湯加 (已結業)

之前食過湯加嘅胡椒湯淮山麵好出色，夠辣又惹味，去完旺角食飯就又想食返胡椒湯暖下胃，今次試下去西洋菜街嘅分店。一入去點知冇乜人食，心諗正呀唔洗等位，就叫返平時食開嘅雞肉片魚腐淮山麵加胡椒菜湯底。點知就係中伏嘅開始，完全同豉油街個間差好遠，三個字，超難食！胡椒湯完全冇胡椒味，又唔辣，又冇咸酸菜食，好差！淮山麵又痴埋幾條，完全未煮透，雞肉同魚腐都正常嘅，好難煮得難食。絕對唔會再去，唔怪得假日嘅晚飯時間都可以有咁多位！

常常要出外用膳的朋友，應該很明白蔬菜欠奉的痛苦。散叫貴，一碟飯有肉亦是差𣎴多價錢，很多時最終也選了肉🙈想抵吃又健康一點的朋友，這裡幫到你！任選兩餸+一菜+湯飯成了剛過冬天的恩物還可選藜麥飯、淮山麵等湯也有多款選擇，較推魚湯（6:00前 包熱飲 $45）

星期日好早就出左黎金魚街辦完事之後緊係要搵早餐食啦，行到去街尾見到呢間湯加茶餐廳，見到啲早餐配搭好似幾特別啵，一於入去試吓先我嗌左雞扒，熱香餅🥞炒蛋🥚配麥皮🥣新穎版全日早餐上枱嘅時候先知原來塊雞扒係炸嘅真係未試過早餐就食炸雞啵不過係炸得幾脆口炒蛋都好大份熱香餅正正常常既！碗麥皮加咗煉奶，雖然有啲稀，不過幾好味啵

呢間湯加令我感覺有d家庭式營養的感覺，同幾個朋友一齊食。逼佢地每人叫一類湯底。。每個湯底都各有特色，話好濃好正又未說得上，但起碼唔會覺得啖啖味精就真。同份量都好足夠。。

今日行花墟買花前同爸去食個tea始創條街間間餐廳都好多人等位唯獨呢間餐廳walk in 入去仲有一半位剩就入左去試試～一入到去 下午茶menu 要問足5mins 先比（當時係3:30pm,tea time時間)覺得最差既係 啲侍應唔願做野，一味自己係度打牙較，大大聲講粗口有人叫佢幾次 佢唉聲嘆氣甘去明明得五檯客都無 得我地檯等緊野食 出餐都可以極慢。。。等左20mins 有多如果趕時間既人唔建議食呢間講番野食係唔多味精 但啲野食好麻麻而且份量黎講細🙈佢啲薯條比得好少個雞翼都咸完全冇吸引我再去既地方

唔知點解平時無乜點留意到呢間食店，呢日諗住去附近食店食飯，突然好似發現新大陸咁，原來呢間係未嚟食過，既然係咁就入左去，從此就變成我既心水食店勒☺️望晒成個餐牌，又開始選擇困難症發作，因為樣樣都想食😅最後揀左👉🏻薑絲黃沙豬潤跟三色飯($45)，當個餐來到時，有種開心感覺，就係啲餐具好靚😍令人食指大動😅先講番個餐，因為我都幾鍾意食豬潤，不過唔係間間都整得好食，呢間啲豬潤都好爽，唔腥，個湯好夠薑味，配埋個幾健康三色飯，好滿足。暫時食物無乜野彈既，不過有樣野我就要彈下，我嫌佢地啲抬同凳啲高度唔岩比例咁，張抬好似幾高下，我都唔係矮既人，有啲坐得唔舒服遮。

今天在 11:30 坐下，廚房已通知說沒有米粉和札肉，此外，要20分鐘後才有奶茶! 此店的物流安排是否有些問題？落單後要等約 20分鐘才上菜。鄰桌有二人，其中一個食了一半，另一個的麵還未到。若你趕時間，便要有心理準備了。食物方面，我叫了燉陳皮鴨腿(配米線), 冬瓜燉得很 '淋' ,很入味，有原隻鴨腿，鴨腿肉很乾，較'實', 無味，米線分量十足。朋友叫了海鮮淮山麵，上菜的樣子不及菜譜照片精彩，但配料大致 ok。整體而言，食物算是可以。

Soup Plus is a restaurant designated to serve healthy food which is rich in dietary fibers and high in protein. They have a list of carbs for you to choose, such as quinoa, brown rice, rice noodles, etc.This afternoon tea set is definitely of great value. For HKD$29, you get a bowl of noodles and a drink (I got a hot lemon tea). This Beef Noodles in Tomato Broth was surprisingly good and filling. The tomato broth was lit, unlike those made with tomato puree. I like the fungi But the beef was ju

