江戶前 (已結業)

前兩日同朋友出黎荃灣食飯..諗住黎江戶前多野食下又可以坐耐D...但一入門口D朋友已經好奇怪點解咁少人..我地入果時都已經7點幾...以我之前食過LUNCH印象中都可以嫁..我地3個人叫左, 蟹籽沙律冷麵, 蒜容牛仔粒, 咖哩雞飯, 泡菜石頭飯, 金姑牛肉卷...叫左大約6分鐘度...D野食就拿拿林咁上(次序如下) 冷麵, 咖哩飯, 石頭飯, 牛仔粒, 牛肉卷...冷麵呢個頭盤我地都未食完就黎兩個飯..搞到D飯都攤凍晒...小食返而係後尾先上, 上菜時間前後用左5分鐘....我地驚D野食凍就拿拿林咁食...前前後後食飯既時間都唔駛半個鐘....最緊要係, D野食未食完仲有剩都係咁走過黎問你仲要唔要, 好似有碟野我地明明未想比佢收住, 佢前後問左兩次,我地最後都唔好意思留低....到最後我先發覺原來呢度唔係D野唔好食..而係D人係咁好似想趕你快D走咁, 所以先得小貓3,4隻!!早知係咁,不如去PIZZA HUT好過~

今晚去咗江戶前食晚餐，同朋友2人點了：1.椒鹽瀨尿蝦(唔錯)2.炸雞軟骨(好味)3.可樂蟹肉薯餅(好多蟹肉，好味)4.三文魚壽司兩客(可能係promote五蚊關係，好一般)5.炸蝦壽司(ok啦，但壽司飯稍為鬆散)6.軟殻蟹壽司(ok啦，但壽司飯稍為鬆散)7.芒果布丁(免費，但唔係咁好味)服務態度係值得讚許嘅，可能我哋去時間尚早關係，所以人客未算多，服務都好周到，頻頻加茶！

上個weekend黎左食晚餐.都幾爆場,要等一陣先有位.試左:-咖哩豬扒反(一般)-三文魚壽司(嘛嘛)-燒三文魚頭(一般)-日式燒蠔(唔得,怪味,亦唔新鮮)

赤口日，食了不好味的午餐。order了兩個set lunch:鍋燒烏冬和天婦羅烏冬。兩個烏冬的配料是一樣的……汗=.="烏冬不好食，我只食了一半。跟餐各有2件sushi，waiter只給了我們2件。我們詢問時，才發現與另一張枱調轉了，很順手地將我們的sushi對調。感到很不衛生啊。餐飲十分難飲，完全沒味，好像喝水一樣，而且凍飲幾乎無冰，真誇張。最後我都頂不順這裡的食物和服務，趕快結賬走人。想不到午市和晚市的質素相差甚遠。

門口見餐牌有好多選擇,但這兒黑沉沉,唔多like.而晚餐order了;1.咖喱豬扒飯$45 ~~ 幾好味喎,他們不是用薯仔,應該是南瓜啩.2.荔枝元貝炒飯$45 ~~ 幾夠料,荔枝全粒上,又多菜粒.3.寄世鍋(海鮮) $42 ~~ 我們叫了辣湯底,但居然唔辣,唔知係咪比錯咗.但料幾足,有帶子,青口,蝦,魷魚,芋絲,鮮魚,金菇,豆腐,蔬菜.湯底都幾鮮.4.福岡南瓜煮$38 ~~ 好夠熱,但好油,佢用豆腐墊底,但南瓜的連皮上,而我覺得唔似平時食開的南瓜,因為見到個皮的質地唔同,呢隻好薄.這味菜唔掂.5.鰹魚壽司$16 ~~ OK.6.三文魚壽司$5 ~~ 一般.

晚上到荃灣等男友，原本打算到荃灣廣場試新店，但兩人都很餓，而且這裡比較近，加上又未試過，於是就試試吧。order如下:三文魚sushix2(特價$5@)冷烏冬($12)炸軟殼蟹卷x2($18@)炸蝦卷($18)可樂蟹肉餅($25)三文魚sushi好差，一點都不新鮮，特價都無用。冷烏冬亦然，連個汁都不出色。炸軟殼蟹卷就幾好，起碼軟殼蟹是熱的、脆的。炸蝦卷就普通，可樂蟹肉餅都ok，不過真的很熱氣!可能今天是weekday，沒有full，我們又坐了有利位置，可以看到tv，環境尚可。不過侍應不常加茶，而且喝的也算不上綠茶。

11月18號同老公仔去左呢間食DINNER因唔知點解呢排好想食日本野同三文魚，價錢都真係抵囉！1)25蚊一碟有6片超厚三文魚(叫左兩碟，正！)2)個荔枝壽司好掂，好清新！3)個雜錦天婦羅就唔係太得，食得出條魚係超唔新鮮，個師傅用左好大量既酒去礔"聲"整到勁難食！4)牛油炒雜菌都可以既5)唔記得咩翅+白飯，個翅係日本翅(即假野)，都OK既。埋單都係$187，食到我同老公都飽晒，正！但D SERVICE就真係唔掂喇！按左制都係冇人理，好無奈，同埋D人好唔小心，個天婦羅等左好耐，一問之下佢地先話個天婦羅攞錯左比第二枱客要再整過，好彩我同老公仔心情好好冇比佢影響。

