喺外面嘅酒樓真係好難會食得到，外面煎至金黃鬆脆，裡面係一片片嘅芋頭，一層疊一層，真材實料，入口充滿芋香，絕對值得一試。古法千層糕 ($25)  千層糕以糖冬瓜、鹹蛋黃、椰絲拌成餡，

通常入嚟大圍或者沙田 都會諗起沙田雞粥或乳鴿所以今次入嚟大圍 就同朋友食新強記燒鵝海鮮酒家餐廳可以叫套餐或單點難得嚟到 我哋就叫咗燒鵝乳鴿小菜套餐有一份例牌燒鵝 兩隻乳鴿 同兩份小菜乳鴿燒得外皮香脆內裏仍然可以保留到乳鴿嘅肉汁燒得唔錯而且味道啱啱好唔洗點淮鹽都好夠味叫得燒鵝餐廳 梗係要試吓佢哋嘅燒鵝啦以一份例牌燒鵝嘅份量嚟㗎都算幾多燒鵝肥瘦適中亦都嫩滑👍🏻小菜方面 我哋叫咗一份椒鹽鮮魷魷魚外層既粉漿唔會太厚外脆內軟上湯海味雜菜煲雜菜煲好足料蝦米瑤柱令到雜菜煲更加香而且仲有粉絲索左啲味之後 十分惹味而且個湯仲好好飲叫咗四個餸 仲要有茶飲都只係$468呢個份量夠一家三口嚟食都得CP值好高下次可以再嚟食過😋😋😋

沙田食乳鴿/燒鵝第一時間會諗去邊度，梗係諗起大圍新強記。今日約左幾個個朋友喺大圍食飯，約咗喺大圍新強記等。由於有個朋友話要早啲走所以我哋就約早啲食，所以六點就去到。朋友話今日一定要食沙田三寶燒鵝乳鴿同埋雞粥入到去個侍應介紹咗話佢哋依排主打既套餐，好受歡迎，$398有燒鵝例牌+兩隻乳鴿再任選兩個餸。燒鵝（例牌）：燒鵝每日新鮮自家製做，外皮好脆，肥瘦適中，價錢相宜。招牌乳鴿：兩隻乳鴿新鮮即叫即炸，好食到，朋友激讚，一咬落去d肉汁流晒出黎。梅菜扣肉煲：好少酒樓會用煲仔上梅菜扣肉，因為咁樣先會keep到個溫度，扣肉夠淋，梅菜咸甜適中，飯都可以食到幾碗。欖茶肉鬆四季豆：依個欖菜豆角炒得好出色，條條豆角都沾滿欖菜，肉碎個份量都好多。4個人食咁少野邊夠，再叫多2樣野食先。沙田新強記雞粥：真係食過咁多間，係新強記既雞粥最好食，個粥底好棉，隻雞又唔會太油，d粥入晒味，雞都好滑，一陣已經俾我地4個人清晒。椒鹽九肚魚：之前食過佢地既椒鹽魷魚，炸得好出色，今次就試下九肚魚，一樣炸得咁香脆，條條金黃色，而且入晒味。

自從放寬咗之後都未有時間同屋企人聚餐，今日趁收早就約埋媽子/老婆同外母一齊出去食飯。媽子即時話要去大圍（新強記）食餐好。我做阿仔梗係順佢意。（新強記）真係一段時間冇黎，呢啲老店真係買少見少，真係好掛住佢地既燒鵝/招牌乳鴿/沙田雞粥。入到去d侍應好熱情咁招待，仲介紹咗一個超抵色嘅套餐畀我哋$398（燒鵝乳鴿小菜套餐）有燒鵝（例牌）+2隻乳鴿及2個小菜。新強記招牌燒鵝皇（例）：知道媽子唔食得太肥膩，同佢地講揀一隻冇咁肥，燒鵝好快就到，好靚外皮脆肉質嫩肥瘦均勻，好香。金牌燒乳鴿：呢個餐超級抵仲包埋兩隻乳鴿，仲要即叫即炸，炸得剛剛好唔會太乾，仲保留到肉汁。 梅菜扣肉煲：伙記話呢個係佢哋嘅招牌菜，加上梅菜扣肉喺屋企都好少自己整，所以決定試下，依個扣肉煲超級多扣肉，肥瘦均勻，淨係啲梅菜都夠餸飯。欖菜肉鬆四季豆：欖菜好香炒到啲四季豆好入味同埋夠曬乾身唔會好油膩。總結：呢個餐4個人食都好夠食，真係超級抵食，碟碟都咁大碟而且咁好味，阿媽都話超值。我哋食早一輪到走嗰時已經差唔多有八成滿座，再遲啲應該要等位。

放假同朋友仔踩單車，踩完之後去大圍搵食醫肚，早已bookmark咗沙田新強記，試吓佢出名的雞粥、乳鴿同燒鵝！入到去見到有套餐，太肚餓的關係見到樣樣都想食，於是叫咗一個套餐加一碗雞粥，再來一支青島，天氣熱辣辣飲杯冰凍啤酒，好爽呀！套餐真心抵食，有例牌燒鵝、兩隻乳鴿，再加兩款自選小菜，小菜的選項仲有26款，一定唔會揀唔到，我地揀咗沙嗲牛肉炒菜心和咖哩牛腩煲，就算3-4人都好夠食。特別推介燒鵝好有鵝香，燒鵝皮燒得香脆，就算肥都要食埋佢呀，朋友話比某馳名燒鵝更好味！我就覺得雞粥唔錯，雖然有少少碎骨，但係啲粥煲得綿香細滑，啲雞味入晒去，好滋味！至於乳鴿對比下就未算太突出，可能燒鵝實在太吸引了！順帶一提交通真係好方便，行過對面就係大圍站，下次想食可以再嚟過！