沙拉姆咖喱屋

营业中

休息中

今日同男朋友去食印度咖哩。。職員好親切好nice 既招待。但到去我地就睇下食咩 款式多到簡唔到 因為好多野都想試 最終我地簡佐特式香料雞 ，雜菜咖哩角沙律，瑪沙拉脆餅，芒果乳酪。。。雜菜咖哩角沙律 真系無得輸呀 咖哩角同沙律好配 雜菜好新鮮 咖哩角 暖中帶d咖哩香味 沙律醬唔酸 瑪沙拉脆餅 好香好脆 好似食緊薯片咁 配菜有蕃茄洋蔥。。鮮甜清新 但有少少辣 芒果乳酪 呢杯乳酪真系好好飲 一d都唔酸又唔系甜 好解渴 如果食完太辣既野 即飲即解辣特式香料雞 味道不太濃 雞好滑 好香香料味 難怪印度人咁鍾意食咖哩啦 因為用黎撈飯真系無得頂呀

其實本身個人唔係話好食得辣所以平時都比較少食印度野，因為覺得所有野都會好辣！但係今日約咗一班同事放工去食嘢佢哋話想試吓呢間咁就諗住試吓啦.點知食完又真係覺得好好食啲嘢唔係好辣，係可以接受到嘅辣度，加上佢用嘅香料同食材新鮮得黎又好惹味,令我對印度野改觀首先叫咗個chicken chili. 對我來講呢個係比較辣，但係試咗一舊，惹味到停唔到口.佢用嘅秘製醬汁我係出邊真係冇食過，辣得黎又因為佢嘅香口令我一路流着口水一路忍唔住食.同事話食得印度野就一定要叫呢個雞.不得不提真係,超級超級多汁咬落去完全唔乾而且食晒成舊都係唔會口乾，好想再食多隻加上佢啲肉好滑一食就知道冇over cooked,生熟程度啱啱好.而佢嘅汁唔會過到濃味搶咗雞嘅香，兩者配合得十分之好我哋呢班食肉獸，食完雞肉再叫多個羊！我自己就10分like呢一個羊.因為佢好香羊嘅味道，但又唔係羶.而且佢唔會煮到好un,啲肉質好軟，加埋佢啲香料鍾意食羊嘅人千祈唔好可以放過呢一個dish整體好絕對令我對印度餐改觀了

周末同屋企探婆婆夜晚經過呢間印度餐廳，侍應喺門口熱情招待就入咗去試吓平時食印度野多數見mango lassi,呢一間竟然有coconut lassi.叫咗杯來試吓佢椰子味好濃但唔會好漏奶味又唔會太濃，又好解辣.個人來講仲鍾意過mango!頭盤叫咗個garden green salad. 除咗食得出佢嘅食材好新鮮之外,好鍾意佢加左黑椒令到成個味道多咗個層次，十分開胃每次食印度餐都會叫samosa,但平時有啲好辣，而呢一間佢唔會好辣一家大細都好適合食黎到一晚嘅重頭戲，tandoori chicken!!! 呢一道菜真係十分十分推薦,佢比一般嘅印度餐廳多汁又嫩滑,系出邊食好怕食到啲又乾又老，但呢一間餐廳完全唔會有呢個情況出現而且真係十分之咁嫩!係我食過最好食既tandoori chicken ! 好值得下次再叫整體來講價錢實惠,而且食物真係好唔錯. 好值得推薦

今日男朋友番晏 終於可以同我食個快dinner 懶鬼既我又吾想行咁遠 咁岩記得我平時去買餸時零零舍舍有一間試試正正既咖喱屋 所以今日就食佢啦呢個叫做 “ba da yum"系餐前送既但比起我之前食開既味道淡 冇辣味 冇咁好食炸芝士 新鮮熱辣辣 但0芝士味 口感似厚豆腐咖喱mix海鮮 配蒜蓉薄餅配料幾多同埋咖喱系幾香且小小辣 唔會搶左薄餅個蒜蓉味 薄餅又吾會油淋淋

