沙嗲王 (已結業)

呢個至尊二人套餐十分豐富，有沙律/餐湯，兩個主菜，一個小食，兩杯飲品同甜品。我揀咗餐湯，呢個唔係忌廉湯，飲落似周打蜆湯，但係冇蜆，唔會好creamy。雖然冇湯渣但飲得出有好蓉嘅魚同薯仔，我幾鍾意。嚟到沙嗲王必食白咖喱豬扒飯，呢樣係定律🤣。一如既往好好食，豬扒好香好多汁好稔，大大塊，大大碗白咖喱俾你撈飯。另一個主菜叫咗雞脾白咖哩飯，叫得巨脾果然好大隻。啲肉好滑，皮好脆，用鐵板上，熱辣辣。雞翼好大隻！個細甜甜地之餘，又有芥末嘅味道，皮脆肉嫩。飲品兩杯～最後仲有甜品，我揀咗Haagen-Dezs曲奇味雪糕～

今日同2個朋友係旺角行完街，捻住近近地係附近揾野食醫肚仔，就上黎食好野因為我地3個人有個朋友唔叫太肚餓，我地就叫左個2人set再share，佢有2個前菜，主食同埋甜品，1個小食同2杯飲品。前菜方面，大家可以選擇湯或者沙律。以前食沙嗲王一定會食佢個蟹粉豆腐鍋，今次當然唔例外叫翻個黎食啦！ 上枱嘅時候香噴噴，蟹肉鋪面，底層有滿滿嘅豆腐。熱辣辣送飯一流，不過可能會有少少油膩。另外，我地重叫左個白咖喱豬扒飯，咖喱奶味比較濃郁，唔會太辣，豬扒炸得外脆內軟，唔會太老。小食方面，我地叫咗個炸雞軟骨。餐廳提供嘅份量都足夠，雞軟骨唔會太老，太硬，幾好食。飲品我哋就叫咗杯凍朱古力沙冰同埋鮮榨青檸柑蜜，柑蜜可以幫手解決蟹粉嘅油膩感，酸酸甜甜幾好飲。另外甜品方面，餐廳本來可以俾我哋選擇雪糕或者芒果椰汁西米露。因為餐廳雪糕已經冇晒，所以我哋就揀咗後者，味道都幾好！

好耐無食過既沙嗲王雖然每一次食親都係個幾樣 但依然係好好食.同男朋友都係細食既人但每次都有好多野想食 所以就揀左個二人餐結果當然都係食到好飽好飽.1: 沙律&餐湯我地兩個扮健康地揀左沙律但其實係面都係有好多既沙律醬主菜方面就分別揀左❗️日式蟹粉豆腐鍋 配薄餅同白咖哩香茅豬扒飯相信好多食開沙嗲王既人都必點呢兩個蟹粉鍋之中除左有啲蟹肉之外 鹹蛋既味道相當出而白咖哩甜甜地 配埋飯食絕對係prefect match 小食揀左韓式蜂蜜芥末雞翼其實甜甜地好好食 但幾樣食物咁配就會漏得濟

同舊同事食嘢， 揀咗間好穩陣嘅餐廳，出品永遠都係咁好！ 質量通常都冇咩偏差！避風塘魷魚鬚～ 魷魚鬚份量好足， 又香又脆，加埋避風塘嘅炸蒜 ，簡直係一絕！當然要嗌王牌產品白咖哩豬扒飯！ 豬扒香軟鬆脆， 白咖哩汁香濃好味！xo醬炒蘿蔔糕用咗石鍋keep住溫度，熱辣辣，少少辣，好香口！炒通菜 ～見到都仲係青綠色， 唔會過老！白酒煮蜆等咗好耐先至上枱，係今晚唯一不足之處！其實仲會有二人餐、四人餐可以選擇，但係個配搭唔係好啱食，所以我哋都係散叫， 如果食餐圍返會抵啲！豐儉由人！

嗌左個二人餐，野食不過不失啦但令人嚇到一驚跟餐野飲有隻昆蟲係入面雖然有同店員要求換過一杯佢見到都嚇左一嚇可想而知已經令到成餐飯都無乜胃口食價錢方面算公道野食方面都幾多選擇係繁忙時間亦唔需要等位但唯一真係衛生情況，真係要注意一下店員既服務不過不失總括黎講，都可以俾多次機會佢不過可能係去另一間既分店始終食物方面幾多選擇同幾吸引而且價錢適中

次次唔知食咩好都會選食沙嗲王每次必食係白咖哩豬排飯 食極都唔會厭 必定撈哂啲汁今次叫埋個大雞腿🍗 肉嫩多汁 好滑 簡直想成隻楂上手食 又配埋白咖哩汁 絕配！食到好口渴 叫埋杯芒果珍珠 夠哂喉！

喺香港想搵間平而且好食嘅沙嗲餐廳真係寥寥可數，好在沙嗲王多分店而且選擇又多味道亦都幾好食，今次去咗好多人食嘅旺角分店，平時旺角食開嘅都係放題韓燒食下其他嘢都唔錯。同朋友叫咗兩個套餐跟嘢飲埋單都係$150左右非常之抵食。不過沙嗲嘅味道就普普通通唔係話特別出色不過如果想滿足食沙嗲嘅慾望都唔錯嘅

今晚出MK買野，順路兜黎食餐飯，本身都好期待碟熱辣辣脆卜卜香噴噴既白咖哩豬扒飯，但等左好耐都未上到黎。老公嗌左個焗飯，反而又黎得最早，個焗飯比我想像中好食之後專叫黎沾咖哩汁既薄餅都黎左，仲吹到凍晒到未到。最後等左成30分鐘終於都到喇，但好似同之前唔同左，先唔理佢塊肉唔夠熱，而且唔夠脆，最緊要係啲汁少左淨係夠撈飯，塊薄餅到最後要乾鯁。炸蝦棒 夠脆，食到粒粒蝦肉，但同啲沙律醬唔夾唔好食，唔煙韌，無芝士味總括：坦白講，真心失望，下次都未必會再食😑或者外賣個飯拎走算

