沁の料理

呢個刺身壽司定食，一次過滿足哂我又想食少少刺身又想食壽司的慾望。眼見中午比較人多差唔多Full 哂，以為要等好耐，點知時間啱啱好，食完沙律同蒸蛋之後就上刺身壽司啦，最後仲有咖啡同雪糕做Happy Ending…查看更多

昨天約了朋友來這間日式食肆，之前有來過，主要吃壽司和sashimi，但昨天想吃點熱食，於是點了個銀鱈魚套餐。先來一個salad和小吃，好開胃，蔬菜夠新鮮。到銀鱈魚，這裡的口感比較肥美，食落很juicy，完全無韌的感覺，看得出師傅很用心機燒。我就連塊脆魚皮都吃了。其他食肆的銀鱈魚一般會燒得比較乾身和韌，但這裡的確處理得很好，可能燒魚的時間剛好適中。套餐還包甜品和飲品，甜品我選了核桃雪糕，不能不讚，好好味，好有核桃味。以這個價錢，在銅鑼灣核心區，性價比算很高。…查看更多

每月要諗同fd 子gathering 嘅食飯地方，都有D諗爆頭。好食固然最重要，但講到明gathering, 如果個半鐘就趕你走，就好無癮啦！ 跟住就有人介紹來呢間餐廳食 Omkase啦！Omkase,俾人第一印象緊係好貴，好似無2000幾一位都埋唔到單，但係呢間餐廳已經set好左menu, 有800, 1200 同1500簡。而經理都好細心解釋價錢分別(佢話主要係分量嘅差別，食材都係一樣ga!)，好有heart 啊!等我地呢D初哥都可以好放心食到同體驗到高級日本料理。一行5個人，呢到餐廳，全埸已經半滿，好彩一早已經訂左枱，仲要係Sushi bar (人地話，識食緊係坐Sushi Bar 啦！)! 環境好雅致，又唔會嘈，gathering真係一流。驚喜係傅統日本餐廳，景然play 緊jazz music， 令到本身我哋對日本高級料理嘅緊張 同區緊嘅感覺都冇曬！好啦，到主角！我地揀左1500 一位既Omkase set，而依家話有指定信用卡可以4位送一位！ 所以每人都係1100到！而Bar 師傅都會問下我地對食物有冇特別嘅要求，去為我哋準備食材。非常細心呢！…… 而食物就有以下...1)前菜:時令日本蕃茄，燒黑毛豬露筍卷， 薯蓉沙律， 時令日本螢光魷魚， 鰻魚豆乳布甸2)刺身:石蚌刺身 ，油甘魚同燒油甘魚腩刺身，螢光魷魚， 石斑刺身加海膽，燒拖羅，安康魚肝，金目鯛刺身，北海道海膽，生蠔加日本柚子果凍3)燒物西京燒銀鱈魚4)炸物蝦天婦羅5) Sushi甜蝦燒蝦頭膏壽司，燒油甘魚小蔥吞拿魚壽司， 鯖魚壽司，竹節蝦壽司 ，赤貝壽司，三文魚子軍艦 ，白蝦北海道海膽壽司，小蔥吞拿魚手捲6) 湯燒北寄貝白露筍湯7)甜品 綠茶心太軟所有食物嘅食材都非常新鮮! 而且壽司同刺身亦配搭都好特別， 尤其是特別鐘意食白魚同海膽壽司, 無論味道同口感都好有驚喜! 而最後嘅甜品亦都非常之美味 ，絕對絕對值得再encore! (而且係飽到要叫停啦！)…查看更多

Service is very very very slow.Bad experience.Taking care of customers should be a priority.Very disappointing Quality of food is OK. But after waiting for so long it spoils the pleasure of eating.Food is very expensive. HKD 720 par 12 sushis is far too much.…查看更多

今天到了這家壽司店吃午飯。甫入店內即如廁小解，洗手間相當潔淨，這是日本餐廳該有的情況。壽司師傅是香港人，每一貫壽司都先經師傅調味，所以進食時不須再蘸醬油。我食量不宏，只吃了十二貫，除了象拔蚌微有腥味外，其餘都很好吃。論握功，這位師傅似不如銀座大倉的大倉師傅，但這裡所用的魚介明顯優於大倉，可與鄰近的處今村媲美，但今村師傅會把數貫壽司一般腦兒放在碟上，令人失去悠閒進食之樂。近兩年有不少壽司店想走高級路線，都用上赤酢飯，赤酢的味道無疑較香濃，但用在味淡的白身魚上卻有喧賓奪主之弊，這家餐廳用白米酢，我認為更能突出魚介的鮮味。值得一讚的是侍應相當有禮，服務殷勤，只要看到我的食碟上有一片蝦殼，便換上新的食碟。這裡無論服務還是食物質素都很好，但要維持水準殊為不易，希望之後唔好走樣，我有空會再來的。…查看更多

