永年士多 (兆安廣場)

营业中

休息中

銅鑼灣食個晚餐$50-60起跳好基本，如果想食平啲，食乜好呢?.🍜 三餸車仔麵 HK$43原本湯底係腩汁，揀咗中辣，辣嘅味道係黎自佢嘅沙嗲醬。揀咗雞翼、蘿蔔、流心蛋。 雞翼有少少甜味，類似鹵水。蘿蔔浸得幾冧，吸晒湯嘅味道。 冇諗過車仔麵有得食流心蛋， 可惜我食嗰唔係特別流心。.🐷 韭菜豬紅 HK$20豬紅加沙嗲好match，特別香。原本以為豬紅好多，點知係韭菜超多，都係豬紅下面 🙃.🍶 樽仔奶茶 HK$17味道有啲似太興奶茶，但味道無咁甜。豬紅好多，點知係韭菜超多，都係豬紅下面 🙃.🍶 樽仔奶茶 HK$17味道有啲似太興奶茶，但味道無咁甜。

永年士多黎自元朗，佢話50多年既味道，今次開到黎銅鑼灣，約埋老友去試下佢啦！一入門口就要點餐先，最低消費3個餸$43，都係最基本個啲車仔麵餸咁 。每人點左一碗三餸麵，野飲唔覺有咩特別無叫到。入面環境唔大，如果人多啲都已經排哂出門口，點完餐就自己拎左單去前面等攞麵，係無送餐服務的。都係個句，如果人多就會塞哂係度唔知做咩喇。環境細仲要塞哂啲人係度。朋友點左豬腸，豬紅，牛根米，少少辣。👇🏻正常車仔麵，湯底味道偏甜，有跟一條菜芯。我叫左豬紅，蘿蔔，流心蛋米。👇🏻流心蛋係推介菜式之一，馬上咬一口先，説好的流心呢.....🤢🤢🤢🤢？？心無流過算數，你推介得我又以為隻蛋仲有咩花臣野，比如浸過係有味既，但係我一廂情願諗多左，佢只不過係白烚蛋一隻.....蘿蔔好甜好食的。米粉硬左啲啲。試過就好，要食車仔麵仲有好多選擇的。

一路經過都想嚟試下，但係成日都見到好多人，終於今次唔洗等位就入去試吓。叫咗三餸韮菜餃丶蘿蔔同魚皮餃油麵（叫錯啦，我想食粗麵，但我成日唔識分油麵同粗麵有咩分別，不過油麵都好食。），再加個抹茶紅豆冰。先講湯底，第一啖飲，有啲似岀前一丁味，好重味精嘅感覺，飲多幾啖先覺得順口啲，都幾濃味。油麵煮得啱啱好，幾好食，雖然我食得好慢，但都無腍pat pat 嘅感覺，另外送咗兩條菜，係幾新鮮，睇相色澤都唔差。料嘅話就淨係得蘿蔔有驚喜，好入味，又甜又腍，好食，魚皮餃就無特別，同屋企自己整嘅一樣，甚至屋企買好少少嘅魚皮餃會再好食啲添。想講吓個韮菜餃，好難食，係我呢一年食得咁難食嘅餃，唔知佢係邊到入貨，食落似灣仔碼頭，但真係好難食，未食個皮已經穿咗，食落餡少，皮係薄，但餃子皮要咁薄做乜呀，雲吞呀？ 完全無咗皮應該有呢in un 度，FAIL. 真係太難食，好彩我地share 咗一人一舊，我只需要食一次。🤮結論係，食物好參差，得蘿蔔食得過，咁就$5x 蚊，好貴，仲有杯抹茶紅豆冰，無抹茶味，紅豆又唔好食，杯嘢個味都唔夾嘅，不了。我就覺得唔抵，食一次就夠了。

永年士多第一次食呢間來自元朗嘅人氣車仔面🧚🏻‍♀️環境唔錯😊有我喜歡嘅吧枱👍🏻-要試梗係試人氣美食啦💜👅多士餐最最想試永年嘅多士，我揀左咖央多鬆軟嘅飽，烘得岩岩好咖央味道唔錯☺️套餐揀左樽裝奶茶，方便我飲唔唒拎走😂味道中規中矩，較淡身☘️👅抹茶紅豆冰估唔到紅豆份量係咁多😮抹茶對我黎講係好淡🧐飲唔到茶味🥺有機會都想試下奶茶紅豆冰😌-呢餐雖然無乜驚喜，但價錢合理，質素合格，一試無妨✅

永年係銅鑼灣開左！拿拿聲去食先！(唔記得影低餐牌) 價錢都幾大眾化，$43 有3個餸，份量都好多，不過對男仔黎講可能就未必夠飽！另外3個淨餸就三十幾蚊有交易啦，係銅鑼灣黎講都算係平靚正之選😍😋豬紅同豬皮好入味，豬紅唔會一夾就散，牛肚都彈牙，其他餸: 豬大腸，豆卜同魚皮餃就中規中矩，無咩特別啦😋麵底我地一個叫左粗麵一個叫左油麵，粗麵份量好多，唔知係我食得慢漲左定本身就好多，最後食唔晒😂我自己覺得佢d車仔麵餸比較出色！