夜晚附近幾條街都好靜，有幾間中式菜館。零零舍舍有有間印度餐廳。餐廳係外國人主理，不過餐牌同落單都係中文既叫完野食就上印度脆餅,免費既，另叫就$5，烤熟既脆餅配左薄荷醬，味道清新，好match個餅！簡單得黎又幾好食！瑪莎拉脆餅$22，呢個餅同之前果個唔同，比較鬆脆，上面配有大量新鮮既洋葱，蕃茄同芫茜，各種味道都好balance, 侍應提醒要快d食，因為配料有水份，放得耐個餅會冧。主角黎啦！羊肉印度炒飯$88(後)同燒牛咖哩$85(前)咖喱牛分量都幾多，咖喱汁杰身夠辣，係正宗既印度咖喱口味(唔食得辣可以叫少辣)牛肉入味夠冧，輕易咬開一絲絲！羊肉飯既羊肉係飯入面，分量就唔多啦，約三隻麻雀咁多，不過好入味好冧！個米用左印度米，較長身同乾身，做炒飯一流！炒飯有香料味，非常印度風！餐廳仲有好多推介，期待下次再試！

油尖旺食放題就食唔少，今次起旺角做完野就當然搵左個朋友聚一聚，安安靜靜咁食下特色菜，落下腳咁啦! 在篩選走放題、CAFE 之後，都仲有好多選擇喎! 把心一劃，都係搵個特色小菜店啦! 搵左個OPENRICE排名都唔錯的印度菜館!我同朋友叫左個咖哩雞肉同芝士薄餅SHARE.......咖喱就無分大、中、小辣既，可能印度菜係著重香料的味道吧! 對於不會吃辣的我來說，咖喱還是可口的，熱騰騰的，所以飄左陣香草混合咖哩的香氣!咖哩面有好幾條薑條，我估計應該係留返俾食得辣既朋友，增加一下個刺激感!雞肉本身同咖哩係混埋一體，因為食到最入面既肉都依然有咖哩既色澤同味道!至於個NAAN薄餅就非常一流! 我就咁吃了一口，沒有混咖哩一起食，個種芝士味非常出眾!老實說，我將佢五馬分屍見到薄餅內層有芝士既軟熟感，完全覺得好神奇!食下食下，點會會黎左個咁既野?? 啊! 係喎，叫左杯手制雪糕! 心諗，用咁得意既器皿裝著!打開後，果然係雪糕! 非常好奇印度人眼中的雪糕係點呢?原來，吃落去係有點半冰沙半雪糕既感覺，因為食得出有一點點冰碎!個味道都好難形容，好似雲呢拿雪糕，但個味道又好似多左少少野! 最後，MANGO LA

呢到既餐牌好多選擇好難揀，好彩俾我發現到個chef recommend！有圖容易處理太多！本身以為入面唔係好大，坐坐下d人開始多先發現原來仲有上一層！佢個設計都令人有食咖喱既感覺。門口玻璃既形狀係好似清真個d建築咁。未上order左既食物前就好似好多印度餐廳咁會上左個胡椒脆卷先！咸咸地辣辣地，加埋個甜甜地既薄荷汁都幾好味！(因為入面d黃燈影到薄荷汁本來緑色都變黃)我地叫左個炸洋蔥。其實餐牌上唔係咁樣架！係原隻咁炸架，所以一放底個陣我以為佢上錯左。見圖餸不符其實有少少人失望，不過味道唔錯就算啦！佢炸得好香脆！d洋蔥好軟好甜！炸粉唔會話好厚燒牛咖喱係我最喜歡既菜！佢個咖喱既辣度好岩我！d香料係好香，令人好舒服個種。最緊要就係個牛好林，好香！有d係牛肉，有d係牛腩，呢個菜無論用黎配飯定包都好正！我同男朋友食清光！呢個雞肉雖然份量少左d, 但卻係我食過最好食既雞串！因為佢係用雞腿肉整！仲燒得外脆內軟！個沙嗲唔係平時個種"潔”！係好"希"既質地，但有d香草係入面好特別。

今日晚餐經過見到呢間印度餐廳價錢好似好吸引好實惠，就同同事入去試吓叫咗杯芒果奶昔，味道酸酸地好好味，味道比較正宗，好鍾意佢奶味唔重因為每次係出面飲我都覺得奶味太濃令芒果味顯得較淡。叫咗個咖哩蝦㖭，唔太辣，啱啲老人家同小朋友食。啲蝦好爽口！比想像中大隻好多，數量又多，三個女仔食都食唔晒。用印度薄餅一起吃😋😋全晚最愛係個紐西蘭政府羊肉！我地三個一路食一路讚不絕口wow烤得好嫩，完全唔老生熟程度係岩岩好，好有羊味但不太致於太羶，愛食羊既我地完全停唔到口😋😋😋極度推薦比愛食羊既大家價錢經濟，食物質素like會再去！

