沙拉姆咖喱屋

营业中

休息中

去過重慶大廈嘅朋友都會知道果度出晒名食印度咖哩啦！不過最麻煩就係門口總有一堆人圍埋泥，嚇死人啦！不過呢度就唔會有呢個問題啦，門口係街市擺檔，環境都算乾淨餐廳環境不大，甚至其實可以話細。得幾張枱咁，但非常乾淨，而且店員服務都好貼心每枱客人都會有一份小食，本人最愛就係脆脆地、香口的。點了一份炸魚，開頭以為會是一塊塊的，平平無奇。但一上菜就感覺到驚喜啦！炸魚條炸得好香脆，而且魚肉好鮮嫩，有埋香料，真係好正！另一個特別推介就是沙嗲雞串。經常都感覺雞串會好乾好難咀嚼，但呢度又唔會。反而好正好入味！

好耐冇食印度菜，行過又諗唔到食咩就入去食了。呢度既羊類有勁多款，勁開心！⭕️烤卷落order後就自動上，幾好味，單食會有d乾，一定要點佢綠色既醬，辣辣地好香！⭕️南印度燴羊肉 羊肉份量多，好嫩好滑，又夠羊香。咖哩唔辣，亦唔算濃，配nann食一流！最後清得哂咖哩，冇浪費☺️⭕️乳酪青瓜朋友喜歡食，我就麻麻了，食落咸咸地甘，朋友用黎撈飯😂🙈⭕️印尼雞肉炒飯雞肉勁多勁大塊，滑到用匙羹就可以切開😂炒飯有咬口，重點唔算濃味又大份，正！撈咖哩汁食都好正😏⭕️芝士Nann有4大塊，幾厚，見到有芝士但唔太食得出芝士😂但係好味的！下次會試羊肉nann ⭕️Mango Lassi食印度野必點，勁解渴又濃厚☺️

今日同好朋友去行街街，行完就去搵野食啦~ 但係因為成日去旺角食來食去都係放題呀、火鍋呀個啲，所以今次就想揀啲特色啲既野食啦~ 所以我地就搵左呢間沙拉姆咖哩屋試下印度咖哩~入到去間餐廳，第一個感覺係好warm、好舒服 坐低左，店員就幫我地落order~ 店員超好服務！佢地仲識聽少少廣東話，聽得明我地問咩，好nice好friendly!! 之後我地就點左幾樣野食啦~印度薄脆個薄脆脆卜卜、點埋個特別既醬，簡直食唔停口芝士印度烤餅印度烤餅不嬲都出名，今次叫呢份芝士印度薄餅果然無令我地失望！個餅熱辣辣，芝士味幾重，同烤餅一齊食，個種味道完全係口腔入面散發出黎印度烤雞隻雞一擺上枱，陣陣雞肉既香味已經不斷散發出黎，令到食慾大增！食落隻雞好嫩滑，烤得非常好食！！極度推介！！咖哩豬肉黎得印度餐廳點可以唔食咖哩呀xd 今次我地食呢個咖哩豬肉係微辣~ 咖哩味好香，而且完全滲哂入去啲豬肉入面，勁香勁好食！馬沙拉牛舌馬沙拉個醬偏少辣，但係好香，而個醬出乎意料地同個牛舌，令到我一試再試，真心好食！！總括黎講，呢間食得過！

前排同朋友食日式咖哩，始終覺得印度嘅咖哩比較合我胃口，香料多、偏辣，好耐都無食過啦！！相約左另一個咖哩愛好者一齊食。呢個係送的，脆卜卜我地兩個order左半份烤雞腿、白咖哩燴牛腩、芝士薄餅同蝦醬通菜。半份烤雞腿原來有兩個雞脾，用鐵板上，一上枱仲係咋咋聲好多煙，香氣十足！ 我落左檸檬汁，令個雞食落清新d, 味道層次更好。真心推介呢款！！雞肉好嫩又好香。蝦醬通菜，有蝦醬味，但無大排檔食嘅通菜咁重味，呢碟係無乜油，都ok白咖哩燴牛腩較creamy, 我唔記得叫辣度，所以呢碟係唔辣嘅，椰奶味唔算濃，但個咖哩都幾好味，牛腩好入味同好淋芝士薄餅有6塊，芝士唔算多但食得出，個餅較厚，有煙韌感。我試左芒果乳酪，芒果味好出好濃！好飲！！！原來套餐好多野食早知叫套餐啦