食材未算好好，分量唔算少，師傅幫我地落左一半刺身一半壽司，個人認為頭盤比主菜好味。同朋友食生日飯，砌埋蛋糕冇飲酒，兩位埋單二千幾蚊。食物質素一般，味道配搭都唔算特別出色。又唔係難食，但唔算好味。omakase黎講唔算貴既，但個人認為咁既價錢，登龍街既sushi mori好食啲，仲要都係差唔多價錢。甜品除左水果，冇啦啦有個西米露，好唔襯。不過呢度師傅服務幾好，又夠細心，呢part加返少少分。環境幾安靜，有進步既空間。不過我就應該未必會再試啦...…查看更多

個人十分喜歡日本菜，二十多年來試過不少，到今天仍然四出尋找美食。今晚照舊搵新地方，早前到銅鑼灣一著名日本菜時，見到同大廈有另一間叫Sushi Love的料理店，裝修價錢都可以，故今天特往一試。可能是回歸假期放煙花關係，生意比較冷清，但既來之則安之，見到冰櫃內魚貝的選擇均不少，故坐在吧頭由師傅發辦，招呼我的是一位年輕人叫驃師傅，先問一問在邊度學師，原來系出名門，曽在見城和澄等名店做過，咁又放心多些，前菜一來已見甚有taste, 有四款小點包括魚啫喱，頗見心思，主食第一味先來個大池魚薄切，坦白講刀功普通似乎片得唔夠薄，但食落則魚味十足和非常新鮮，之後是帶子、北寄貝、拖羅、赤陸、油甘、劍魚等剌身，之後再有四款不同魚和自創壽司，其中包括有左口邊及主廚自創的三層珍味魚子和白身魚混合的不知名壽司，十分正斗，最後仲有海膽手卷，是正宗見城式的平底包法，紫菜仍脆足見功夫，海膽是原隻開而非一板板來的，但當然亦不是正宗日本海水膽。總的來說以我三十年經驗可給80分，特別三位師傅雖非年長但誠意十足，埋單每位九百我覺是物有所值，因為同樣食品在樓下最少要$1200以上，相信如果生意再好些或許可再放膽入些更高級貨例如當造的日本沙甸、喜之次和象拔蚌等，效果將會更佳，希望下次再去食會有更大驚喜。…查看更多

銅鑼灣一直以黎都有好多日本廚師發辦餐廳，今日就去左亨利試下omakase .因為唔係好想吃太多嘢，同師父溝通後就吃大約$1100 的餐。咁首先要讚一讚就係服務員會一直不停幫你refill 熱茶，環境又唔太逼，非常舒適。sashimi 都有好多件，件件都好新鮮，吃嘢期間同師父傾下計，原來佢之前係我最愛的岩浪都做過。吃嘢途中佢地都有送d小吃啊，漬物。壽司亦都唔錯。性價比非常高，我覺得份量都幾好，唔會話飽得濟，下次一定會再去…查看更多

For some crazy reason, I had a craving for sushi. Randomly choosing one of the many Japanese restaurants in Henry House, I decided to try a name I had no recognized. Sushi Love.A small yet spacious setting. They offer a lunch menu that offers various sushi sets and other Japanese sets. All lunch sets include a salad, miso soup, appetizer, steamed egg, pickles, daily dessert and coffee or tea. Price range about $200 - 400. Menu is in English, Chinese and Japanese.I decided to order the assorted sushi set for $240. They do offer a set where you can choose 12 or 16 pieces of sushi ($340 and $420) but  I was too lazy and just relied on the chef.The salad was just your regular standard salad. A bit of lettuce, corn and cherry tomatoes with a drizzle of sesame salad dressing. It was alright as salads go.The steamed egg had a thick layer of clear broth which I found annoying as it made the steamed egg more watery than usual.The miso soup was ok. Just a standard miso soup.The appetizer was a stewed pork, carrots and daikon. Soft but a bit too much on the sweet side.The sushi set included eight pieces of sushi and six pieces of maki. Quality of the sushi was excellent. Most notably was the toro as it literally melt in my mouth.  The rice was flavored slightly with vinegar. I'm unsure why wasabi was added to the side as the pieces already had wasabi in them.The dessert was  piece of chocolate cake. This was rich but a bit dense. Overall, the sides and dessert were not that great. It was standard with nothing to truly complain about but it wasn't great. At least for this price. Even the coffee was mediocre. But the star was the sushi. The quality was excellent and definitely something to love. But everything else was just ok. Unsure if I'd return again.…查看更多