今日約左好朋友食飯，唔想次次見面都食café放題，今次想試下平時少食比較有特色既，上網搵到呢間野，見評語都幾好，又咁岩要系附近整野，就決定去食呢間。餐廳裝潢富有東南亞風格，環境乾淨舒適。老闆非常熱情，見我地望住餐牌好耐無從入手，就過左黎同我地推介餐廳既招牌菜，最後我地嗌左3樣主食加一人一杯野飲。嗌完野食就上左呢個類似脆餅個開胃菜，咬落非常鬆脆，上面有碎左既胡椒粒，食落辣辣地，配上薄荷汁清新開胃。不過留意要盡快食左佢，個餅擺耐左會變稔。食完個開胃菜野飲就黎到，我嗌左芒果乳酪(Mango Lassi)，飲落酸酸甜甜，好香乳酪味，不過屬於比較稠身，如果想解渴就不太適合。野食方面我地嗌左燒牛肉咖哩，馬來沙爹同印度芝士烤餅。燒牛肉咖哩系我最推介既一樣，d牛肉好稔好有牛味，個咖哩汁都好香，唔會太辣。個馬來沙爹我地揀左雞，d雞燒到外面好脆，而裡面都唔會太乾，不過有少少咸。個印度芝士烤餅亦非常值得一試，餅底軟熟唔油膩，配燒牛肉既咖哩汁食，一個人食一盤絕對沒問題。而中間夾住芝士，有淡淡既奶香，仲拉到絲，岩曬芝士控啊！食完同朋友傾左都好耐計，老闆完全無乍型啊！

平日好少試印度野🚩 總係覺得唔岩味 奇奇怪怪咁 但趁我朋友放假 佢又岩岩去完東南亞國家返黎 話印度野其實都幾唔錯 就去咗哩間入到去老闆好熱情招呼我地👍👍 介紹我地可以嗌咖哩 嗌雞肉 嗌飲品 芒果就最有特色😮一開始就會有個開胃菜 佢免費送黎既😁😁😋個醬汁係綠色既 有幾濃既薄荷味🌿 而野食本身有黑椒/胡椒粒 所以食落就會有少少辣味 不過算係好開胃同好有特色既野食💡💡💁💁飲品我就嗌咗杯芒果汁🍋都幾濃芒果味 但偏印度個邊 比較濃芒果 唔會話加好多糖落去 所以飲落就唔會話太甜 同平日係街飲既有d分別烤雞腿半隻🐥 依個係老闆推介既 半隻黎講對我地已經夠啦 雞皮嫰滑肉質亦好結實 有3-4件雞腿 點上餐廳秘制的醬汁🍗 兩者真係好夾 好有印度既風味 側邊有爽脆既青瓜🍃 可以解熱氣消除油膩感😊😀印度芝士烤餅🍪 大概有5塊 厚薄幾均一 好驚烤餅太厚兩餅就飽 依個烤餅熱燙燙🔥🔥 芝士烤到半融可以拉到一絲絲既芝士 烤餅吾會過油 食下食下就食哂啦😀😂

平曰同老公拍拖來到尼度揾食，掹然見到尼間架喱，絕對唔差，由頭盆沙律食到主菜有Tandoori chicken夠鐵板鑊氣, masala lamb 夠腍，Vindaloo fish真係堅spicy 到流汗，叫杯mango lasso,都可以，另外叫了３份薄餅係蒜蓉，Roti,butter最後encore 個甜品係有天然香料味雪糕同sweet condensed milk ball嘩好好味，一定要食多次