Tea time 行過銅鑼灣，知道開咗永年士多，決定走過去試下。佢哋唔係劃紙仔，係直接喺收銀機落order，再行去櫃台拎，如果一個人lunch time 嚟食，要拎完麵再搵位可能會比較麻煩。價錢方面，呢道似乎貴過元朗，不過呢道係銅鑼灣，價錢已經算係好經濟。由於大腸豬紅係至愛，所以必點...... 另外加咗銅鑼灣兩間老字號車仔麵冇嘅流心蛋。因為佢哋辣出名，所以加咗辣再加冷泡苿莉綠茶解辣。佢哋出個麵時，本身跟咗兩條菜心，好似3餸嘅價錢有4餸咁... 感覺抵咗。啲餸大腸入味，豬紅夠滑，而流心蛋都有水準，蛋黃溝埋啲辣汁沾埋啲麵食.... 正！至於支冷泡茶，唔係我杯茶... 茶味淡又冇苿莉味，下次都係揀凍檸茶隱陣。永年可能係新裝修，又係新一代接手，環境、模式比另外兩間老字號舒適新穎，但重要嘅係... 味道有得揮，所以得閒想嚟試埋個多士同埋其他餸。

銅鑼灣近來新開了數間車仔麵店,這間是其中之一每次行過都好多人排隊,今晚較夜收工,行過見無人,所以入去但是,不明白為何叫"士多"?都係個句,現在的車仔麵店太光鮮乾淨,失去以往的特色.今次在這裡要了:油麵+尤魚+蘿葡+魚皮餃再配了一杯很特色的:紅豆奶茶冰店要先排隊付費,店員在付款時禮貌地問:要不要辣?付費後就等叫號碼,可能人不多,不需等太耐.麵到了,味道很淡,本以為枱面有辣油,原來沒有.問職員,可以去廚房加辣.怪不得,付費時職員先問.加辣的是沙嗲醬,不是辣油.加了好味很多.麵和配料不過不失.值得一提是蘿葡,帶點辣味,應該是處理過,值得一試另外,就是紅豆奶茶,味道好特別,可以一試.店面光鮮,價錢不便宜,可能是大勢所趨最後,要談一談,枱面有一個牌,鼓勵客人打卡和在內地的"大眾點評"寫該店的食評,可以獲贈飲品一枝.嗯,在香港的店去內地的應用程式寫食評,該店的定位和對象是誰,由此可見.我,就會選在OPEN RICE寫了,方便簡單直接.

加入左永年之後，我覺得依條街開始更似粉麵街，因為有傳統米粉、有米線、車仔麵等。今日去左間新開既粉麵店去試車仔麵。呢一間粉麵店之前係電視見過，吸引左我起試下香港原味道。入到店舖，燈光明亮光猛，座位多但較細小。踏入門口枱頭會見到電子餐牌，做法有點自助形式，自己買完，等叫號碼自取。我一行兩人，叫左一碗大碗麵、一碗淨餸、咖央多士、熱檸水。大碗麵配料非常多，有豬腸、豬皮、豬紅、蘿蔔、魚蛋、雞翼、雞翼尖、紅腸、魷魚、菜芯。每款都有2至3件，有些款式亦都超過。如果有選擇困難症既話，依款真係唔錯既選擇。餸既味道唔錯，預先做好功夫，因為每款都入味，食完後有點口 口渴，而麵類今次選擇左幼麵，幼麵放咗一段時間，竟然冇水到發脹情況，但麵質算可以。最後，我選擇左少辣，辣味特別，唔似街食開果類型。另外，我朋友仔只選擇叫餸，比我唔同既只係流心蛋。流心蛋流唔曬，但食到鹵水味。咖央多士：實在太少餐廳有依個多士，如果多士再香口啲會更好。

兩個星期食左四次永年，包括外賣速遞同堂食，再食多幾次都唔悶。我分別試左豬皮、流心蛋、牛筋、雞冀、豆腐卷，又有食過粗麵，米粉同油麵，始終最好食係油麵，同個辣汁超夾，堂食重食埋多士，好肥但好好味。我重試晒樽仔奶茶，冷泡鳥龍同冷泡茉莉，三款都唔錯，冷泡茶重可以飲完自己沖多次都重有味。最最最重要係個湯底，清甜無味精，強烈建議分湯上，甘先飲到原汁原味既湯

永年車仔麵一直口碑載道，現在殺出元朗於銅鑼灣開分店，實在沒有不試的理由。雖然名氣大，但價錢相宜。三餸一麵$43，加餸每樣$8；淨餸三款$37，加餸每款$9。裝潢設計摩登簡約，營造出時尚清新感覺。用餐環境舒適，一反傳統車仔麵給人擠迫簡陋的感覺。服務形式方面採用半自助，先到收銀處點餐畀錢。再到出餐處排隊取食物。三餸一烏冬 ($45)點了雞翼、豬腸及貢丸。雞翼嫩滑、豬腸肥瘦適中，十分入味、貢丸彈牙；湯底惹味之極，整個車仔麵風味一絕，美味可口，確實不錯！班蘭咖央多士 ($16)咖央份量少，而且班蘭味不突出，有點失望。