星期六諗住同女朋友試, 因為女朋友口渴, 便快快叫了一個血池海鮮拉麵和一杯雪香, 還叫侍應快點上飲品先, 她還回答好.之後過了幾個字, 食物都來了, 飲品還未到, 再問侍應, 佢話因為係雪香, 所以一定要耐D, 落單時唔講, 雪香仲要加5元, 呃$.之後再了一個薄餅, 等了幾個字, 一D聲氣都冇, 最後當然埋單走人, 埋單仲哀, 等了幾個字都冇人來收$, 再提侍應, 便立即有人收$, 因為我坐在收銀隔離, 所以我肯定佢唔記得佐.老實講, 食物普普通通, 唔算難食, 但service真係差到極. 個D豉油樽全部都冇豉油(隔離都有), 同D侍應講, 仲懶醒答你"個豉油樽咪有law".結論, 諗住俾錢和想激氣, 平時嫌老闆或同事激你唔夠, 就選這間啦.

去過幾次~幫襯過lunch同dinner....lunch ok既...都係不外乎果d日本定食....特別一提~滑蛋豬扒飯...幾好!!!豬扒好香脆..蛋好滑...幫襯dinner....首推一口薯仔....好香....整得好好食...非常好

去過幾次江戶前, 今晚試佢嘅泡菜石頭飯, 幾好味! 夠辣夠汁! 叫咗天婦羅野菜冷麵, 不過天婦羅唔係好得: 太油, 脆粉又太薄, 連野菜都包唔實。上次單叫天婦羅妤似唔係咁, 唔知係咪跟冷麵, 當套餐咁做, 質素比單獨叫嘅差D ? 天婦羅始終都係魚一丁(九龍灣)最得。哩度環境正, 人多都唔覺嘈, 一路食飯一路傾計好舒服。總括嚟講唔错,絕對可以encore !

壽司唔得一夾就散架. 唔知點解呀. 但個到D飯同麵就好好食啦. 有個炒鳥冬好正呀./ 同個D石頭煱牛肉豬都幾好食呀. .但個到環境都OK

其實果度食野...食下午茶係唔好既..特別係公眾假期..分分鍾仲貴過LUNCH...入面D野..OK既...最好味係吉列魚枊NOODLE...而家D SERVICE係咪好左D喇...叫人斟茶都有掣"按"既....莫講話叫野食啦~!試過有粒發泡膠係碗NOODLES囉...不過好彩佢都即刻換過碗...好過係小強啦..~

上星期六同女友本來想去隔離稻草人,不過見黎過呢到咁多次都未食過呢間野,諗住試下.見佢門面唔差,一個餐30蚊有找.好!放棄稻草人,入去試食一下.12點幾入面約1/3滿人.見到好多空枱想坐一張靠4人枱,佢話唔得兩個人只可以坐二人枱(但係我眼見全場都係兩個人坐4人枱)好,算數我橫掂都係想是旦食完就閃.兩人點左兩個SET LUNCH, 乂燒烏東同豬扒拉面(每個SET跟兩件壽屍)配什麼鮮果綠茶,平果綠茶.先講主食,乂燒無味好似干爭爭的肉一樣.烏都仲可以.豬扒大快X果D都好食過佢十倍.拉面煮到好生好生.兩碗面個湯咸到D鹽好似唔使錢咁.壽屍唔使講好普通差的貨式.比百佳果D仲差少少.兩杯飲野...淡到無味.入面有D唔知椰果既東西好似鼻涕咁.樣樣野食左少少走人.埋單60.一定唔會再去! 稻草人好佢十倍不過佢門面幾靚

尋晚同老婆去食, 試左個鰻魚shushi, 多春魚shushi, 廣島蠔shushi, 蟹糕shushi, 血池海鮮拉面, 炸軟殼蟹, 炸野菜天婦羅.先講shushi, 師傅手藝仲未夠火候, 舊飯太散, 一上手就跌, 但用料就好唔錯, 醋飯個味都唔差, 廣島蠔漬得好入味, 係值得一試, 蟹糕shushi就料少左d咯.拉面好大碗, 我個血池海鮮拉面, 海鮮料真係交到貨, 帶子大大隻, 其他蝦呀, 青口呀都夠份糧, 血池湯底本身就唔夠"紅", 辣味都係差少少, 拉面好明顯係平價貨, 但唔介意個面底的話, 呢份都係價得一試既飽肚作品黎架, 另外老婆個自家製豬軟骨拉面, 一般水準唔係差, 但普通左d.其他炸物都係合理水準, 但食咁多野唔太貴, 二百零蚊落樓, 走之前食埋個甜品, 好似一個布丁既東西, 浸左d糖水, 好滑, 食完覺得好滿足.

　　２４號同ｆｄ預祝生日，去左伊間野到食ｄｉｎｎｅｒ．．我６點到就去，所以都冇咩人．．　　叫左加洲反卷，３文魚反卷，都幾平，味道中上，但賣相１般啦！仲叫左炸軟殼蟹同炸（天婦羅），都幾好味，特別係個炸蝦，好爽口，食得過！最後叫左鰻魚炒飯，冇咩特別，而且好少鰻魚，唔試都冇所謂！食完仲送左甜品，但我２個ｆｄ都話勁難食，所以我冇食到．．　　其實我都去伊到都有３次，ｌｕｎｃｈ，ｔｅａ同ｄｉｎｎｅｒ都食過，佢既麵係得個大碗，其實水準１般，ｄ野飲真係唔好試，因為真係唔好飲架！！ａｎｙｗａｙ間野都試得過既～