沁の料理

係Facebook見到朋友post沁之料理嘅馬糞海膽丼，個賣相非常吸引，就即刻打電話訂位黎試下。

叫左個刺身拼盤，有8款魚生，所有魚都新鮮，每款有四件份量好夠。師傅刀功好好，赤貝切得靚最好味，拖羅都唔錯。

跟手黎埋個海膽丼，個師傅砌D海膽上碗飯到，都砌左10分鐘，砌完又俾另一個師父過目，搞到人哋鬼咁期待。但係一上到枱，er.....um......冇我見到人哋嗰碗咁精美囉，但係食物最緊要好味呀嘛！海膽果然好鮮甜，有回甘，份量足，物有所值！食完仲有一碗麵豉湯俾你暖暖胃。

最後上埋碗海鮮湯，好鮮味而且足料，值得推薦。

總括嚟講，呢一餐物有所值。