沐白小農 (已結業)

今天很早吃完飯，就想喝珍奶做消夜。路過發現沐白在尖沙咀也開了，本來就想試大甲芋頭鮮奶，現在真的沒有藉口了。可愛牛牛卡通店內打卡位有彩虹椅子。這裡比一般台式茶飲店寬敞，有吧枱位，可以坐低慢慢飲。珍珠紅茶拿鐵 (M$28)微糖微冰，本來想走甜，店員建議要加點糖來提茶味，甜度真的帶出茶香。大甲芋頭鮮奶 (M$30)固定甜，可微冰，係皇牌之一，芋頭味道超濃郁，和鮮奶份量差不多1比1，真材實料，每一口都有啖啖芋頭蓉，質地細滑帶有芋頭粒，更有口感，芋迷不可錯過。沐白黑糖波霸鮮奶 (M$30)固定甜，可微冰，新鮮即製，杯底的黑糖珍珠超熱的，漸層好美唷，先打咭！記住要shake shake先飲。好多珠喔！珍珠很有嚼勁，越咬越出味，黑糖味道天然，跟鮮奶混合，很好喝，非常有水準！

行街行到熱辣辣，經過沐白見到啲飲品好吸引，忍唔住即刻買返杯同朋友一人一杯，簡左3杯大熱人氣飲品草莓鮮奶好清新既草莓鮮奶，有大半杯都係草莓蓉，味道酸酸甜甜好天然，鮮奶好滑，飲完成杯都唔會覺得膩大甲芋頭鮮奶一定要試的大甲芋頭鮮奶！芋頭同鮮奶絕對係天衣無縫既配搭！大甲芋頭天然綿密，鮮奶香濃幼滑，芋泥份量十足，飲既時候仲會食到芋頭粒，好有口感黑糖波霸鮮奶雖然驚喜不大，但都係水準之上既黑糖珍奶，珍珠好大粒好煙韌，鮮奶香滑，朋友都話好好飲店員叮囑飲之前記得要搖勻10秒店入面有少量座位，買完野飲可以坐低慢慢飲，順便可以打埋卡

最近試咗一間茶飲店環境幾舒服都唔錯！..........大甲芋頭鮮奶$30呢個真係食到粒粒芋頭好香芋頭味！足料🤣🤣🤣同鮮奶一齊飲好夾！如果鍾意芋頭嘅朋友應該會好鍾意呢杯😂..........草莓鮮奶$35呢杯會酸酸地 成杯都係草莓肉同鮮奶🤣味道唔算甜 好似飲士多啤梨奶咁酸酸甜甜幾開胃！攪勻左會變咗粉紅色 好靚🧡..........另外值得一提 店內有座位提供 仲可供充電同朋友去飲杯嘢傾吓計一流！..........沐白小農元朗總店：元朗裕景坊 27-31 號金倫大廈地下 4 號舖尖沙咀店：尖沙咀寶勒巷3-7A萬事昌廣場地下2,3,5舖

行行下街好熱，好想搵個地方買杯野飲下降下溫，禁岩就經過呢度。原來佢地由元朗開到黎呢度已經第三間分店，質素應該唔錯，仲要店舖好大，有座位可以坐低休息慢慢嘆，仲有位可以影相😍。 我地嗌左三杯野飲：（左至右）《草莓鮮奶》$35個人覺得最好飲最有驚喜係呢杯。雖然整體有小小淡，但係草莓好新鮮，帶微微既酸度，好岩我口味！而且接近半杯都係草莓，一啲都唔吝嗇，打得碎之餘又食到粒粒果肉，配埋明冶奶真係好好飲！🤤 《大甲芋頭鮮奶》$30價錢好平民，有二分一杯芋泥，岩晒我呢啲芋頭控🤪成杯野都無加糖，甜味來自芋頭既甜味，所以唔會太甜👍🏻底部既芋泥都做得好出色，味道天然，口感綿滑，又可以食到粒粒芋頭，好正🥰 《黑糖波霸鮮奶》$30雖然熱潮好似已過，但係睇相覺得整得好靚，所以都忍唔住要嗌杯黎試下，結果味道都幾好！黑糖味好香濃，攪匀左之後仍維持到個陣濃郁既黑糖味👍🏻珍珠軟硬度岩岩好，好好咬！不過如果可以再提升一下個奶味會更好。 又平又好飲，一定會再幫襯！