呢間沙嗲王雖然位於旺角中心大路口交界，但唔算好多人wor, 等一陣就有位 一共有兩層，位唔闊落，但可接受，而且職員見我有個大背囊主動提供個籃我放袋，很有心👍👍👍我點左石鍋蟹粉豆腐配飯，仲有蝦春卷，個蟹粉豆腐鍋一上枱仲係滖住，面頭仲有少少蟹肉蟹膏，成個汁配豆腐撈飯好夾，又無骨，係怕會熱親😂 其實個鍋我覺得撈到兩碗飯，因為我食完碗飯都仲淨返好多，或者一班人食可叫多份薄餅點來share食😈蝦春卷就無乜特別，只要新鮮炸起一定好味😄

好耐冇食過沙嗲王，一心上來食下午茶。主食加小食加飲品$48落單同各位新移民講左要豬軟骨米線同蒜蓉牛油雞翼點知個雞翼 追左3次都未到隔離枱遲過我哋入嚟 都已經一早食完走咗真係好懷疑係咪俾左隔離枱再出去最多次啦個位新移民仲揸到單到成個波咁係咪唔洗我俾錢呀咁？已經揀下午茶時間食 諗住少啲人點知野都冇得食仲要等到2046輕量下午茶都食到成肚氣啦！終於到啦 2隻雞翼唔會炸定架咩！客人叫個時翻炸係常識吧！定係隻雞連對翼都未生出來呀？

今日要出旺角做嘢 ，做做下發現已經差唔多到中午食飯時間 ，就出去搵下有咩好食，行行下就見到沙嗲王， 由於好多年都冇去沙嗲王食嘢 ，所以就走入左去試下。呢間沙嗲王應該開咗唔係好耐時間，印像中之前好似係一間食米線嘅 連鎖餐廳， 由於新開嘅關係所以裝修都仲好新淨，座位都算幾多(有兩層 )， 坐低之後諗都唔使諗，餐牌都唔使睇 ，就叫左白咖哩豬扒飯， 估唔到仍然保持到以往一貫嘅水準， 豬扒非常鬆軟，咖哩亦會太辣 ，好適合香港人嘅口味 。唯一要改善嘅地方就係餐廳人手唔係咁足夠。

今次嗌左2人餐 2個主食+1個小食+2杯野飲+2個甜品主食揀左芝士牛柳👍🏻🤤焗飯個汁甜甜地 唔會太heavy. 最驚喜係芝士中間有溫泉蛋! 個汁,芝士,蛋好夾😛 另一個主食我揀左白咖哩豬扒. 第一次試佢既白咖哩 椰汁味幾重但偏甜 豬扒就正常但凍左少少. 整體黎講呢兩個主飯都唔差🤔小食揀左雞翼 炸雞翼加醬 食起身有啲似金沙骨haha Um..出餐時間耐左少少 可能地方大 好多張台 所以都等左7-8個字先出到食物.要啲耐性😂

一向都幾鍾意食沙嗲王，因為佢嘅白咖喱飯真係好出色，所以時不時都會掛住呢度，所以今次又同朋友過嚟呢度食～心心念念嘅白咖喱飯，個汁真係無得輸，豬扒都係非常之香脆，如果我都煮到就好啦呢間JR分店好似係想行年輕化嘅路線，裝修比較新潮，燈光比較充足，但係食物分量方面，可能因為碗碟比較細，唔知係咪想行精緻路線，食物分量冇舊舖咁多。牛油炸雞翼都係必點之選！真係做到外脆內軟，重點係非常之juicy!蒜蓉蝦春卷都係一個唔錯嘅小食。印度薄餅都係必點，個餅非常之鬆脆香軟，咖喱汁亦都好好食，推薦！

剛好同老大一起休假，辦完事就一起搜搜到他家吃飯，老大説要吃飯，我就當喝下午茶！下午茶時間沒什麽人，我們點了拉麪小吃，老大拉麪好快就上臺，飲料也上，但我的小食過了15分鐘還沒上，時間有點長！環境不錯！值得慢慢來，反正我也不餓，

沙嗲王，有好多間分店，我個人應為最出色都係沙嗲............今次我去了沙嗲王叫了一個雞扒沙嗲湯讚岐烏冬。為什麼我會說沙嗲王的沙嗲湯出色呢，因為我覺得沙嗲王的沙嗲湯濃郁而惹味。在湯裏面會有芽菜，令到口感增加。本來芽菜是沒有什麼味道的，但正正由於沙嗲湯非常濃郁，所以令到芽菜都沾上一些沙嗲味。除了芽菜，湯裏面還有一些其他配菜，好像是切了長條型但薄身的洋蔥。洋蔥因為薄身，加上沾上沙嗲湯 ，變得非常美味。平時我最怕吃到洋蔥的一點點辣味，但對於這個沙嗲湯裏面的配菜，我全部通通吃掉。無論是洋蔥又或者芽菜，又或者讚岐烏冬，全部都因為沙嗲湯好濃郁，而且味道可口，令到所有麵條和配菜都變得好味。當然這只是我個人的想法。哈哈。有些人可能會覺得白咖喱汁味道更好。至於雞扒都幾好味。外皮有炸卜卜感。既香，亦好味。糖心蛋，港幣$8，一隻，裏面糖心是常識吧。