江戶前 (已結業)

11月18號同老公仔去左呢間食DINNER因唔知點解呢排好想食日本野同三文魚，價錢都真係抵囉！1)25蚊一碟有6片超厚三文魚(叫左兩碟，正！)2)個荔枝壽司好掂，好清新！3)個雜錦天婦羅就唔係太得，食得出條魚係超唔新鮮，個師傅用左好大量既酒去礔"聲"整到勁難食！4)牛油炒雜菌都可以既5)唔記得咩翅+白飯，個翅係日本翅(即假野)，都OK既。埋單都係$187，食到我同老公都飽晒，正！但D SERVICE就真係唔掂喇！按左制都係冇人理，好無奈，同埋D人好唔小心，個天婦羅等左好耐，一問之下佢地先話個天婦羅攞錯左比第二枱客要再整過，好彩我同老公仔心情好好冇比佢影響。