沙田凱悅酒店咖啡廳

营业中

休息中

女朋友知我鐘意食海鮮，所以生日就揾咗呢間自助餐同我慶祝 😍 酒店交通十分方便，鄰近火車站，步行五分鐘就到，而且又可以揸車，消費滿 $280 蚊就有一小時免費泊車，如此類推。餐廳環境寬敞，而且樓底亦幾高，枱與枱之間都有適當嘅距離，依家網上訂座重有 78 折優惠添 👍🏻 入座前基本程序，探熱加搓手液，之後侍應就會安排座位，酒店為安全起見，將攞食物既地方圍成一個圈，變成得一個入口兩個出口，而係入口處就會有一位侍應全天候咁企係度，每位顧客入去攞嘢食前，都要領教下侍應枝搓手液先可以入場，如是者呢晚我大大話話都洗咗三，四十次手。海鮮區有蝦、長腳蟹、青口、小龍蝦等等，不過竟然冇龍蝦同翡翠螺，有點失望呀 😞 特登每款都試試睇下味道如何，長腳蟹見好多人攞，不過自己食咗兩隻左右就無食，因為真係超級咸 🥴 小龍蝦亦係好咸 🥴 蝦雖然好大隻，但係啲肉好實，唔知係咪衛生問題，所以特登整熟啲，如果食多幾隻真係會頂胃。刺身區更加係慘不忍睹，三文魚、八爪魚、北極貝通通都無，淨係得赤蝦、希靈魚同吞拿魚，相反熟食區就好啲，款式種類都幾多，而且有啲重幾特別，例如葡汁焗海鮮，好好味所以都食咗幾碗。另外鮑魚，花膠都係任攞，而且

呢星期放大假，又係我搵食時間，我都好耐無食自助餐，見呢間近近地又就腳。。。星期一至五 $360/位，而家有78折，埋單約$320/位 Buffet時段11:30am至2:30pm消費滿$280 免一小時泊車，如此類推今日一黎到有少許失望，刺身竟然連三文魚都冇，以下呢幾款，真係唔多吸引 熟食就普普通通，款式唔多，最好食就係燒羊架燒蝦甜品方面，質素幾高😍好多款都好好味👍冰鎮生果杯好冰涼，菠蘿西瓜都好甜環境好濶落，樓底高，落地大玻璃，坐Sofa幾舒服

自助晚餐有任食鮑魚、花膠等矝貴食材，能品嚐鮮味極限，一定滿足海鮮控的要求。海鮮自助餐由晚上6時至10時，現在經官網預訂，於星期一至四、日及公眾假期享78折 ; 於星期五及六享85折 (父親節期間亦享折扣優惠)。我跟朋友為了海鮮盛宴，慕名而來。海鮮Corner放滿琳琅滿目的珍品，龍蝦、雪蟹腳、鮑魚、小龍蝦、海蝦及青口。龍蝦十分巨型，肉質潔白爽彈，用叉子挖出蝦膏享用，更加香滑鮮甜! 蟹腳如前臂般長，沿著骨節位剪開，看見粉嫰的蟹肉，入口一絲絲。小龍蝦Size雖小，但蝦膏連同蝦肉享用，十分滿足。青口肉質挺身，口感帶嚼勁，十分新鮮。原隻鮑魚厚肉，口感煙韌、滑溜，極為鮮味，滋味停不了。花膠炮製出黏糯、細滑的口感，每口如綿花般彈牙，充滿骨膠原，適合滋補養顏的女士。到了壽司Corner，有三文魚、吞拿魚、鯛魚及帶子刺身等，還有林林總總的壽司: 甜蝦、三文魚、炸蝦反卷及加州卷等，款式不算太多，但味道新鮮，再配一口冰涼的蕎麥麵，滋味清爽。熱盤區有即點即製的煎鵝肝醬多士，是我的心水首選。脆卜卜的多士，配上豐腴細膩的鵝肝，入口油香滿佈，沾上香甜的黃梅醬，啖啖誘惑。Pizza以烤爐即時燒製，十分香脆。還有葡式焗

與家人到酒店吃下午茶，到達才知道已暫停了供應自助餐，唯有跟menu 點餐。四個人點了一份tea set $380 兩位，加兩個牛肉漢堡，另加兩杯Latte。三層Tea set 賣相不錯，但可惜味道太令人失望 最底層的鬆餅最好吃，中層的咖哩雞肉撻非常乾，肉亦鬆散，最上層的甜品更是甜到不能接受，味道亦很奇怪⋯最終沒有吃完⋯還好兩份漢堡都味道不錯，五成熟，剛剛好。整體而言兩份漢堡挽救了今次的體驗，下次再來應該不會再吃tea set⋯ 又貴又難食