食過 3間分店 . 間間分店d 服務都係一樣咁差，真係好配服佢地老闆。點解可請到同一樣既伙記，打去叫外買，落去取時，佢話我未比錢未整lor . 咁做咩要打去叫呢？我落order 你講聲我唔比錢唔整呀，大姐 lunch 時間 個個都係要快。 唔比錢唔整。 玩野咩。 但鬼叫佢叫做簡簡單單要暖笠笠咩。可能就係咁佢地唔休你唔離食，差又點，你咪又係要離食十個去食十個鬧鬼， 但lunch 食呢個真係唔錯。 又要鬧又要食。 老闆你係得既。 但唔該可唔可以請過d 質數高d 既阿姐

天氣轉凍了，梗系搵d暖胃既野食拉。殺到旺角，去左朋友推介左好多次既湯加。菜式幾特別，五系好多地方食得到，我今日就點左客家黃酒薑絲煮滑雞，醉雞再加薑完全就是暖胃套餐。勁大一碗，酒味好勁，聞到都深曬口水，十足成個雞湯熬左成日甘，點都要飲啖先，暖上心頭，忍五住系甘飲，雞肉好嫩滑，配埋我自家制既辣醬鼓油，真系好鬼好味，加埋個淮山麵都只是$59，抵到爛，食物冇得輸，自助醬料bar個idea都幾好，不過純粹個人覺得一開始有人送杯水過來會warm d , 同埋嗌埋單冇人來就有d好笑😂

星期日都要返工，一於係office近近地買份大早餐一路食一路做先～行過湯加，算係幾抵食，就入去落order啦一般連鎖快餐店都快手快腳，我唔知點解，依間湯加長期好似冇人開工咁，出餐極慢。試過兩三次外買，平均都要等廿分鐘，但次次都想俾次機會佢。今日，我外買一份好簡單既豬扒雪菜米，竟然又等左半個鐘，舖面已經係冇乜人。等完算啦，我本身都冇諗住寫食評既，但係返到office一食，個湯咸到苦既，雪菜肉絲酸既，塊豬扒霉既，得杯咖啡係正常少少.....大佬，想點？

今晚食胡椒味菜豬肚湯飯+唐揚炸雞($61)喺太子shopping完有啲肚餓第1次黎呢間湯加食野原來同魚米一樣有呢個湯飯炸雞炸到好乾，同黑衫個位侍應講既一樣得幾粒我揀左三色飯，裝飯個兜痴住啲飯😒個湯幾好味的，有娃娃菜喺裡面食完好辣😑剛好我著我2件衫太凍食完成身熱辣辣，連鼻塞都通埋😎

旺角又發現正野，周圍行緊睇下食咩之際，發現左一間叫湯加既鋪頭, 菜式好特別，本身以為是普通麵檔，竟然食到烏雞湯飯，份量好足，仲有好多瘦肉，個湯味都聞到煲左好耐，味道濃郁到不得了，正😋中意食麵既，可以好似我朋友就配左淮山麵，岩曬健康一派，我呢個飯桶就梗系飯不離手。烏雞湯比普通雞湯鮮甜好多，烏雞配辣鼓油更加是絕。不過隻雞已經太足料，我食剩好多瘦肉，但個湯就一滴不漏😂有自助醬料區，餐具一拉開就拎到，好鬼方便，勁岩我呢d速食一族。埋單個價仲開心，幾十蚊既錢食到一百蚊既質素😋😋

本來想去試一間車仔麵，點知無開，就行返過黎太子，睇下有咩食啦！見呢間唔洗等，價錢都合理，就入去睇睇啦！點完餐，好快就有人拎野飲埋黎。叫熱飲，都係用大杯裝，呢個位抵讚。但職員由運送到上到枱，已經倒左四分一杯。整到枱同櫈都濕，反而叫我去拎枱布抹。之後上枱既麵，係幾特別，但未至於好好食。1. 花膠扎肉紫菜准山麵(蕃茄湯)+銀菊蜜2. 蝦滑勝瓜准山麵(胡椒味菜湯)+冬瓜茶總括而言，花膠扎肉紫菜准山麵配清湯會好D，因為蕃茄太重，帶唔出個麵味。而蝦滑勝瓜准山麵就一般。呢間係「魚米」嘅姊妹店，但味道就有D失望啦！

行過見到餐牌都還算吸引，就唸住試下佢嘅早餐，入去之後先知道原來係個伏。叫左個雪菜肉絲米，成碗米粉完全就係滾水撈雪菜肉絲，淡而無味。塊豬扒又細又難切，簡直切到人都想發癲。另外仲叫左個沙茶牛肉煎蛋麵，煎蛋唔可以轉炒蛋都算啦，成個麵得d肉有些少味，成個麵都好淡。熱檸水又苦又澀，熱華田成口都係華田粉。而且服務態度真系差到貼地，我地比錢都仲要受氣。講野語氣差，仲要捉客人字蚤。櫃桶入面無曬叉，叫服務員攞，佢都要啤住我地。有第一次，無第二次。唔會再幫襯。