沙嗲王 (已搬遷) 新店位置

真係幾年無黎過, 多了很多選擇。泡菜牛肉石頭鍋飯($43.00) –很足料, 有飯焦, 味道不錯。雞肉串燒–可要三串($19)或半打($36), 雞肉不會燒得乾乾的, 嚴格來說不是完全燒熟的, 不過$19.00 OK啦。沙嗲汁西生菜($21.00) –略嫌貴了些, 只是在西生菜上加上沙嗲汁, 沒啥特別。XO醬炒蘿蔔糕($39.00) –蘿蔔糕太多粉, 沒有蘿蔔味, 但XO醬味道OK。芝士燒蝦($29.00) –有八隻, 排排燒, 上面有一薄層芝士, 蝦不算新鮮, 味道也一般。凍檸水($6.5) –因為叫了個飯, 所以半價叫了飲品。帳單滿$150.00會送辣椒油, 原買會為$15.00的, 看樣子不錯吧!!服務方面–每張檯都有一個”坐”, 可直接按上面的按鈕來叫待應, 包括加水/埋單/落單等等, 很方便的叫到待應, 不用不停揮手呢!!

幫同房油雞去觀塘拿易拉架首先要開餐補充力氣雖然附近有十二三蚊一個tea不過無保証, 最後揀左依度坐木桶...好窄, 只是情侶先坐較好一貫的海盜環境, 為迎合年青人?要了白咖哩雞扒米線,比沙嗲牛肉粉絲差d米線本身唔太上味, 不過湯底都ok$17穩穩陣陣, 好過平幾蚊難為自已

平時都好鍾意去食，多數去旺角果間，觀塘哩間以前都食過幾次，琴日再去食，完全唔掂，上菜勁耐，等幾個字先上一樣嘢，而且d炸嘢全部都唔脆，炸饅頭、炸魔鬼魚&炸軟殼蟹，唔脆之餘仲要勁油，炸魔鬼魚仲比旺角果間少成半，哩間沙嗲王令人好失望，一定唔會再去...

其實我覺得都係d舊野好味, 新野麻麻.2個人去到, 叫左:白咖喱豬扒飯- 勁正娘惹咖喱牛肉飯- 個汁ok, d 牛肉唔ok芝士一口貝- 見到有網友大讚, 所以叫左, 但好一般, 可以不試龍蝦湯- 唔掂跟餐仲有2個小食, 脆蝦棒好正豬肉粉卷完全唔掂跟餐又有布甸, 又係可以不食下次去都係叫番d大路野, 咁就應該會好味好多!

一個人來沙嗲王, 坐得幾舒服選沙嗲王,因為菜式多選擇, 食物有水準香茅豬扒檬粉汁好食, 送檬粉最正, 豬扒做得不錯

男朋友先到,揀定靚位等我.叫左蛋包飯/燒蝦/白咖哩豬扒飯,送魚肉饟田螺.蛋包飯都幾好味,外面的蛋早就預左佢地唔會整的好似日本餐廳咁滑,加左幾粒腰果又幾得意喎,而炒飯要用蕃茄醬炒的,好吃. 燒蝦一樣都係咁惹味,男朋友至愛. 魚肉饟田螺我就覺得唔好食,兩者不配,不見得有咩特色.服務生很醒目.嘻嘻!

葡汁的確焗得好香好濃,四蔬除了主菜西蘭花外,其余三蔬只是配菜洋葱,甘荀及好少好細舊的薯仔無想過這些配菜都屬於主菜三蔬,三十多元真是貴了一點

食下午茶~~~兩個人食~叫左芝左一口貝$29 -- 呢個好好味呀~~雖然等得耐左d~但係d芝士味都幾多~但係個扇貝下面既薯蓉就麻麻地~因為凍左白咖哩雞扒金邊粉$17 -- d白咖哩淡淡地~可能因為下午茶~所以雞扒得好少咋~得兩舊~都係白咖哩豬扒飯好食d~半價加野飲~荔枝綠茶$6.5(半價左) -- 唔知點解佢d綠茶入面會有舊o者喱~我自己就好鍾意食~好味~又好玩~~

今日又同同事去食lunch, 不過個waiter冇乜禮貌, 反而個waitress就好d果個所謂招牌沙爹牛肉粉絲好油, 麻麻地o者!我地仲叫左新果款凍帶子烏冬, 個麻漿真係麻麻地, 冇乜味道咁.仲叫左兩款小食同一個餐, 都冇乜特別.

