湯加 (已結業)

2021年5月18日 晴今日收工同男朋友去金魚街買魚缸, 買完之後就行去後面條街搵野食lu😋本身想去隔離間滬小館食,但冇位...見到隔離呢到有魚食又有位就入左去lu😗呢個魚湯浸生菜個湯飲落呢...有d 奇怪,但我up 唔出有咩怪...味精味有d 重,生菜就正常。叫左兩個餐, 煎比目魚同梅菜蒸黃立䱽,都包一碗飯同熱飲🐠但等左半個中先有得食⏰煎比目魚煎到好香煎, 唔算大舊, 都有d 油脂🐟梅菜蒸黃立䱽呢都幾好味, 唔會太咸, 梅菜用黎送飯arm arm 好, 大小適中, 底下仲放左三片南瓜片🐠柚子蜜同柑桔味都ok, 夠味, 飲到尾有d 甜🥤整體黎講呢算不過不失la, 有得食魚得滿足🥰

今晚行下行下去咗太子搵食，見到有一間好有家的感覺，就係 見到煲燉湯。價錢又吸引，$158 "送暖二人套餐"，包括花膠魚肚燉雞湯或姬松茸鮮淮山竹絲雞湯， 鮮魚一條，小菜一款 ，配缽仔白飯兩碗 包送飲品兩杯我今晚就要咗個花膠魚肚燉雞湯好足料，差不多有半隻雞，花膠魚肚都好"淋"個湯，好濃味，感覺煲咗幾個鐘，好快已經一煲湯俾我哋兩個飲曬。如我哋揀咗煎封左口魚，配麵豉醬，有南瓜墊底，南瓜好''淋"配 汁好好味，魚又夠滑 又唔多骨。果醋豬軟骨炆到好''林''吸咗啲汁好好味，加新鮮菠蘿，豬軟骨又有骨膠原，配住個砵仔飯，好快食曬。等候時間唔會等好耐，湯和餸菜都好熱辣辣，每款大概等5至10分鐘送上

之前係旺角番工，食lunch想平平地又食得健康d，見到呢間湯加有自選湯飯食，價錢只係50蚊有交易，依家食50蚊lunch都算平，而且健康得黎十分飽肚，都幾抵！因為我揀清湯，所以比較清， 佢仲有其他湯底選擇， 例如番茄湯，魚湯。而環境方面都舒服，加分。豬潤豆腐娃娃菜藜麥飯 ($49)推介指數：7.5/10為左健康，叫既餸都比較清淡。餸方面就比較普通，不過不失。味道方面就唔需要祈求太濃味，個湯唔會太重味，食唔到太多既味精味。想出街食得健康小小既朋友，應該會鐘意！而且個飯係藜麥飯，比較有營養，岩曬想食得健康既朋友！依家出街想食得健康小小既選擇都唔多，而且仲要係50蚊有交易！我自己就好小出街食健康餐，呢間餐係真係可以食得相對健康，係旺角番工諗唔到食乜都可以去試下。

今日去旺角湯加食午餐，由於店內少客，所以可清楚聽到其他食客說話，附近有兩個女士，到食物來到後說米線大碗，話可以減半俾番廚房，職員竟然攞碗叫佢減出來，然後放回廚房，之後另一女士嘅飯又到，女士又話飯太多，要求要回朋友之前半碗米線，退回飯，於是職員取回"半碗米線"給她，之後收起白飯，於是我大叫:"哥仔，而家肺炎呀，d飯出左黎，個客又除左口罩，又攞番入去？"之後他固意同女士講:"妳唔要都係掉架喇",如果食物返廚房係掉，點解可以原装攞出之前女士退回的半碗米線？奉勸大家，肺炎期間，不要到此店，咁處理食物，好得人驚。

一開始見到個名，叫湯加，好似好養生甘喔，然後就入去試試。哩間店噶招牌應該系淮山面吧，所以我就點左哩個面試試啦，果然系養生噶食物，我叫左個雞片魚腐淮山面，魚湯做湯底果然很鮮甜，魚腐都好好味，而淮山面真的有淮山噶味道，軟硬適中，好有口感，值得一試。