睇完3小時復仇者聯盟4，已經下午茶時光😂不用排隊，直入光猛、企理的車仔麵😍未試過他其他分店，但見到三間亦有好多好評大腸入味、白蘿蔔亦好味，加埋抹茶紅豆冰$58，不便宜，但值得一試

永年士多一直都知道係元朗好出名, 但由於一直未有機會試下佢個車仔麵但最近發現銅鑼灣開咗分店但一直都見好多人食, 唯有搵日再黎試啦永年士多地方都算大,可以坐約50人麵底同埋餸都好多選擇而這裡沒有車仔麵紙，餐牌都已在收銀處展示了三餸麵套餐 $43 加餸 $9/款大碗麵套餐 $67 (包括十款餸)粉麵類 - 油麵，粗麵，幼麵，米粉（河粉，烏冬另加2元）經典類 - 豬腸，豬紅，豬皮，蘿蔔，魚旦，魷魚，牛柏葉，牛肚，牛筋，雞翼尖，雞翼素菜類 - 時菜，冬菇，紫菜，豆卜，山根，枝竹球小食類流 - 流心蛋，紅腸，芝士腸，腸仔，牛丸，鳳爪，魚皮餃，韮菜餃，炸魚皮，蟹籽丸，貢丸，芝心丸，魚丸款式都非常之多，可供選擇我就選擇了豬腸牛肚流心蛋烏冬豬腸一點羶味都波有，帶點嚼勁，脂肪肥美，而牛肚亦炆得很入味，很腍身。而湯底味道比較清甜。另外可以免費揀他們的秘製辣汁，分勁，大，中，細及微辣。流心蛋 - 現在很少車仔麵店提供了，一咬開便有流心蛋漿流出來，食落非常軟滑咖央多士 - $16多士切成小方塊，入口鬆脆，軟滑牛油帶點咖央，味道都唔錯, 餡料都幾多下

終於有機會試「永年士多」(銅鑼灣分店) 老老實實 真係唔係其他人講到咁好食 我嗰碗三餸車仔麵 (HKD45, 凍柚子蜜 HKD15) - 魚蛋 豆卜 流心蛋 烏冬 永年辣汁已經叫咗小辣 但依然辣到飛起 (坐我隔離位個女仔話小辣都已經咁辣 中辣會係辣成點呢 到最後佢食咗少少都冇再食啦 話太辣) 對我嚟講 湯底係淡而無味 將個辣汁同啲湯混埋一齊嘅時候就得個辣字😨 魚蛋一點都唔爽口 冇乜味道 流心蛋一啲都唔流心⠀⠀⠀⠀⠀⠀⠀⠀⠀我啊媽食嘅「大碗麵」 (HKD67, 熱檸水 HKD12) - 豬腸 魚蛋 蘿蔔 豬紅 豬皮 雞翼 雞翼尖 魷魚 菜 紅腸 聽佢講餸就夠多啦 但味道太辣 (佢都係叫小辣啊) 就算啲餸整得有幾好食都冇用

朋友話睇電視開左新車仔麵想去試下我見到好耐冇食車仔麵就去啦食左一啖食左一啖麵已經即刻要補翻買罐汽水邊飲邊食😣😣😣 個湯底甜到阿媽唔認得，唔知以為自己去咗滿記，勁濃味勁味精, 平時我食粉麵係唔需要飲嘢我今晚食兩啖麵就要飲一啖汽水湯底：三餸：雞翼太濃味 豬紅叫做最好食 豬皮又係太甜麵底 ： 叫咗油麵叫做最正常OK忍唔住即刻上網睇食評，點解會有咁多人話好食？？乜香港人咁鍾意食味精架咩？我本身唔係食家所以我覺得平時啲車仔麵一般都唔會太難食，正正常常OK唔太貴就可以佢三餸麵$43唔算貴不過真係食第一啖已經好難忘.....唔會有下次

今日下午到銅鑼灣開會， 落雨濕濕又到午飯時間立即衝入去永年食番碗車仔麵！ 這裏長期都有很多客人， 好彩畀我搵到個位！ 點了兩碗五餸車仔麵，油麵，豬皮，雞翼，韭菜餃，蟹丸，牛筋 ＆ 粗麵，豬腸，豬紅，魚蛋，流心蛋，冬菇。 飲品有奶茶紅豆冰和抹茶紅豆冰。我食粗麵加豬腸，豬紅，魚蛋，流心蛋，冬菇， 豬腸豬紅好入味， 魚蛋細細粒但係好彈牙， 冬菇大大粒好煙韌。另外一碗油麵加豬皮，雞翼，韭菜餃，蟹丸，牛筋， 豬皮和牛筋又淋又入味， 雞翼有兩隻， 韭菜餃和蟹遠都唔錯。還有兩杯飲品抹茶紅豆冰和奶茶紅豆冰， 如果喜歡抹茶的人可以試下抹茶紅豆冰， 但我就比較喜歡奶茶紅豆冰，個人感覺覺得奶茶和紅豆的味道比較夾。