一向只鍾情紅茶，綠茶，烏龍茶的我，對珍珠奶茶沒有太大好感，所以從來冇試過買😅食完飯係尖沙咀經過一間牆身有牛牛🐮圖畫打卡位的沐白小農，朋友問我有冇興趣試一試，，反正都未試過，就試一次😌。排隊等到飲品時，除了有一幅打卡的牆外，裡面還有幾張高身檯和櫈，枱底下還有叉電線，地方都頗大。我們點了，《黑糖珍珠鮮奶》杯底是暖暖的黑糖珍珠，搖匀後，黑糖甜味剛好，奶味亦香濃，珍珠煙靭有咬口，原來又幾好飲😂《甲芋頭鮮奶》好重芋頭味，因為芋泥沉底的關係，🤣飲前要搖匀多幾轉，飲落香綿，甜而不膩。當然唔少得要試我最愛的水果茶系列，《柳橙綠茶》，新鮮榨成的橙汁加上綠茶，因是微糖的關係，飲落不太甜，橙汁的味道減少了綠茶澀味，帶出茶香味。😍

今日同三位朋友出了尖沙咀，因為約嘅另一位朋友未到，我地無無聊聊行了幾轉，發現了一間新開嘅台式飲料，叫做沐白，藍白色嘅感覺，好簡潔，感覺很清新。而且仲要有位座，有电叉😂於是乎我地就响度hea⋯⋯好多款都好吸引。。。我有選擇困難😭超正呀，有电叉！呢個賣點非常吸引😂濃情可可黑糖波霸鮮奶朱古力味都幾濃，又唔甜！黑糖波霸鮮奶鮮奶好濃厚，但又唔甜！大甲芋頭鮮奶有啲芋頭西米露，我個人很喜歡💕呢間店舖好細心，因為我每次我吉飲筒嘅時候，都會整到周圍都係，佢地有個蓋遮住，可以避免彈到周圍到係！總結一下，呢間台式飲品嘅飲品唔算唔甜，感覺好健康，可以再幫襯！

台灣小清新茶飲店來自台灣的沐白，主打用天然原料，無添加化學成份，剛好喝到的兩杯飲品，都沒有後加糖，所以不必少甜了。店內環境小新清風格，逛街累了來坐坐，喝杯飲品，打個卡，都很適合。黑糖波霸鮮奶　大甲芋頭鮮奶偷看到店家使用的是日本明治鮮奶，頗香滑的，甜度也較低，主要味道和甜味來自底下的芋頭和黑糖，兩者各有千秋，黑糖那杯有珍珠，多一重口感可咬一下，台灣大甲芋頭很聞名，甚為香濃，個人覺得黑糖份量可以再多一點，邪惡的美味，呵。

窮遊香港-沐白尖沙咀開左分店呀.又係野飲時間 今到飲沐白原來最近沐白尖沙咀都開左分店之前試過飲 都高質既 咁尖咀分店質素點呢？先講講環境 呢間台飲店 入面有小小坐位 同埋打卡位可以坐下慢慢飲 幾好店內睇到入面 整野飲 煮珍珠（可睇圖）.野飲方面⭐️波霸黑糖鮮奶$30呢杯高質👍🏻一拎上手杯底既黑糖珍珠幾熱 係熱 係熱（‼️強調係熱 唔係暖 加分）👍🏻正因為咁熱 搖完之後冰岩岩好溶哂（偏小冰？）👍🏻仲要杯野岩岩好 幾凍 冇變淡（想再冰d既 自行叫多冰）👍🏻珍珠重黑糖甜味 勁煙韌彈牙！👍🏻後有明顯奶味高分作品好評.此外 呢間既飲品幾靚 幾足料睇圖可以見到 芋頭 同草莓 都多過3份1杯⭐️大甲芋頭鮮奶$30⭐️草莓鮮奶$35