話說今日下午成班兄弟踢完友誼賽，個個都勁肚餓，想搵啲好野食醫下個肚。沖沖下涼，就有個朋友話帶大家去食好野，佢又有揸車，咁梗係要痴車坐啦，結果一行4個人就出發去食野啦。揸車就當然方便啦，不過我睇過搭地鐵，行都係5分鐘就到，都幾就腳。去到門口，就已經聞到好香好濃嘅味道，加上我地非常肚餓，就更顯食慾。可能因為星期五晚嘅關係，都需要等10分鐘左右。入到去坐低，就見到一本厚厚嘅menu，好多唔同嘅選擇。因為太多選擇，唔知點揀好，就叫左服務員幫我地推介幾道菜色。而我就話一定要食羊，所以就揀左以下呢幾樣菜色。分別有烤雞腿，薄荷燒雞腿，燒羊肉咖哩，菠菜燒牛肉，咖哩芝士菠菜，印度蒜蓉烤餅，同埋印度洋蔥烤餅。先黎嘅係佢地嘅招牌菜烤雞腿，呢個雞腿真係冇得輸，好香真係好香，食落個雞好鮮嫩，啖啖肉，正！跟住到薄荷燒雞腿，都幾重薄荷味，好清新，好食！之前就燒羊肉咖哩，菠菜燒牛肉，咖哩芝士菠菜，同埋2個烤餅一齊到。岩晒，烤餅可以同埋啲咖哩汁，菠菜味一齊食，而且啲烤餅新鮮出爐，熱辣辣，好香口！不得不重點推介個燒羊肉咖哩同個咖哩芝士菠菜。個羊肉好鮮嫩，如果鍾意食羊嘅，呢個係必須要試！跟住個芝士菠菜，開頭叫嘅時候以為佢係

這天下班約了母親大人看電影，距離開場還有點時間，一於帶母親大人吃她最近一直叨念著的印度咖哩吧！公司附近的沙拉姆咖哩屋，一條長直窄巷般的店面積小小(但聽說有2樓)，大約七時已差不多坐滿，似乎有不少捧場熟客呢！食物種類其實不少，有小食、沙律、鐵板燒、咖哩、飯、烤餅、薄餅、甜品等。，連咖哩也有細分為雞、羊、牛、海鮮和蔬菜五類。餐牌中英對時，還有點描述，可以先細看內容再點菜，很清晰。為免看電影時睡魔急call，就沒點飯類那些太飽肚的東西，只點了咖哩與兩款烤餅。咖哩牛腩薯仔分量不算大，薯仔只有三數塊略嫌不足，幸好牛肉也有五、六件足夠二人分食。咖哩汁倒是給得滿滿的，足夠用來醮烤餅吃！印度蒜蓉烤餅上桌時已聞到濃郁蒜香味，烤餅表面抹上香草、蒜蓉和牛油一起焗，賣相略帶油光但勝在香口。印度芝士烤餅芝士藏在烤餅中間夾層裡，所以烤餅質地較軟身，將烤餅撕開時還會看到牽絲，芝味香濃，配咖哩吃也很適合。香蕉乳酪乳酪略為稀身順口，嚐得到濃濃的皇帝蕉的味道，真材實料，要是再冰一點會更好！小小溫馨的店，現在已越來越少，希望這一家能能長做長有！

明明尖沙咀有好多印度咖哩, 點解要去油麻地,呢間店同樣都係印度人開, 店員都係印度人, 而佢架價錢比尖沙咀平成1/3左右。免費送, 唔會太鹹WOR叫份主菜食先, 波菜雞肉咖哩,波菜打戚蓉缺醬,不過佢唔辣架, 加了D薑絲, 雞肉都幾大塊都沾滿了醬汁。可能我本身好鐘意食麵包, 度烤餅係非點不可。 NANN $16印度牛油煎餅 $20,好大藍食唔曬, 牛油煎餅好香同鹹鹹地, 表斫酥酥地一層一層可撕落來食。NANN口感結實又飽肚, 各有各的風味。杯香蕉LASSI好好飲, 唔犯甜又有水果受乳酪味。食咁多野埋單都唔洗150蚊, 換轉係尖沙咀食一個人起碼要200元以上了。我見到佢個LUNCH SET性價比更高, 只要5,60元左右。

有時候，間唔中都想吃一下印度菜中香料豐富的咖喱和軟熟煙韌的Nann Bread..蒜蓉烤餅，單吃一淡咖喱羊，有濃厚的咖喱帶甜，卻又充滿丁香和小茴香等多種香料的香氣，但相反羊肉帶羶，肉質偏嚡口，另外要一提，像蛋卷般的印式脆餅和薄荷乳酪醬((((free)))，口感香脆但略嫌偏鹹，蘸點微酸的乳酪醬中和較好吃。而鬆軟的Nann Bread蘸吃，吃到一滴醬汁也不漏！Masala脆餅好像墨西哥薄脆，扁平脆片滿鋪番茄粒同洋蔥粒等，如果灑點辣椒粉，相當可口惹味，愈吃愈正呢~