在油麻地想食印度菜，係附近返工既朋友推薦沙拉姆咖喱屋。想食雞又想食牛，左揀右揀最後揀左無骨燒雞，咖哩牛腩薯仔（食印度野點都要試試咖哩既）附送既脆脆（唔知佢叫咩名😂）好好味，點埋青色醬更好味 少少辣！主菜黎喇！無骨燒雞用鐵板上wow😋 雞肉勁嫩，唔點醬汁已經好夠味！果然好推介 大家一定要試下。咖哩牛腩薯仔，咖哩少辣 可以要求辣度。對比起雞肉，牛腩就顯得有少少硬，不過咖哩同薯仔都好味。建議配雞肉或其他，有好多選擇。👍🏻

這間印度餐廳位於油麻地較偏僻的街道，晚上街道人流不是很多，但光顧的人也不少。點菜後會送上脆餅再為小食，會配上綠色的醬汁。脆餅一定要趁熱食，涼了脆餅便會變軟！脆餅有點辣辣的，有很香的粟米味。綠色的醬汁有淡淡的咖哩味和薄菏味，很清新。薯仔沙律有薯仔青瓜青豆，頂部有小蕃茄和 茜碎。沙律醬加上其他香料作醬汁，味道不錯，但不是非常特別。白咖哩羊由於本人不能吃辣，又想試一試咖哩，於是點了白咖哩。這道菜算是得符合香港人口味，不太辣而且沒有很重的香料味，濃濃的咖哩味配上羊肉，配烤餅或飯也很合適。芝士烤餅十分推介！外脆內軟！甚麼都不用點已經很好吃！但芝士味不算很濃。還叫了一碟蝦醬空心菜。侍應都是印度人，很有善很nice。

<沙拉姆咖喱屋 好惹味既烤雞> 😋🙎🏿‍♂#fafafoodblog油麻地印度菜大部分人都只知重慶大廈 , 其實好多唔同區都有唔錯既印度菜😃好似油麻地既沙拉姆 今次我食左烤雞🐥同飯 都好正 希望下次試下佢d 咖喱！😋 食店同一般印度餐廳類似 ,方枱櫈鋪上枱布， 舒服整齊 . 而食物當然全部都係印度菜 仲有啤酒紅酒同印度飲品提供🍺🍸🥛🍴Chicken tikka 🐥🔥無骨燒雞 85 蚊Boneless pieces of chicken marinated with yoghurt , indian spices and skewered to tender perfection in a clay oven我最鍾意既印度烤雞 🐥😋用鐵板上 上枱時sasa聲，香味撲鼻😍 有洋葱生菜 🌰🌱香料 無骨雞肉醃成紅色， 無皮係印度烤肉特色 雞肉🐤十分入味 香味十足 口感好嫰滑😋 除左咖哩外 個人覺得烤肉都係最代表到印度菜既食物之一😝🍴Saffron basmati rice 印度黃米飯 🍚32 蚊印度飯個人都幾鍾意 因為佢整得乾身😌 飯成長身偏幼飯粒分明 🍚應該係黃飯既關係 所以

為接待來自外地的貴賓，小人被吩咐專程到果欄買靚生果。友人陪同買完水果之後，一起去了一家印度咖哩館。豬、牛、羊、雞當中，友人特別喜好羊配咖哩。這裡的咖哩汁並不是十分流質那一種，反而頗為杰身，滿有香料味，而且真是辣的，完全感受到咖哩的精華。羊肉又腍又軟，還有不可或缺的薯仔，放在印度烤餅上同吃，好食到欲罷不能！少在印度餐廳食鐵板食物，我們就點來一客共嚐。鐵板魚味道酸酸的，擠些檸檬汁更為醒胃，魚肉結實，吃完很飽肚。因為有朋自遠方來，可以食到美味的咖哩，果真不亦樂乎哉！