見到想試好耐既飲品店終於由新界開到黎九龍，呢日同朋友們去尖沙咀食飯順便去試下🤓門口易拉架上面有兩杯特別巨型，相信係熱門之作，要嗰兩杯係基本啦👻全部既甜度係固定，但係冰量就可以更改，一致要曬少冰👉🏻👈🏻之後店員有提醒我地要上下倒轉會，效果會比攪勻好🤤▪️ 大甲芋頭鮮奶（7.5/10）💲30呢杯就係大熱之一既，大部份都係芋頭泥，所以口感都以綿為主，間唔中會有些許芋頭顆粒，而且芋頭味道都足既，份量都唔少佔左半杯，感覺夠飽肚，亦不失陣陣奶香🤗▪️ 沐白黑糖波霸鮮奶（7.5/10）💲30另一杯既大熱之選，見到有黑糖掛杯，飲落會有黑糖甜，黑糖滲透度亦都入到波霸芯，而且口感煙韌🤔▪️ 濃情可可黑糖波霸鮮奶（7/10）💲30飲落可可味都真係幾濃，又不失黑糖香，不過對比起沐白黑糖波霸鮮奶會偏甜，等到後尾啲冰融得七七八八就啱啱好😳🔎 整體評分（7.5/10）

同朋友行街食飯，又點少得一杯珍奶呢😌😌😌我地去左呢排好多人讚既 #沐白小農 原來尖沙咀店好大間，可以點完入去等，有冷氣好舒服，仲有打卡牆比大家影靚相😊我地點左3款：❣️ #黑糖波霸鮮奶 - 必點！香濃黑糖味道，珍珠軟腍帶點口感，非常好喝！🤤❣️ #柳橙綠茶 - 好清新好解暑，最岩夏天☀️❣️ #大甲芋頭鮮奶 - 滿滿芋頭粒粒，勁足料，甜度剛剛好，配上鮮奶，好健康有營養😆佢地黎緊會推出芋圓冬瓜茶，比左我地小杯試飲，好好味呀，到時一定會再買！尖沙咀新店岩晒九龍既朋友😍

天氣越來越熱，一熱就想搵凍野飲。路過寶勒巷新開的一間台式飲品店，索性去買杯凍飲消消暑。鋪頭的裝修很簡潔，無多餘裝飾。雖然唔係好大，但都有些少位置讓人現場坐低飲，休息一下。座位下面可以讓人幫手機充電，如果無帶充電線，店內都有充電線讓人使用。做法很貼心講返正題，店鋪標榜自己用的係鮮奶而唔係人工奶精，所以我揀了草莓牛奶（少甜、少冰）來試。味道果然夠天然，唔太甜，草莓是新鮮的，仲很有牛奶味。朋友1號都話要試下係咪真係用鮮奶，所以揀左芋頭鮮奶。佢話芋頭味的確很香濃，和鮮奶混合一齊很好味。不過因為芋蓉很濃，所以一開始較難跟鮮奶混合。朋友2號就話要試杯最穩陣的，所以揀了黑糖波霸鮮奶。珍珠很有咬口，充滿黑糖的香甜味。跟鮮奶混合之後，變成了黑糖鮮奶，甜度剛剛好。大家如果經過寶勒巷，都可以去試下

