沙嗲王 (已搬遷) 新店位置

住係尼頭 基本幫趁開既食堂之一不過尼到個餐牌比我睇到熟晒 無乜變化同驚喜 推介~白咖喱豬扒飯 必叫 香茅豬扒配白咖哩 PERFECT..其他如咖哩牛肉也好軟熟 小吃炸物如春卷 蟹鉗 都好惹味甜品芒果布甸 榴槤凍餅 YUMMY 最令人倒胃口~龍蝦湯 越做越爛 淡而無味 好稀 無龍蝦肉(之前有龍蝦肉 味好鮮甜)

飯友喜芝士，於是全餐都係芝士 咁滯......芝士焗餃子芝士焗海鮮飯蟹肉西蘭花 跟餐既魚仔甜品 + 豬肉粉卷 佢地sell 自己係主題餐廳...........但一見到佢地d 海盜呢..........真係好似一個乞兒look大對眼睇住自己食飯咁.......可能係諗住令到d 客食完快d 走既技倆不過總結來講，都算ok既食咁多野仲有杯特飲加埋都只係 $147蚊

就近這頭收工，見上次同老豆來吃那麼開心，就同工友來吃多次﹗之前已見到有0的木筒浴缸咁既二人卡位，今次九點左右來終於都有得坐，估不到我呢0的大肥人都坐得幾舒服，仲以為好鬼細既添﹗不過出入時要小心，因為我見對面有個女仔走時仆左0係度﹗不算太肚餓，叫了幾個餸便吃﹗先來的是白咖哩豬扒飯，聽就聽得多，試就第一次試吧﹗入口咖哩好滑，帶少少辣及濃烈椰子咖哩香，豬扒都算軟熟不過只係配角，咖哩撈飯真係超級好食，幾下手腳就成個飯食哂﹗可想而知香口同埋吸引程度﹗菜就係必點既奶油津白，而小食是上次吃過叫好的酸辣無骨鳳爪，鳳爪夠肉厚醃得夠辣，有咬口又夠彈性，好味﹗因咖哩叫餐，佢有個小食吃什麼墨魚糖，是春卷皮包著墨魚膠，再炸成條狀，墨魚膠未算香不過吃得出有墨魚粒，蘸0的甜酸醬吃也挺惹味的﹗話梅青檸汁跟餐好似友七蚊就有得飲，大大支夠兩個人份量，味道不會太甜喝下帶有話梅的清香﹗工友大讚好飲﹗最後叫左個蟹粉豆腐，的的骰骰，味道很香口真係有好多蟹粉，用來送飯真係一錯，可惜之前白咖哩已食哂0的飯，搞到無得撈，就咁食就會太鹹了﹗不過點都好﹗沙爹王味道確不錯﹗

同屋企人去食必叫避風塘軟殼蟹炸到脆卜卜 好有風味!分大中細size...是次我地叫左"大size"都食唔曬 要拎走返到屋企 出左好多油 同埋淋左同熱辣辣果時食差好遠呢d 都係襯熱食好d!

趁有時間，提早慶祝父親節，帶老豆落官塘食下野﹗等佢唔洗成日只係攬住大家樂﹗6:00pm來到已經半爆，一行四人加埋弟婦開餐﹗多人食物開心最緊要，一口氣就點了十個八個菜，放滿全枱﹗酸辣鳳爪很香梅子味道，汁做得夠辣亦惹味，醒胃﹗辣酒花螺細細碗，螺很細卻鮮甜，份量不少成廿幾三十隻，最重要係個汁做得好好夠酒香，小吃多滋味﹗白咖哩豬扒飯同埋菠蘿炒飯弟弟說是必叫食物，原來佢同弟婦成日來食，白咖哩帶椰香而不膩，汁用來送飯是佳品﹔炒飯夠乾身多料好食﹗豉椒炒蟶子口感彈牙，醬汁夠濃味道香。xo醬炒蘿蔔糕夠大碟，一口一粒食得方便過癮，做得不會太軟身蘿蔔味亦濃，不錯﹗比較差的是芝士扇貝，芝士多殼大肉小，係小到食唔出0個隻，根本似是吃芝士多過叫扇貝，可以不叫﹗最後仲岩哂老豆脾胃搵多個榴槤甜品佢食下，我無試不過佢話入面應是榴槤鮮打的雪糕，夠香濃﹗埋單一人都唔洗一百蚊，抵食又多選擇，老豆食完都話好味﹗沙爹王好野﹗

