沙嗲王 (已搬遷) 新店位置

兩個人叫左五樣野：辣酒煮花螺 — 辣、有酒香，螺一般，但整體比鯉魚門好牛油雞翼 — 炸得好但無牛油香只有蒜味避風塘軟殼蟹 — 蟹像一團粉，全碟只動了一塊沙爹牛肉粉絲 — 今次去都係為左食呢個野，上一次食已經係十幾年前，感覺無以前好，粉絲一團，份量多了一點令湯唔能夠完全融入粉絲裡面，也是好吃的麻辣黑豚肉米線 — 朋友食，食左兩啖就放左起度，佢話完全無味埋單$220

六點黎到,有卡位,幾好,好舒服.....叫了白咖喱豚肉飯和香芒蟹肉炒飯...豚肉飯ok!其實白咖喱只不過是加了白汁的咖喱吧...豚肉很滑,不錯!但嫌少了一點...香芒蟹肉炒飯...凍的...沒有鑊氣...蟹肉很少,還夾雜很多細蟹殼....之後翻看餐牌,有一細行寫著"請小心，飯中有少量蟹殼"死未...............................................

喜歡沙嗲王，是因為它的東西並不太貴，走的時候又有coupon送，食物質素不差，至少每樣東西都是熱的．每次必叫石頭飯．它的石頭飯材料多，要求不高的，一定喜歡．上次來叫了個辛辣米線，叫了小辣仍是勁辣，我捱不住了．．．上次又試過XO醬炒蘿蔔糕，以為西餐廳的蘿蔔糕一定不對勁，但出來卻可比得上酒樓的！避風塘炸荳腐係一絕！夠熱（同熱氣），食唔停口呀！！！可惜係呢間沙嗲王的服務不太好．．．好慢好慢呀．．．雖然按了制要服務，但行過叫人按取消之後又良久才provide 服務．．．

$19香芋珍珠,未試過咁難飲珍珠的確不少,但飲管啜不到,因珍珠幾粒黏在一起,不是粒粒分明再者,珍珠死實實,完全沒有珍珠應有的煙韌彈牙,沒有應有的香甜棄之可惜,食又怕消化不良,又要使勁把珍珠分離套餐甜品不再是芒果布丁,改了幾厚幾硬的水晶皮包豆沙

因有COUPON, 又來食白咖哩豬扒飯, YUMMY...白咖哩豬扒飯套餐$50:白咖哩飯+小食+茶+甜品, 好抵食白咖哩汁有香濃的香矛味, 再加一個白飯, 撈飯食正, 豬扒有三件, 比Causeway Bay 分店大件得多, yummy.小食選了炸豆腐, 好香口, 好滑, 正lemon tea 一般甜品布丁很難食服務: D食物就好慢好慢咁上環境: 迫

叫左個沙嗲豬扒飯同埋日式魯肉飯點解我要係沙嗲王叫個日式魯肉飯呢?我都唔知, 唔好食預左, 結果都係意料之內-.- 無得怪間店的(幅飯圖影得靚呃人架咋)係唔好食的, 唔好叫魯肉飯(雖然我深信除左我之外無人咁傻)唔好食之中都算放得入口, 已經係可加許架啦XD好啦,個沙嗲豬飯, 我個人覺得OKD沙嗲汁好花生醬味, 我無唔中意不過我朋友就覺得整得好差唔知係我份人唔嫌尖定點呢..可以一試呀我覺得~~唔... 不過開頭要人搭檯令我呆左下-.-同埋D位都幾迫呢, 坐得都唔舒服既!!睇你想食平野, 食物質素有保證既都,定係想坐多陣舒舒服服咁啦..如果想坐得舒服D既就超級唔建議啦