剛剛出完糧就誤打誤撞咁黎左呢間位於亨利中心嘅「沁」門面好靚～ 餐牌價錢仲「靚」，最基本都要$200+10% 起 （Lunch)，不過食完會覺得物有所值無論服務、食物質素、衛生等都好唔錯今次簡單點左一份三文魚飯定食配Soba （$240+10%）跟餐有沙律、蒸蛋、湯、小食、飯、麵、甜品、餐飲，份量剛剛好。三文魚好新鮮，配上我最愛嘅「玉子」有少少敗筆嘅係呢個甜品，怪怪地全場最引起我主意嘅係眼前嘅師父，十分健談友善，期待下一次…查看更多

係Facebook見到朋友post沁之料理嘅馬糞海膽丼，個賣相非常吸引，就即刻打電話訂位黎試下。叫左個刺身拼盤，有8款魚生，所有魚都新鮮，每款有四件份量好夠。師傅刀功好好，赤貝切得靚最好味，拖羅都唔錯。跟手黎埋個海膽丼，個師傅砌D海膽上碗飯到，都砌左10分鐘，砌完又俾另一個師父過目，搞到人哋鬼咁期待。但係一上到枱，er.....um......冇我見到人哋嗰碗咁精美囉，但係食物最緊要好味呀嘛！海膽果然好鮮甜，有回甘，份量足，物有所值！食完仲有一碗麵豉湯俾你暖暖胃。最後上埋碗海鮮湯，好鮮味而且足料，值得推薦。總括嚟講，呢一餐物有所值。…查看更多

終於同好友夾到時間黎試朋友們推介已久的呢間餐廳試菜。果然無黎錯，係一間好溫馨，用心同傳統日本風格餐廳。由於好肚餓，所以我點左份16件都壽司lunch set. 我個人最鐘意小型的料理店，可以望住壽司師父一件件咁整我份壽司，哈哈。好新鮮, 同在日本吃的一樣，吃晒，一件不漏。朋友就點左葱拖羅飯，份量剛好。最令我喜出望外的係餐後的熱檸茶竟然係可選蜜糖，並非一般的白糖或糖水，第一次試，原來味道係咁夾同更香甜架！！！用心之餐廳，同店名一樣。一定會再黎的。…查看更多

今次和同事中午去食，因為晚上也有飯局所以只想簡單吃，只點了這個。上菜時我嚇一嚇，因為是完全覆蓋的，而且厚厚實實的。結果當然食剩好多飯。同事的十二件sushi set 就剛好，，件件都好美味，佢話。總結是午餐用料份量都有水凖。…查看更多

上星期六約了老婆去看電影，因為早咗兩個小時。於是走咗去日本菜大本營Henry House搵嘢食。發現有一間新開的店。進去時，客人都是日本人，心想應該有些水凖⋯⋯先點一客烏魚子，食落就知係真正日本新鮮食材，味道濃厚和有層次。一問之下，才知道原來食材每隔天就從日本新鮮運到。想不到一間小店，如此有心思經營!一口清酒一囗烏魚子，實在是醒神的開胃菜!​​經理介紹我們點松葉蟹腳，一試難忘! 新鮮肉質夾着海水的味道，非筆墨能形容！坐吧枱的我們，見到日本客人和師傅不停聊天，然後廚師又切一些新鮮魚生出來，忍不住跟著叫。果然他們的sushi先至係重點…​千萬不要自選，因為師傅知道什麼才是本日最新鮮的~信佢就啱架啦~最好吃的忘了拍照，是鵝肝。師傅功力十足，鵝肝不油不膩，入口全化，極品。 …查看更多

近日看YouTube 同書本介紹三星米芝蓮壽司師父，看到流灑口水。決定要找家壽司店尋味，今天去的一家位於銅鑼灣樓上店。這兒的午餐選擇唔多，由二百多至七百多不等。我點了個鰻魚飯而hubby 則選了十六件自選壽司餐。鰻重有兩大片鰻魚，厚厚的，大滿足。鰻魚燒得和暖，有點稔身。而白飯是珍珠米，粒粒飽滿圓潤，唯醬汁不夠，有如吃白飯般。十六件壽司，雖不是件件精彩但偶有亮點。大拖羅的雪花紋分佈平均，入口有少少溶化的感覺但有少少筋；鵝肝壽司十分出色，微焦，入口即溶，有點吃西餐的感覺；蚌壽司雖有甜味，但未見刀法令它口感更勝一籌；甜蝦壽司是新鮮貨式，總括而言，材料新鮮但味道未見突出，有唔少的中上壽司可每件上而唔會因一次過上令紫菜變稔或被冷氣吹凍。甜品是普通的菠蘿雪糕而咖啡是即磨的，不過不失吧！…查看更多