海鮮局飯成碟都係油,石頭鍋牛肉飯,d牛肉騷到嘔,食唔落.以後唔會再去可能其他人講食咖哩會穩陣d

果日同同事去食lunch, 我一坐低已諗住要食白咖喱豬扒飯, 但set lunch竟然冇, 只有白咖喱豚肉飯, 都照殺喇, 不過冇咁好味, 困為d豚肉冇乜味咁, 只得白咖喱味.

前幾日一個人黎左呢度食晏, 點解黎呢度? 其實真係本住試試既心態, 因為師傅一向都對呢間食店冇咩好感, 好耐之前試過一兩次, 但都係麻麻地, 但係既然咁耐冇黎試過, 可能有機會會改善左!去到門口等左一陣先有位, 一坐底餓到半死既師傅我即刻睇下有咩好野食, 有咩平野食, 不過師傅發覺平野就冇咩喇, 咁唯有搵d好野食啦, 於是乎師傅柯打左個雞扒煎蛋飯同埋一杯凍蘋果綠茶!等左一陣雞扒煎蛋飯就到喇, 雞扒得一塊都幾細塊下, 師傅用三啖絕對可以將塊雞扒食晒, 真係細得可憐, 而雞扒煎得相當油膩, 成口油而味道一般; 煎蛋一隻但都係煎得好油, 好普通, 冇咩特別; 至於杯凍蘋果綠茶師傅就唔鍾意喇, 凍蘋果綠茶入面竟然有d 啫 喱既野, 應該係用黎調教個味道, 不過感到唔係咁好, 麻麻地!總括而言普普通通一餐都可以啦, 不過師傅我覺得太油喇, 其實都仲有其他既食物想試, 奈何今次一個人, 或者等下次啦! 不過都幾得意就係呢度食滿二十蚊就會送番兩蚊coupon, 可以留番下次用! 都有機會再去, 但肯定唔知幾時!

我地成3點先食飯,諗起呢度有下午茶的蒜蓉包.所以就由APM 走過黎食.本黎男朋友話想坐後面闊卡位,但剛好滿哂,so,又係坐番我地第一次黎坐的木桶,唔緊要啦!我鐘意坐木桶呀!我食白咖哩雞扒金邊粉+荔枝紅茶,男朋友食咖哩牛肉飯+藍莓綠茶.再叫多個蒜蓉包.本黎想飲龍蝦湯,不過侍應話冇哂龍蝦頭...問我地介唔介意...咁冇辦法啦,下次先飲囉.白咖哩雞扒金邊粉----雞扒得兩小塊,白咖哩好好味,好香濃,金邊粉都好滑,不過唔夠幼細.咖哩牛肉飯-------牛肉都整得幾好食,剛剛好不鞋口.咖哩不算辣,適合香港人口味.荔枝紅茶------有兩粒好好吃的荔枝肉,紅茶甜味適中.藍莓綠茶------我覺得酸了一點.蒜蓉包-----有4塊,再配埋咖哩汁,都不錯,男朋友嫌不夠蒜蓉味.價錢平又可以食飽飽的好地方.

呢間野d白咖哩豬排飯真係好好食豬排者得啱啱好, 好入味d白咖哩汁用來撈飯真係一絕佢宜家有個套餐五十幾蚊白咖哩豬排飯連小食同飲品和甜品好鬼死平

一個人食沙嗲王,下午茶時間不用等位我叫左沙嗲湯檬, 沙嗲湯惹味好正!炸饅頭做得不錯所有阿姐服務態度好, 加分! 下午茶時間價錢抵, 值得吃!