25-03-2008夜晚同朋友打完機就行去呢間沙嗲王食野~我叫左個芝士焗雜菌飯+脆蝦棒+蘋果綠茶，佢就叫左個白咖哩豬扒飯+炸蟹鉗+芒果綠茶。我個傻唔算太差，但可以再加多少少調味料吊吓味~~我杯綠茶好淡味=.=之後，我個fd 見到有人叫左個冰鎮蝦，咁就叫左試吓，可能撞o岩我地果盤d 蝦o既膏少，我自己覺得差少少~~個甜品鐘意食甜會ok d，我就麻麻=.=果度地方唔係好大，但入面就好多射燈，d 風扇就係咁吹d 熱風過o黎，有好過冇，搞到我更加覺得焗。燈係就係多，不過唔係個個燈都有實際用途，初初坐果張枱睇個menu 睇得幾辛苦，所以之後我地自己轉左隔離好好多o既枱~~服務見人見智，個人覺得人手唔太夠~~不過佢d coupon 都幾好，冇限制每次食飯最多可以用幾多張~~

2月15日~ 去harbour city尋找我地隻愛的大熊bear~ 發現我地仲有幾張沙嗲王既coupon未用, 所以就黎食啦. 竟然, 晚飯時間既尖沙咀唔洗等位就食得!::: 白咖哩豬扒飯::: $34真係每次黎都要食. 永遠保持水準. 豬扒香口冶味有肉汁, 伴咖哩一流. 仲有d乾蒜洋蔥都令成個咖哩生色不少!! 好好味!! 不過呢我地食過唔同地方既沙嗲王, 發覺有d地方既白咖哩係辣d架!! ::: 越南豬肉粉卷::: $29呢個都真係唔可以miss! 同其他正宗既越南粉卷唔同, 沙嗲王濃味d~ 塊粉皮通透, 唔會過厚, 入面個陷係d肉碎菇絲, 面頭仲灑左d肉鬆同蔥, 真係好好味~ 超推介~隔左一排無食過沙嗲王. 發現佢加左價. 其實用番d coupon都唔係話貴既, 但係感覺就無以咁抵食囉. 不過都會再食既~ 因為又有coupon啦嘛~!!

夜晚行亞士厘道見到大大個牌，就去試下，外面等位都等左十五分鐘，希望好食啦。入到去已經唔自在，又黑又窄，坐得唔多舒服。見到餐牌就有d興趣啦，都好多選擇。最後同朋友點左兩個飯。見張枱有個control可以叫人service，都幾得意，不過成日BB聲真係好嘈，可唔可以冇聲呀!等左十分鐘島我地D野到啦︰香芒蟹肉炒飯-好香既芒果真係食完會想再食，蟹肉都好多好夠，啖啖飯都有料，真係抵食。白咖哩豬扒飯-白咖哩我係咁撈飯食，又白又甜既白咖哩真係食到停唔到口，豬扒反而係配角，普普通通啦。食到中途想加水，禁左幾次鐘都冇人黎，真係要禁多幾下，有D伙記睇到都扮望唔到行左去，禁到第4次先有人理，原來佢地等埋幾個加水先一次過做，真係有冇搞錯!服務唔掂，食物好正，想食好野我真係覺得好值得推介，想服務同坐得好既唔洗諗。

超氣憤!!今天是大年初三，我地一家人0係TST行街行到，於是就上去海防道間沙嗲王食dinner.我地今晚共叫左一客冬陰公湯、一客白汁龍利柳飯、招牌娘惹咖哩牛腩飯、清湯雞扒金邊粉、海鮮炒飯、炸蝦餅、上湯通菜、桂圓杞子蜜和凍檸檬茶。好啦，落order之後，我地竟然等左成20min至0黎杯桂圓杞子蜜!!真係好笑，點解唔係凍檸茶0黎先(又過左成10min至0黎)，唔通沖一杯凍檸茶要好大功夫?算，都明佢可能新年D人放哂假，所以唔夠人手，咁都算。咁我地D食物就好慢好慢咁上。先講冬陰公湯。真係好陰公，一D都唔辣之餘，仲要好重椰奶味。乜呢煲係奶湯咩?而個清湯雞扒金邊粉，no，應叫佢做壽桃牌車仔麵加塊黑椒雞扒。塊雞扒我淨食到黑椒味，而碗0野，就好肥油又好重麻油味。好彩我今晚唔肚餓，如果唔係食D咁0既0野... 唉...上湯通菜... 得個肥同咸字... 唉，仲諗住上湯會比炒菜清淡得多... 真係ar...最掃興係我地一路食一路見到D夥計狂數人數，想出面等緊ge人快D入到0黎... 大佬，如果你想出面D人快D入到0黎幫襯，咁你都要上菜快架! 淨識催我地。你地知唔知，我地淨催伙計碟招牌娘惹咖哩牛腩飯都催左成