過去已經在台灣 飲過， 早已知道他出名的就是 台式飲料，當他到達香港 的時候， 我已在 元朗的店舖內 飲過，沒想到 原來尖沙咀 也開了分店，這是我十分期待。這天剛好路過此地，吃過晚飯後，便安排看一杯台式飲品，我點了 大甲芋頭鮮奶，甜度是固定的， 但卻可選擇冰的多少。 設定 和台灣的一樣， 真是保留了台灣的味道。而朋友就點選了黑糖珍珠鮮奶，我沒有飲朋友的口水尾， 但他說和台灣的沒有大差別， 我相信味道也應該不錯吧。雖然味道和台灣一樣，但價錢和台灣有點不同，雖然我也明白這是香港的物價，但也期望性價比可以更高。

沐白小農在元朗已經好想試，終於來到尖沙咀！店內的裝潢是農場牛牛好可愛。沐白小農堅持天然新鮮的用料，選用鮮牛奶，不加奶粉、奶霜，亦不加任何一滴水，採用全天然蔗糖、黑糖（未經精鍊及漂白的原糖）。大甲芋頭鮮奶 $30有份量十足的大甲芋頭，台灣很出名，再加入鮮牛奶。拌勻後品嚐，呷到甜甜的鮮牛奶中有粒粒芋頭，甜度也剛好。黑糖波霸鮮奶 $30我會先呷一口冰凍鮮奶，然後再品嚐下層熱黑糖珍珠，感覺幾過癮，之後再拌勻品嚐，珍奶煙韌，味道不錯。這裡還有彩虹🌈椅打卡位，不能錯過。

喺公司附近又新開左一間臺灣過江龍—沐白小農。作為臺式飲料店，地方算非常大，有座位同充電設備提供。最出名既黑糖珍珠鮮奶一定要試試，黑糖珍珠唔會過甜，QQ的、明治牛奶香濃，飽肚消暑之選！抹茶黑糖波霸鮮奶，比黑糖珍珠鮮奶多左抹茶，多左少少茶香、又再多一層口感。紅茶鮮豆乳加珍珠，紅茶豆乳/紅茶豆漿一直係我最愛，相比牛奶、豆乳口感會比較輕盈，加埋紅茶清香，簡直絕配！員工同老闆娘態度都非常友善~大家經過TST都可以試下！

之前係荃灣經過都多人等，今次見尖沙咀新開分店，即刻買黎飲下。見店內宣傳相介紹沐白小農用的是天然食材、無添加，大部份飲品都用小農鮮奶，亦用天然蔗糖或天然蜂蜜。比起荃灣店，呢度更大更舒適，有坐位供客人休息飲野，還非常貼心備有充電插位。這8款飲品最受觀迎，其中的黑糖波霸鮮奶、大甲芋頭鮮奶更加是必點飲品，所以今次同朋友都點左呢2款。黑糖波霸鮮奶，杯上密封好，外帶也很方便。飲品的黑糖花紋都好靚，底部的是滿滿的珍珠，飲前要搖勻，甜味的黑糖撞入香滑鮮奶，味道好balance。店員介紹是用台灣的黑糖煮珍珠2小時，所以好入味，特濃的黑糖味帶甜甜香味，珍珠也煙韌彈牙，與味道清爽不膩的小農鮮奶混合，甜度亦剛好，比一般珍奶更清爽不膩。大甲芋頭鮮奶，用了鮮奶及大甲芋各一半，其中芋頭更有芋頭粒及芋蓉，口感豐富味道濃郁。用了台灣的大甲芋頭，其肉質細膩，且黏滑粉質高，所以飲落好夾鮮奶口感。飲到有一粒粒的芋頭肉，仲有綿密滑溜的芋蓉，拌勻小農鮮奶，亦散發芋頭香氣，甜度亦剛好。珍珠紅茶拿鐵，味道係比一般奶茶更香更清爽，比珍奶又多份茶味甘香，呢個組合都好夾好好飲。珍珠Q彈，鮮奶與紅茶拌勻，奶茶味突出，飲完亦唔膩。