入到餐廳舉手等左勁耐都無人問津 過嚟落單嗰名員工態度極差米線偏硬 酸辣湯毫無酸味 不建議食該名員工對顧客禮貌及尊重欠佳 而且見到枱上面有污漬吾處理 出到聲叫佢抹都係敷衍了事

Honey到太子剪頭髮，我就在附近餐廳等他 。經過湯加，在店外看到下午茶餐牌，款式多，又幾抵食，就入去看看。座位比較擠迫，還算可以。我叫了豬扒香腸辛辣公仔麵(配熱飲)：哇！竟然只需$29！熱辣辣的一大碗麵，沒有將貨就價。一條長長的脆皮腸，分成兩截。三塊豬扒，連滑的；而且，豬扒是剛剛炸起，熱辣辣的。豬扒有香茅香味，肉質嫩，好味！ 竟然只售$29，太抵食了！Honey叫了油酥餅拼炸雞翼：炸雞翼是即叫即炸，熱辣辣的。油酥餅本身已經夠味，裏面還夾著芝士和火腿。連熱飲，售$34元。Honey太肚餓，我正想起未拍照，他就吃完了！不過，侍應姐姐在我面前，用隔離枱的｢落單小膠牌｣，撥走我剛吐出來的豬扒骨……然後，就將這小膠牌放在隔離桌上。我就想想，我面前的落單膠牌，不就是有其他客人的口水嗎……… 太不衛生了！實在嘔心！！

岩岩病好，想食返d健康食物，唸起湯加有淮山麵，所以就去食，叫左個牛肉豬潤淮山麵蕃茄湯底，先講湯底，正常，感覺就無味精既，而淮生麵比起一般麵，佢接近米粉一點，加埋牛肉同豬潤，感覺很補血同健康。

同朋友去叫左2set套餐，叫兩碗米線，但比左米粉我地。。。同佢講，佢點都唔認錯，重講米線賣哂。。但轉個頭，有人叫米線又有得叫 其實我唔介意要左個米粉，之旦係個員工可唔可以有禮貌少少，同番我講對唔住呢？湯加，試一次無下次🤢野食又唔多選擇，個米粉重要煮唔熟....好硬同埋味道有怪味，湯唔知點解好似有酸味....怪怪地。可能我食唔岩掛🤢 真心價錢又偏貴，食個套餐都要六十幾蚊，但又無咩特別野食😶 唔推薦哩間食店...

想食健康少少，女朋友行開見過呢度有淮山面食，佢點左個醋浸豬軟骨蕃茄湯淮山面，我點左個雞肉魚腐淮山面。裝修舒適乾淨，仲有雲石枱，四四正正。上菜時會比埋個木盆你，雖然唔知有咩用，有d奇怪，但都算特色既。食物方面，豬軟骨好正，酸甜度適中，口感一流，淮山面感覺比一般面無咁彈牙，但係唔難食。雞肉全部雞脾肉，去脂去皮，健康得透切，唔錯，魚腐同譚仔果隻唔同，都好食既。開心既係呢到有冬瓜茶飲，唔開心既係佢果日無供應，喊出黎。一碗$50內。接受範圍內，會再返去食。

今日去左花園街 😆行到攰搵野食，見到有間湯。加就入左去食 😀我地叫左魚肚，鯪魚滑淮山麵$48同埋雞片豬軟骨娃娃菜米線$40。🤓湯底兩碗都要左魚湯 🐟魚肚有3 舊，都幾厚身👌但煮得唔夠淋，有d未熟嘅感覺 😅鯪魚肉就普普通通，冇咩特別 🤔淮山麵我都係第一次食 😆質感有d似粗身嘅米粉，但比較硬同爽口。😼係好食嘅，不過唔係我中意嘅粉麵質感 😅🙊雞片其實係雞肉條 😂冇咩特別👌豬軟骨味道好食👍酸酸甜甜但同樣煮得唔夠淋，d軟骨係硬的 😂😟👈我比較中意食炆到淋身嘅豬軟骨 🙊娃娃菜份量唔多米線反而煮得太淋 😑有d糊狀，冇左滑身嘅感覺 😣反而湯底最值得一讚 👍👍👍魚湯湯底夠曬濃 💖奶白色嘅湯底一飲落去就飲到好重魚味，冇味精抵讚 👍😄（我地都幾乎飲曬碗湯 ）😆😎😝兩個餐都送熱飲 😃不過以下午茶黎講，40幾蚊就唔太抵食 🤔而且份量唔算好多，配餸份量偏少😕性價比唔高 😑但如果想食得健康d，或者冇味精同埋中意食菜嘅都可以黎食嘅 😶🤗順帶一提：佢個湯可以配飯/米線/米粉/公仔麵