這裡食物質素總括也不錯，我最喜歡就是咖哩角。好味道，而且這裡服務也很貼心，我們三個人叫了兩種甜品，他們也會給三支匙羹給我們一起分享。環境上只是座位比較迫了一點。

一入鋪，以為得幾張枱，仲要有張超吵既強國人，職員帶左我地上樓上，以為可以包場，點知未落 order，已經坐多左3枱，落order 後已坐滿樓上，原來真係好full 好多人食架，隔離枱個叔叔同朋友講要食咖哩只係想黎呢到，哇哇。點餐後就有兩條脆卷同一碟仔綠色醬，綠色醬好惹味，唔辣但醒神開胃。炸雞粒好好味，跟個醬都好食既，但唔及綠色醬，後尾個餅都點綠色醬食。鐵板魚有醃過，魚肉係實啲，而且有酸味，隔離既隔離枱話酸叔，壞左，經理黎食過都話冇問題係咁既，最後取消左。唔可以話佢唔識食，只可以話未食過既會接受唔到羊肉係正常既羊肉，雖然黑媽媽一碟嘔吐物狀，但食落幾正。香蕉奶昔真係好蕉。

甚少吃印度咖喱對上一次吃, 好像是在重慶大廈一點都記不起有什麼好吃的菜式同行朋友推介下, 來到此店吃印度咖喱顛覆了我對印度菜式的印象不是只得辣味我們一行三人點了印度牛油烤餅﹑南印度燴羊肉﹑燒原條鮮魷﹑無骨燒雞及中辣薯仔盤另每人點了一杯芒果乳酪中辣薯仔盤, 推介的一道菜式！雖說是中辣, 但感覺都只是微辣的程度看似簡單的一道菜式, 但加入各種香料, 令烤過的微辣薯仔好惹味！無骨燒雞, 用鐵板熱騰騰的送上燒雞肉質滑嫩多汁, 同樣香口惹味！燒原條鮮魷, 內裡塞滿了炒飯魷魚新鮮且爽口彈牙！炒飯有微微的甜味！南印度燴羊肉, 小辣的印度咖喱羊肉質感較為粗糙, 沒有騷味羊肉稍為遜色咖喱醬汁可以配烤餅來吃, 醬汁濃稠微辣, 配烤餅來吃是一流！印度牛油烤餅, 像酥皮一樣的鬆化！牛油味香, 且帶點甜, 沾上微辣的咖喱醬汁, 是絕佳配搭！芒果乳酪, 用上新鮮水果配乳酪即打而成有濃濃的芒果味！適合解辣！店員服務好好, 幫我們拍照, 又為我們推介食物值得再次光顧！

好耐之前聽人講呢間ok，但一直懶得去試，今日去食左個咖哩豬脷飯，羅宋湯就算啦，太淡，不過個咖哩都算中規中矩，但不太辣，可能係迎合香港人口味，我中意重口味，但個奶茶真係好正，入口多左陣味道，不過我諗唔起究竟係咩味😂，有無人可以解答下

咖哩炒飯不過不失；咖哩羊肉好食但少咗啲；通菜好食又大碟過茶餐廳；芝士烤餅高質值得一試。環境算係乾淨，服務員態度OK而且識聽廣東話，有機會會再去試下。7點半左右去到，客人唔算多，擔心做唔做得住。

第三次尼呢間食印度菜～芒果乳酪依舊開胃好味另外朋友點既士多啤梨奶昔&椰子乳酪都幾好！好足料，用鮮果同乳酪即打出尼杰杰地送餐前脆餅然後我們點咗 「中辣薯仔盤 」同 「無骨雞件」薯仔係香甜美味，微辣雞件都算幾滑同多汁，好味，熱辣辣鐵板上，唔即食既話要反一反d雞，避免過熟然後上咗原條燒魷魚，好大份！入面有飯，應該係海鮮炒飯，好味喔魷魚係爽口彈牙！但好難切，因為切果彈飯會散開，下次應該會請廚房切埋先～印度餐一定要食既「咖哩」呢個係南印度咖哩羊 - 小辣配合牛油煎餅真係無得頂！牛油煎餅係比以前進步，外皮鬆化，內裡食落有少少甜味走出尼，點咖哩一流侍應友善幫我地影相，又為我地介紹食物一定會再尼啦！

Salaam Namaste Curry House is conveniently located in Yau Ma Tei. The Indian chef imports ingredients and spices directly from India. People come for authentic Indian cuisine. New to genuine Indian food, my friend and I opted for the mild dishes. We were seated upstairs.AppetizerChicken mughlai masala $89Naan $16/ 3 piecesSpiced chicken cubes cooked in a rich cashew gravy and mild creamy sauce. Served hot with naan, the traditional Indian bread made from flat leavened dough bread in a clay oven.