星期六突然想食自助餐，趁大學站開返，所以就去大學站呢度食啦～食過好幾次，一向都覺得呢度ok，嘢食種類繁多，味道方面ok準時6:00到，已經有幾枱，一開始當然係食凍海鮮🦞啦～今日除咗有平時嘅海鮮，仲多咗鮑魚，數量好多，補貨好快，唔會吉咗個位出來。魚生沙律🥗pizza意粉🍝燒烤一如既往，正正常常，pizza細細件好食～熱盤選擇不多，有魚，花膠鮑魚等等～最正係個中湯，我飲咗4,5碗。佢次次都不同款嘅，今晚係蟲草花煲龍骨，好好味😋甜品🍮款式多，應有盡有，係蛋糕款式唔算太多，其餘有即製窩夫🧇班戟，仲有迷你葡撻，中式糖水，雪糕，涼粉，生果，巨型可樂糖🍬。。。。順便一提服務態度非常好👍超讚～星期六晚$630一位，經openrice訂位有9折，一定會再去～

同屋企人黎食lunch buffet ！！！❤相當唔錯 食物選擇多 款式多 中西日式乜都有 甜品又靚又好食 。服務最好！！！大大加分 另外重叫左支白酒飲 唔錯 價格合理 總體黎講 食得好開心 加上聖誕裝飾全部都好靚 賞心悅目 成餐飯大滿足 預祝埋新一年！！

22/12 是我的生日，我先生book了這間自助餐同我慶祝，第一次黎，環境不錯，餐員質素也很高，非常貼心客人需要，而且也很有禮貌，環境很舒服，食物質素也非常新鮮美味，有長腳蟹，龍蝦， 鵝肝 ，鮑魚， 海參，花膠等等，，如果可以有生蠔就錦上添花了😁，甜品款式都算ok，係聖誕節日裡，這個價錢，我真係覺得超值，唯獨係飲品就差了一點，因為現場咖啡機壞了，只有水及檸檬特飲，想飲熱飲係無，不過食完每人都有1個自選飲品，整體真係不錯，以後一定會再來，希望一路都保持到水準就好了😊

今日想揸車四圍去，盡量搵啲遠少少而又有泊車嘅酒店食自助餐搵到呢間平時諗都唔會諗嘅地方，又適逢大學站唔開，諗住冇乜人，跟住揸車過去，佢280蚊可以free一個鐘，咁我見樓下好多街邊位，我泊咗喺街邊就算，所以唔知佢係唔係真係幫襯280蚊free 一個鐘另外我揀呢度嘅原因我喺相片裏面見到佢有部咖啡機，不過嚟到原來每人只有一杯，任飲即磨咖啡對於我嚟講係一個好重要嘅元素，呢度冇生蠔，亦都冇任飲咖啡，連茶都無，只有檸檬水，所以我覺得返轉頭嘅機會率實在係冇乜不過呢度嘅落地玻璃亦都係我揀呢度嘅其中一個原因，令到感覺 free D，呢度樓底夠高，枱之間亦都有足夠空間，環境唔錯嘅，可以加分呢個凍海鮮有龍蝦仔，好大隻凍蝦，蟹腳，青口同埋一啲蝦仁蝦仁就食得方便，但係味道就完全唔及大大隻嘅凍蝦龍蝦仔冇特別正常蟹腳偏瘦偏細隻青口亦都唔係藍青口重點！係佢冇生蠔Cheese 正常自己撈嘅沙律我幾乎冇食過，佢調咗味嘅沙律亦都唔係特別好食，所以可以忽略佢嘅配菜有法邊豆，橄欖之類，但係都係一般般，可以忽略不過佢嘅parma ham我覺得好味唔太鹹佢嘅哈密瓜都非常之甜，非常之香佢嘅煙三文魚望落去唔似煙三文魚，但係食落去煙燻味

用善桌面污糟，食物無名牌，不知道是什麼食物，中湯無蓋蓋住，温度只係暖，中湯淡而無味，熱葷食物款式少，熱葷食物開蓋有倒汗水，開蓋後沒有位置擺放蓋，放置海南雞隻碟裂開，雪糕櫃設計失敗，中間位置好難攞，但海鮮好食，環境及招呼服務很好👍🏻

有些驚喜，心中想吃的都有，大龍蝦，羊架，燒牛仔肉(生熟度啱啱好，味道不錯)，蟹腳，波斯頓小龍蝦(略細，可接受)。 凍蝦無味，可以忽略。有鵝肝，鮑魚(這個意想不到)。 三文魚和銀雪魚燒得幾好。熱薰不算太多選擇，沒有炒飯，而是西式意粉和濶條面。 魚生不算多款式，反而toro食落沒有根，嚟個要比like。 有一事不好，就是在食品旁沒有名稱，真系要考眼力。 而且在訂位時已註明是生日慶祝，但酒店連小小表示都沒有。這個要扣分。