之前未去食過呢間, 但聽朋友講話ok, 所以就去試下個度setting好窄, 坐得一d都唔舒服, 枱同枱之間好短距離, 提供唔到一個舒服的環境俾人用餐~我地叫左個xo醬海鮮炒飯, 炸魷魚, 白咖哩豬扒飯同龍蝦湯2個飯都還可以, 但係個魷魚就真係唔得. 完全都係冇魷魚味, 同出面食10蚊街邊魷魚冇分別之後仲有個龍蝦湯, 個湯都係一般, 但佢隻碟真係好污漕~~~!!!!! 全隻碟的碟邊都係fringerprint, 太terrible!

第一次同男朋友黎呢間沙嗲王食野..來入去就覺得好逼,連行既位都無..搞到我系甘俾人推..又俾人踩..終於有位坐,叫野食,想食個樣無個樣..都唔知系咪玩我地..諗完好耐再叫..又系無..落單前又唔講聲..諗左好耐決定叫白咖哩豬排飯+沙嗲牛肉飯!!好遲先上,慢!叫左二杯野飲,我個杯紅豆冰好多奶..唔好飲..叩佢少冰又無少到..又唔俾匙我食d紅豆..唔通用手食咩..希望改善下個門口..起碼等位個陣舒服d服務員態度唔多好..未食完就執定位..想點?

享用了太豐富的午餐，夜晚講真吃不下，去沙嗲王是為陪龍填肚。　餐廳環境與食物水準都不壞，想不到食物如此抵食：白咖哩豬扒飯套餐連蝦捲小食、飲品及芒果布甸，才售$46!講真，白咖哩豬扒滿有香茅味又嫩滑，我吃滯了都覺得頗吸引；其他食物就一般，但，還是那句：太抵食了!!　我們又叫了2件榴槤飄雪($6件/$10兩件)，原來是一件榴槤雪糕夾餅的甜品。龍說榴槤味不夠(其實我不同意)，不過也飛快吞下，可見並不差~~　另外，發現沙嗲王引入了「五款按鈕」的新系統，又幾聰明幾有效率喎!　想不到這樣的隨便一餐，發掘了這間久違了的餐廳的一些驚喜。記掛同場有些頗吸引的小食，反正臨走送了好些現金劵，下次胃口好時會來重溫!

唔知係咪今日天色不是咁好．又是halloween ．好小人喎．唔洗等位．之前見佢勁多人等的

今日男友見完客, o係度晚飯, 呢度rush hour都幾多人等, 可能會迫d同埋接待慢d, 不過我地七點前黎, 就有卡位坐, 同埋上菜快~叫左冰鎮蝦/ 釀蟹蓋/ 什菌西蘭花/ 龍蝦湯/ 椰汁黑糯米/ $120找數之前食過兩三次, 今次無叫咖哩飯炒乜炒物果d, 試下呢d菜式, 算有水準. 最過癮係冰鎮蝦, 等於酒樓d白灼蝦凍住, 點個sauce正! 釀蟹蓋, 味道幾濃香, 但欠左d口感. 龍蝦湯同Spaghetti House果d差唔多囉, 易入口但唔係好鮮咖乍.西蘭花嫌少得太稔, 水煮一樣, 我諗o係沙嗲王食芝士焗會好味一點.烯冧冧的椰汁黑糯米, 可以做得好d!