影片
港铁旺角站 D3 出口, 步行约1分钟
继续阅读
营业时间
星期一至日
11:30 - 22:30
公众假期
11:30 - 22:30
公众假期前夕
11:30 - 22:30
以上资料只供参考，请与餐厅确认详情
食家推介
疫情下难得可以Hea爆既慢活日子旺角区美食多箩箩行咗阵街经过沙嗲王谂都冇谂即刻上咗去实在太耐无食佢嘅 招牌白咖喱香茅猪扒.撞啱下午茶时段有个「轻量白咖喱香茅猪扒拉面」.本身跟碗拉面系汤面问姐姐个面可唔可以走汤呢间姐姐话可以啊！超开心（之前第二间唔得）咁就变成震慑食道既白咖喱捞拉面喇～隐藏版食法～.真系劲爆宇宙味蕾之癫世界级好食！！！.可惜杯冻奶茶（无乜奶茶味）.依家用手机App落单 会-$2每消费$20送$2 下次再食又再减真系啱晒我啲精明又醒目嘅为食鬼呀
继续阅读
岩岩叫完野食谂住去洗手间点知洗洗下手有个职员（呀叔）冲入黎打乞痴仲要系除低口罩打 打左落我个身到我当场闹佢 你除口罩打乞痴 个口罩做样架！？之后我出左去同前台职员（呀姐）投诉佢地不停同我讲唔好意思 话可以比制服我换我无要 因为我唔肯定干唔干净之后比湿纸巾我抹身我闹佢地 点解依家疫症时期 卫生意识都可以咁差我太嬲 同觉得个身太污租 我已经无胃口食最后无食就走左——————————————————————太嬲 无影相问完呀叔个名 转个头都唔记得左希望佢地卫生意识提高返虽然我感觉到佢地好有歉意, 但我认为员工需加强卫生方面意识
继续阅读
今日去左星际拎镜，原本谂住去女友做野𠮶度等佢收工，但女友知我喺旺角，就话佢都好耐冇出旺角，所以收工就出黎旺角行下同食野，唔洗我走黎走去。咁女友7点半左右黎到，就谂食啲乜啦，我就比左几样佢选，佢就觉得好耐冇黎沙嗲王食，所以就选左沙嗲王啦。入到黎，又要比人check下体温，之后比左张qr code我地，叫我地用手机点菜。下！！？？个人觉得咗样点菜唔系咁岩沙嗲王呢类餐厅，如果你系任食放题字下十下既话，手机点菜会系几方便同有效率既方法，但如果系就咁叫野食，始终有位侍应系会好啲。（纯个人谂法，用手机点餐有2蚊平，不过都系觉得唔好）呢期出左只滑蛋饭餐，个人钟意食蛋同猪扒，就点左个滑lulu蛋香茅猪扒饭，跟餐可以加钱加个餐汤同猪肉粉卷。仲有叫左白咖喱肥牛乌冬，「12年前价脆虾捧」，饮品2杯，埋单200蚊落楼。滑蛋猪扒几好食，香茅猪扒又淋又有味，蛋份量多，味道ok，成碟饭cp值高，如果可以选汁（黄白咖喱汁等）咁就正，推介👍猪肉粉卷系我喺沙嗲王入面最钟意既菜式，我女友都唔明我点解咁钟意，次次黎食都要点🤣另外个白咖喱肥牛乌冬，乌冬唔错，滑而弹牙，唔系最好食，不过睇得出唔系用平价乌冬。肥牛有啲老，我觉得ok. 白咖喱唔错，个汤味因咖喱而变得好饮。做promo𠮶个都二年前价脆虾棒唔错，跟酱点黎食几好。价钱抵👍👍最后讲下服务，沙嗲王真系唔错，姐姐友善，仲有个后生仔喺度，叫佢帮手加水都好快。冇左以前𠮶个按制落order, 可能觉得烦同会忙啲挂，可以理解。
继续阅读
沙嗲王真系久唔久都要去食下 沙嗲王大部分食物都系水平以上 今日出旺角整完电话 谂唔到食咩之际就突然间喺脑海里面闪到沙嗲王三个字 下午茶时段 啲份量都唔少 因为佢分咗小鸟派及满足派 分量及价钱都会有所不同 白咖哩猪扒饭 $52白咖哩呢个汁真系送饭一流 猪扒松软 唔会炸过龙仲有啲啲肉汁 沙嗲肩胛肥牛粉丝 $50沙嗲汤底就系配粉丝最好其实佢仲有拉面 乌冬𠮶啲拣 但系拣粉丝就好吸味 家长佢啲肩胛肥牛唔会鞋口加咗两份蒜蓉牛油鸡翼 都唔记得影相 炸粉够松脆 唔会炸过龙鸡翼都好juicy 不过鸡翼就比以前细只咗 而家系一只大一只细 好彩每人两只 食太多都怕热气而家好多餐厅都系用QR code点餐 沙嗲王用QR code 自己点餐仲有优惠 小小都好过无呀
继续阅读
好耐冇食过沙嗲王，上一次应该系旧年11月，今晚有人请食饭，当然9秒9跑去啦🤣当然而家疫情未退，在于顾客来讲好似系一件好事，唔需要排队、又有折扣、人少咗服务又好咗，但系对食肆来讲就真系前所未有嘅寒冬❄️好啦，入到去梗系叫嘢食啦，打开餐牌用手机落单仲可以平$2😍白咖喱猪扒饭系我每一次去沙嗲王必叫嘅食物，有成四块猪扒，白咖喱汁捞饭真系冇得顶🤩真系每次食都系咁好味，而且每间分店都可以保持到水准，非常赞👍🏻👍🏻加十几蚊就有两块薄饼，用嚟索白咖喱汁真系好好味㗎😱鱿鱼王子，其实有啲似避风塘嘅做法，用粉浆炸咗鱿鱼筒之后再加蒜蓉炒，非常嘢味，但系就比较热气🥵虾酱炒通菜用石兜上，食到最尾仲系可以保存热度，通菜鲜嫩无渣，但系比较咸咗少少🤏唔记得咩名，好似酸菜鱼嘅味道，娃娃菜嗦咗啲汁非常好食，鱼亦都够滑👍🏻👍🏻值得一赞嘅系，因为白咖喱汁又要捞饭，薄饼又需要白咖喱汁，所以同侍应姐姐讲，问佢可唔可以俾多少少白咖喱汁我，佢就即刻递上👏🏻👏🏻非常满足嘅一餐🤤
继续阅读