湯加已經喺飯堂，次次諗唔到食咩就會食佢，貪佢方便又好似健康啲咁。最平$45已經可以揀到兩餸一菜，仲有得揀飯麵款式。我就揀咗雞肉牛肉同菜芯，蕃茄湯配白飯。飯可以轉燕麥飯或者藜麥飯。大大碗湯，菜同肉嘅份量都好多，雞肉同埋牛肉都係腌過嘅，肉質彈牙好味。個番茄湯味都濃，但唔會好茄膏feel。唔好睇個飯咁細，飯可以任添㗎，可以食到飽為止。睇返張單原來每個餸都係有定左份量嘅，咁就唔驚大細超啦。總括而言，湯加真係快靚正，唔怪得啲分店越開越有，諗唔到食咩食佢就啱嫁啦。

出街食飯又想食得健康d？呢間淮山麵、湯飯嘅專門店，應該係唔錯嘅選擇！花膠都幾大舊，一碗入面有大概3-4舊，淨係食花膠都抵番啦！湯飯配料仲加入其他蔬菜🥬、竹笙、瘦肉片，增加左唔少鮮甜味 😋 真心飲湯食湯料都已經飽啦～ 白飯加左新鮮粟米粒，健康得黎又增加飽肚感！👍🏻每盅都有1/4隻竹絲雞，再加入松茸同豬骨一齊燉，精華落曬d湯水度，啖湯非常鮮甜。雞肉已經煮到好淋，入口即溶；但豬骨肉就已經鞋曬，唔可以送飯。淮山麵比想像中好食，口感有點似米線，但比較爽口，帶有好微嘅藥材味，感覺都幾特別。😁蝦🦐雖然唔係新鮮，但勝在炸得好酥脆，椒鹽味夠，食落都幾惹味。🤤呢個價錢飲到咁足料嘅老火靚湯同大大舊花膠，其實真係抵食而又健康！🤗

最近湯加嘅分店越開越多，又係方便做大家嘅go-to選擇～佢$43/49就有自選兩餸一菜，主食可以揀唔同嘅飯/麵/蔥油餅。How to make healthier choices💡✅湯底都飲得出係味精，所以唔建議飲太多喇！除咗紅燒牛肉同酸菜酸辣湯比較高脂，其他都係不錯嘅選擇👌🏽.✅主食(最少加工/低GI) 燕麥飯=三色飯=藜麥飯>白飯>米線=米粉>准山麵>刀削麵>公仔麵=蔥油餅 (最經加工/高GI/高卡)佢有啲分店白飯同雜糧比例會好啲，有啲就得幾粒雜糧，睇你運氣了。.✅配料原型食物>加工食物高蛋白低脂嘅優先！我食過佢鯪魚滑應該冇溝粉，但蝦滑就好明顯溝咗粉。而且唔同分店質素真係好唔同！.以下佢set好咗嘅配搭，會冇咁傾向比餸頭餸尾你。之後呢兩張分別係係太子同土瓜灣分店嘅自選set，應該一眼就睇得出分別☹️

果醋豬軟骨淮山麵配鮮魚湯食麵之前先飲一啖魚湯 食得出冇味精而且好有鮮味 淮山麵食落 比較爽口（餐廳亦都聲稱淮山麵係比較健康）豬軟骨份量方面較少，食落去有淡淡嘅果酸味但唔算濃越南網皮春卷另外再叫左一個春卷黎試 好脆口 但價錢較貴