4-6-2009大家不用返工, 午餐決定去了這裡解決我們叫了午餐set1. 豚肉沙嗲米線+菜+荔枝紅茶2. 咖哩牛肉飯+菜+茉香珍珠豚肉沙嗲米線的豚肉很肥, 而且個湯底太濃, 很咸口咖哩牛肉飯的汁很惹味, 亦係撈飯之選由於叫set, 所以有得要菜或甜品但試過甜品唔係好得, 都係要2個菜吧, 但都係很一般呢!飲品都ok ,但冇驚喜都真係吃到有點悶了

某晚在觀塘閒逛 apm，商場內的食肆全是人頭湧湧的，又不甘心求其在 food court 解決，就決定到對面裕民坊找找看。看見了沙嗲王的牌面，心想已有一段時間沒有幫襯這連鎖餐廳了，既是有緣，就入內重溫白咖哩豬扒飯的美味吧。在門外等候帶位時，看見一副宣傳海報，邀請顧客在 Openrice 表達對食物的意見，作風一貫的前衛。店內相當擠迫，大部份座椅都是相連的，感覺與搭檯沒大分別，甫坐下就送上免費的前菜凍食辣螺肉，相當具效率，可惜這些螺肉準備功夫不足，導致口感不夠凍又不夠爽，不吃也沒有損失。其實我每次到沙嗲王，也沒有看餐牌的需要，任何時候都只喜歡白咖哩豬扒飯，跟餐另送小食及飯後甜品，是不二的選擇。先來的是小食豬肉粉卷，一大堆硬實豬肉鬆放在粉卷之上，這賣相恕我不懂欣賞，粉卷的皮厚得可怕，點了魚露也只有相當粉的口感，認真麻麻。至於名物白咖哩豬扒飯，十年如一日的三小塊豬扒搭上白飯，沒有進步但充滿昔日情懷，可惜是次的白咖哩汁過甜了，味道竟跟忌廉汁差不多，就連炸豬扒也處理失當，炸燶的外層熱氣非常，入口肉質又乾如柴，品質已不可與舊時相提並論了。女友點了冬蔭公雞絲扎肉金邊粉，她表示冬蔭公湯底味道好薄，感覺

會考完..男友黎接我...正當我餓既時候...佢提議我地食e間我都有好耐冇係觀塘食e間喇...大多都去旺角既分店一去到..佢送左碟野俾我地..係八爪魚wo...試落又幾好味..不過份量太小..好快就食曬最後order左XO醬海鮮炒飯 $47 (份量小左..不過仲係好好味...)芝士焗年糕$29...個芝士mix埋d飯度好好食牙...佢個d汁mix得好好...下次一定再食..而且佢果度d服務..好好牙佢冇變既係..埋單都仲會送d糖()但係有時佢地唔記得俾....仲有coupon原諒我..食完先記得影相

轉眼間tea set 價錢已加至 $27 (要再加一), 無論加幾多錢都會來, 因白咖喱豬扒真係天下無敵, 以這個價錢, 暫無食店可以做得比佢更好白咖喱豬扒湯檬, 包一杯 $15台式飲品 一坐低就送上一細碟像墨魚仔碎的前菜, 有史以來都係第一次其實飯會好食些, 因白咖喱汁唔會被個湯溝淡, 只可惜tea set只做檬粉/ 河粉/ 金邊粉/ 米線/ 粉絲, 唔做飯 煎香過的香茅豬扒內外都醃得好入味, 內層鬆軟得來亦保留肉味, 間間分店都能保持高水準 tea set價錢加了, 但今次豬扒細塊左, 白咖喱湯亦無以前咁濃, 反而檬粉多過以前 $15台式飲品大部份都係綠茶或紅茶再加果味粉, 而今次係杯底像啫喱狀的東西比以前大舊, 正! 仍舊不變的, 是埋單時每人送一粒薄荷糖, 及coupon

昨晚去完了薑醋之後, 決定去了沙嗲王竟然在約8點的時候不用等位, 都真係幾旱有但我們被安排的位置有點逼, 而且坐得很不舒服, 所以吃完都不久留我們都點了晚餐:1. 白咖哩炸雞+炸蝦棒+青蘋果綠茶+芒果布甸2. 沙嗲牛肉粉+(好似有饀的水晶腸粉的東西)+荔枝綠茶+芒果布甸3. 另加豉辣妙聖子白咖哩的味道太重椰汁味, 有點滯悶的感覺炸蝦棒比我看相和預期的細條得多, 冇咩太特別沙嗲牛肉粉都冇特別, 都很一般芒果布甸有點難食, 好似放了很久, 很不新鮮青蘋果綠茶的味道好似藥水, 但佢下面的啫喱吉爛後一齊飲就很好味, 因為有咬感~但豉辣妙聖子是很不錯, 很香口和惹味, 這個今餐是最值得推介的一個菜