本來慶祝長輩生辰，去尖沙咀食飯。但是日尖咀又有點動盪；所以扶老攜幼的家庭聚會，便臨時改到Cafe Hyatt Regency。向來我對這個自助餐的印象，都是食物選擇少，冷盤款式不多。這次再訪，我也抱著心態：看看食物有沒有進步，能否令我改觀。對於我這個食自助餐主要食凍海鮮來說的人，今次的冷海鮮選擇仍然不多。結果，我無食到就去咗凍肉部。但凍肉的選擇又真的不多；比較讚的是芝士種類有4-5款選擇（唔記得影）。不過面包得一款，餅乾又得一款🤷‍♀️。所以，又直接行咗去刺身部。刺身令人比較安慰，有4款：三文魚，吞拿魚，希靈魚及赤蝦。赤蝦係中size，抵讚！👍冷盤不太吸引， 唯有行去熱食部。由於鐵板部香氣比較濃郁，於是過去看看。 選擇 還可以：有腸，南瓜，燒菠蘿，羊架 ，還有鵝肝及法包 。最好食的是燒菠蘿，當然是因為食物本身比較吸引😅（燒菠蘿沒有什麼技巧）。 而鵝肝是翻熱的，十分失望🙄。在鐵板部旁的有焗龍蝦。我今次試了是黑松露焗龍蝦，這個比較有水準，比較香，我覺得比凍盤龍蝦好食。另外一邊，比較受歡迎的是燴花膠和炆鮑魚。炆鮑魚可媲美一般酒樓水準。但燴花膠卻比較淡，不太入味。 燉湯方面，則有蟲草花煲雞。甜品

由於同老公都唔食生𧐢，但又鐘意食龍蝦，朋友介紹話好得，所以專程渣車入大學站試下Hyatt Regency既Buffet! 一入到去 座位唔逼好舒服 雖然大學站而家關站，但當日入座率都有近8,9成。首先巡視下有咩好食先！先吸引我既係鮑魚，花膠同海蔘！即刻拎黎食先～係好入味，夠林，海蔘非常好食！繼而係海鮮凍盤，有龍蝦，鮑魚，大蝦，長腳蟹，青口！龍蝦長腳蟹同鮑魚Ok, 但我覺得大蝦好好食，好爽而且超大隻！青口就無拎然後吸引我既係芝士焗龍蝦，拎左一隻試下，都唔錯呀！估唔到有凍龍又有熱龍😍甜品又係好食 款式唔算太多，但水準高，特別一提係呢度既甜品唔太甜，真係好岩我！另外萄撻好好食；雪糕應該係哈根大師，有9款味道！值得一提係Staff 有主動問我駛唔駛幫手筆雪糕，好窩心呀☺️仲有兩款中式甜品85折 埋單兩人$1200, 泊車每$200就free 1 hr! 一定會再encore!

以HYATT 品牌來說, 門口沒有半張位給等侯人士用真的扣分,  行到Lobby 又一大堆自由人罷晒,  罰企罰左 15 mins 先等到入座 .   見人話近窗口位, 係就係光猛打卡好睇D.  但同時都熱到出汗......  長腳蟹 好一般, 沒鮮味.  竟有海南雞飯 迎合某國口味?   不過同其他比較, 佢拎野食又真舒服.  唔洗下下拎一件野都要排 (我真係好討厭排長龍)   冇咩特別驚喜食物, 希望下次有機會食嘛 DINNER...  

話說大家都知道近排沙田都經常受到不同情況嘅影響，令到呢度嘅生意都好差，今次我哋試吓幫襯呢一度嘅酒店，順便幫下大家去推廣下呢度嘅地方，特別係沖大新都可以過嚟得到！佢哋今次亦都有好唔錯嘅優惠！呢一度嘅自助餐海鮮真係好新鮮！特別係牆腳蟹亦都冇一種好大嘅說未，對於喜歡食海鮮嘅人來講呢度真係一個唔錯嘅選擇，另外佢嘅東南亞菜亦都住得唔錯，我最欣賞係佢嘅冬陰公湯，真係重得好多材料去煮亦都好有信心咁樣比大家去飲！真係建議大家過嚟試一下啦！說話就唔講太多啦大家去睇下下面嘅圖啦

自助晚餐食物豐富，有花膠燉湯，黄咖喱蘿蔔三文魚，魚籽流心蛋烏冬，甜品只夾了些Macaroons。整體來說食物算是多樣化，但我只選揀了幾款我最喜歡的，餐廳環境舒適。