沙嗲王旺角分店, 一向比我感覺都是坐得舒服, 食物味道不錯, 員工有禮的一間良好餐廳, 不過今次光顧觀塘分店真是大失所望了於3月12日晚上約8:45, 在觀塘分店用餐, 在等位與帶位過程中員工都很有禮, 向員工提出想坐卡位, 避免在用餐時出現碰撞, 引起大家的不便, 點知即時一名女員工幾大反應, 以不禮貌態度, 及大聲回應不得, 個位好窄架), 其實拒絕我們轉卡位不是問題, 而是她大聲令人好不安, 當時正在進餐的其他客人, 全望向我及家人, 令我感到好難受, 我想即時起身走了而我即時望向女員工, 發現她身上並未戴上任何名牌,可能女員工以為客人未能得知姓名, 而不能作出投訴, 所以我向於收錢處員工查詢得知, 我已經即時書面作出了投訴, 並投入意見箱內, 由於字數有限, 再以電郵通知沙嗲王是次投訢更仔細內容,今日我打了去沙嗲王客戶服務有位陳小姐好有禮說會即日回覆, 希望比個滿意答覆我了不過下午2時結果是有個張生打電話來, 說該名女員工已受顧10多年, 只有客人讚,不會受理呢D小事投訴, 亦說我當時要即時向經理投訴, (我只是想食飯, 不是找架吵) 得了呢間公司真是跌晒形象, 如果不想接受批

海嘯關係，慳妹性格又發作...多年前光顧過後失望，多年後菜式有進步食物叫了..1.豉辣妙聖子....好味、有火氣、辣味不會蓋過聖子的鮮味2.咩咩（5記得名）豆腐 X 4....味道ok、外皮香脆，但這味價錢不值、8件經濟好多3.白咖哩豬扒飯套餐（小食叫炸蝦棒）...汁好多、好味、肉質ok；蝦棒外脆內軟...㊣4.滑蛋曼魚石頭鍋飯...味道很淡、蛋不夠滑、魚不夠味，對於不吃魚的我，不會再吃><飲品：芒果綠茶、芋香珍珠...還可以但無咩驚喜

早幾日先黎呢度食過今日再黎其中一個原因係因為有$26既coupon白咖喱豬排飯: 今次個味辣左d, 但都係好味（只係我唔食得辣）凍食扎肉雞絲檬粉: 呢個幾好食, d扎肉唔係薄薄的, 都幾多料, 又有腰果, 又有菠蘿, 幾arm我口胃芝士焗年糕: 呢個幾特別, 我鍾意d芝士, 面頭仲好似有少少bacon, 幾好味^^今次飲左士多啤梨雪香, 以為係普通一杯野飲, 點知都有珍珠, 都幾好飲!

第2次食呢間沙嗲王再食白咖喱豬排飯跟餐, 有小食半客, 甜品同飲品($15以下或加錢) - $49個白咖喱汁同上次一樣都係幾好味, 都唔算辣既...另外睇食評話芒果蟹肉炒飯都OK但食落覺得好少料.....淨返D飯果陣會覺得好淡....><鰻魚蛋炒飯$49, 都幾好味, 隻蛋係生咁上的, 幾正而且都唔算少鰻魚小食叫左XO醬炒年糕, 有得揀小辣, 所以都OKPS 我好滿意既係我地由7點幾開始食飯, 坐到10點幾先有人黎叫我地埋單一路都冇人有催我地走既意思, 幾難得^^呢間野真係幾抵食, 我地一行6人, 每個人都有叫一杯野飲, 每人都只需$44唔錯!

喜愛沙嗲王, 不是因為特別好食, 而是因為一班朋友聚埋, 食左好多好飽之後, 價錢又不太貴有時一間好餐廳不一定要食物十分出色, 而是能令食客享受食野o既過程所以食物只要唔好難食, 整體而言都係一間好餐廳。觀塘呢間真係睇你好唔好彩, 好彩我地有卡位坐, 如果唔係可能要坐得好逼一向都最鐘意食芒果蟹肉炒飯同埋白咖哩豬扖飯!!芒果蟹肉炒飯次次都無令我失望! 芒果同蟹肉足料之外, 仲有腰果令成個飯都好開胃!白咖哩豬扖飯唔spicy, 又有咖哩香味~ 而豬扖又有香茅煮過o既香味, 一d都無比咖哩蓋過!今次第一次食芝士焗蝦~ 都係一個新嘗試蝦都唔算太細隻, 而焗左之後融入左芝士香味~最緊要係一大班人食, 容易分黎食, 一人一隻~下次可以試下其他小食!